Post: #1
Title: ما تتضارا أمرق برا..أسماء الجنيد
Author: شمس الدين ساتى
Date: 06-23-2012, 09:58 AM
06-23-2012 07:58 AM
أسماء الجنيد
ما تتضارا أ مرق بره
اكسر حاجز الصمت الحرا..
وكورك فينا مليون مرة ..
بى الصاراهو دواخلك..
جوه... وبره
على النبره وشيل العبره
انفض غبار السمح الجوه ..
وازرع فرحك فينا وما تتضارا..
تكبر شدره .. تطرح ثمره
تشيل اليابس ..تطفى الجمره
****
شتت لونك فى لوحات الزمن الاغبر ..
لون بيه الفاضل منو..
يمكن يكبر ويمكن يظهر ..
ويمكن يسطع ويمكن يبهر ..
لامن طيفك يظهر وينضر..
يشيل الحزن الساكن دارنا
وليه يكسر ....
وانضم تانى الفرح ألاخضر
لحن نغم الشجن الباكى ..
دندن نغمو الفيك متحكر
وما تتضارا أمرق بره
اكسر حاجز الصمت الحرا
وكورك فينا مليون مره
*********
التحية لنضال الشعب السوداني الحر
ثورة حتى النصر
اسماء الجنيد
|
|