تلفزيون الطراطير .... ورضا والامبراطور

الطراطير ديل نحنا طبعا
بناحول بقدر الامكان نشوف تلفزيون السودان اخبارو شنو والحاصل
شنو على الاقل فيهو ريحة الناس المليانه عذاب وجري
وراء لقمة العيش ..
هسه في زمتكم يجينا رضا وفيصل سيحه ويصنفوا نفسهم خبراء تحكيم
ويملونا رجه وتعب قلب اكثر من الفينا
من الطرائف واحد من الخبراء في الحلقه مع فيصل سيحه عندما اختلفوا قال لي رضاء ياخي ما ترسل للفيفا
عشان يدوك الاجابه الصحيحه لو رسلت ليهم قال بضحكوا فينا
معقول دي ناس عندها علاقة بالتحكيم غايتو ذكروني قصة واحد صاحبي
قاضي جانا هنا زياره في السعوديه وراكب مع محامي
شرطي المرور اوقفهم وقال لصحابي مخالفة عدم ربط حزام طبعا اصحابي استنكروا الشغله
والقاضي قال لرجل المرور انا قاضي هههههههههههه
العسكري طبعا ضحكت وقال ليهو طيب هيا هيا احكم على نفسك
هسه اها الحكام والعاملين لينا فيها خبراء اذا هم مختلفين في ماده موش يقعدوا بره ويعمولا رجتهم ويحكموا ضمايرهم فينا
ويرسلوا للفيفا ولا لي ود الصايم يديهم النجيضة وبعدين يجونا يكبوها لينا
المشاهد ليه تعبان معاهم عشان يشوف المهزله دي
.
.
كمان قبل يومين اتنين عاملين مشكله في التلفزيون ناس اول مره اشوفهم في التلفزيون
طبعا دي كمان قناة امدرمان المهم قلت اشوف الناس دي مالها
ديل كمان طلعوا ناس اتحاد المصارعه غايتو
الناس مفروض اول حاجه تعملها تطلع مظاهرة ضد قنواتنا الفضائية المليانه كوارث
وتفقد للمصداقيه ..

اها الاتحاد العام لكرة السجم عمل شنو في الناس التي عبثت به
واشركت سيف الدين مساوي
كل منك ياشداد خربتها وجونا ناس بعدك يتموها
.
.
.
قبل يومين ذهبنا لاستقبال الفريق القومي الرديف في المطار
وكانت زحمه كبيره وكان تعليق امن المطار لماذا البعثه السودانيه الوحيده
يتم استقبالها بهذه الطريقه رغم اتوا قبلها خمسه فرق في نفس الوقت
ولم نشاهد ما نشاهد مع الفريق القومي السوداني
صديقنا الله يديهو العافيه قال لرجل الامن حتى هذا الاستقبال نحنا نراهوا قليل
عارفين ليه عشان مشينا نشم فيهم ريحة الناس الجايه من السودان
واقلاها نقوم بواجب كرم الضيافه