اذن، الضرب ح يكون في النخرة والدم حده الركب

ولا عذر لمن انذر

مظاهرات في جنوب الخرطوم وسط انتشار أمني كثيف
بالله ؟!

السودان ده حق منو ؟

امشوا اكلوا المساكين الجوعتوهم في الاول , وبعد داااك تعالو اتفاصحو !


الاخ الشفيع .. اصلا ما كنت متوقع انك تكتب ما كتبته اعلاه


!!

اتمني ان تكون مهكر يالشفيع ...

خرج علينا ما يسمى بالجبهه الشبابيه السودانيه وهو فيما يبدو الجناح الشبابي لما يسمى بالجبهة الثورية

Quote: الجبهه الشبابيه السودانيه : حَركة شباِبية ثورِية ممثلة من جِموعْ الشَبابْ السُوداني لقِيادة التغيير القادم،نعتمد في عملياتِنا العسكرِية علي التركِيز حَول مركز السُلطة، دون الحَوجة لتنفِيذْ عمليات في مناطِق نائية لا تُؤثر في مركز السُلطة في الخرطوم ، ونرّكز علي العمليات النوعِية،تماشِيا ًمع برنامجنا السِياسي السرّي في وَسط كافّة قِطاعات الشَعب السُوداني، بهدَف واحِد ومِحوري الا هُو إسقاط النِظام.

Quote: ونحن نتَعهّد لشعبِنا بأننا سائِرون في هذا الدرب بخطي ثابِتة عَبر قِيادة سِياسية شبابية واعية، وقوة عسكرِية ضارِبة تبَدأ نشاطها من مركز السُلطة في الخُرطوم، لا تتوّقف الا بإزالة نِظام الإبادة الجماعِية والتطْهير العِرقي

ثم

Quote: التحيه لشبابنا بجامعات الخرطوم والنيلين والاهليه والبحر الاحمروالسودان وبقيه الجامعات السودانيه وهم يقودون بدايه الثوره الشبابيه يوم الاحد17يونيو والتى ستتواصل حتى التغيير الشامل .ونؤكد لهم ان جناحنا العسكرى سيكون قريبا من الاحداث وحاميا لثورتهم

Quote: وسُوف نُوافيكم فى مُقبل الأيّام القادِمة بالهياكِل السِياسِية والعَسكرِية للجبهة الشبابية. ونأمل أن نُعلن عن أنفسنا بِعمل نُهدية للشَعب السُودانى.

فيا خيل الله اركبي
حديد يلاقي حديد
واحنا جاهزين
وح نلبس الكاكي

Quote: اتمني ان تكون مهكر يالشفيع ...

مرحبتين اسامة
انا ذاتي كنت قايل كده
شوف البيان ده منشور بتاريخ اليوم وفي موقع بكري هنا
من هؤلاء؟
هل هم منكم؟

من هؤلاء؟
هل هم منكم؟
بل منكم
صنيعتكم
بيانكم
يشبهكم
تريدون عذراً لسفك الدماء.....اسفكو كما شئتم فلا تحتاجون لعذر كما اعتدتم

Quote: الاخ الشفيع .. اصلا ما كنت متوقع انك تكتب ما كتبته اعلاه

انا ذاتي ما كنت متوقع
رايك شنو في البيان ده؟
وهل يمثلكم؟
وهل هم معكم؟
البيان

الاخت نازك
ارجو شاكرا تعديل المداخلة او سحبها

Quote: فيا خيل الله اركبي حديد يلاقي حديد واحنا جاهزين وح نلبس الكاكي

لما تكون بعيد عن حدث الاف الاميال وتكتب كلام زي زي ده
بتبقي راجل غير وأقعي , خصوصا لما تقول بالفم المليان أنك جاهز ... وحتلبس الكاكي


بتذكرني بشافع لئيم زمان في حلتنا لما كنا صغار كان لسانو طويل و جعجاع بس لما نجي للجد ويتشاكل مع رفيق ليها في الحلة
أول ما يمسكوا يقبقبوا يقول لي أنتظرني أمشي البيت البس جزمة الدق وأجي عبارتك بتاعت الكاكي دائما بتذكرني الزول ده
الله يطرى بالخير ..................


الشفيع ياخي أرحم نفسك وأدعي لشعبك الصابر ربنا ينصروا ويعتقوا من الطغاه

في أخيب من كده؟؟؟؟؟؟

أتمنى أن لا يحذف بكري البوست (((وهو مكبشر على أي حال))).

نفس النغمة .... ونفس الكلام بالحرف قالوا قبل كده المدعو السيدح .... وبعدين جا قال أنا كنت منفعل ........

((لا عذر لمن أنذر)) ؟؟ بالله ..... ياخ ما تدينا أي عذر .. وكفاية الناس المساكين ديل سكتوا عليكم طول السنين دي .. ولما يهبوا .. بيكسحوا ما يفضلوا شئ ... فخليك إنت في طريق السيل.

فى اعتقادى ان الاجهزة الامنية بدأت فى الاعداد لوضع يبرر لهم استخدام العنف المفرط ( القتل) ، ضد التظاهرات السلمية فى شوارع المدن السودانية ، اتوقع ان الاعلان المنشور فى هذا الموقع باسم " الجبهة الشبابية السودانية " والذى يتحدث عن تنظيم مسلح سيعمل فى شوارع المدن السودانية ، اعتقد ان هذا الإعلان من تأليف واخراج وتنفيذ الاجهزة الامنية .
كنت اعلم من خلال معرفة ومعايشة سلوك التنظيم الاسلاموى انهم سيفعلون اى شئ من اجل الاستمرار فى السلطة ، حتى ولو قتلوا الكثيرين من ابناء وبنات هذا الشعب ، مثلهم كمثل السلطة فى سوريا ، الشئ الذى لم اكن اعرفه هو المبررات التى سيصنعونها من اجل ممارسة بشاعتهم .
نحن نعلم ان الطريق طويل وشاق لكننا ندرك افضل ان السيل قد بلغ الزبى ، لن نخسر سوى حياة الذل المهانة ، فى انتظار اتضاح وانكشاف خططهم وظهور بلطجيتهم وممارسات شبيحتهم ، ومن ثم اخيرا انهزامهم على يد هذا الشعب العظيم فأين المفر !!!
اين المفر ويوم الحساب آت لا ريب فيه

Quote: اتوقع ان الاعلان المنشور فى هذا الموقع باسم " الجبهة الشبابية السودانية " والذى يتحدث عن تنظيم مسلح سيعمل فى شوارع المدن السودانية ، اعتقد ان هذا الإعلان من تأليف واخراج وتنفيذ الاجهزة الامنية .

كلام عين العقل يا عبد الغفار
وافهم من هذا ان البيان لا يمثلك

ومن هنا نناشد الاخ/بكري بكشف الشخص المرسل للبيان
واذا اتضح انه مفبرك وتم سحبه، انا مستعد اسحب البوست (العفن) ده

تحياتي

ابوالريش ازيك
يبدو انك لم تقرأ البوست كله
اقراه وتعال، الله يهديك ويهدينا

ولو لسه عند رايك
فابشرك
البوست لن يسحب
ولا اعتذار
والدم للركب
ومحل رقيقة تنقد


ابجديات المعارضة ما بتعرفوها
وكل زول شايت بي جيهة

اقترح على ناس الحكومة يعملوا ليكم كورسات تقوية بعنوان (كيف تسقط الحكومة)

Quote: اعتقد ان هذا الإعلان من تأليف واخراج وتنفيذ الاجهزة الامنية .

bingo

حاتلبس الكاكي ضد من أخي الشفيع !!!!؟
الإجابة الصريحة مهمة عشان حا توصلك لعمايل الإسلامويين في فسيفساء السودان .
أهلنا الكبار بقولوا : ( الممطورة ما بتهاب الرش ) فأهلنا في الهامش غارقون في الدماء وضرب النخرة منذ أمد بعيد ومثل هذا القول لا يرعبهم ولا يثنيهم .
تحياتي .

أبو حمــــــــــــــــــــــــد

Quote: اذن، الضرب ح يكون في النخرة والدم حده الركب

بسرعة كدا يا هندسة غيرت رأيك من حكاية نقول للشعب السوداني شكرا
ياخ الشعب السوداني قال ليكم
حلوا عنا وشكر الله سعيكم

Quote: اذن، الضرب ح يكون في النخرة والدم حده الركب

بالله دى أخلاق ناس تحكم بلد

حسيبى الله ونعم الوكيل

أضبط أحد ربابيط النظام يتوعد بالمجازر

Quote: اذن، الضرب ح يكون في النخرة والدم حده الركب


لازم يقولوا زي ما النظام السوري بيقول : توجد جماعات مسلحة. وبهذا تكون هناك مبررات لسفك دماء العزل في الشوارع. عبارة تعبر عن حنق من شعب بأسره.

Quote: الإجابة الصريحة مهمة عشان حا توصلك لعمايل الإسلامويين في فسيفساء السودان . أهلنا الكبار بقولوا : ( الممطورة ما بتهاب الرش ) فأهلنا في الهامش غارقون في الدماء وضرب النخرة منذ أمد بعيد ومثل هذا القول لا يرعبهم ولا يثنيهم .

ارجع البصر كرتين في الكلام ده
البيان اما زريعة لعنف متوقع او انه صدى لامر واقع

Quote: الضرب ح يكون في النخرة والدم حده الركب فيا خيل الله اركبي حديد يلاقي حديد واحنا جاهزين وح نلبس الكاكي

الأخ الشفيع

هل ستلبس الكاكى فعلا أخى الشفيع أم سيكون لبسا معنويا كما حدث أيام الهجلجة؟

وهل ستساهم فى الضرب المبرح على النخرة فعليا أم معنويا ؟

وهل سيكون لك دور فعلى فى إراقة الدم السودانى حتى يصل الركب أم ستريق ذلك الدم من على البعد ؟

Quote: وافهم من هذا ان البيان لا يمثلك

ودي دايرة ليها سؤال يا الشفيع!؟
الطبيعي بل والبديهي انو البيان لا يمثل الا صاحبه .. او من اعلن ذلك صراحةً















---------

انت اسي مقوم نفسك عليو وجايي تحاسب بيو الناس من طرف!؟

تريث يا شفيع .. والكلام الشين مافي داعي ليو!

سلامات

يا زول كلامك دا كلام رباطة النظام ذاتهم ما في اي كلام خليك من البيان الطلعوا منو وتجي تحقق مع الناس هنا

انت زول رباط ما في اي اتينين تلاتة بكلامك دا زيك وزي اي امنجي بضرب في الناس هس

ما في فرق بينك وبين الشبيحة وبرضو هم عندهم نفس التبرير الفطير

وقت انت في بيان داير تحاكم الناس وجابت ليها شعر كمان

في الواقع ح تعمل اكتر من كدا

اذا أصدر أحدهم بيان أياً كان.. فهو لن يكون أسوأ من بياناتكم و لغتكم الآثمة منذ 1989.. بل و فعائلكم..
أسأل نفسك كيف ظل البشير في السلطة حتى الآن!!! ألم يشعل الحروب في جميع أطراف البلاد ؟
ألم يقتل و يشرد الآمنين في جنوب السودان و دارفور و النيل الازرق و جنوب كردفان و بورتسودان و كجبار؟
ألم يغدر بزملائه في القوات المسلحة..؟؟
.. ألم يخبركم الناس ان الظلم ظلمات و أن ليلته قصيرة؟.
تلبسوا الكاكي او تقعدوا (أم فكو) ستتم محسابتكم فرداً فرداً .. و الخيارات جميعها متاحة لكم ..
لا أحد يحتاج منكم لإعلان ماذا ستفعلون.. فما ستفعلونه لن يكون أسوأ مما فعلتوه في السابق..
و هذا الحديث أمتداد لسئ الذكر نافعكم و ما هو بنافعكم :
مرة أخرى: نافع يعود إلى لغة الصلف و التجبر و الإرهاب و إحتقار الشعب
=======
هذه البيانات قد نبهنا لها و الشعب السوداني يعلم جيداً من أصدرها و لماذا و من صاحب المصلحة في ذلك.. و قد ذكرنا ذلك في هذا الخيط:

تنبيه هام :شعبة الأمن الالكتروني بدأت في بث سمومها القذرة فليحذر الناس

و أخيراً: للمتداخلين الشرفاء فهذا ديدن هؤلاء:

نصرة للثوار أعزلوا المحرضين على القتل رباطة ومأجوري النظام بالمنبر

و أخيراً جداً : إذاً و ليس اذن..

====================
عن عمر بن الخطاب رضي الله عنه قال: سمعت رسول الله صلى الله عليه وسلم يقول(إنما الأعمال بالنيات وإنما لكل امرئ ما نوى فمن كانت هجرته إلى الله ورسوله فهجرته إلى الله ورسوله ومن كانت هجرته لدنيا يصيبها أو امرأة ينكحها فهجرته إلى ما هاجر إليه) متفق عليه.
============================================================================================================================================================
الشعب السوداني رغم اختلافاته حول السلطة...شعب يحب الله ورسولة
صلي الله عليه وسلم....فهذا التصريح الخطير...بسفك الدماء والارهاب المعلن صدر منك وانت مقيم بالمملكة العربيه السعوديه...وفي اعتقادي ان المملكة لن ولم تدعم الارهاب ...وكل مايكتب في المنبر العام لا يعبر الا عن وجهة نظر كاتبه...نتمني ان يذهب نظام المؤتمر الوطني الذي اعترفت قياداته بفشل برامجها لحل ازمات البلاد...بل ان احد الزعماء
قالها بصراحه قدمونا لمحاكمة...وهو يعلم تمام العلم انه وعصبته سطوا علي ممتلكات الشعب العامة السياسيه والاقتصادية . فهم يحاكمون الشعب كل يوم بغلاء الاسعار...وفرض الضرائب وكتم الحريات ...بل الضرب ..والاذلال والتخويف...وانت تعلم كل ذلك..وانت خريج جامعة الخرطوم وابن هذا الشعب الذي تدعوا امام الملأ بسفك دمائه الي حد الركب...وضرب ابنائه في النخرة حسب لغتك التي تعلمتها خلال دراستك وتدريبك في معسكرات الارهاب...ربما تلك التي كانت في ايران...فاين تعلمت لبس الكاكي ...وانت لاتنتمي الي مؤسسة عسكريه..وتعمل ربما كمهندس في شركه الاتصالات السعوديه...اتنمي ان تقوم شركة الاتصالات هذه بالتحري مع كل من يدعوا الي الارهاب والقتل والضرب
بهذه الصورة الواضحة الجليه...ومن المؤكد ان التحريات سوف تبدأ..كما بدأت الثورة في السودان...والنصر للشعب السوداني عبر العصور معلم الشعوب وقائد الثورات .

3 ابريل 1985
ابوالقاسم محمد ابراهيم
عمر محمد الطيب


نفس الملامح والشبه ,,

واضح مدي الرعب في جوف جرذ الانقاذ، هذا!

فقط تذكر ان دامت لغيرك لما الت اليك.

قال الضرب حيكون قال، والستشهدو سلفا قرابة ال3,000,000!

الامننجي بهدد قال، او ده اصلا شغل رعب!

هاري في سراولو، جرذ نظام القتلة!

Quote: في سراولو

if any

Quote: الضرب ح يكون في النخرة والدم حده الركب فيا خيل الله اركبي حديد يلاقي حديد واحنا جاهزين وح نلبس الكاكي

الاخ الشفيع

لعنة دماء الأبرياء التى أُريقت دون وجه حق فى كافة أنحاء السودان لا زالت تُطارد

حكومتكم فى حلها وترحالها ولن تستطيع حكومتكم أن ترتكب أى حماقات فى وجه الثورة

القادمة لأن الرأى العام المحلى والدولى لن يسمح لها بذلك لأن أى جريمة تحدث سيكون فيها الإعلام حضور

وسيكون لها تبعاتها بل ستصب المزيد من الزيت على نار الثورة المشتعلة وسيعترض عليها البعض من

داخل تنظيمكم المفكك والمنقسم على نفسه .

ثانيا أخى الشفيع الضرب فى النخرة ولبس الكاكى وإراقة الدم حتى الركب يحتاج لأموال وبالعملة الصعبة

وحكومتكم على شفا الإفلاس فحاولوا إنقاذها وجودوا عليها بما يقع فى أيديكم من عملات صعبة حتى تستطيع

الوقوف على قدميها والقيام بعملية الإراقة بكفاءة أعلى وفى أسرع وقت .

ثالثا أخى الشفيع فأنت غير مدرب عسكريا حتى يكون لك القدح المعلى فى إراقة الدماء والضرب فى النخرة

فمن باب أولى أن تذهب الى السودان وتطلب من الحكومة إخضاعك لتدريب عسكرى شاق و عنيف ومكثف حتى تتمكن من

عمليات الضرب فى النخرة والتى تحتاج لبعض الخبرة أما حكاية انك تلبس الكاكى دون دراية عسكرية كما فعل

صاحبكم وزميلكم فى المنبر فهى لن تُجدى نفعا.

Quote: بالله دى أخلاق ناس تحكم بلد حسيبى الله ونعم الوكيل

هذا ك ل ب من ك لا ب الانقاذ فمن أين يأتى بالأخلاق

قال ياخيل اركبى يركبك بلاء

نبدأ بالمدعو صلاح اسماعيل
نعم يا صلاح
دهـ كلامي
وغير قابل للسحب، حتى يسحب البيان المقابل
ثابت عليهو الى يوم الدين
بياناتي كووولها في البروفايل صحيحة وموثقة، موش زيك
واعلى ما في خيلك اركبه
ولو ما لقيت ليك خيل، اضرب راسك في اقرب حيطة

الواحد يجي ناطي جوز بدون ما يعرف الحاصل شنو
وسؤال:
هل قرأت البيان؟
منو الممكن تقول عليهو ارهابي؟
العاقلين هنا تبرأوا من البيان، وده المقصود من البوست
انت كان راجل قول انك تدعم البيان البنادي بعمل اغتيالات في الخرطوم
ما يبقى كلامك فنجطة وكلام عايم ساي
نحنا كده وسنظل
الضرب في النخرة والدم في الركب لكل من تسول له نفسه حمل السلاح وارهاب الآمنين
انا ما عارف بكري بجيب الاشكال دي من وين

وارجو تعديل مداخلتك، لانها فتلت البوست

Quote: Quote: وافهم من هذا ان البيان لا يمثلك ودي دايرة ليها سؤال يا الشفيع!؟ الطبيعي بل والبديهي انو البيان لا يمثل الا صاحبه .. او من اعلن ذلك صراحةً

هنا الغرض من البوست يا قيقا
البيان يدعو للارهاب بكل صراحة ووضوح
اذا لم يكن يمثل اي شخص، فليسحب
البوست موجه لمن كتب البيان او من يتفق على ما جاء بالبيان


ود النعمان
ما استفدنا من كلامك ده الا (اذاً، واذن)،،،،،فشكرا

البقية (عدا بشاشا)
شاكر مروركم
وكما ذكرت لقيقا البوست موجه لمن كتب البيان او يظن انه يمثله

-------------------
عملت مشاهدة ولقيت البورد مسود، كتلته منو؟
خير اللهم اجعله خير

جمال الخضر سلام ياخي
انت قريت البيان؟
ورايك فيهو شنو؟
دي مداخلتك التانية ولم تخاطب لب الموضوع


ويا صلاح اسماعيل تعال عدل مداخلتك

Quote: جمال الخضر سلام ياخي انت قريت البيان؟ ورايك فيهو شنو؟ دي مداخلتك التانية ولم تخاطب لب الموضوع

الأخ الشفيع

لا مبرر لمثل هذا الكلام الذى يدعو لإراقة الدماء مهما كان السبب

وأى شخص يمكنه تدبيج أى بيان وتحت أى مسمى فهل تكون ردة الفعل

بمثل ما قلت , قرأت البيان ورغم أن حكومتكم ومنذ قدومها المشؤوم

فى الثلاثين من يونيو لم تتوقف عن إراقة الدماء وكانت نقطة البداية

شهداء رمضان ثم التعذيب وإراقة الدماء داخل بيوت الأشباح وحرب الجنوب

التى لم تحتفظ فيه الحكومة بأى أسير كما يحثنا الدين والعرف والأخلاق

ثم إغتيال الباشمهندس داؤود يحى بولاد وهو فى الأسر ثم الحرب الشرسة

على العزل فى دارفور وجنوب كردفان والنيل الأزرق وحرق قراهم بالكامل

ورغم جرائم حكومتكم التى لا تعد ولا تُحصى إلا أنى أرفض التهديد بالتصفية

من أى جهة كانت حكومة أم معارضة ,وحكومتكم لا تحتاج لإستخدام العنف لإستئصالها

فلو إستمرت الإحتجاجات ولجأ المواطنون لسلاح العصيان المدنى فصدقنى ستسقط الحكومة

بصورة ستُذهل الجميع .

أكرر مرة أُخرى لا مبرر لمثل هذا الكلام بتاتا مهما كانت الأسباب

انت من ناس الدواس لكن؟؟(المحرش مابكاتل)
دا كلام دهنسة وكسير تلج ساكت!!
قسما بالله يالشفيع راجياكم ايام بس اركزوا ساكت

Quote: بتذكرني بشافع لئيم زمان في حلتنا لما كنا صغار كان لسانو طويل و جعجاع بس لما نجي للجد ويتشاكل مع رفيق ليها في الحلة أول ما يمسكوا يقبقبوا يقول لي أنتظرني أمشي البيت البس جزمة الدق وأجي عبارتك بتاعت الكاكي دائما بتذكرني الزول ده الله يطرى بالخير ..................

Quote: هل قرأت البيان؟

كلام البيان و أفظع منه تفعله و تقوله حكومتك و سادتك منذ 30 يونيو 1989 ... ايه الجدا؟
و ده الاستنتاج الصحيح

Quote: اعتقد ان هذا الإعلان من تأليف واخراج وتنفيذ الاجهزة الامنية .

و زواده فوق ده

Quote: أهلنا الكبار بقولوا : ( الممطورة ما بتهاب الرش ) فأهلنا في الهامش غارقون في الدماء وضرب النخرة منذ أمد بعيد ومثل هذا القول لا يرعبهم ولا يثنيهم .

و كل من يهدد و يتوعد ... ليوم الحساب ... ترونه مستحيل و نراه بأعيننا و نلمسه بأيدينا

رحم الله زميلنا بشير بكار وادخله فسيح جناته

الاخ صاحب البوست

قبل ضرب النخرة والدم يبقى الركب لو في طريقة وصل لنا الجواب دة للبشير

رسالة للبشير ورهطه والنظام يلفظ آخر أنفاسه

Quote: اذن، الضرب ح يكون في النخرة والدم حده الركب

ابداً لم اتوقع كلام زي ده يصدر منك ياالشفيع ..!!!!!!!!!!!!!

انا فتحت البيان(المذكور ) وحقيقة لقيت الكلام كتير وماعندي زمن ليهو
ممكن تقتبس لينا الكلام الشين فيهو عشان نحاورك ؟!!!


ثم اعصابك اخي الشفيع فقد صبرنا 23 عاماً ومازلنا صابرين ..
يومين يجيبوا كثافتك ؟!!!هههههه

الشفيع

إنتهى الخوف

إنتهت الإنقاذ


فهي لم تكن تحكم بنجاحها

ولا بحب الناس لقادتها

ولا بكثرة مؤيديها


هي قلة كانت تخيف الكثرة

وإذا نفضت الكثرة الخوف

..


والبزدريك يا ويلو

يا ويلو من غضبك عليهو ومن مشيك

يا ويلو .. من موتو الوشيك

يا شعبنا


الباقر موسى

عفيت منك يا ولد وراق
تموت على دينك بس






مسعول من الخير، إنت (إذن) بتاعتك دي شرطية ولا تفاوضية؟

أعرف يا هذا إن الكاكي
فقط للرجال
الزيك ده الكاكي سيلفذه
انا بفتكر المريلة مناسبة لك و المعاك

Quote: أرفض التهديد بالتصفية من أى جهة كانت حكومة أم معارضة

شكرا جمال خضر
ويبدو ايضاً انت يا عصام جبر الله تتبرأ من البيان بنسبته للامن

من حقنا ان نتوعد ونهدد كل من تسول له نفسه تهديد امننا واستقرارنا بالتحريض على الاغتيالات والاعمال الارهابية
ويعلمون جيداً، اذا توعدنا، فعلنا

بغض النظر عن اى فهم وعن الجهة التى يمثلها البيان

المدعو الشفيع وراق

مرحبتين حباب الشر محل ما بتق
وتنقد الرهيفة انشاءالله ما تتلتق

وطن جاى صح لابد من تضحيات
اذن فلتكن تضحياتنا لك يا وطن عبر كشف ارزقية النظام الاغبياء

وكان ايدينا من المسك تتملخ
السماء ينقد وجلد النمل يتسلخ

اركز يا وهم وبطل البسبطة

الشفيع اخوي الكلام دا خلي في سرك

قريب دي ببقي ليك ورطة تحريض علي

القتل والقتل بدأ..قبل شوية قتل شخص

في مظاهرات الديم...

Quote: ويعلمون جيداً، اذا توعدنا، فعلنا

الأخ الشفيع

طبعا الكلام ده غير حقيقى وأذكر لك مثالين فقط

الأول :البشير حلف بأغلظ الأيمان بأنه لن يسمح بدخول

القوات الدولية الى دارفور وإذا حدث ذلك فإنه

يفضل أن يقود المقاومة من دارفور على أن يكون رئيسا ثم لحس كلامه

والآن إذا رفعت حجرا تجد تحته جندى من الأُمم المتحدة.

الثانى : ذكر البشير وهو فى قمة الإنفعال كالعادة بأنه لن يسمح

بمرور بترول الجنوب عبر الأنابيب حتى لو منحوا السودان نصف البترول

العابر وفى القريب العاجل سيمر بترول الجنوب عبر الأنابيب لأن الخلاف

ليس حول العبور ولكن فى مبلغ تأجير الخط .

الشفيع ازيك .
اشرت في بداية البوست للجبهة الثورية بأنها قد تكون خلف هذا البيان
طيب انتا عارف أن القتل يتم يومياً هناك ..في كردفان ودار فور والنيل الأزرق .
مال الذي تتوقعه منهم؟ يا الشفيع؟
شيء طبيعي جداً انهم ينفذوا اغتيالات وفي أي مكان ..
الشفيع
انتا زيك وزي الطيب مصطفى ... فاكرين انو السودان دا بس حدو الكلاكلة ....

المى حاااار مو لعب قعونج

ابفى مارق على السودان فورا

Quote: واضح مدي الرعب في جوف جرذ الانقاذ، هذا! فقط تذكر ان دامت لغيرك لما الت اليك. قال الضرب حيكون قال، والستشهدو سلفا قرابة ال3,000,000! الامننجي بهدد قال، او ده اصلا شغل رعب! هاري في سراولو، جرذ نظام القتلة!

صح
والكاكى دا بيلبسوه الرجال

رسالة للبشير ورهطه والنظام يلفظ آخر أنفاسه

كنت قد اعتزمت كتابة هذه الرسالة وأنا أرى صنوكم القذافي وهو يجرجر بالأرض من قبل شباب في عمر أولاده أو أولاد أولاده، ولم تفيده توسلاته ولا صراخه، وكيف تفيده وهو من ضخ الدم في عروق العنف والتقتيل، رأيته والذعر بائن في وجهه المرتجف، وجهه الذي كسته السلطة وبهرجها من قبل عجرفة وقسوة لا يتركان سبيلاً لمتعاطف أن يزرف عليه دمعة وهو يلاقي مصيره الذي اختاره بنفسه، بتنكره لشعب حكمه لعقود عددا متسائلاً، من أنتم؟
نعم رأيت ما حدث للعقيد الذي استأسد على شعبه وهو لا يعدو كونه هراً، وفي تلك اللحظة خطرتم بمخيلتي، وأنتم تحملون نفس الوزر تجاه شعب كريم لا يستحق المهانة، وأعتزمت كتابة هذه الرسالة، وأنا مدفوع بحسن نية افترضتها، ولكن خطابكم الذي عبرتم فيه عن سعادتكم بما آل عليه حال صنوكم الذي تشبهتم به في مؤتمراته الشعبية ولجانه الشعبية ومؤتمراته التي أفضت بكم في النهاية لتسمية حزبكم المؤتمر الوطني، خطابكم ذاك الذي مارستم فيه المن العظيم على الثورة الليبية بأنكم كنتم السبب الرئيس في انتصارها، ذلك الخطاب أخرج لسانه لحسن نيتي المفترضة في حسن تقديركم للموقف السياسي، وجعلني أدير وجهي للفكرة، واطرد العزم لكتابة هذه الرسالة، اذ انكم كنتم لا تسمعون الا صوت أنفسكم، ولا ترون الا ما يسر أنظاركم.
والآن، ونظامكم يلفظ أنفاسه الأخيرة، وبعد أن سمعت خطابكم الأخير الذي اعاد للذاكرة آخر خطاب لمن سبقكم النميري، ورأيتكم تعيدون لسياسة التقشف سيرتها الأولى وتطالبون الشعب أن يعينكم عليها، راودتني الفكرة مرة أخرى، حتى غلبتني وهأنذا أكتب هذه الرسالة علها تصل اليكم و لا يتم حجبها عنكم، وان وصلت أرجو أن تتمعنوا فيها بتبصر وأن تجد أذناً صاغية.

وبعد....
لقد أثقلتم كاهلكم بجرائم تنؤ عن حملها الجبال، سفكتم الدماء بغير وجه حق، فرطتم في وحدة البلاد، أهنتم كرامة الانسان بالاعتقال والفصل التعسفي، وتسليط سيف الحاجة على عنقه، حتى فقدت البلد عدد مقدر من أبنائها يسعون في أرض الله الواسعة هجرةً واغتراباً، دمرتم الاقتصاد الوطني، فرطتم في السيادة الوطنية، فأصبحت البلاد مسرحاً لكل مخابرات العالم، أذليتم العباد ومرمغتم الهوية السودانية في التراب، فبعدما كان السوداني محترماً في كل بلاد العالم، أصبح كسيراً ذليلاً، يدير خده الأيسر لمن صفعه في خده الأيمن، مستسيغاً مرارة الذل والهوان في الخارج، أكثر من استساغته مرارة ذلكم وجبروتكم، وكسرتم عزة السودان بشروعكم في ابادة اهله العرقية في دارفور وكردفان والنيل الأزرق ومن قبل الجنوب مما أهّلكم لتكونوا أول رئيس يصدر ضده مذكرة اعتقال، ويصبح مطارداً من العدالة الدولية، حبيساً بين جدران داره، يتسول الدعوات لزيارة الدول، كما يتسول الأمان منها أيضاً، وهذا غيض من فيض، فجرائمكم ثقيلة لا يوازيها موضوعياً أي عقاب.
ولذا تجيئ رسالتي لكم، لا تزيدوا على هذه الجرائم، فأنتم ذاهبون لا محالة، فأسترجعوا صورة صنوكم القذافي وهو يقابل حتفه بذعر يساوي كل صلفه وغروره، واختاروا لأنفسكم نهاية كريمة تليق بالشعب السوداني الكريم، الذي يعفو عند المقدرة، لا نريد أن نراكم في نفس موقف صنوكم، والهلع والبؤس يتلبس روحكم وانتم تجرجرون من حفرة في فلاة، حيث الندم حين لا ينفع الندم، وهذا ليس تخويفاً لكم لأنني على يقين من أنكم في حالة من الذعر والخوف تجعل أمر زيادتهما أمر في غاية الصعوبة، لمن هو مثلي، لا يرضى لشعبه أن يمارس ما مارسه الشعب الليبي مع صنوكم.

لمرة واحدة في تأريخكم مع هذا الشعب، اعملوا شيئاً ربما يكفّر بعض ما ارتكبتموهوا في حقه، أحقنوا الدماء، وألجموا مؤسساتكم الأمنية والعسكرية عن هذا الشعب، وتنحوا عن السلطة وطالبوا ونحن معكم بالمحاكمات العادلة، مع العلم أن عامل الزمن والمماطلة ديدنكم في التعامل مع القضايا لن تفيدكم، الزمن ليس في صالحكم، أنشدوا النصح من كل الساسة والاكادميين وطليعة الشعب والشباب اليوم، في الكيفية التي يمكن بها أن تسلموا السلطة للشعب.
ربما عندما تفعلون ذلك وتذهبون، لا ترافقكم بضع اللعنات، وأنا لكم من الناصحين
بشرى الفكي
أحد ضحاياكم الذين لا تعلمون

رساله من الاستاذ بشري محمد حامد الفكي لعلكم تتذكرون...

فايز
انا كنت قايل نفسي كسلان قراية، بس لقيتك اكسل مني
انا سبق واقتبستها في البوست ده، صلاح فتل البوست وما رجع يعدل مداخلته
بقتبس ليك تاني:

Quote: الجبهه الشبابيه السودانيه : حَركة شباِبية ثورِية ممثلة من جِموعْ الشَبابْ السُوداني لقِيادة التغيير القادم،نعتمد في عملياتِنا العسكرِية علي التركِيز حَول مركز السُلطة، دون الحَوجة لتنفِيذْ عمليات في مناطِق نائية لا تُؤثر في مركز السُلطة في الخرطوم ، ونرّكز علي العمليات النوعِية،تماشِيا ًمع برنامجنا السِياسي السرّي في وَسط كافّة قِطاعات الشَعب السُوداني، بهدَف واحِد ومِحوري الا هُو إسقاط النِظام.

Quote: ونحن نتَعهّد لشعبِنا بأننا سائِرون في هذا الدرب بخطي ثابِتة عَبر قِيادة سِياسية شبابية واعية، وقوة عسكرِية ضارِبة تبَدأ نشاطها من مركز السُلطة في الخُرطوم، لا تتوّقف الا بإزالة نِظام الإبادة الجماعِية والتطْهير العِرقي

ثم

Quote: التحيه لشبابنا بجامعات الخرطوم والنيلين والاهليه والبحر الاحمروالسودان وبقيه الجامعات السودانيه وهم يقودون بدايه الثوره الشبابيه يوم الاحد17يونيو والتى ستتواصل حتى التغيير الشامل .ونؤكد لهم ان جناحنا العسكرى سيكون قريبا من الاحداث وحاميا لثورتهم

Quote: وسُوف نُوافيكم فى مُقبل الأيّام القادِمة بالهياكِل السِياسِية والعَسكرِية للجبهة الشبابية. ونأمل أن نُعلن عن أنفسنا بِعمل نُهدية للشَعب السُودانى.

Quote: شيء طبيعي جداً انهم ينفذوا اغتيالات وفي أي مكان ..

اخوي فتحي
برضك كلامك دوغري وعديل وما ملولو زي البعض هنا، وتشكر عليهو
اها الاغتيالات موش برضو من حقنا نقابلها بالضرب في النخرة؟ ولّ رايك شنو؟

يا الشفيع البيان دا بمثلنى تماما....
وزى ما بجهدنا في الداخل والخارج قدرنا
جبنا الادانات الدولية الجنائية لرأس النظام زاتو
برضو بنقدر بجهدنا في الداخل والخارج نقلعوا .
ولو الحرامية والمخانيث بتاعنكم ديل رجال
خليهم يضربوا في النخرة زى ما بتقول .

للاسف انت زول ما بتعرف سياسة
لانو مافي زول عاقل بقيف مع الناس ديل في ايام زى دى ... الله يكون في عونك .

عمر دفع الله
طالما البيان مثلك، فلا اظن تمانع خطابنا، خطاب الضرب في النخرة، ويلا ارحكا على الميدان، حديد يلاقي حديد
من تسميهم(مخانيث) حكومك 23 عام، وسيحكموك مثلها

Quote: مافي زول عاقل بقيف مع الناس ديل في ايام زى دى

بالعكس
ده هو وقت وقفة (الرجال)
ده هو وقت (الحارة)

الشفيع يا اخوى ...

الموضوع اكبر من الضرب فى النخرة
دا مخطط لاحداث فوضى وإغتيالات وتفجيرات
لزعزعة الاستقرار الامنى فى العاصمة
وتسجيل كل تلك الاحداث وعكسها فى الاعلام الخارجى
للاعلان عن بدء التفلتات الامنية فى السودان
وسيستهدفون المواقع العسكرية والامنية والشرطية والسياسية
والقيادات السياسية والامنية والعسكرية والشرطية
والاحزاب المشاركة فى الحكومة المشاركة العريضة
فالحذر كل الحذر من هذا المخطط الارهابى
وسيتحمل كل من يعلن عن إنتمائه لهذا الكيان النتيجة القانونية لاى حدث
يعكر صفو الامن فى الخرطوم ...

الموضوع اكبر من الاشخاص ي الشفيع اخوى
فى زول عندو جرعات نضالية زائدة قام فكاها فينى ببلعها ليهو ...

مهما استهبلتوا ، السودان ليس سوريا او ليبيا


حسمكم ساهل جدا

Quote: الموضوع اكبر من الضرب فى النخرة دا مخطط لاحداث فوضى وإغتيالات وتفجيرات لزعزعة الاستقرار الامنى فى العاصمة وتسجيل كل تلك الاحداث وعكسها فى الاعلام الخارجى للاعلان عن بدء التفلتات الامنية فى السودان وسيستهدفون المواقع العسكرية والامنية والشرطية والسياسية والقيادات السياسية والامنية والعسكرية والشرطية والاحزاب المشاركة فى الحكومة المشاركة العريضة فالحذر كل الحذر من هذا المخطط الارهابى وسيتحمل كل من يعلن عن إنتمائه لهذا الكيان النتيجة القانونية لاى حدث يعكر صفو الامن فى الخرطوم ...

ياود العمة مافي مخطط ولا بطيخ
ده شغل ناسك وخرخرة مبكرة وتبرير لرد فعل موهوم بفعل اجرامي سينفذه النظام ..
وتبريرك لرد فعل النظام المحتمل يدخلك في مسئولية اخلاقية فيها تبطين تحريضي على حماية نفسه باى وسيلة ..
المعارضة المسلحة موجودة ياعزيزي وتخوض الحرب في ميادينها ..والمعارضة السلمية موجودة في شوارع المدن
وكلٌ حسب ميدانه ...

Quote: فى زول عندو جرعات نضالية زائدة قام فكاها فينى ببلعها ليهو ...

ماعنده حق ..ان كان له مايثبت ذلك فليعلنه وان كان غير ذلك يلزمه اعتذار ..


تحياتي ،،

الأخ الشـفيع


مع ادانتي لأي عنف و قتـل ولكن افهـم دوافع من حاربكم
في دارفـو وجبال النوبة و النيل الأزرق و ألان من هم وراء هذا البيان

يا الشـفيع ماذا كنت تتوقع أن ينتج عن عنفكم و قتلكم , الم تتوقع أن يأتي
يوما ويقول لكم الضحايا كفى و سـنواجهكم بما دعا له رئيســكم و نافعكم
وغيره من اسـتفزاز ودعوة لحمل السـلاح ودا حصل في المناطق اياها و الان
جاء لحدي عندكم ( الخرطوم ) إنها رجع الصدى لعنفكم و قهركم للعزل بالقوة و قتلكم الأبرياء

قال كبيركم ( العاوزها يجي يقلعا ) أو( ما بنفاوض الأ من يحمل السـلاح ) ,
اها انتو قلتوا ما في قلع بأخوي واخوك , ســلاح وبس , من هنا بفهم انو الناس
ديل خلاص عاوزين يقلعوها منكم و بما دعوتم له ( دا لو كان خلف البيان جهة غير جماعتكم )
فدافعهم مفهوم( في اطار ممارسـتكم ودعوتكم ) ولكنه مرفوض , لكن دافعكم غير مفهوم و مرفوض

وتهديدك هنا مرفوض و غير مفهوم الأ كتصعيد للعنف المرفوض ,وفارجـو أن تسـحب تهديدك
حرصا على ما تبقى من سـودان وان تدعو من هم خلف البيان الى الحوار ( اي كان من الوجه
الدعوة للتهدئة و ايجاد مخارج من الأزمة وليس التصعيد )
فلا تحـرج أصدقاءك هنا بهذا التهديد و خاصة صديقـك الجديد ( النعمـة ) حيث يجب عليه
توضيح موقفه من هـذا التهديد

بعدين سـؤال
تهديد دا موجه لمنو ؟ لزملاءك في المنبر ؟

Quote: من هؤلاء؟ هل هم منكم؟

هههههههههههههههههههههههههههههههههههههههه

اها ي الشفيع شفت الكلام دخل الحوش كيف ...

زول قانونى وكادر من كوادر الحزب الشيوعى يدعو الى
حرق

احتلال

مهاجمة بيوت قيادات سياسية

فى ظاهرة دعوة الى عنف غير مسبوقــة

تعتقد لماذا ..

فى رأى ان هذه الجبهة الشبابية ( جنين من اجنة لحزب الشيوعى ) بدليل كلام ابوساندرا دا

سلام الله على الجميع

Quote: زول قانونى وكادر من كوادر الحزب الشيوعى يدعو الى حرق احتلال مهاجمة بيوت قيادات سياسية فى ظاهرة دعوة الى عنف غير مسبوقــة تعتقد لماذا .. فى رأى ان هذه الجبهة الشبابية ( جنين من اجنة لحزب الشيوعى ) بدليل كلام ابوساندرا دا

عاد ابوساندرا اتلوم شديد هو قايل نفسو قائد لانقلاب الجبهة فى 89
النصيحة بالغ

الحاجات القالها ابوساندرا دى ملك حر للكيزان
وده تعدى منه واضح .. أربأ به وهو القانونى

موووبالغة بس

Quote: اذن، الضرب ح يكون في النخرة والدم حده الركب

الضـــربة التشقك يا الشــفيع

يعني ناس نظريين بشكل

حايمين في دول الرفاه ويتكلموا عن احتلال الاذاعة
اسع عليكم الله دي مظاهرات بتحتل ليها اذاعة

مظاهرات الجزائر كانت اعنف منها ولم تحتل اذاعة ولم تسقط نظام رغم سقوط عشرات القتلى
مظاهرات المغرب وموريتانيا اعنف واكثر تنظيما وشهدت مشاركات مهنيين وقيادات فكريةورموزثقافية
مظاهرات ايران كان اشد عنفا وماتوا فيها بالكيلو وقطعت فيها الاتصالات وتدخلت امريكا ولم تمسس شعرة من نظام الملالي
البحرين اضراب عن الطعام ومحاكمة للاطفال ودخول جيوش اجنبية
الاردن حتى هذه اللحظة مشعللة
بس نحن البطلع لينا اسد
عشان خطط الاحتلال الذكية التي يرمي فيها هولاء عبر البحار
والله ياشفيع ولامحتاجة ضرب نخرة ولا ضرب ركب
الركب دي يخليها ليهم يجروا بيها
وناس برة خليهم يحرقوا الشموع
والماعجبوا يركب اعلى مافي فيس بوكو

يا###### يا حقير يا واطي

Quote: بعدين سـؤال تهديد دا موجه لمنو ؟ لزملاءك في المنبر ؟

الاحيمر ازيك ياخي

كان اول تسألهم هم
البوست رد فعل للبيان
وهو رد مناسب جدا جدا

واهو اخونا بدر ما قصر وجاب ليكم اسنابشوطس من جوه المنبر
تدعو الى نفس نهج البيان
اذا البيان لم يخرج من فراغ
البيان وراهو تخطيط ارهابي
وح نقابله بالضرب و ح يكون في النخرة والدم حده الركب

لو في شباب عندهم سلاح وباستطاعتهم ينفذوا عمليات عسكرية ضد نظامك المعفن ده، كان عملوها زماااان أيام قبضتكم قوية، والناس ماليها الإحباط، وماف أمل يلوح في الأفق أن الإنقاذ تغور،
يبقى يا دباب
ما ممكن وهسع باقي ليكم خطوة والقبر تجنح الناس للفعل المسلح، وهو خيار اليائسين من خيار المظاهرات السلمية.
ما تلفح أي بيان ساي وتجي تتوعد الناس، لو الناس بتتعامل بردود الفعل الغبية دي
كان أبوالعفين ده لحقوهو أمات طه، بي لسانو الطويل وتهديد الناس في الفارغة والمليانة، فبالله أقعد في علبك، وما كل مرة تجي طاير لينا كاكي وما كاكي،
رجالة الكيزان دي عارفنها كويس، وياما جريتو في جامعة الخرطوم لما علقوا ليكم نعلاتكم في الشجر تشهد ع جبنكم.

Quote: الشفيع وراق عبد الرحمن تاريخ التسجيل: 27-04-2009 مجموع المشاركات: 7536 Re: اذن، الضرب ح يكون في النخرة والدم حده الركب رحم الله زميلنا بشير بكار وادخله فسيح جناته

الأخ الشفيع
هل أنت دموى تدعو لإسالة الدماء للركب
أم رحيم تدعو بالرحمه للغير؟

الأخ بشير بكار الله يرحمه رجل ثوره وثائر حتى لحظة وفاته
آخر بوست وآخر مداخلات له قبل وفاته ... هل من متفحص ؟!!!

Quote: b_bakkar تاريخ التسجيل: 01-04-2004 مجموع المشاركات: 1027 Re: بدأت بوادر الماثرة السودانية الثالثة فلنواصل النضال حتى النصر (حق) (Re: b_bakkar) نداء إلى تجمعات السودانيين بالمهجر: هبوا سريعا فرادى وجماعات لدعم الثورة الشعبية في الداخل. سارعوا إلى توحيد جهودكم وتنظيم صفوفكم في كل المواقع، واشرعوا في جمع التبرعات المالية وتنظيم الحملات الإعلامية بمساعدة أصدقاء السودان من مختلف الشعوب، لدعم المقاومة الداخلية السلمية وتصعيدها حتى النصر.

Quote: ما تلفح أي بيان ساي وتجي تتوعد الناس

نادر
البيان ما لفحته، البيان منشور في سودانيز اون لاين الموقع ذو المصداقية العالية
واكيد صادر من جهة معتبرة و لّ بكري ما كان اتحمل مسؤولية تعليقه

خليك من البيان، رايك شنو في كلام ابوساندر الموجود فوق ده؟

بدر الدين ازيك

Quote: الموضوع اكبر من الضرب فى النخرة دا مخطط لاحداث فوضى وإغتيالات وتفجيرات لزعزعة الاستقرار الامنى فى العاصمة وتسجيل كل تلك الاحداث وعكسها فى الاعلام الخارجى

المخطط ده إنتوا بصراحة الإتسببتوا فيه بإستهتاركم بالشعب والمراهنة على ترويضكم له
الناس البعارضوكم ديل ما صدقوا لقوا فيكم ثغرة ونزلوا فيكم معيط وحا يلحقوكم الزينين
جابوكم في كل تلفزيونات العالم وشتائم لرئيسكم وحكومتكم العالم كله اتفرج عليها
ده كله لأن نظامكم اراد ارضاء امريكا والحركة الشعبية ومتمردي دارفور وكل من حمل السلاح
مليون مفاوض يتحرك من فندق خمسة نجوم لستة نجوم وكل يوم في بلد وبدل سفر وبدل بطيخ
بذرتوا القروش دي كبيتوها في الواطاة بس الشعب ما يشيلها ولا يضوقها ولا حتى يشمها قدحة
وحسي لامن الحكومة فلست بقت تضغط على الشعب الأصلوا ميتيشوا طالع عشان كمان المعاناة تدفق بغادي
الحكومة كان عندها فرصة دهبية بعد هجليج بدل اسثمارها واصلت في سياسة: جوع ك ل ب ك يتبعك
الناس بس بقت تموت وهي واقفة من الضعف والوهن والذل والهوان والبهدلة والجوع والفقر والمرمطة
المسؤلية أمام الله عظيمة يا بدر الدين ومن لا يستطيع تحملها فليتركها لمن هو أهل لها

Quote: لو في شباب عندهم سلاح وباستطاعتهم ينفذوا عمليات عسكرية ضد نظامك المعفن ده، كان عملوها زماااان أيام قبضتكم قوية، والناس ماليها الإحباط، وماف أمل يلوح في الأفق أن الإنقاذ تغور، يبقى يا دباب ما ممكن وهسع باقي ليكم خطوة والقبر تجنح الناس للفعل المسلح، وهو خيار اليائسين من خيار المظاهرات السلمية. ما تلفح أي بيان ساي وتجي تتوعد الناس، لو الناس بتتعامل بردود الفعل الغبية دي كان أبوالعفين ده لحقوهو أمات طه، بي لسانو الطويل وتهديد الناس في الفارغة والمليانة، فبالله أقعد في علبك، وما كل مرة تجي طاير لينا كاكي وما كاكي، رجالة الكيزان دي عارفنها كويس، وياما جريتو في جامعة الخرطوم لما علقوا ليكم نعلاتكم في الشجر تشهد ع جبنكم.

أنا ياهو ده كلامي، كلام أبوساندرا مسئول عنو أبوساندرا، رد لي على كلامي ده.
نحن ندعو لمظاهرات سلمية، ليست خوفاً من أمثالك من الكيزان، بل لأنو ده الفرق بينا وبينكم، بين البني آدميين والمجرمين.
حتى تحطيم الممتلكات العامة ندينها ونشجبها.

شكرا الأخت سهام
فإن ما ذكر وأكثر فقط حق أو حقوق للكيزان دون سواهم ... حرق .. نهب .. قتل ... تصفية ... سرقة ... كذب .. دجل ... ألخ
وبعدين زول بدعو بصريح القول للضرب والدم الركب وقاعد حارس المنبر 24/7 ... ؟؟؟ أمشى الميدان ياحميدان البيان بالعمل ...
الغريق وصل .. شمروا السراويل
الشفيع ابراهيم

Quote: أنا ياهو ده كلامي

وانا ايضا يا نادر، ده ياهو كلامي ومن اول البوست
البوست يخاطب المخربين الارهابيين
المظاهرات السلمية لا اعتراض لي عليها، بل ممكن اؤيدها واشارك فيها

Quote: وقاعد حارس المنبر

يا الشفيع كيفنك
المنبر ثغر من الثغور
وحراسته واجبة

Quote: الاخ الشفيع .. اصلا ما كنت متوقع انك تكتب ما كتبته اعلاه

مهما أسأت الظن، في الأخوان المسلمين، فإنهم يفوقون سوء الظن.
وناس الرياض ديل خلوهم يعملوا تأشيرة خروج نهائي، وبعدين اتكلموا عن الضرب والدم...مُش يحرضوا واتفرجوا.

اخونا عبد الحي
ردنا على الشفيع ابراهيم فوق، يكفيه ويكفيك

Quote: انتشار أمني بالخرطوم واختطاف نجل سياسي 23/06/2012 الجزيرة نت-الخرطوم طوقت الشرطة السودانية أحياء جنوب العاصمة الخرطوم، وسط استمرار المظاهرات المنددة بارتفاع الأسعار لليوم السابع على التوالي، كما قال الأمين السياسي لحزب المؤتمر الشعبي المعارض إن أفرادا من جهاز الأمن والمخابرات الوطني اختطفوا نجله. وانتشرت أعداد كثيفة من قوات شرطة النجدة والعمليات لتطوق بعض الأحياء جنوبي الخرطوم بينها حي الديم الذي شهد احتجاجات لليوم الثاني. وقال سكان -للجزيرة نت- إن أفرادا بلباس مدني يمتطون سيارات مظللة يجوبون أزقة الأحياء لاعتقال من يصفونهم بمثيري الشغب. ومن جهته أكد ناطق باسم الشرطة السودانية صدور توجيهات من مديرها العام بالحسم الفوري لتفريق التظاهرات "حسب ما نص عليه القانون". ودعا اللواء شرطة السر أحمد عمر في تصريح صحفي المواطنين ولجان المحليات والأحياء للتعاون مع الشرطة "وهي تقوم بعملها الهادف لإنفاذ القانون وتأمين الوطن ومواطنيه". يأتي ذلك في وقت فرقت فيه الشرطة مستخدمة الهري والغاز المدمع، تظاهرات خرجت في أنحاء عديدة من الخرطوم وأم درمان، احتجاجا على الإجراءات التقشفية التي أعلنت عنها حكومة الرئيس السوداني عمر البشير لحل الأزمة الاقتصادية في البلاد، ومنها رفع الدعم عن المحروقات وزيادة الضرائب. اختطاف في هذه الأثناء قال الأمين السياسي لحزب المؤتمر الشعبي كمال عمر عبد السلام إن أفرادا من جهاز الأمن الوطني والمخابرات اختطفوا ابنه عمر الذي يبلغ من العمر 18 عاما. وأضاف -للجزيرة نت- أن الخاطفين كانوا مستقرين حول منزله منذ نحو ثلاثة أيام، واعتبر الاختطاف أسلوبا جديدا "من أساليب القرصنة الذي ظل يتبعه جهاز الأمن لإرهاب معارضي الحكومة". وحمل كمال عمر الحكومة ممثلة بجهاز الأمن مسؤولية ما يحدث لابنه "الذي ليست له أي علاقة بالنشاط السياسي الذي أمارسه"، وقال إن أفرادا أمنيين على سيارتين مظللتين -بحسب شهود عيان- اقتادوا نجله إلى جهة غير معلومة. وكانت الشرطة السودانية قد فضت احتجاجات متفرقة في عدد من أحياء العاصمة الخرطوم مساء اليوم السبت، مع العلم أن الاحتجاجات متواصلة لليوم السابع على التوالي. ونقلت وكالة الصحافة الفرنسية أن مظاهرة احتجاجية تحولت إلى مواجهة مع الشرطة في جنوب الخرطوم، حيث قام المتظاهرون بإحراق إطارات السيارات ورشقوا الشرطة بالحجارة فردت عليهم بإطلاق الغاز المدمع. وقال شهود عيان إن عشرات من الأشخاص تظاهروا لليوم الثاني في حي الديم جنوب الخرطوم وسط انتشار أمني، وشوهد دخان الإطارات المحترقة يتصاعد في المنطقة، كما اندلعت احتجاجات في ثلاثة أحياء أخرى بحسب نشطاء. وفي مدينة القضارف بشرق البلاد تظاهر نحو مائتي شخص تجمعوا للتنديد بارتفاع الأسعار ورددوا هتافات "لن يحكمنا نظام دكتاتوري"، وفرقتهم الشرطة بالهري كما أفاد شهود عيان. اعتقال معارضين في غضون ذلك قال تحالف المعارضة المعروف بهيئة قوى الإجماع الوطني إن جهاز الأمن اعتقل اليوم ستة من أعضائه، واقتحم مقري حزبي الوطني الاتحادي والمؤتمر السوداني. وأبلغت الهيئة الجزيرة نت أن السلطات الأمنية اعتقلت الأمين العام للحزب العربي الناصري المحامي ساطع محمد الحاج وعضو الحزب منذر أبو المعالي، وأمين الاتصال التنظيمي بحزب المؤتمر الشعبي دهب محمد صالح، ومسؤول العلاقات الإعلامية لحزب البعث العربي محمد ضياء الدين بالإضافة إلى رئيس فرع الخرطوم بحزب المؤتمر السوداني المعارض محمد فريد بيومي. وفي المنحى ذاته اتهم رئيس حركة العدل والمساواة المتمردة في دارفور جبريل إبراهيم محمد نظام الحكم بإثارة المشكلات في البلاد عبر سياساته "غير الرشيدة". أما الحزب الشيوعي السوداني فدعا لمواصلة المظاهرات والنضال الجماهيري حتى إسقاط النظام، مطالبا في الوقت ذاته بإطلاق سراح كل المعتقلين السياسيين. وقال -في بيان تلقت الجزيرة نت نسخة منه- إن قادة المؤتمر الوطني مع اتساع قاعدة المظاهرات يحاولون امتصاص الغضب الجماهيري وتهدئة الشارع بالدعوة إلى تخفيض أسعار المحروقات. ودعا إلى مواصلة المظاهرات والنزول للشارع ومواصلة المعركة وقفل الطريق أمام تخريب الأمن للممتلكات العامة بهدف قطع الطريق على المظاهرات السلمية.

اختطاف في هذه الأثناء قال الأمين السياسي لحزب المؤتمر الشعبي كمال عمر عبد السلام إن أفرادا من جهاز الأمن الوطني والمخابرات اختطفوا ابنه عمر الذي يبلغ من العمر 18 عاما.
اها الاختطاف دا ضرب فى النخرة!
دى فرفرة مذبوح
جنى

Quote: اها الاختطاف دا ضرب فى النخرة!

لا يا جني
لو دايرين كنا اختطفنا ابوهو

جمعة لحس كوع مباركة وعقبال جمعة (تشموها قدحة)