السلفيون ينقذون اقتصاد الانقاذ من الانهيار الوشيك ......... كاريكاتور

يافنانا الجميل السلفيون مابشيلوا سبح ..


تحياتي ،،

الإستغفار ما بنابهو لكن الفيكم إتعرفت ,,


تحياتي عمر ..

Quote: يافنانا الجميل السلفيون مابشيلوا سبح .

يا مجاهد الجماعة ديل هسى شالوا جرائم الانقاذ كلها في ضهرهم
يعنى بقت على السبح ؟ ما يشيلوها كان شالوها السبح ....تقيلة عليهن ؟
....... استغفرتك يا مالك روحى .......

يا عمر فكرة البوست جميلة لكن حكاية سلفيين وسبح زي ما قاليك فائز ما جاية

السبح حقت أهلنا الصوفية

أما السلفية فهم يرونها بدعة

Quote: يا عمر فكرة البوست جميلة لكن حكاية سلفيين وسبح زي ما قاليك فائز ما جاية

سلامات يا اسامة ...
والله انا قايلهم زيهم زى السعوديين كل واحد شايل سبحتو زى الموبايل اليومين ديل .
خلاس شاركونا بمقترحاتكم عشان نبعد منهم السبح دى .
وبينى وبينك الزول بتاعهم القال الكلام الفارغ دا ما يستهال غير يشنقوهو بى سبحة .

Quote:

جابت لينا سبح كمان

ههههههههههههههههههه

جا يتفولح، جاب ضقلا يتلولح :)

Quote: يافنانا الجميل السلفيون مابشيلوا سبح .. تحياتي ،،

Quote: يا عمر فكرة البوست جميلة لكن حكاية سلفيين وسبح زي ما قاليك فائز ما جاية السبح حقت أهلنا الصوفية أما السلفية فهم يرونها بدعة

شكراً يا فايز ويا أسامة

الزول ده ما عارف الكورة كم كم :)




ياااااااااااااااااااااااا الله حسن الخاتمة :)












________________________

حكمة اليوم:
الدقسة في تلفيق الصور خير من النجر وتلفيق مفاهيم مغلوطة عن المخالفين :)

Quote: والله انا قايلهم زيهم زى السعوديين كل واحد شايل سبحتو زى الموبايل اليومين ديل . خلاس شاركونا بمقترحاتكم عشان نبعد منهم السبح دى .

أستاذ عمر
تحية طيبة
السبحة مبلوعة صدق في ناس فاكرانا عندنا عقالات كمان !!!
بالله ناس تحاور فينا سنين ولا تعلم حتى ما نحمل في ايدينا ؟؟؟
صحي الإنسان عدو ما يجهل !!!
غريب الشيطان بس والله .
تحياتي عمر

Quote: والله انا قايلهم زيهم زى السعوديين كل واحد شايل سبحتو زى الموبايل اليومين ديل

قايل؟؟؟!!!

ما في مشكلة.. برضو عذر مقبول في حق المناضلين

Quote: صحي الإنسان عدو ما يجهل !!!

تلخيص مفيد يا شيخ محمد

وصدق من قال:

يا ابنَ الكراِم ألا تدنْو فتبْصر ما ** قد حدَّثوك فما راءٍ كمن سمِعاَ

يا عمر: زمان قالوا لامن المتنبئ قال: إذا كان بعض الناس سيفا لدولة.. ففي الناس بوقات لها وطبول..
قام جوهو ليك الجماعة متلقين الحجج ناس سيبويه وقالوا ليه: يا زول إنت تعلمت العربي وين؟ لأنو بوق جمعها أبواق مش بوقات.. قام قال ليهم: من يوم الليلة البلاقيكم في الدرب كلو قولوا ليه بوق جمعها بوقات لأنو المتنبئ قال كدة..يبقى نحنا من اليوم عندنا إنو (الوهابية) بشيلوا سبح، لأن الفنان عمر دفع الله رسمهم كدة.. وهو شنو الكراكتير إن لم يكن تصوير الواقع بطريقة ما عادية وساخرة.. وإلا يبقى مافي فرق بينو وبين التصوير الفوتوغرافي.. عموماً دي راي أنا (أبوفاطنة ساكت) لكن لو غلطان صححني.. هذا من ناحية تانية.. شنو حكاية الناس جارية لموضوع السبح وناسين الموضوع الرئيس.. فعلاً السبحة هنا مناسبة للتعبير عن ناس يقولون ما لا يفعلون.. في اليومين الفاتوا شفت فيديوهات لأحد السلفيين اسمو محمد المصطفى (زي ما قال سيف النصر بس عشان نستمتع بطريقتو الدرامية وهو زول خريج المعهد زي ما قال).. في واحد منها سأله سائل عن لماذا لا يتكلم السلفيون عن قضايا (الواقع) مثل مشكلة دارفور.. وبعد أن اتهم الشيخ السائل بأنو هو أخو مسلم وشعبي وتبع الترابي الخ..(الزول دا ينفع معاكم يا عمر:-)..رد ليه بأنو نحنا عندنا قضية أهم لامن نخلص منها حتى نشوف باقي الحاجات وهي قضية الشرك (أقرأ شتم المتصوفة) وبعدين نحنا مالنا ومال دارفور.. وكلام كتير من النوع دا..أنا برضو تساءلت لأنو (أنصار السنة) مشاركين في الحكومة وأظن كانوا داخلين بوزارة السياحة ثم الإتصالات: ياربي الناس ديل يكونوا خلاص قضوا على الشرك والمشركين وما فضل إلا يصلحوا لينا السياحة ويعملوا لينا شرم الشيخ والغردقة.. ما نحنا برضو عندنا نفس البحر الأحمر بتاع المصريين..أم تراه هو النفاق والكذب والدجل البرموا بيهو الآخرين.. المفروض يقولوا بطريقة محمد المصطفى دا: ونحنا مالنا ومال الضائقة الإقتصادية.. نحنا لسة عندنا قضايا أهم ما وما عندنا دخل بقضايا الواقع..

انت من زمن سبح اللالوبة يا قديم




ما تفضحنا ياخ الدنيا اتطورت ^____________^

يشيلوا سبح مايشيلوا لكنهم جزء من هذا النظام وينطبق عليهم ماينطبق على النظام
انتهى زمن الاتجار بالدين

Quote: انت من زمن سبح اللالوبة يا قديم

ههههههههههههههههههههههه والله دى مبالغة يا محمد جلال .
كمان جابت ليها سبح الكترونية !!!!

يا محمد جلال دا انت زول عسل ياخى ... بالله الخلاك تمشى مع الجماعة ديل شنو !
والله فيك شبه اصحاب كتيرين ...

نرجع لى موضوعنا ...

القصة ما قصة سبح يا عمده ولا انا زاتى محتاج او مطالب بشرح رمزية السبحة اومدلولاتها في الثقافة وللا في حاجات تانية .
والحاجة التانية يا عمده انا مازول منظراتى عشان اقعد اجابد فيكم وامط في المواضيع .
انا زول رسام وعلى قدر حالى في الرسم وربما اكون في نظر البعض ( راسم ) على حد قول اخونا المحامى الله يطراهو بالخير ( محمد موسى ) .

ويا عمده لو انت شايف كلام اخونا ودالزبير دا ( ضربة انكل ) احسن تمشى تراجع معلوماتك في الكورة .
اما بالنسبة لى ليس مهما ان عرف نتيجة المباراة او الكورة كم كم .
المهم بالنسبة لى ان اتجه الى مكان اللاعبين وان اختار فريستى بينهم بعناية .

يا شيخ ود الزبير كل مرة تخيب ظنى فيك ...
كنت في البداية قايلك هداف الفريق السلفى الاساسى في سودانيس اونلاين .
لكن مرة اشوفك تجلى في الكورة ومرة تشوت الكورة خارج الاستاد زاتو ومرة تعمل فوالات بدون مناسبة .
غايتو انا ما بقول ليك انت خلاس ( سقطت في نظرى )
لانو انا زاتى ما عندى نظر قدر كدى ويشيل زول زيك لحدى ما يسقط منو . بس من الليلة بعتبر عماد بى جنو دا هو مردونا السلفي .

ولو رجعت يا شيخ ود الزبير لتعليق اخونا عيسى يوسف انا متأكد انك ح تعرف إنو محاولات التذاكى على الناس حبلها قصير .
ويا ريتك تحترم عقولنا وتسيبك من جهلى وقلة حيلتى وتحدد رايك بشجاعة في حديث الشيخ السلفى عن جدوى الاستغفار تحت قبة القتلة واللصوص
للخروج بالبلاد والعباد من هذه الكارثة الماحق المحدقة بأهلنا وبوطننا .

بالله يا ودالزبير ايه الفرق بينكم وبين الكيزان !
بس ارجع بذاكرتك قريب جدا وما بعيد
عندما عاد بدرالدين طه الى المؤتمر الوطنى بعد ان ترك شيخه الترابى وتبرأ منه عسى ان يجد وظيفة فيها ( مأكلة )
ويلحق بقطار الطفيليين إلا ان اخوان الامس في ( الوطنى ) لم ينسو له خروجه مع الشيخ فوضوعوه في مكان اسمها جمعية التضرع لله لنصرة البشير ضد المحكمة الجنائية او هكذا اسمها فيما اذكر .
يعنى بالدارجى كدا ختوهوا في محل ناشف ولن يحصل على دينار واحد حتى لو لحس كوعه او لحس مؤخرته .

يا ود الزبير ليس بالاوهام والاحلام والعته تعالجك مشاكل الاقتصاد ومعاش الناس .
وليس بإقامة حلقات التلاوة على الساحة الخضراء يصد سيف المحكمة الجنائية عن رقبة الرئيس .
هؤلاء القوم يا شيخ ودالزبير يعيشون في عصر يخبرون قواعد اللعب فيه تماما لكنهم يردون تجهيل العوام وتضليلهم تحت ستار العاطفة الدينية .

تحياتى للاخوان السلفيين
وتحياتى للاصدقاء التانيين بما فيهم محمد جلال .

Quote: المهم بالنسبة لى ان اتجه الى مكان اللاعبين وان اختار فريستى بينهم بعناية

كان ليك يا أخي

أنصحك تحضر سلسلة: حين يصبح الصياد فريسة :)

شكراً يا فريسة :)

Quote: ولو رجعت يا شيخ ود الزبير لتعليق اخونا عيسى يوسف انا متأكد انك ح تعرف إنو محاولات التذاكى على الناس حبلها قصير . ويا ريتك تحترم عقولنا وتسيبك من جهلى وقلة حيلتى وتحدد رايك بشجاعة في حديث الشيخ السلفى عن جدوى الاستغفار تحت قبة القتلة واللصوص للخروج بالبلاد والعباد من هذه الكارثة الماحق المحدقة بأهلنا وبوطننا .

الزبدة هنا ..بالله افتوا لينا هنا دا - والسبح الكعبة دي خلوها لينا بنشلا نحن ديل:)

تحياتي يا فنان ..

Quote: أنصحك تحضر سلسلة: حين يصبح الصياد فريسة :)

وانا كمان بنصحك يا عمده :
التمس غيرى طعاما إن لحمى كان مرا .


منتظرين منكم التعليق على ( آلية ) الاستغفار .

هسّع الزعل دا كلللو لأنو في واحد من مشايخ أنصار السنّة
تكلّم عن أهمية الاستغفار لإصلاح أحوال الناس..؟!
لو فكّر عمر دفع الله -طبعا بدون أيّ خلفيات أومواقف مع حكومة أو معارضة
لقال: والله شئ طيب أن يستغفر الإنسان ربه لأنو في ارتباط وثيق بين
الاستغفار وفتح باب الرزق:"فقلت استغفروا ربكم إنه كان غفّارا.يُرسل السماء عليكم مدرارا"..
طيب الخلاّ الزول دا يزعل شنو؟ الخلاّهو يزعل إنو هو بيتكلم على خلفية"غبينة"على السلفيين،وعلى أوضاع سياسية ومعيشية معينة في السودان..وللرجل رأي عموما تجاه السلفيين..ففضّل أن "يهديهم"بالكاريكاتير!!أبوسبحة دا..طبعا هذه سخرية لاتشبه المحترمين-أمثالو؟ مش من حق السلفيين إبداء الرأي ..أم حرام عليهم..حلال عليكم؟
عموما أنا أتفق معاهو إنو السلفيين من الأفضل يركزوا على الدعوة وتربية الناس على الدين الصحيح ..لأنو غيرهم مايقدرو عليها0-إلا من رحم الله-..يعني مثلا..القرية المولود فيها السيد/عمر دفع الله
واسمها(طيبة الشيخ عبدالباقي)إمكن يكون فيها أكبر سبح في العالم..وأكثر القرى رقصا على الدفوف.. وفيها كثير من الناس ميتين في الحكومة دي ..وفيها شيوخ بيعتقدو فيهم إنو بيطيرو ويتكلمو لغات العالم الحية كلها..ويكلمو الجن ويعلمو الغيب..ويعطو الجنا والرزق والترقية والنجاح ويقولو للشئ كن فيكون..!!!إلخ ماهو دورالكاريكاتيرست /"عمر" لإصلاح هذا الحال البئيس من الأمية والجهل بالدين والبدع والخرافة والضلال ..بس بقت على تصريح عن الاستغفار؟
بس لو كل زول مسك منطقتو وأزال منها أوجاعهابيكون أحسن من "التريقة" والمسخرة دي.
شكرا

يا عمر يا صديق
خليت الرسم وقعدت للنقاش

أرسم ياخ.. أرسم

سلام لصاحب البوست والمتداخلين

انقلاب الانقاد جاء بجهد الكيزان وكثمرة لمثابرتهم الطويلة في بناء تنظيمهم والسهر عليه ودفع بعضهم
ارواحهم وبعضهم تبرع من سنوات من عمره في السجون وكان للشيخ الترابى الفضل الكبير في تنظيم وقيادة
هذه الجماعة واستطاع بمكره ودهائه ان يوصلهم الى مواقع السلطة والثروة وان يضع لهم خطة تمكين محكمة
مكنت الكثيرين منهم ان يصبحوا سادة واثرياء فيما بعد ولكن سارت الامور بعكس ما اراد الشيخ الذى لم يمر عقد من الزمان
على الوصول الى مبتغاه ان يطرد من جنته ويهو يقلب كفيه ويرى غيره وقد تدافعوا اليها زرافاتا ووحدانا وتساقطوا عليها كالذباب .

لا فرق بين السادة الجدد الذى إعتلوا ظهر الانقاذ بعد ان تمكنت ودانت لها الرقاب وبين الذين حملوها طفلة وليدة على اياديهم .
واذا كان عبدالله مسار ( لامؤاخذة ) له دوافعه الخاصة في دخول الانقاذ
فلغيره ذات الدوافع وان تغلفت بغشاء الدين .
اننى ارى في وجه عبدالله مسار وجوه كثيرة ومتعددة كصفحة البحر .
فما اقبح هذه الوجوه وما اقبح وجه عبدالله مسار .


--------------------------------------------------
حتى نعود الى الكاريكاتير

Quote: ههههههههههههههههههههههه والله دى مبالغة يا محمد جلال . كمان جابت ليها سبح الكترونية !!!! يا محمد جلال دا انت زول عسل ياخى ... بالله الخلاك تمشى مع الجماعة ديل شنو ! والله فيك شبه اصحاب كتيرين ...

كييييييييف يا عمك وكمان في سبح افتراضية في الآيفون وكده

Quote: يا محمد جلال دا انت زول عسل ياخى ...

شكرا شكرا شكرا يا حبيب
أوضعتم تخاجلنا .. أقصد أخجلتم تواضعنا
إنتو لسة ما شفتوا حاجة
أديناكم طرف من الظرافة في موضوع محمد جمال
قمتوا قهمتوني وندمتوني على اليوم الاتكلمت فيهو
قتلتوا إبداعي وحطمتوني يا عمر
أنتم تقتلون الإبداع تحاربون المواهب :((

Quote: بالله الخلاك تمشى مع الجماعة ديل شنو ! والله فيك شبه اصحاب كتيرين ...

كيف ياخ الجماعة ديل أحلى ناس ياخ
بس انتو فاهمنهم غلط ياخ
لو أعدت فيهم النظر كرات ومرات حتلقاهم أحسن ناس
بس في سوء فهم بس ^________^

ديل منو أصحاب كتيرين ديل؟
من ناسكو؟؟

Quote: تحياتى للاخوان السلفيين وتحياتى للاصدقاء التانيين بما فيهم محمد جلال .

يعني طلعتني من السلفيين يعني يا عمر وللا شنو
بس ما تدخلني في زمرة الملا محمد جمال الدين
أنا بتاع السلفية وهو بتاع سلفيا
وديل ما بتلمن ^________^

تحياتي

-----------------------------

حتى نعود إلى عمر ضفع الله .. ^__^

Quote: وانا كمان بنصحك يا عمده : التمس غيرى طعاما إن لحمى كان مرا .

هو نحنا غير اللحم المر كايسين شنو يا ود دفع الله :)

انتا ما سمعتا بمقولة: فلان ده ما عندو قشة مُــرة؟! :)

أهــا، نحنا زااااااااااااااااااااتو من النوع ده :)

شكراً يا الـمُـر :)

Quote: والله انا قايلهم زيهم زى السعوديين كل واحد شايل سبحتو زى الموبايل اليومين ديل .

الاستاذ/عمر
سلام

اعراب نجد معروفين بعاداتهم وتقاليدهم الخلطوها بالدين...

العيب في جماعتنا ديل.. ناس كوبي آند بيست!!
شالوا التخلف وجاءوا بيهو... وجه بلا تهذيب.. جلابية قصيرة.. نقاب وعباية سوداء!!!!

وهاك يا تكبر بجهل
فاكرين نفسهم عرفوا الدين!!!

Quote: هو نحنا غير اللحم المر كايسين شنو يا ود دفع الله :) انتا ما سمعتا بمقولة: فلان ده ما عندو قشة مُــرة؟! :) أهــا، نحنا زااااااااااااااااااااتو من النوع ده :) شكراً يا الـمُـر :)

هلا هلا يا عمده......
دا انا عمردفع الله
انت منو يا عمده!!!!!!!!!!!

كدى خلينا النشوف خلقتك دى لى الزمان .

اما انت يا عماد موسى
مادام جابت ليها اساءات
فمن عاداتى يا استاذ
ان ارد الاساءة بأسوأ منها
وان كان شيوخك قد دخلوا في بطانة
القتلة واللصوص والمخانيث
فقد آن لنا ان ننزع سراويلهم
و(نفرج ) العالمين على عوراتهم .

برجع ليك يا عماد موسى...
كنت انظر اليك بإحترام
اما ان تصل بك الجرأة الى هذا الحد
فلن اتركك في حالك
والبيناتنا خربت وارجا عاد عوس فكرى ....

عمر..حبابك يا صديقي
كتر خيرك على هذه المرارات المعبرة..و عندي فكرة يا ريت تجازفها و تسوي منها كاركتير..!
عارف من يوم ما قريت في الصحف حكاية الإستغفار دي.. اتعقدت دنيا و اخرة..و بديت اسأل نفسي كمواطن سوداني: شنو الجنية السويتها دين و دنيا عشان استغفر منها؟..بل و كمان دولة بحالها تقول لي استغفر..!!!.. عليك الله في تعقيد و نفسيات اكتر من كده؟..
اها نحن كشعب سوداني بنسأل الحكومة و اهلها: ياتو خطأ ارتكبناهو عشان المهوسين يجوا يقولوا لينا استغفروا؟..

و دمت..

كبر

سلامات يا شيخ عماد موسى
وارجو ان يتسع صدرك للآتي

Quote: ماهو دورالكاريكاتيرست /"عمر" لإصلاح هذا الحال البئيس من الأمية والجهل بالدين والبدع والخرافة والضلال ..بس بقت على تصريح عن الاستغفار؟

استغرب جداً وقوع من يدعي انو فهمو للدين هو الواحد الصحيح، في خطأ بالفداحة دي!؟

ما معنى المفردة القرآنية (بئيس)!؟










---------

نديك هنت:


(فَلَمَّا نَسُوا مَا ذُكِّرُوا بِهِ أَنْجَيْنَا الَّذِينَ يَنْهَوْنَ عَنِ السُّوءِ وَأَخَذْنَا الَّذِينَ ظَلَمُوا بِعَذَابٍ بَئِيسٍ بِمَا كَانُوا يَفْسُقُونَ)

Quote: هلا هلا يا عمده...... دا انا عمردفع الله انت منو يا عمده!!!!!!!!!!! كدى خلينا النشوف خلقتك دى لى الزمان.

عمر يا أخي ما تزعل :)

كسافتك جات سريع كدة مالك يا أخوي :)

Quote: عمر..حبابك يا صديقي كتر خيرك على هذه المرارات المعبرة..و عندي فكرة يا ريت تجازفها و تسوي منها كاركتير..! عارف من يوم ما قريت في الصحف حكاية الإستغفار دي.. اتعقدت دنيا و اخرة..و بديت اسأل نفسي كمواطن سوداني: شنو الجنية السويتها دين و دنيا عشان استغفر منها؟..بل و كمان دولة بحالها تقول لي استغفر..!!!.. عليك الله في تعقيد و نفسيات اكتر من كده؟.. اها نحن كشعب سوداني بنسأل الحكومة و اهلها: ياتو خطأ ارتكبناهو عشان المهوسين يجوا يقولوا لينا استغفروا؟.. و دمت.. كبر

أخونا كبر

معذرة.. تصحيح مفعهوم...

ومن الذي قال إن الاستغفار يكون مقابل الذنب فقط؟!!

برضو تواضع الانسان واعترافه بالتقصير في حق الله هو مدعاة للاستغفار

شوف تواضع النبي عليه الصلاة والسلام لله تعالى.. فقد كان يستغفر في المجلس الواحد 100 مرة

والنبي عليه الصلاة والسلام طاهر مطهر من الذنوب

لكن: عشان الأمة تتعلم منه أن الإنسان مهما ارتفع في درجات الاصطفاء، فلا بد
أن يضع نفسه في موضع المقصر والمفرّط في جنب الله.

ألا تلاحظ يا كبر.. أن من أذكار الصلاة أنك تستغفر بعدها 3 مرات

3 مضروب 5 بتساوي 15 مرة في اليوم

هل تستطيع أن تقول: أنا ما بستغفر، لأني ما عندي ذنوب؟!!

يا أخي كونك تسرح في الصلاة أو تؤخر الصلاة، فهذا نفسه تقصير يستوجب الاستغفار

تحياتي

عمر دفع الله هدي روحك يا صديق!
ما عهدناك ثؤورا هكذا فاقدا لأعصابك!
الحاصل شنو!

Quote: هلا هلا يا عمده...... دا انا عمردفع الله انت منو يا عمده!!!!!!!!!!! كدى خلينا النشوف خلقتك دى لى الزمان .

أول شي شيخ عماد حسين بهاظر معاك وبشاغل فيك ساي
ولاحظ كل أيقوناتو الخاتيها في الردود أيقونات ضاحكة
فما شايف الزعل الشديد ده في داعي ليهو خاصة إنكم بتتناقشوا بكل اريحية واحترام
بعدين يا أخي انت فتحت موضوع واتكلمت في ناس
فيبقى وسع صدرك لكل ما يأتي منهم .. لأنو إنت البادرتهم
أنا هسي البهظر وبضحك معاك ده كلامك ما مرضيني
لكن كل زول لديه أسلوبه في التعبير تبعا لتفاعله مع طرحك

وراجع ليك برضو لموضوع شيخ عماد موسى

عدنا إلى صديقنا السلفاوي عمر دفع الله وزعلته من صديقنا السلفي عماد موسى
عمر زعل من عماد موسى في كلامه:

Quote: يعني مثلا..القرية المولود فيها السيد/عمر دفع الله واسمها(طيبة الشيخ عبدالباقي)إمكن يكون فيها أكبر سبح في العالم..وأكثر القرى رقصا على الدفوف.. وفيها كثير من الناس ميتين في الحكومة دي ..وفيها شيوخ بيعتقدو فيهم إنو بيطيرو ويتكلمو لغات العالم الحية كلها..ويكلمو الجن ويعلمو الغيب..ويعطو الجنا والرزق والترقية والنجاح ويقولو للشئ كن فيكون..!!!إلخ ماهو دورالكاريكاتيرست /"عمر" لإصلاح هذا الحال البئيس من الأمية والجهل بالدين والبدع والخرافة والضلال ..بس بقت على تصريح عن الاستغفار؟ بس لو كل زول مسك منطقتو وأزال منها أوجاعهابيكون أحسن من "التريقة" والمسخرة دي. شكرا

يا عمر .. شيخ عماد موسى ما بيقصد إساءة لقريتك ولا عشيرتك .. لا أظنه يقصد ذلك
هو يقصد: إنو قريتكم الموقرة فيها سبح أكتر من سبح السلفيين .. ده لو كان انتقادك للسبح
وفيها رقص للدفوف أكتر من رقص البشير
وفيها كثير من المؤيدين للحكومة .. وده لأنو مافي بلد ولا قرية إلا الكيزان جندوا منها ناس (زي المسيح الدجال :) )
سواء عن قناعة منهم أو رغبة في ذهب ومال الحكومة
وزيادة على كده:
فيها ناس عندهم فساد اعتقادي وبدع وخرافات إلى آخره .. ودي أنا بعفيك منها لأنو عارف رأيك فيها شنو

أها مقصد شيخ عماد إنو: ما دام انت تصديت للسلفيين البعااااااد منك لوقوعهم فيما تعتبره موالاة الحكومة
إذن فابدأ بعشيرتك الأقربين وكرتر فيهم برضو ( من الكاريكاتير ) لأنو منهم برضو كيزان وموالين وبتاعين سبح
ده على حسب فهمي البسيط وأنا متأكد إنو أخونا عماد موسى لو جاء ماري بي هنا حيؤكد ليك نفس الكلام ده

فبالله عليك هدي نفسك شوية وما تخلي الشيطان يخش بينك وبين الناس




سبب التعديل: تعديل لفظ الجلالة

أخونا قيقا ابن أبي قيقا قال:

Quote: استغرب جداً وقوع من يدعي انو فهمو للدين هو الواحد الصحيح، في خطأ بالفداحة دي!؟ ما معنى المفردة القرآنية (بئيس)!؟

لا يخفى عليك عزيزي أن الكلمة الواحدة قد يكون لها أكثر من معنى في اللغة
وهاك معنى كلمة بئيس:

من معجم العباب الزاخر:
البَأْسُ: العَذَابُ.والبأس: الشدَّة في الحرب، تقولُ منه: بَؤسَ الرَّجُلُ يَبْؤسُ بَأساً: إذا كان شديد البأس، حكاه أبو زيدٍ في كتاب الهَمْزِ،
فهو بئيس -على فَعيل- أي شُجاعٌ.وعَذابٌ بئيس: أي شديد.
وبَئسَ الرجُل يَبأسُ بؤساً وبَئيساً: أي اشتدَّت حاجته

فعلى معنى: بئيس أي فقير أو شديد الحاجة يكون المعنى صحيحا
وهو زي ما بنقول للفقير: تعبان .. يعني يقصد الحالة التعبانة وكده

وفي لسان العرب:
وبَئِسَ الرجل يَبْأَسُ بُؤْساً وبَأْساً وبَئِيساً إِذا افتقر واشتدت حاجته، فهو بائِسٌ أَي فقير؛ وأَنشد أَبو عمرو:وبيضاء من أَهلِ المَدينةِ لم تَذُقْ بَئِيساً،
قال سيبويه: البائس من الأَلفاظ المترحم بها كالمِسْكين، قال: وليس كل صفة يترحم بها وإِن كان فيها معنى البائس والمسكين، وقد بَؤُسَ بَأْسَةٌ وبئِيساً،

في معجم الصحاح في اللغة
بأس (الصّحّاح في اللغة)
البَأْسُ: العذابُ.
والبَأْسُ: الشدَّة في الحرب.تقول منه: بَؤُسَ الرجل بالضم يَبْؤُسُ بَأْساً، إذا كان شديد البَأْسِ. فهو بَئيسٌ، أي شجاعٌ.
وعذابٌ بَئيسٌ أيضاً، أي شديد. قال: وبَئِسَ الرجل يَبْأَسُ بُؤْساً وبَئيساً: اشتدَّت حاجته فهو بائِسٌ.

ازرق طيبة

يا سيد عماد موسى هذا الرجل ( احد الراقصين على الدفوف كما يشئ بذلك تهكمك ) هو استاذى قبل كل شئ
و ليس المهم انه خليفة السجادة العركية او زعيم طريقة صوفية بل اهم ما عند هذا الرجل العملاق
انه لم يرضخ لضغوط الانقاذ يوما ولم ينبطح كما إنبطح غيره . بل ظل شامخا كقبة اجداده واعاد سيرة
جده الشيخ حمدالنيل الذى رفض ظلم وعته خليفة الامام المهدى وقضى ايامه الاخيرة من حياته في سجن ام درمان
حتى مماته ودفنه خارج اسوار السجن ثم جاء اهل طيبة الشيخ عبدالباقى واعادوا دفن رفاته في المكان الذى
يعرف الآن بمقابر حمدالنيل .

ازرق طيبة يا سيد عماد موسى يعتبر اليوم القائد الميدانى الاول لاهل وسكان مشروع الجزيرة في معركتهم الشرسة ضد ( ملاقيط ومخانيث الاسلام السياسى ) التى تسعى لبيع مشروع اجدادنا لرأس المال الطفيلى ( الاسلاموى ) الذى يسيل له لعاب شيوخكم اليوم
الى الحد الذى يطلبون فيه ان نتقرب الى الله بالاستغفار حتى لا ينهار هذا العرش الذى يستظلون بظله وينتشرون كالسرطان في دهاليزه .

صدقنى يا سيد عماد موسى
لو لا اننى اراعى لاواصر الود والاحترام التى تقوم بينى وبين الاخوين عماد حسين ومحمد جلال على بالايمان كنت افرج فيك الاولين والآخرين واخلى الما سمع بيك يسمع بيك .
ودا ما كلام ساكت ولو ما مصدقنى بس اصبر لحدما ترسى الاوضاع في السودان على بر وتعال نتقابل وكل زول بعرف البيهو .