Post: #1
Title: هل يمكن تغيير نظام الانقاذ بثوره سلميه ؟؟؟
Author: Dr.Elsadig Abdalla
Date: 06-21-2012, 09:24 PM
ثورة أكتوبر وابريل كلها كانت سلميه ..عدة أيام من المظاهرات واشتباكات مع شرطة مكافحة الشغب وتسقط الحكومه ..
حكومة الانقاذ ..والكل يعرف ...مدعومه بحزب معروف تدعمه كميات من البشر وكميات من الأسلحه ...هل نحن مقبلون على نسخه ليبيه أم نسخه سوريه من الثورات ؟؟؟أم أن التغيير سيكون سلمي ؟
|
Post: #2
Title: Re: هل يمكن تغيير نظام الانقاذ بثوره سلميه ؟؟؟
Author: أحمد ابن عوف
Date: 06-21-2012, 09:37 PM
Parent: #1
دكتور الصادق
تحياتي
سؤال وجيه وفي وقته
اختصارا بنقول لا، وكمية القوة التي سيستعملها الشعب تعتمد على رد الفعل الكيزاني
اذن الامر بيد المؤتمر الوطني ان يحدد حسب سلوكه نوع وكمية عنف الشعب او سلميته
لا حدود لاجرامهم وبنفس القدر لا حدود لقوة الجماهير.
المؤتمر الوطني لن يستسلم بسهولة، ولم يستسلم في دارفور وجنوب كردفان والنيل الازرق
فقد استعملوا قوة السلاح بكثافة تدميرية ابادية استطاعوا معها من مجابهة قوات ثورية مسلحة
وما زالت تقاوم.
لكن تلك ليست معركتنا الآنية، فهي ضغط مدن ولا تخضع لقوانين لعبة الميادين العسكرية والغابات والجبال
فقوة السلاح لها حد لا يستطيع معها تجاوزه في الخرطوم ومدني وكوستي وعطبرة والابيض، في حين ان الجماهير
المدنية يمكنها ان تملأ الشوارع عن بكره ابيها.
|
Post: #3
Title: Re: هل يمكن تغيير نظام الانقاذ بثوره سلميه ؟؟؟
Author: محمد إبراهيم علي
Date: 06-21-2012, 09:37 PM
Parent: #1
HELL NOOOOOO
يا دكتور النسا دي ناوية ما تجيبا البر
الوالي امس بيستعرض في مليشياته المسلحة وده تهديد بانو حينزلهم للشوارع لقمع المواطنين العزل
لكن الزمن اختلف والكيزان ما بيقرو التاريخ اي خطوة مثل هذه سيكون لها ما بعدها
السلاح متوفر والعالم مستعد يدعم
وتاني كوز موية ساي الناس ما بتخليهو
|
Post: #4
Title: Re: هل يمكن تغيير نظام الانقاذ بثوره سلميه ؟؟؟
Author: محمد البشرى الخضر
Date: 06-21-2012, 09:43 PM
Parent: #3
| Quote: هل نحن مقبلون على نسخه ليبيه أم نسخه سوريه |
يمنية يا دكتور ... يمنية
صفقة برعاية قطرية يتنحى فيها البشير و جماعته لكن عضم المؤتمر الوطني ما بتهبش و تتشكل حكومة انتقالية أو ما شابه
هذا والله اعلم
|
Post: #5
Title: Re: هل يمكن تغيير نظام الانقاذ بثوره سلميه ؟؟؟
Author: Dr.Elsadig Abdalla
Date: 06-21-2012, 09:58 PM
Parent: #4
شكرا لجميع الأخوان المتداخلين
والله بصراحه بلدنا دي عايره وادوها سوط...ما أظن أنو ناس المؤتمر الوطني الشايفهم ديل (ناس الحس كوعك وعضي أضانك ..ألخ ) يتنازلوا عن السلطه بي أخوي واخوك...وربنا يكضب الشينه ...
|
Post: #6
Title: Re: هل يمكن تغيير نظام الانقاذ بثوره سلميه ؟؟؟
Author: طارق جبريل
Date: 06-21-2012, 11:04 PM
Parent: #5
يا وجيه كيفنك
يا زول الكلام دخل اللحم الحي
جاااااااااطت
|
|