نعم للثورة ومليون نعم للتغير والنضال للاحرار لكن لا للتخريب لا لا لا

من حقنا ان نحيا ونعيش عيشه كريمة كما الاخرين
من حقنا ان نحكم انفسنا بانفسنا ونحيا بحرية كما الاخرين

من حقنا ان نرتقي ونتطور وننافس الاخرين تنافسا شريفا في الرقي والازدهار
البلد انت واذا غيرنا الحكام حا نرجع ونعمر تاني من اول جديد
والتعمير ضعب صعب صعب وما ببقى بالتمني والشعارات الفضفاضة.

لفت انتباهي منذ زمن بعيد من زمن ثورة ابريل وبعديها اكتوبر
اعمال التخريب من حرق وتكسير وتهشيم للعربات وغيرها من افعال غير حميده
ما بتشبهنا باي حال من الحوال

شاهدنا المصريين كانو بيحمو المرافق العامة وهم مواطنين عاديين من ايادي النظام السابق حتى لا تحسب عليهم عدا حرق
رغم ذلك فيهم من حرق وخرب ودمر لكن اشياء لا تذكر .

وعكسهم تماما همجية الليبين من تخريب وتدمير وتكسير لممتلكات الدولة.

طبعا اكيد ما في مقارنه بين الاتنين.

يا ريت لو نحترم ممتلكات الدولة ونحترم خصوصيات الاخرين
نغيير من دون تدمير من دون تكسير .

لانو البنهدمو حا نرجع نبنيهو تاني
ودا محسوب علينا
زمن وجهد جبار .

ورد خبر على المنبر مفاده تم تكسير بصات الوالي ..

الوالي بصات لقاها وين ..وان كان الاسم بيدل على كدا

الوالي لما يمش بمش بي شبشبو وبس

البصات بصات الشعب

والغريب كلنا عارفين الحاجه دي لكن ما بنكترس ليها

ياريت الاحرار من المتظاهرين يعملو لافتات يكتبو عليها وينبهو لعدم التدمير والتخريب

اتمنى اتمنى