بديلكم منو .. عايز أسماء (لو أمكن)

وياريت لو في صور برضو مع الأسماء

حرّم تقنعوني بي بديل (ناجع) بكره دي تلقوني في الشارع مع الاولاد ديل

أطلع ساي يا محمد

أي صورة من صور المظاهرات دي بتلقى فيها بديل

الشعب السوداني كلو بديل

اووووووو
ابو الريش قالليك مركب مكنة مصطفى محمود
كلام جميل ياحبيب
عشان نرتاح منك زاتو

ياحمد
ناس المظاهرات ديل اغلبهم شباب صغار دون الـ18
بالقانون كده مابنفعوا كبديل
أها غيرو

Quote: حرّم تقنعوني بي بديل (ناجع) بكره دي تلقوني في الشارع مع الاولاد ديل

انا ده البديل ..
قول عندك شك في نجاعتي ؟!!!

اها ورينا صورتك عشان نقدر نعرف انك فعلا نزلت الشارع...

Quote: انا ده البديل .. قول عندك شك في نجاعتي ؟!!!

ياراجل
إنت بالذات مستحيل اقتنع بيك
معقوله بس

إنت يا الغبيان مفتكر إنو سوالك ده تعسفي ؟!

أولا عصابة الحكومة ديل حرامية وناهبيين البلد ونظامم فاسد ومنبوذ دوليا ومعزول (يعني ما نافعين) , بعدين يا منافق إنت , هل ربنا أمرك إنك تخلي الحرامي يمرح وياخد حقك ؟؟ البديل نحنا ديل كشباب أو إنت .. الشرطة و الجيش كلهم حا يقيفوا معانا وبالسلاح حا يحموا الثورة المشتعلة الآن , البديل بعدين بنختاروا بي مزاجنا لكين الحرامية ديل لايوجد لهم مكانا بيننا . و الشعب يردي إسقاط هذا النظام الفاسد .

سؤال غبي جدا
مين كان بعرف البشير قبل انقلابه المشؤوم؟
مين كان بعرف عبود؟
مين كان بعرف معمر القذافي؟
مين كان بعرف السادات؟
مين كان بعرف هتلر, موسليني , بلير, تشاوسسكو, صدلم حسين,وكل الاسماء الحفظناها دي ؟

انحنا لازم يعني نخضع لسلطة القائد الاوحد؟
لمتين نتعلم انو عندنا احزاب وطنية همها السودان وشعب السودان؟
تكون عندنا دولة مؤسسات لاترتهن لحزب او عسكر
دولة قانون وقضاء عادل

اليذهب بديلك ومؤتمره الوطني الى الحجيم واليذهب معهم كل من ناصرهم
الشعب يريد التغيير يريد ايدي نظيفة غير ملوثة بدم الابرياء والشهداء وغير ملوثة بسرقة قوت الشعب
ايي بدل من شرفاء السودان اشرف من هذا النظام الفاسد

البوست دا عجبني حاجي امدد اقامتي فيهو باذن الله اديني دقايق وراجع باذن الله

قريب المتين نفر دخلوا
ولحدي حسي زول كده ربنا انعم عليهو يجيب على السؤال ده مافي
معقوله السؤال صعب للدرجه دي

Quote: حرّم

بقيت تحرم !

اين مؤوناتك من الود التي كنت توزعها ؟

ثم ثانياً إنت ليه بتفترض إنو السودان لا توجد به عقول وكفاءات تصلح لإدارة البلد ؟

دي حكومة لا تصلح لإدارة كنتين

أتفق مع دكتور مصطفي

التجاهل التجاهل التجاهل

انت قايل يعني سؤالك صعب يا فرح
ابدا
انا اديك اسم
ابليس

لانو اطهر منكم

الشيطان الرجيم

البلد مليانة يا محمد فرح مليانة، بس ما بتشوفوهم
ونهاية الحكومة بيدها ان شاءالله لأنها تملك هذه العقلية المتكبرة

انت قايل الشباب ديل بعرفو ليك أحزاب؟!

الشعب الهادر كالأمواج

الشعب القام كتاحة عجاج

يسقيكم ذل وملح أجاج

إبراهيــــــــــــــــــــــم حسبــــــــــــــــــــــــــــــــــو

هذه هى عقلية الكيزان
الم اقل لكم ليس هناك كوز الا ويكون حوله الف علامة استفاهم


يعنى انت اسع ما شايف فى السودان الكبير دا غير البشير يستحق يكون رئيس ؟؟
وبعدين انت مين قال ليك الناس دى قايمة عشان منصب الرئيس
الناس دى يا مقرف قايمة عشان نظام كامل يتسم بالديكتاتورية والفساد والاجرام
الناس دى عايزة تعيش حرية وعدالة مش عايزة تحدد رئيس او تغير رئيس
بالله رد على السؤال البسيط :
انت كنت عارف البشير دا قبلما يجى ناطى بانقلاب ؟؟

سوالك ما زي رد عليك احد الاخوان فوق سؤال غبي لكن سؤال انا بعتبره ذكي جدا لانك هيأت الناس لطريقة الرد , وفي ناس انساقوا معاك حينما طلبت اسماء وصور وافراد بعينهم , ومداخلتك الاستباقية التانية البتقول فيها يا محمد فرح انه السوال صعب دليل علي انه السؤال اصلا قصد من التوريط في الاجابة , برغم ذلك الا ان الاجابة من السهولة بمكان وانت تعلمها جيدا قبل سؤالك حتي .
الناس الان ما عندها مشكلة شخصية مع " ذات" عمر البشير كحاكم للسودان وما طلعت عشان ازاحة البشير في نفسه , الناس المرقها الجوع والعوز والفقر والفاقة وضنك الحال طلعت من اجل تغير نظام حكم كااامل للبلاد , الناس بتتظاهر من اجل تغير نظام حكم دولة نظام شمولي ذي ما بيقولوا نظام الحزب الواحد , لو كانت المشكلة في شخص عمر البشير وفقط يصح سؤالك بهذه الطريقة , لكن المشكلة ما في عمر البشير وبس المشكلة في نظام عمر البشير الحاكم , المشكلة بقت في ثورة الانقاذ والمؤتمر الوطني , افراد ومنسوبي ثورة الانقاذ في خير حال يتمتعون بخواص الحكم من سلطة وثروة وبقية الشعب يعاني الضنك والعوز والفقر , افراد النظام يشيدون العمارات والبيوت ويمتلكون الاراضي والاعمال والشركات وبقية الشعب لا تملك حق الايجار وحتي المهاية علي قلتها لا تكفي الاسبوع الاول من كل شهر , غلاء مستعر لا يستطيع المواطن الحياة معه , لذا المواطن الذي خرج يبحث عن التغير لن يبحث عن قوت يومه ويكتفي , كان هذا المواطن يغض الطرف عن الخروج للشارع من قبل ويتحمل بقاء النظام برغم انعدام الحريات وانفراد حزب واحد بالحكم ايام كان يجد قوت يومه لكن الان لا قوت يوم ولا حرية ولا متنفس اذن سيخرج المواطن من اجل هذه الاشياء مجتمعة , من اجل قوته اولا ومن اجل حريته وعدم انفراد الموتمر وحيدا بحكم البلاد , لذا المواطن سيبحث عن الحرية والديموقراطية , عن حاكم يستطيع محاكمته ومراجعته وتصويبه عن حاكم يختاره بنفسه عن مسؤل يستطيع ان يقول له لا حينما يفسد يسطيع ان ان يحاسبه في كل خطوة وهو علي السلطة ,
نظام الحكم فاقد الان للاصدقاء , نظام مبغوض اقليميا ودوليا , لا احد يمد له يد العون من اجل مواطنه , اذن سيبحث المواطن عن نظام علي الاقل يقبل دوليا واقليميا , نظام يستطيع اعادة العلاقات التي افسدها هذا النظام مع الاصدقاء , قبل الاعداء , نظام يجد العون عن الحاجة الي الاخرين , نظام يستطيع توقيع اتفاقيات يعجز هذا النظام عن توقيعها , تحفظ له ماء وجهه وتسد رمقه و تجعله يجد قوت يومه وصحة اسرته
فهذا النظام فشل في ايجاد هذه الاساسيات , وليس لديه حل حتي يطرحه , وما تمخض عنه من حلول كانت بالمزيد في البحث عن الحلول في جيب المواطن الاصلن جيبو مقدود , لذا ما حاجة هذا المواطن لهذا النظام ؟ فاي حكومة تاتي ديموقراطية يختارها المواطن بنفسه جديرة بان تكون بديلا افضل من هذا النظام , من قبل كان هذا النظام افضل السيئين كما يقال ولكن الان اضحي هذا النظام اسوأ السيئين فما يختار الاسوأ؟

يا أحمد بشير
حتة إنو الحكومة حراميه وبتاع ده موضوع تاني
بعد الشرطة والجيش يحموا ثورتكم وتنجح والصفافير والزيطه والزمبليطه تنتهي الحيجي يحكم البلد منو ؟؟؟!!!!!
وللا دايره تكون سايبه سااااي واي زول يسرح ويمرح زي ماهو عايز وبدل نتقدم نرجع خمسمية سنه لي ورا

النماذج هي س ابقى مارق يا الحبيب :
1/ كل من لم يقتل سوداني بقوة السلطة وحماية التزوير .
2/ كل من لم يستبيح دم الشعب .
3/ كل من لم يسرق اموال الاطفال في المستشفيات .
4/ كل من لم يصادر حق الشعب .
5/ كل من لم تمتد يده لتعذيب او ضرب او سحل ابناء الشعب.
6/ كل من لم يستبيح المال العام بإسم الحزب والدولة ويحول البلاد لملكية خاصة.
7/ كل من لم يغتني بتحويل اموال الشعب وحليب الاطفال ودواهم ال عمارات ونساء وفساد.



ازيدك واللا كفاية وهؤلاء هموا الغالبية الغالبة يا محمد فرح , اخبار الاكسنت العمولة شنو ؟؟؟ يالص .




.................................................................................................................................حجر.

Quote: النماذج هي س ابقى مارق يا الحبيب : 1/ كل من لم يقتل سوداني بقوة السلطة وحماية التزوير . 2/ كل من لم يستبيح دم الشعب . 3/ كل من لم يسرق اموال الاطفال في المستشفيات . 4/ كل من لم يصادر حق الشعب . 5/ كل من لم تمتد يده لتعذيب او ضرب او سحل ابناء الشعب. 6/ كل من لم يستبيح المال العام بإسم الحزب والدولة ويحول البلاد لملكية خاصة. 7/ كل من لم يغتني بتحويل اموال الشعب وحليب الاطفال ودواهم ال عمارات ونساء وفساد.

يالرفاعى انت كمان ما تبالغ
هو لو بيفهم كلام زى كلامك دا كان بقى كوز ؟؟

اذن الثورة نجحت وانعصرتو يا ابالسة قرب يومكم
انتقلنا من ما في زول حيطلع والشعب كلو مع الحكومة
الى سؤال بديلكم منو ابقى معناها زيتكم طالع
كويس بشرتنا اول مرة الواحد يلقى منكم حاجة كويسة
الشفع ديل وروكم الويل خلوكم تجقلبو
لسه الغريق ورا ردفوا بس والله الا تهرو في لباساتكم if any

Quote: Quote: انا ده البديل .. قول عندك شك في نجاعتي ؟!!! ياراجل إنت بالذات مستحيل اقتنع بيك معقوله بس

مالي ؟!!
معرس مرتين وماعندي مشكلة ماتقتنع بي كيف ؟!!!

Quote: يالرفاعى انت كمان ما تبالغ هو لو بيفهم كلام زى كلامك دا كان بقى كوز ؟؟

تعرف ياهشام مشكلة امثال الانتهازي محمد فرح هو اسوأ من الكوز
لانه انتهازي وحرامي سرق من اموال اعادة تأهيل دار الوثائق ومن
ثم انضم للتطبيل وتحول بقدرة الفساد الى طبال كبير ومخيف للموظفين
لعنة الله على اللصوص .





.........................................................................................حجر.

محاولات تشتيت وكدا؟؟؟؟
ما في مانع
لو داير أسامي أحسب ليك مية
ناس قرينا معاهم
ناس إشتغلنا معاهم
وناس سمعناهم بيتكلمواط
وناس قرينا ليهم

بس دا ما المهم

دايرين نسقط الديكتاتورية
(لأنه الديكتاتور يحكمنا غصبا عنا)
وبدل الديكتاتورية نجيب ديمقراطية
ونختار رئيسنا بمزاجنا
(كما فعل إخوتنا المصريين)

كان فهمت الدرس دا
يدك معانا نسقط الديكتاتورية
ولو ساهمت في هذا المشروع
وسقطت الديكتاتورية
وإترشحت إنت
من هسع أقول ليك أنا أول زول يديك صوته

قلت شنو؟

Quote: حتة إنو الحكومة حراميه وبتاع ده موضوع تاني

ورأيك بكون شنو لو قلنا ليك ده الموضوع الأساسي..
وسبب الهيجة والجوطة دي كلها عشان قروش البلد منهوبة.. وبحماية القانون كمان..
النهب ده بتمثل في الاحتكار.. والتمييز في الوظائف.. والاعفاءات الجمركية..
السرقة دي إلا الواحد ينط الحيطة يعني؟

بختك يا محمد شبح

كل هذه المداخلات النيرة من اجل شخص في الاصل هو شبح
غير موجود في هذا الكون

البديل هو اي سوداني مؤمن بالديمقراطية والحرية والعدالة قولاًً وفعلا ..اي سوداني لم يسرق ..لم ينهب ..لم يقتل.. لم يفسد مستغلا منصبه
واي من هولاء لن يحكم الا برضاء أهل السودان عبر صناديق الانتخاب الحرة النزيهة وليس عبر فوهة البندقية والشرعية الزائفة عبر
صناديق الخج والتزوير ..
هذا هو البديل وكما قال لك احد الاخوان اي بديل لمن يحكمونا الان سيكون ملاكا مقارنة بهم ..

مافي بديل, فـ أقعد محلك

Quote: ولو أرادوا الخروج لأعدوا له عدة ولكن كره الله انبعاثهم فثبطهم وقيل اقعدوا مع القاعدين ( 46 ) لو خرجوا فيكم ما زادوكم إلا خبالا ولأوضعوا خلالكم يبغونكم الفتنة وفيكم سماعون لهم والله عليم بالظالمين ( 47 ) التوبة

!

Quote: امثال الانتهازي محمد فرح هو اسوأ من الكوز لانه انتهازي وحرامي سرق من اموال اعادة تأهيل دار الوثائق

ما سمعت لي زول كان في دار الوثائق وجهلول ذي دا...

و علي سيرة الوثائق,ما قت لي رايك في الوثيقة دي:

http://http://www.sudaneseonline.com/cgi-bin/...&msg=1340322826&rn=3