قناة العربية !

ماسورة وقد اقول مأسورة
!

لاحظت حتى ظهر اليوم ، انها تتحدث عن مواجهات فى دار حزب الامة ، وهذا غير دقيق مهنيا وصحيح ، وكذب صريح ، دار حزب الامة اليوم ما جنبها ... زول

انت قايل السعوديين دي حا ينسوها ليكم يا محمد

من يتابع سيل (عاجل ) بشان متابعات ما يجرى فى الخرطوم سيحتار كثيرا حينما يقارن واقع الامر ومقتضيات استيفاء حدث ما لاظهاره كمانشيت فى منطقة ما

المهم بينقل احسن من التلفزيون السودانى النجس

Quote: المهم بينقل احسن من التلفزيون السودانى النجس

نجس كيف هل أحدث ام لامس النساء ؟!

المهم يا محسى واطمم بطنك ، التلفزوين ما حينقل زاتو ، حيشبكم بس على محمود واحمد البلال الطيب (حلقاتو مع الوالى الخضر دى عملت اكتئاب )

محمد جمعه

لا توجد منطقة وسطى بين الجنة والنار

اركبنا محمد ولا تكن مع الخيانة ,,

يا جماعة ما حكاية خيانة وبطل ، او حكومة وضد ، انا بتكلم عن رؤية موضوعية ، انا شخصيا شايف انو الجزيرة وFrance 24 والبى بى سى ، محطات ما سودانية لكن تغطيتها فيها مقاربة للواقع ، ما بقول كلها صادقة وصحيحة لكنها افضل حالا من العربية التى واضح رغم كفاءة مراسلها بالخرطوم سعد الدين حسن ان الدسك المركزى للمحطة عندو رؤية تانية لمنهج عرض الاحداث ، تضخيم ، تكرار للاخبار بحيث يظن المتلقى انها وراد اللحظة !!

على ذكر القنوات فلا يفوتنى القول ان قناة الحرة تصنف جماهيريا فى السودان ضمن فئة الحمام الميت

يا (جلصى) في مظاهرات والله ماف حيرتونا ذاتو نصدق منو

يا (جلصى ) العزيز ... فى حاجة كدا الادق تسمى احتجاجات ، ما حاجة منظمة ومتفرقات بتاعة عشرة عشرين دقيقة ، السير وحركة الناس عادية وانت زول صحفى مهنى عال الدقة بصراحة كدا تقييمك لتغطية العربية شنو ... حكمك بقبلو طوالى بالجد يا عثمان انت زول محترف وعال الحياد



بالجنبة كدا :

صاحبنا (الجلصى التالت ) بقى بروف كبير من طيارة لى طيارة لمن جانا (جلصى )

يبدو ان زميلنا سعد الدين حسن انطبق عليه القول شكرو ..رقد

قال فى احد تقاريره

Quote: وأفاد موقع "حريات" الإلكتروني

والاحق ان يقول سودانيز اون لاين ، تثبيتا لجهد مدونى بعض الوقائع هنا ولان حريات موقع يفضى بمتبع مصادره الى التهلكة
لم ينسى سعد ان يقول ويذكر باحداث ايام الاربعاء والخميس كما قال ان انباء تواترت عن مظاهرات فى بورت سودان ، لو العربية تقول تواترت خلت شنو لصديقنا وليد هوندا ..... قالوا ليك البتاوزى تواترت دى

Quote: وهذا غير دقيق مهنيا وصحيح ، وكذب صريح

والله يا جنابو محمد حامد جمعة الجرأة وقوة العين عندك: ياخي إنت شغال في جهة تم تأسيسها (أصلاً) للكذب وتضليل الرأي العام....وجاي كمان تتكلم عن الكذب وعدم المهنية؟

Quote: وتضليل الرأي العام

يا عادل على لكن ما بطريقة العربية دى ، كياشة شينة

محمد جمعة
سلامات
بالله كلامك عن "العربية" ده قولوا لي الفضائيات السودانية .. وقولوا لي ناس الرقابة الحايمين على الصحف السودانية الما بتجيب خبر المظاهرات البتقوم تحت مكاتبها.
يا اخي ده كلام غريب ..
بدل تتكلم عن العربية وتغطيتها قول ليك كلمة عن اعلامنا العايش في وادي تاني ده. قول ليك كلمة عن جريدتك الشغال فيها وعاملة ما شايفة حاجة دي.
بالله الواحد يحترم كتاباتكم دي كيف؟.

Quote: بدل تتكلم عن العربية وتغطيتها قول ليك كلمة عن اعلامنا العايش في وادي تاني ده. قول ليك كلمة عن جريدتك الشغال فيها وعاملة ما شايفة حاجة دي. بالله الواحد يحترم كتاباتكم دي كيف؟.

يا بشارى الاعلام المحلى والصحافة المحلية انت سيد العارفين انها فى العهد دا والقبليو ديمقراطى ولا عسكرى عندها مساحة حركة محكومة ولو كسرت رقبتها ما تفوتها ، اى زول بقول غير الكلام دا بيكون بغش فى نفسو ، والجرائد حتعمل رايحة ، حسنة رجالة حتعمل رايحة ودى الحقيقة عشان ما تجرونا لمقارنات دا اول
الحاجة التانية بالنسبة لقناة العربية انت عارف وكلنا عارفين عندها مناطق واسر محرمة حتى فى بلد المنِشأ ، هسة فى اخبار كدا والله اخبار علاقات عامة ( ومافى داع نفسر ) عشان كدا حقو تعرف حجمها وما تعمل فيها قناة مستقلة وبتاع

http://www.alarabiya.net/articles/2012/06/22/222093.html

شكرا شادية حامد

كدي سيبك من العربيه والجزيره ..

شهود العيان من الزملاء هنا الم تصدقهم القول ؟

Quote: شهود العيان من الزملاء هنا الم تصدقهم القول ؟

اصدقهم القول ... ومثال عندى بوست منشور حاليا للزميل نازر

يا (جلصي ) خت الكورة واطة .... بالجد انا اليوم ما تابعتة العربية لأحكم على تغطيتها ولكن من الممكن لقناة العربية ان تتحدث عن انباء (تواترت) بخروج مظاهرات وايضا يا جمعة العربية ممكن تشيل من موقع حريات وذلك لايقدح فى مهنيتها بشئ ......... امر اخر يا ود جمعة من حديثك ان هناك مظاهرات احتجاجات سمها ما شئت فهناك حدث ومتابعته تصبح ملزمة للقنوات فهى فى هذه المتابعة يمكنها ان تأخذ من المصادر كافة .. واظن كلمة تواترت هى دقة فى المهنية لانها لم تجزم بأن هناك مظاهرات فالعبارة قابلة للاثنين ......... ود جمعة سعد الدين حسن شاطر ومهنى ومجتهد ولا أظنه يقع فى اخطاء قاتلة هسى عليك الله (تواترت) دى والله (تنعم بالهدوء ) بتاعة بتاع الجزيرة الانت قلت تغطيتها اقرب للواقع ولك تحياتى
بالجنبة كده
جلصى التالت شايفو قبل يومين بتحدث عن حكم الحركة الاسلامية الفوائد والنتائج المرجوة انت الزول دخل معاكم والله شنو

Quote: عثمان فضل الله

قلت قبل مدة لصديق كبير ان هذا الفتى (عثمان ) يعجبنى ولم اكن مخطئا حينما جررتك لتشريح بنود المهنية وقد اوفيت واقبل شهادتك واخذ بها فى تواتر وما تواتر ، واتفق معك ان هناك حدث لكن نقطتى الجوهرية ان ثمة تضخيم لهذا الحدث بما لا يتناسب حاليا والان وواقعه يمكن لقدام الامور تتسق ومرويات العربية الان
واما شطارة سعد الدين حسن (كدت انسبه الى ابراهيم ليتحول الى الشاعر ) فهى عندى ظاهرة والفتى الاسمر ..نجيض .. ولماح له التحية

بالجنبة كدا :
الجلصى التالت ... رجل من القريتين عظيم ، الراى العام ... واخرى

يا جمعة

Quote: يا بشارى الاعلام المحلى والصحافة المحلية انت سيد العارفين انها فى العهد دا والقبليو ديمقراطى ولا عسكرى عندها مساحة حركة محكومة ولو كسرت رقبتها ما تفوتها ، اى زول بقول غير الكلام دا بيكون بغش فى نفسو ، والجرائد حتعمل رايحة ، حسنة رجالة حتعمل رايحة ودى الحقيقة عشان ما تجرونا لمقارنات

كلامك دا ما في زول بيتجرأ ويقولو، ومن الآخر كدا ممكن تكذب في أي حاجة الا النقطة دي
وبعدين انت زاتو علاقتك بالصحافة شنو..؟ عشان تجي وتتحدث عن محدودية خركة الصحف..؟
قوة العين فاتت الحد.. لكن زمن الكنس بدأ ونصيحة ليك مني.. زيد في الأكاذيب والأوهام فقد حددتم مصيركم بأنفسكم..الى المزبلة

Quote: عادل فضل المولى

شكرا يا عادل

خلاص يا محمد وكت انت عارف ومعترف بالحاصل في الفضائيات السودانية والصحافة المحلية..
يا اخي من باب اولى تنتقد الحاصل ده .. ولا شنو؟ ..
اظن ، اخلاقيا، نحنا "كسودانيين" في وضع ما بسمح لينا نحاضر الناس عن مهنية "العربية".
المهم في الامر انو موضوعك اصلا لا علاقة له بمهنية العربية او عدمها.. لكنه دفاع عن نظام
وعن سياسات مرفوضة من الشعب. واخير الكلام يكون واضح وانو الزول يحدد انو واقف وين..

اها يا حسن البشارى

انت مشكلتك انك بتعاين لما اكتب من وراء نضارة ما عاوز تغيرها ، واقع الاعلام المحلى دا ينقدو ليهو شنو ، دا واقع منتهى ، مافى اتنين تلاتة ، اقول ليك شنو الناشرين ولا شنو ولا شنو ولا ... دا حال مزرى النقد زاتو مكرمة لا يستحقها
بعدين يا حسن انت جادى ، اعلام محلى شنو البيكون عندو شكل تغطية نتكلم عنها الاعلام المحلى فى الدنيا كلها (هسة انت محل قاعد دا مش كدا برضو ) تغطيتو تغطية النظام الحكومة الرئيس الشيخ الامير ... مش كدا
يا حسن بقول ليك تغطية العربية تتساوى فى بعض ظروفها واشكالها وبعض الكتابات الفطيرة هنا دى ، ما باقى ليها الا فبركة الصور ودى مرحلة حتجى
واقول ليك ... كلامى دا ما عندو علاقة بحكومة او ضد ، صدق او لا تصدق

يا محمد جمعة
إنت ما قرييت عن النفاق و المنافقين هم اول الذين
يدخلون النار و نارهم اشد من نار الكفار
و هم الذين يكاد ذكرهم في اغلب سور القران
اعوذ بالله منهم

Quote: : عادل فضل المولى شكرا يا عادل

هدية في شكل كوت..؟
لا شكر على واجب
وبالمرة كدي
اكتب لينا عن ارتفاع تكالبف الطباعة وتأثيرها على تناول احداث المظاهرات التي تطالب بازالة النظام

الديم ... ولع ... هاك الموضوعيه دى يام.ح.ج. يا تفتيحه يا حريف

Quote: نجس كيف هل أحدث ام لامس النساء ؟!

قابض المعتقلين

Quote: ، والجرائد حتعمل رايحة ، حسنة رجالة حتعمل رايحة ودى الحقيقة

طيب ياخي مالك ومال العربية
وجه قلمك لنقد النظام الذي يجعل الجرائد في هذا الحال ..
وما تعمل لينا غاغا ..

Quote: انت مشكلتك انك بتعاين لما اكتب من وراء نضارة ما عاوز تغيرها ، واقع الاعلام المحلى دا ينقدو ليهو شنو ، دا واقع منتهى ، مافى اتنين تلاتة ، اقول ليك شنو الناشرين ولا شنو ولا شنو ولا ... دا حال مزرى النقد زاتو مكرمة لا يستحقها

شوف نظارتك البتعاين بيها انت يا محمد ،
انا ما قلت انك تنتقد الاعلام المحلي .. انا كلامي واضح انو النقد يكون للتعامل الحكومي مع الاعلام ..
نقد لسياسات النظام تجاه الاعلام والتي اوصلته الى ما وصل اليه..
نقد لي للقرارات السياسية والامنية التي تحارب الصحافة وتضع رقيبا على كل صحيفة ووسيلة اعلام وتمنع الناس من الكتابة ..
نقد لي ناس حزبكم الاشتروا كل الجرايد وافرغوها من مضمونها ورسالتها.
اقول ليك شنو ولا شنو؟
نقد شنو ؟؟ النقد ذاتو مافي داعي ليهو لانو الناس القلتو ليها لاقونا في الشارع ياها دي جاتكم خلوا ناس نافع يموقوا عليهم.
يا زول الشعب السوداني ده اكبر واعظم من ان تحكمه جماعة او تيار واحد او "نصف تيار ومجموعة من الانتهازيين" او "شلة عسكر" و"عائلة".

اغلاق مكتبى قناة العربية والحرة بالخرطوم

Quote: زول الشعب السوداني ده اكبر واعظم من ان تحكمه جماعة او تيار واحد

دى متفقين فيها

حتى اغلاق مكتب العربية .... طلع زعم

عشان تبارو ايران تاني

Quote: انا شخصيا شايف انو الجزيرة وFrance 24 والبى بى سى ، محطات ما سودانية لكن تغطيتها فيها مقاربة للواقع

الأخ الكريم تحياتي
أولا في موضوع المواجهات في دار حزب الأمة ده نفس الخبر من أمبارح وما شايفة في أي مشكلة في مواصلة بثه طالما هو صحيح... كل القنوات الاخبارية بتعمل كده.
ثانياالجزيرة ما فيها مقاربة للواقع أبدا بل التقرير الـ سمعته اليوم من المسلمي بذل فيه مجهود للتقليل من حجم وجدية المظاهرات والاعداد الطلعت فيهاوقال انه المعتقلين عددهم قليل والمتظاهرين خرجوا بمجموعات قليلة حوالي العشرة يتم تفريقهم ثم يظهروا في "زقاق" آخر أو كما قال. بصراحة كلامه خالف حتى كلامك الكتبته هنا عن التظاهرات في الديم ..!