شعارنا العالي بيرفع

شعارنا العالي بِيُرفع

والعالم كله بيسمع

فلنأكل مما نزرع

ولنلبس مما نصنع

شعار إتبدّل أسرع

بشعار أحزانا الموجع

والعالم كله بيسمع

آهات مكتومة بتفجع

من شعباً مكبود بفزع

من جلاد شتت أفزع

لي كل الأصوات أفجع

والزرع المِنّو بناكل

أصبح في كرش البعبع

دجّال سابق لي زمنه

أكل المزروع والبزرع

واللبس الليه بنصنع

إتبدل بجِلِد أرفع

جلداً من شعباً صابر

بايع لي جلده مخضّع

والرافض لي بيع جلده

حتماً من عينه بيطلع

حتى الوالد لي ولده

ختّاه في وش المدفع

والبت السمحة الكانت

راجية الولد المُدّنع

لبست أسود في عرسه

عرس الدجّال الأقنع

بالولد الفوق العرّس

حورية جنة بتخلِع

أقنع للكل بكلامه

إبليس بي طبعه بيقنع

والسمحة الكانت صابرة

خارت قواها بتجزع

والشعب القال ما بيِخضع

في يوم أبداً ما بيِركع

ضاعت أقواله القالا

وأصبح مانع ما بيمنع..

مازن أخو النعمان ود الجيران

لك التحايا

ورسل لي في الخاص جوال النعمان

وخالد

مع خالص تحياتي

عاصم فقيري

ازيك يا مازن
وين يا معلم المزرعة السعيدة اخدتك مننا