Post: #1
Title: داعية اسلامي يقدم مذكرة قوية لنافع
Author: د.محمد حسن
Date: 06-22-2012, 09:46 AM
Quote: لخرطوم: آخر لحظة
سلم الداعية الإسلامي والمحاضر بجامعة الخرطوم الدكتور صديق الحاج أبو ضفيرة أمس الدكتور نافع علي نافع مساعد رئيس الجمهورية نائب رئيس المؤتمر الوطني بواسطة مكتبه بالمركز العام، مذكرة أسماها (الربيع السوداني)، شعارها (الشعب يريد الحكم بالإسلام وإرشاد النظام) حوت على 14 مقترحاً قال إنها تعيد ثقة المواطن المفقودة في النظام لفترة طويلة وأشار أبو ضفيرة إلى أن هذه المقترحات محكمة وواجبة التنفيذ وأنها متمثلة في أن يقوم القادرون من أعضاء المؤتمر الوطني بترك وجبة الإفطار لمدة يومين، وأن يحولوا ثمنها لجملة طعام الأطفال المشردين وأمهاتهم، وأضاف من لا يتحمل الجوع يسلم مبلغ الوجبتين إلى القائمين بأمر الحملة وأشار إلى ضرورة أن تقوم الحملة بحصرهم والكشف عليهم وكسوتهم، ودعا المؤسسات الحكومية للتبرع بنصف نثريات شهر لدعم العام الدراسي، والقيام بإحصاء ورعاية العاملات في البيع بالطرقات العامة ودعم تجارتهن والتصريح لهن بأماكن ثابتة، بجانب دراسة أوضاع الباعة المتجولين، وأشار البيان إلى ترك الغناء لمدة يومين بالفضائيات والإذاعات حزناً على المسجد الأقصى، بالإضافة إلى دعم المرافق الصحية والدواء والكتاب الجامعي ورسوم القبول للطلاب المعسرين، وذلك من نثريات ومخصصات احتفالات الثلاثين من يونيو. |
هسة زي المحاضر ده يقولو عليه شنو؟
|
Post: #3
Title: Re: داعية اسلامي يقدم مذكرة قوية لنافع
Author: د.محمد حسن
Date: 06-22-2012, 09:50 AM
Parent: #2
تعرف ايها القاريء الكريم
انا بفكر مش في الكلام الكتبو المحاضر ده
بفكر انو هو ظااااااااتو فكر فيه كيف
ده عبقري جد
ياربي بدرس طلبتو شنو؟
هل لو انا كنت طالب عندو والعياذ بالله كنت حاتخرج شنو؟
بجد الناس ديل خلو ابليس يبكي على روحو انو طلع من الجنة عشان ناس زي ديل
|
Post: #4
Title: Re: داعية اسلامي يقدم مذكرة قوية لنافع
Author: Osama Mohammed
Date: 06-22-2012, 09:56 AM
Parent: #3
ألاستاذ ابوضفيرة دايما شاترها ...
كان زمان عندو فكرة حزب اسلامي او حركة اسلامية ووزع رقاع العوة لعدد من طلابه( وانا كنت واحد منهم) واصدقائه وكانت العزومة في رمضان ورغم الاغراءات لم يحضر احد ... هو انسان طيب على نياتو بس قصة اسلام وحركات وحزب تصحيح اسلامي و ( حتم) دي ما جايبه حقها . بالمناسبة الراجل في اللغويات وعلم الصوتيات يعتبر مرجع . اعتقد برضو عندو حاجة مع الارقام والرقم 13 لو ما اخاف الكضب .
|
Post: #5
Title: Re: داعية اسلامي يقدم مذكرة قوية لنافع
Author: د.محمد حسن
Date: 06-22-2012, 10:33 AM
Parent: #4
| Quote: كان زمان عندو فكرة حزب اسلامي |
خلاص عشان ما نظلم الراجل
نسمي حزبو
حزب ظرفاء الاسلام
تخريمة
تلقى نافع لي هسة بيضحك
|
Post: #6
Title: Re: داعية اسلامي يقدم مذكرة قوية لنافع
Author: محمد إبراهيم علي
Date: 06-22-2012, 10:50 AM
Parent: #5
| Quote: ترك الغناء لمدة يومين بالفضائيات والإذاعات حزناً على المسجد الأقصى، |
الزول ده واحد يوديهو الضل
احتلال المسجد الاقصى ليس سببا في ازمتنا الاقتصادية
|
Post: #7
Title: Re: داعية اسلامي يقدم مذكرة قوية لنافع
Author: فيصل عثمان الحسن
Date: 06-22-2012, 11:00 AM
Parent: #6
| Quote: الزول ده واحد يوديهو الضل |
بالطريقة بتاعتو دى نحن الحا نمشى الضل .
|
|