|
شكرا الثوار الصغار
|
بصراحة وقياسا على ما شهدت قبل قليل فعلى الحكومة ادراك ان الامر صار الان اكثر شراسة وجراءة فى رفض قرارتها غض النظر عن صوابيتها من عدمها ، اى دفن للرؤوس فى الرمال غير مفيد ، لا اكذب او ابالغ ان قلت ان الوضع يتجه الى التصاعد ، تبدو الان خيوط التنظيم اوضح ، كنت فى الديم قبل قليل ولولا انى اعرف المنطقة ، زنقة زنقة ، لكنت حتى الان عالقا بين ايدى الثوار الصغار . الحكاية دى ماشية تكبر ، اقول هذا دعما للمصداقية والامانة . وليحفظ الله السودان ، النظام هين اسجل ثناء وتقديرا رفيعا وعاليا للسلوك المهذب للمشاركين فى الاحتجاجات - دون العشرين - ودودن جدا ، لطفاء ، ان عثرت مركبتك يهمون لمساعدتك ويرفعون لك الاحجار او يزيلون اطارات محروقة لتمر
|
|
|
|
|
|
|
|
Re: شكرا الثوار الصغار (Re: محمد حامد جمعه)
|
لسسع يا جنابو ودي مناظر كده علي خفيف فهذا الشعب عظيم ونبيل وطيب ولكنه كالبركان عندما يهب فهاهو يقدم اروع دروسه في جمعة الكتاحة
وطالما جبت سيرة الديم فلنحي روح الشهيد علي فضل التي ترفرف الان في سماء كل الوطن هو وصحبه من شهداء سوداننا الجميل الذين قتلهم نظامكم الدموي الرعديد
| |
|
|
|
|
|
|
Re: شكرا الثوار الصغار (Re: هشام عباس)
|
سلام يا محمد
لما قامت أنتفاضة أبريل انت وأنا وكيكي وكتير من الناس الموجودين هنا بالتأكيد إشتركوا فيها وكانوا وقودها وكانو - و+ العشرين
ونجحت كما تعلم وأزالت حكم الطاغية نميري
طبعا دا هسة فريق الناشئين بعد شوية حيطعموه بالكباتن وعيك
| |
|
|
|
|
|
|
Re: شكرا الثوار الصغار (Re: عبدالكريم الامين احمد)
|
Quote: ان الامر صار الان اكثر شراسة وجراءة فى رفض قرارتها غض النظر عن صوابيتها من عدمها ، اى دفن للرؤوس فى الرمال غير مفيد ، لا اكذب او ابالغ ان قلت ان الوضع يتجه الى التصاعد |
تصاعد؟ تصاعد شنو يا محمد ؟ دا اسمو (يلا لملموا ما خف وزنه واتخارجوا )
| |
|
|
|
|
|
|
Re: شكرا الثوار الصغار (Re: محمد حامد جمعه)
|
Quote: الزول فى المنبر دا ما يقول النصيحة اصلو ، يخلوها يمسكو فيك |
يا محج.. النصيحة دى.....لم تقلها الا مكره..إإ ولا يزال بها...لبس مقصود..إإ
ولم تات قبلا بنصيحة... وان كان...لمن توجهها..؟
| |
|
|
|
|
|
|
Re: شكرا الثوار الصغار (Re: محمد حامد جمعه)
|
Quote: الزول فى المنبر دا ما يقول النصيحة اصلو ، يخلوها يمسكو فيك |
النصيحة بتعدم الصاحب يا ول ابا
جميل أن ترى ما كنا نراه
هذه النصيحة يجب أن تبذلها لمن يستحقها
تنامي وعي الثورة عند كل أفراد الشعب السوداني
ابتداء من الصغار والكبار وصولاً لست الشاي البسيطة
اصبح حقيقة وأمر واقع لا يمكن تجاهله فالكل متفق على ضرورة رحيل الانقاذ
تحياتي
| |
|
|
|
|
|
|
Re: شكرا الثوار الصغار (Re: عبدالكريم الامين احمد)
|
نتمنى ان تحافظ التظاهرات على سلميتها لنقدم نموذجا حضاريا للتغيير.. واعتقد اي تفكير من اي جماعة داخل السلطة للجوء الى العنف سيرتد عليها . الشعب السوداني، يا محمد، كما قلت لك اكبر من ان تحكمه فئة اوجماعة واحدة او "شلة عسكر" و"عائلة". التحية والانحناءة للشعب السوداني المعلم .
| |
|
|
|
|
|
|
Re: شكرا الثوار الصغار (Re: حسن البشاري)
|
تور بقر الجواميس الرقادن فخ قول النصيحة وكلمنى مالك (بالقهر ) و( الفساد ) و(الاستبداد ) بتحكمنى النصيحة يا دوب يا ود جمعة من زمااااااااااان كنت بتاكل رز مع الملائكة وياداب صحيت ،،، ياعمك كل دور اذا ما تم ينقلب كمبلت ،،، كمبلت ،،، كمبلت
قاسم المهداوى
| |
|
|
|
|
|
|
Re: شكرا الثوار الصغار (Re: محمد حامد جمعه)
|
(الحكاية دى ماشية تكبر ، اقول هذا دعما للمصداقية والامانة . وليحفظ الله السودان ، النظام هين اسجل ثناء وتقديرا رفيعا وعاليا للسلوك المهذب للمشاركين فى الاحتجاجات - دون العشرين - ودودن جدا ، لطفاء ، ان عثرت مركبتك يهمون لمساعدتك ويرفعون لك الاحجار او يزيلون اطارات محروقة لتمر)
أكيد شباب مثل هذا يعرف تماما ماذا يريد وكيف يصل لما يريد!
عاش السودان وأبناء السودان
| |
|
|
|
|
|
|
Re: شكرا الثوار الصغار (Re: قاسم المهداوى)
|
يا جماعة الخير
الزول كان داير ينحاز ما تخلوهو انحاز.
سعادتو محج
عارف اخوك كان في الثانوي لمن قامت المظاهرات ضد نميري، واتذكر مشينا شاركنا فيها وطالبنا بسقوطو، وحزب واحد ما كنا بنعرف، اللهم غير حزب البعث الكنا بنشوف شعارتو في الحيط بس.
المهم حكومتك دي ما حتتراجع عن اي شئ إلا قبل السقوط بي ساعة.
أمشي اسمع كلام ربيع عبد العاطي، يا خي دا قال ما في مظاهرات عديييل تقول لي الديم.
أها لمن يصدقوا إنو في مظاهرات (موقف الآن فهمتكم) بيكونو ركبو التونسية.
إنحاز يا جنابو إنحاز
| |
|
|
|
|
|
|
Re: شكرا الثوار الصغار (Re: elsawi)
|
ما أوصل الحكومة إلى النقطة الحالية هو استخفافها المتواصل بابناء السودان وتعاملها معهم كأنهم قصر وقد جاءت الإجابة من شباب صغيري العمر كبيري الفكر .... وستتصاعد الأحداث.
| |
|
|
|
|
|
|
Re: شكرا الثوار الصغار (Re: د.محمد حسن)
|
الاستاذ/محمد حامد : اهلنا البقاره بقول البركب فى الميل هلبت يقع الوطاه وناسك ديل راكبين فى الميل على طووول واى زول يقول لهم انعدلو على طول خائن وعميل وووو
| |
|
|
|
|
|
|
Re: شكرا الثوار الصغار (Re: صديق عيسى صالح)
|
محمد حامد يابن حلتي أتفهم مخاوفك تجاه البلد ..وأحسبك كمن يرى شجرا يسير.. ربما لم يعد يجدي التراجع..وربما سيندم الخلق على ايام البشير.. بس ..عند الناس اولى ان تعم الفوضى لا ان يستأثر قلة بنعم البلاد .. تدارك ما يمكن تداركه وانت الادرى واحسب حسنة في اعل هذه البلاد ..
| |
|
|
|
|
|
|
Re: شكرا الثوار الصغار (Re: DKEEN)
|
Quote: ..وأحسبك كمن يرى شجرا يسير |
يا دكين.. انت مع ود حلتك....حنين خلاص إ
اتحسبه..؟إإإ وشجرا يسير....؟؟؟إإ
امتلأ يقينا.....ولم يري شجرا... فقد تلمس هذا الشجر بكلتا يديه.... عل الركوب صعب عليه..إإ وجهر...بالسؤ من القول...عند الوصف بالصغار...إإ ايحاء....تجلى خبث فى ود الحلة.. مجرد صبية.... اشدد عليهم.. وتلك كانت الرسالة...
كبت الأزلون... فى سجل لا....يضل ولا ينسى
| |
|
|
|
|
|
|
Re: شكرا الثوار الصغار (Re: طارق الجبلابى)
|
Quote: وربما سيندم الخلق على ايام البشير.. |
معليش جيتك صادى.. لكن الاقتباس الفوق دا...اثار الدهشة. ماهو عشقك برما..؟إ ودع...الاجابة
اانت فى كامل وعيك..؟ تقول ..سيندم الخلق على ايام البشير...إإإ لك تجليات فى الكتابة ....عشقتها سابقا ولا ادري.... وتزكرت قول محمد المكى... وهو يرى افتتانه...وقد تقدم العمر بها... وظنى يقول... .........حتى رأيت ان العمر فى نهديك قد سارا وتلك ...ايام فتمهل فى كلماتك...
| |
|
|
|
|
|
|
Re: شكرا الثوار الصغار (Re: خالد العبيد)
|
شكرا للثوار الصغار وشكرا لك يا جمعة
نقلت صورة جميلة
يا اخوانا افهموا هذا النظام المتهالك ما عندو وجيع,,اغلبية الناس دي على هبشة حتى من تظنون انهم انصار للنظام والله على هبشة المتوقع خلال الايام القادمة مفاجآت كبيرة من اسماء جامدة .
| |
|
|
|
|
|
|
|