خلق بدائل للمنبر فى حالة التهكير او التعطيل او انقطاع الاتصالات

ولان منبر سودانيز اونلاين صار غو منبر الثورة وصوت من لا صوت له

وهمزة البوصل بين الداخل والخارج ومكان للتواصل السودانى

يتوقع له ان يتم تهكيره او تعطيله او قطع خدماته عن الوصول

وكذلك الفيسبوك , فعليه فهذا اقتراح للمهندس بكرى والاعضاء

ممن لهم خبرة اليكترونية لابد من خلق بدائل عاجلة فى حالة حدوث ذلك ,

وخاصة مع هذا التعتيم الاعلامى وكل الصحف السودانية تنقل

اخبار الحكومة واخبار المظاهرات المصرية ومستجات ميدان التحرير

وتغض الطرف وتغمضص العينين عن احداث الشعب فى السودان

صحيح يا صابر مفروض نفكر فى البدائل. الفيس بووك لن يمكنهم تهكيره. اقصى ما يمكن ان يقوموا به
هو اٍغلاقه من السودان. فى هذه الحالة ناس الداخل لن يستطيعوا الاستفادة منه. لكن الناس فى الخارج لن تتأثر.
ممكن نشتغل بالتلفونات فى الحالة دي الى ان يصلوا مرحلة متأخرة و هى قطع التفونات، حينها يكون افلاسهم
وصل نهايته المنطقية.

سلامات ابوبكر

داير الفت نظر م . بكرى والاعضاء العندهم خبرة ودراية بهذه الاشياء

ولما يمثله المنبر من اهمية وهو صوت الثورة الان , وغير التهكير

يمكن اغلاقة كليا او جزئيا او التشويش عليه , والاعضاء من داخل السودان

وخاصة المعارضين عندهم مشاكل ذى ديه كثيرة وحسع فى اللحظة دى حاصله لى كمثال

اشكرك استاذ ابوبكر على المتابعة

وضرورى الناس تكون مدركة انو المنبر والفيسبووك ممكن يتم تعطيله كليا او جزئيا

ولذا لابد من بدائل وحتى ولو من داخل المنبر وبكرى لديه كل الايميلات ,

هناك اقتراح باستخدام التويتر من النصرى امين تقريبا ولكن اغلب الاعضاء

ماعندهم فكرة عن الاستخدام , وياريت لو يوقفوا حكاية تسويد المنبر والحزن

على الشهداء ما كفاية عندنا الحزن الاكبر .

واما حكاية التليفونات فرجاءا عدم اللجوء اليه بتاتا وخاصة فى كل ميتعلق

بالمظاهرات