اعتقال د. صيدلي عبد الرحمن ابراهيم

عبد الرحمن ابراهيم محمد حمدان نهائي صيدلة جامعة الخرطوم اعتقل عند خروجه من صلاة الجمعه بمدينة الازهري

ما بحلكم
عبو الزنازين والسجون
ما نحن في قلب الشوارع
نفس الشوارع
بكرة تشهد ذلكم
ما بحلكم
ما بكرة في يوم القيامة
قبل القيامة تهلكم
نشوف سود لون الوشوش
كان بتنعم في نعيم مالنا وعرقنا
وحقنا
مابحلكم
كانت تدخلو كل البيوت
وتضربو الشفع
وتعتقلو الرجال بي سونكي
او نبوت
ما بحلكم
بقيتو في امرا عسير
خايفين اكيد من ضلكم
ما نحن في قلب الشوارع
من كل فج
من البيوت الضامرة جوع
من الحقيقة الكامنة في جوة الجوامع
من المدارس
نحن مارقين
لابنخاف سطوة رجالكم
لا المدافع
وما بحلكم