تسريب إشأعة:الحكومة تتراجع عن الزيادات الاخيرة

بالامس عصرا وانا متوجه من امدرمان الى الخرطوم بواسطة مركية عامة جلس جوارى شأب وقال للركاب بصوت عالى بأن عمر البشير أصدر قرار بالغأء زيادة المواصلات. لم اهتم بكلامه كثيرا حينها. اليوم واثناء عودتى من العمل دارت مشاجرة عنيفة بين بعض الركاب والكمسارى. تتطورت لمحاولة ضرب الكمسارى. سبب المشأجرة إصرار بعض الركاب بالتعريفة القديمة للمواصلات وبان هناك قرار صدر بالغاء تلك الزيادة.
استفزنى هذأ الموقف كثيرا. نبهت الركاب بان سائق ألحافلة والكمسارى مواطنين مسحوقين مثلهم والا حيلة لهم. رد البعض على يعنف بان هناك قرار صدر بالغأء الزيادة. رددت عليهم بايراد المصدر- حركات ألمنبر ههههه- ألقرار اصدروا منو ؟ ومتين ؟
رد البعض بان الرئيس هو من اصدر القرار بالامس. رددت عليهم بانى حضرت خطاب الرئيس بالامس ولايوجد شئ من هذا القبيل. قفز البعض بان القرار اصدره الوالى.
الناس عينهم فى الفيل ويطعنو فى ضلو.
الناس لو رافضة الزيادة دى وما قادرة عليها يطلعوا الشأرع. لكن ان تستأسدوا على كمسارى مسكين فدة ما صاح.
استهجان من حديثى.
وفى تلك وصلت محطتى.

لانه الناس عايزة تطعن في ضل الفيل وهارشة من الثورة , المفروض ناس الحافلات و الكماسرة ديل يعملوا إضراب ويوقفوا الشُغل علشان الناس الهارشة وبتطعن في ضُل الفيل دي تآمن



إزيك يا دكتور ..
كلام البشير الظالم , أمس كان مدغمس شديد وما مفهوم, بالذات في الحتة بتاعة زيادة التعريفة
قال انه التعريفة ما حاتزيد من ما وصلت اليه
طبعا بيقصد التعريفة الجديدة الوصلت اليها لذلك الناس ما فهمت.

وقرصة النملة وعضت النحلة الماسكها لينا محمد فرح نمشي بيها وين!؟


ازيك يا دكتور، معليش في بوستك داك ما سلّمته عليك..