Post: #1
Title: عصيان مدنى شامل غدا الاحد 24 يونيو 2012
Author: النصرى أمين
Date: 06-23-2012, 11:48 PM
Parent: #0
الدعوة طلعت فى تويتر وانتشرت كالنار فى الهشيم
|
Post: #2
Title: Re: عصيان مدنى شامل غدا الاحد 24 يونيو 2012
Author: الامين محمد علي
Date: 06-23-2012, 11:59 PM
اعتقد انها خطوه مستعجله
والثوره في مراحلها الاولى يجب ان تتفادي الدخول في معارك خاسره
اذ انه من المعلوم ماذا فعلت الانقاذ باجهزة الدوله. من خلال اداة التمكين .مما يجعل العصيان المدني خطوه صعبه ان لم تكن مستحيله
على الاقل في الوقت الراهن...
شكرا اخ النصري
|
Post: #3
Title: Re: عصيان مدنى شامل غدا الاحد 24 يونيو 2012
Author: وليد محمد المبارك
Date: 06-24-2012, 00:05 AM
Parent: #2
خطوة مستعجلة جدا
لسع المظاهرات ما استقرت
وصدقني يالنصري اخبار المظاهرات في انت اكبر من اخبارها على الواقع
نعم في مظاهرات في كل المناطق تقريبا
وماشة متصاعدة بوتيرة سريعة
لكنها ما حصلت مرحلة العصيان المدني
العصيان المدني ده بعد ما تبقى المظاهرات عادة يومية صباح ومسى
اعتقد انو الدعوه الغرض منها السبق الثوري لا اكتر ولا اقل
الصبر يا اهلنا الصبر
|
Post: #4
Title: Re: عصيان مدنى شامل غدا الاحد 24 يونيو 2012
Author: النصرى أمين
Date: 06-24-2012, 00:11 AM
Parent: #3
سلام يا الامين ووليد
الدعوة لتظاهرات جمعة الكتاحة ظهرت فى النت قبل ساعات من حدوثها مما اربك
الجهات الامنبة...
الحاجة التانية اكتر ناس مظلمومين فى السودان هم اصحاب المواهى الثابتة(مرتبات)
هؤلاء ستطحنهم موجة الغلاء و اظنهم مستعدين للتعبير عن الضيق الذى يمرون به...
على كل ننتظر ونشوف دور الانترنت فى تحريك الشارع
|
Post: #5
Title: Re: عصيان مدنى شامل غدا الاحد 24 يونيو 2012
Author: وليد محمد المبارك
Date: 06-24-2012, 00:17 AM
Parent: #4
طبعا يالنصري
اكر فئات الشعب السوداني متابعة للانترنت هم موظفي الدولة
ما عندنا اي شغلة بعد تفريغ دور الجهات الحكومية غير اننا ندخل النت دي
اها الكلام ده بكون في المكاتب قله من يدخلون من بيوتهم
انا موظف
وساكي الثورة دي لي تلاته يوم على ارض الواقع
بقول ليك الكلام ده لسع بدري عليه
ثم ثانيا
بالمناسبة توتر وجوده في السودان ضعيف جدا جدا
البعرفوه ذاتهم حبه
سيد الساحة الفيس بوك
ركز معاه وشيل اخبارك من هناك
ناس توتر ديل بكون اغلبهم من عنديكم
|
Post: #7
Title: Re: عصيان مدنى شامل غدا الاحد 24 يونيو 2012
Author: النصرى أمين
Date: 06-24-2012, 00:23 AM
Parent: #5
| Quote: ناس توتر ديل بكون اغلبهم من عنديكم |
ما عارف يا وليد لكن انا شخصبا متابع المظاهرات دى اول باول واحتمال
احسن منك والسبب تويتر .. الاخبار طازجة من الشارع وباختصار شديد...
الفيس بووك ممفيد لتبادل الاخبار لكنه ليس عملى وفعال فى متابعة الاخبار
المستعجلة والمتغيرة بسرعة شديدة .....
تعال بهناك وحتامن
|
Post: #10
Title: Re: عصيان مدنى شامل غدا الاحد 24 يونيو 2012
Author: وليد محمد المبارك
Date: 06-24-2012, 00:29 AM
Parent: #7
كويس جاي عليكم بهناك
|
Post: #9
Title: Re: عصيان مدنى شامل غدا الاحد 24 يونيو 2012
Author: Elbagir Osman
Date: 06-24-2012, 00:27 AM
Parent: #5
العزيز النصري
أومن مثلك بضرورة إعلان العصيان المدني والإضراب السياسي
ولكن هنالك خبرات متراكمة حول قرار تاريخي كهذا
فهو لا ينبني على تقديرات القيادة وحدها
وإنما الFEED BACK من القواعد والقيادات الدنيا حول مدى استعداد
العاملين للتنفيذ بنجاح
وهو طبعا لا يعلنه حزب واحد وإنما تجمع كل القوى السياسية
حكى لي مرة النقابي الشهيد محجوب سيد أحمد أن التحضير لإضراب
أظنه سنة 1968 تحت قيادة الشفيع استغرق منهم سنة كاملة
كان الشفيع يرد القيادات النقابية التي تأتي معلنة استعدادها للإضراب
فيسألهم هل عقدتهم جمعيات عمومية ناقشت الإضراب وهل قرروا بأغلبية
ولا يقبل مشاركتهم قبل فعل ذلك
بالطبع يختلف الوضع الآن
ولكن مبدأ تقدير الموقف على أساس استعداد القواعد لا يسقط
مع انفتاحنا على أي مفاجأة سارة من وسائل الإتصال الحديث
والنصر للشعب السوداني
الباقر
|
Post: #6
Title: Re: عصيان مدنى شامل غدا الاحد 24 يونيو 2012
Author: Souad Taj-Elsir
Date: 06-24-2012, 00:22 AM
Parent: #4
خطوة مباركة فليس هناك وقت للإنتظار
مع هذه السلطة الدموية اليائسة،
العصيان المدني مناسب جداً الآن وهو أقوى سلاح
ويسدد الضربة القاضية لدكتاتورية الظلم والجوع.
سيروا وعين الله ترعاكم.
مباشر فوري: العصيان المدني الآن الضربة القاضية لنظام الظلم والجوع
|
Post: #8
Title: Re: عصيان مدنى شامل غدا الاحد 24 يونيو 2012
Author: لطفي علي لطفي
Date: 06-24-2012, 00:27 AM
Parent: #6
افتكر ده البجيب خبر الانقاذ وبأقل تكلفة وبدون اراقة دماء
|
Post: #11
Title: Re: عصيان مدنى شامل غدا الاحد 24 يونيو 2012
Author: النصرى أمين
Date: 06-24-2012, 00:35 AM
Parent: #8
سلام يا الباقر
حكى لي مرة النقابي الشهيد محجوب سيد أحمد أن التحضير لإضراب
أظنه سنة 1968 تحت قيادة الشفيع استغرق منهم سنة كاملة
يا الباقر شتان ما بين 1968 و 2012 ...معلومة واحدة ممكن تصل للملايين
من الفيس بوك وتويتر والفيدباك ممكن يتعرف فى نفس اللجظة ....
الزمن العشناهو نحن (انا وانت وبقية جيلنا) انتهى ..
الزمن ده زمن الاولاد الشباب ديل .. هم البحركو الامور وهم البحسمو
القرارات ....
اكتر حاحة نعملها اننا نتكهن ماهى خطوتهم التاليه ......
وبالمناسبة الوجود النسائى فى تويتر مبالغ فبه وهم اصحاب الحل والربط
|
Post: #12
Title: Re: عصيان مدنى شامل غدا الاحد 24 يونيو 2012
Author: وليد محمد المبارك
Date: 06-24-2012, 00:36 AM
Parent: #8
Quote: متابع المظاهرات دى اول باول واحتمال
احسن منك والسبب تويتر .. |
بكون انا زاتي اخبار المظاهرات دي غير حقت الثورة ما كنت عارفها الا وكت جيت راجع البيت من المظاهرات
المهم امبارح حصل لي موقف ظريف
طبعا المظاهرات قبل الجمعة ليها كم يوم بتمرق من جامعة الخرطوم
انا قلت خلاس الشغلانة دي حا تكون مهججة هناك
مشيت صليت الجمعة هنا في الجامع الواقع جنوب مطبعة جامعة الخرطوم مباشرة
وبعد داك قعدت لي في حجر مستني ومستني ومستني
هاهاهاهاهاهاهاهاهاهاهاهاهاها
في الاخر مشيت مكتب لينا قريب عرفت انها مدورة في امدرمان وحصلت يا الله يا الله
فعلا بتكونوا متابعنها وعارفين تفاصيل كل المناطق اكتر مننا
نحن عارفين خبر المظاهرات في المحل الساوينها فيه وبس
لحدي ما نجيكم هنا
|
Post: #13
Title: Re: عصيان مدنى شامل غدا الاحد 24 يونيو 2012
Author: النصرى أمين
Date: 06-24-2012, 00:39 AM
Parent: #12
سلام دكتورة سعاد
العصيان المدنى من ارقى انواع المقاومة السلمية
دعواتنا لشعبنا الابى بالعزة والكرامة
|
Post: #14
Title: Re: عصيان مدنى شامل غدا الاحد 24 يونيو 2012
Author: النصرى أمين
Date: 06-24-2012, 00:42 AM
Parent: #13
ياوليد والله مرات المظاهرة تكون يادوب بدات ..ناس الحلة لسه ما سمعو بيها
اكون انا عرفتها من بيتى فى كندا ....
قلت لى قعدت ليك فى حجر ومنتظر!!!!
والله ضحكت لمن اتخيلت منظرك ...
لو كما ن عندك جوال فيهو انترنت واشتركت فى تويتر تكون مبالغة عديل
حتامممممممممن عديل
|
Post: #15
Title: Re: عصيان مدنى شامل غدا الاحد 24 يونيو 2012
Author: Elbagir Osman
Date: 06-24-2012, 01:02 AM
Parent: #14
النصري
أتمنى أن يكون حدث تغير كبير في السودان منذ 68 حتى الآن
مما يجعل عدد وسائل الإتصال في يد الجماهير السودانية
يمكنهم من تسيير المظاهرات والعصيان بإيقاع القرن الحادي والعشري
الباقر
|
Post: #16
Title: Re: عصيان مدنى شامل غدا الاحد 24 يونيو 2012
Author: حسام يوسف
Date: 06-24-2012, 01:10 AM
Parent: #14
تسلم يا النصري ولك التحايا ولضيوفك
| Quote: إن اللاعنف هو أعظم قوة متوفرة للبشرية. إنها أقوى من أقوى سلاح دمار تم تصميمه ببراعة الإنسان *** غاندي |
ويا ريت يبداء عصيان مدني وتكون ثورة عارمة تزلزل اركان النظام بالكامل خلاص الناس تعبت 23 سنة يا اخي دي موبد
| Quote: افتكر ده البجيب خبر الانقاذ وبأقل تكلفة وبدون اراقة دماء |
|
Post: #17
Title: Re: عصيان مدنى شامل غدا الاحد 24 يونيو 2012
Author: عادل نجيلة
Date: 06-24-2012, 01:35 AM
Parent: #8
في أكتوبر 64 تم إعلان العصيان المدني بعد ثلاثة أيام من بدء التظاهرات
في أبريل 85 إندلعت التظاهرات في 26 مارس وتم تنفيذ العصيان المدني في يوم الأربعاء 3 أبريل 85 أي بعد ثمانية أيام وتم إعلانه بواسطة التجمع النقابي والذي تشكل في يوم 28 مارس 1985 بواسطة أربعة نقابات هي الأطباء والمهندسين والبنوك والتأمينات العامة ثم أتسعت العضوية في اليوم الأول من أبريل بدخول نقابة المحامين بواسطة المرحوم الأستاذ محمود حاج الشيخ ومصطفى عبدالقادر وأمين مكي مدني وعمر عبدالعاطي.. في يوم الخميس 5 أبريل إنضم للعصيان نقابة الإعلاميين بقيادة مرتضى الغالي ومصطفى أبوالعزائم ومؤمن الغالي وفتح الرحمن النحاس وطلحة الشفيع وتوفيق جاويش.. وفي نفس مساء اليوم أنضم ضباط الجمارك والعاملين بالطيران المدني للعصيان المدني وأيضآ الهيئة النقابية لسكة حديد الخرطوم ثم إنضمت سكة حديد عطبرة .. ثم جاء منشور الهيئة القضائية وأعلن إنضمامه للعصيان المدني ودعا جماهير الإنتفاضة بالزحف على القصر الجمهوري صباح السبت 6 أبريل وإنهاء سلطة مايو
هذا ماحدث من تضافر بين النقابات والهيئات أدى لأنجح عصيان مدني في العالم آنذاك كلل بسقوط نظام مايو الشرس وكانت الفترة الزمنية مابين بدء الثورة إلى سقوط مايو عشرة أيام فقط.
كانت الحكومة في عهد مايو المخدم الرئيسي في السودان وكانت 75% من نسبة العمالة في السودان آنذاك تتمثل في الحكومة .. والآن تمثل نسبة العاملين في القطاع الخاص تمثل 60% من جملة الإستخدام العام و20% شركات بتمويل حكومي و30% قطاع حكومي مباشر .. جيش شرطة أمن وزارات .. نأتي لتحليل نجاح عملية العصيان المدني الحالية ,,
|
Post: #18
Title: Re: عصيان مدنى شامل غدا الاحد 24 يونيو 2012
Author: عادل نجيلة
Date: 06-24-2012, 01:54 AM
Parent: #17
وظل الظروف الحالية والتي ذكرتها أعلاه فإن ظروف نجاح العصيان المدني الآن كبيرة ومواتية .. أولآ وجود تظاهرات يوميآ وفي الشوارع الرئيسية يؤدي بالتأكيد إلى تأثر أنسياب المواصلات بصورة طبيعية ..
ثانيآ الرغبة القوية لدى الغالبية لتغيير النظام الحالي وفقدان الثقة في عملية إصلاح حقيقي يعود بالنفع للشعب.
أهم خطوة لنجاح العصيان المدني وجود هيئة محددة تكون مسئولة عن تنسيق وتنظيم العصيان المدني وتكون من الأشخاص العاملين الآن في القطاعات المختلفة
وذو تأثير على زملائهم ومصدر ثقتهم. وهذا يشمل القطاعين الخاص والعام.
|
Post: #19
Title: Re: عصيان مدنى شامل غدا الاحد 24 يونيو 2012
Author: Elbagir Osman
Date: 06-24-2012, 02:10 AM
Parent: #18
من أهم شروطه
وجود هيئة تجمع تنظيمات المعارضة
ويؤدها الناس
تكون موجودة بينهم
وقادرة على تسلم السلطة من الحاكم المنتهي
هذه الصفات توفرت في جبهة الهيئات في أكتوبر
وفي التجمع النقابي والوطني في أبريل
ربما كانت قيادة التويتر إحدى مشاكل الثورة المصرية
التي لم تبرز قيادة موحدة لتسلم السلطة
فاستلمها العسكر
ولا نريد ذلك أن يحدث هنا
الباقر
|
|