عاااااااااااااااااااااجل : بحرى تشتعل

مظاهرة كبيرة بمدينة بحرى
موقف الحاج يوسف وام درمان
المواطنون يتجاوبون بصورة جيدة
الجميع يهتف الشعب يريد اسقاط النظام
الشرطة تتدخل واطلاق كثيف للبمبان

شعارات عديدة تهدر بها الجموع
الشعب يريد اسقاط النظام
ثورى ثورى ضد الحكم الديكتاتورى

انباء عن مظاهرات عارمة فى الكلاكلة اللفة
وتحطيم 2 من بصات الوالى

الأخ هشام عباس

تحياتي - هكذا صيرورة الطبيعة - إذا ما الشعب يوماً اراد الحياة فلابد أن يستجيب القدر
ولابد لليل أن ينجلي ولابد للقيد أن ينكسر

والظلم لن يولد إستقراراً

بحيراوي

ثورة ثورة حتي النصر

Quote: ثورة ثورة حتي النصر

هذه الشرارة لن تنطفئ باذن الله
التحية لشرفاء وطنى

Quote: الأخ هشام عباس تحياتي - هكذا صيرورة الطبيعة - إذا ما الشعب يوماً اراد الحياة فلابد أن يستجيب القدر ولابد لليل أن ينجلي ولابد للقيد أن ينكسر والظلم لن يولد إستقراراً بحيراوي

طال ليلنا اكثر من ما ينبغى
ساد الحثالة فسادا واجراما وتدميرا فى هذا الوطن
الان نكون او لا نكون
شكرا بحيراوى

ثورة ثورة حتى النصر

ثورة .... ثورة ..... حتي النصر
هذي الشوارع .... لا تخون

سماع اصوات طلق نارى بشارع النيل

Quote: هذه الشرارة لن تنطفئ باذن الله التحية لشرفاء وطنى

تسلم ياهشام ولدى

الاخ صاحب البوست
انزال اخبار عن مظاهرات قبل التأكد من الخبر
يهدم بقوة قيام الثورة نفسها
اتصلت قبل شوية عن طريق الصدفة بواحد في بحري
قال نهائيا مافي شئ والحياة طبيعية جدا

الثورات لا تبنى بالاحلام والاشاعات

http://www.youtube.com/watch?v=VddANHfTQJs


يااااا ويلك من أشعار أزهري محمد علي ... غناء مجموعة حتي نعود ...

و .. ثورة ثورة حتي النصر

Quote: الاخ صاحب البوست انزال اخبار عن مظاهرات قبل التأكد من الخبر يهدم بقوة قيام الثورة نفسها اتصلت قبل شوية عن طريق الصدفة بواحد في بحري قال نهائيا مافي شئ والحياة طبيعية جدا الثورات لا تبنى بالاحلام والاشاعات

الأستاذ علي ـ لك التحية ـ

هل بحري حي صغير يعرف سكانه كل ما يدور داخله ؟

يا أستاذ بحري مدينة مترامية الأطراف سكانها يعدون بالملايين

فما يجري في كوبر لا يعلمه سكان شمبات مثلاً

وبالتالي نفي شخص لخبر لا يعتد به

لانه بالطبع فرد إمكانات قدرته على جمع المعلومات محدودة

ولكن من يأتي بخبر حتماً لن يجرؤ على نشره دون التاأكد من صحته في منبر شديد الحساسية مثل سودانيز أونلاين

آسف لو اصابك رشاش
بس الزول الانا أتصلت بيهو
كان في امدرمان ورجع الى الخرطوم عن طريق بحري
كبري المك نمر حتى شارع البلدية مقر صحيفة التيار
ثم رجع تاني عن طريق المك نمر فالمعونة حتى منزلو في شمبات
طيب موقف الحاج يوسف دا مش في منتصف الطريق القلتو ليك دا

ياعلى ميرغنى فعلا مافى حاجة فى بحرى
هسع جيت من بحرى بكبرى المك نمر بشارع الجمهورية ودخلت بشارع القصر وجيت بشارع
البلدية جيتكم فى التيار وطلعت بنفق برى لحدى محل شغلى فى تقاطع المشتل
الحركة عادية ، جيت لقيت البورد كلو بوستات عن مظاهرات فى الخرطوم
استغربت جداً ...
المظاهرات دى فى ياتو حتة ياجماعة فى الخرطوم ؟

Quote: المظاهرات دى فى ياتو حتة ياجماعة فى الخرطوم ؟

مزمل تحياتى
يمكن انت فى خرطوم غير الخرطوم

.

Quote: .آسف لو اصابك رشاش بس الزول الانا أتصلت بيهو كان في امدرمان ورجع الى الخرطوم عن طريق بحري كبري المك نمر حتى شارع البلدية مقر صحيفة التيار ثم رجع تاني عن طريق المك نمر فالمعونة حتى منزلو في شمبات طيب موقف الحاج يوسف دا مش في منتصف الطريق القلتو ليك دا

على تحياتى
مصادرنا كانت مشاركة فى التظاهرة وقد اكدوا لى مرة اخرى الخبر
وتفريق الشرطة للمتظاهرين ..
لا ادرى حقيقى مصدرك
لكن حتى تعلم ان مصدرك لم يكن فى بحرى لانك تقول ان بحرى كلها ليس بها شئ
راجع هذا البوست :مظاهرات بالصبابي بحري 18 يونيو

Quote: ياعلى ميرغنى فعلا مافى حاجة فى بحرى هسع جيت من بحرى بكبرى المك نمر بشارع الجمهورية ودخلت بشارع القصر وجيت بشارع البلدية جيتكم فى التيار وطلعت بنفق برى لحدى محل شغلى فى تقاطع المشتل الحركة عادية ، جيت لقيت البورد كلو بوستات عن مظاهرات فى الخرطوم استغربت جداً ... المظاهرات دى فى ياتو حتة ياجماعة فى الخرطوم ؟

النافى الرسمى حمد لله سلامة ..وربنا يعظم اجرك ..



هشام سلامات
مزمل ده ياها شغلتو نفاااااااااااااااااااااااااى

شخصيا ساشارك في المظاهرات دي
بس لو حسيت انها ما ح تجيب اولاد المهدي ولا الميرغني تاني

وسادعم اي انقلاب يقودو ضباط وطنيين قلبهم على البلد

Quote: ضباط وطنيين قلبهم على البلد

خليك مرتاح كدة وساعد بالصفقة
خمسين سنة عندنا جيش وضباط ونياشين عملو شنو غير ضوقونا المرة وسففونا الجرة
بعد الثورة دي تنجح الجيش ده حنلبسو ابرولات وندورو على المنطقة الصناعية
اما المشاة فسيكون سلاحهم مقشة وجردل لتنظيف الشوارع

Quote: وسادعم اي انقلاب يقودو ضباط وطنيين قلبهم على البلد

الشخص ليحزن, لقراءات مثل هذه
هل هنالك جيش يا هذا حتي يخرج من بينهم
ما تمنيت.
ولماذا تلغي عقلك , وكأن حواء السودان لم تنجب
غيورين ووطنيين ومهجريين يتوقون لخدمة بلادهم في اي موقع
وشباب بالداخل متسع الصدر ومنفتح علي الرأي الاخر


هشام عباس سلام كيفك

المجد لشباب بحري
المجد للشعب السوداني
قاهر الديكتاتوريات

Quote: خمسين سنة عندنا جيش وضباط ونياشين عملو شنو غير ضوقونا المرة وسففونا الجرة بعد الثورة دي تنجح الجيش ده حنلبسو ابرولات وندورو على المنطقة الصناعية اما المشاة فسيكون سلاحهم مقشة وجردل لتنظيف الشوارع

كلام عقل والله !!!!!!!!!!!
عموما كدا خلوها هي اول تقوم وتاني تنجح
وبعداك ان شاء الله ناس الجيش ديل تودوهم الدروة عديل
واعتقد ان ثورة يتبناها او يشعلها من يحمل هذا التفكير
لن تقوم ابداً
ـــــــــــــــــــــــــــ
وبعيداُ عن الجيش وخليك منو
كلامك الفوق دا معناها انك بتقلل من شأن اللابسين
الاوفرلات وشغالين في المنطقة الصناعية
وكمان الشايلين مكنسة وجردل وبنظفوا الشوارع
الآن ظهر لماذا نحن أمة غير صناعية و######ــــــــــــــــــــــانة كمان

Quote: الشخص ليحزن, لقراءات مثل هذه هل هنالك جيش يا هذا حتي يخرج من بينهم ما تمنيت. ولماذا تلغي عقلك , وكأن حواء السودان لم تنجب غيورين ووطنيين ومهجريين يتوقون لخدمة بلادهم في اي موقع وشباب بالداخل متسع الصدر ومنفتح علي الرأي الاخر

ـــــــــــ
قد يفقد الحزن معناه عندما يكون الدافع غير منطقي
انا ما لغيت عقلي، وما قلت ان حواء السودان لم تنجب غيورين على الوطن غير العساكر
لكن كدا فتش كل الاحزاب والقوى السياسية في السودان وقول لينا ان فلان دا يصلح
وبدون تفاصيل اعتقد انو الناس جربت قادة الاحزاب السياسية التقليدية
امة بفصايلو واتحادي بفصايلو
اما العقايدية فهي مشغولة بنفسها
الحزب الشيوعي ظل في حالة ديناصورية تحت زعامة المرحوم نقد
حتى انفكت العقد بالحل البايلوجي
قاموا اختاروا واحد غير معروف حتى داخل الحزب
ربما بفقه ضروريات المرحلة... وعشان يتكافوا شر الخلافات بين التيارات داخل الحزب
وحتى دي بيقودها ناس ديناصورات
يعني الواحد ما ينتظر منهم خير
وحتى الحزب الجديد المؤتمر السوداني
قام رئيسوا عمل مشروع تجاري ضخم بالعاصمة
واتحدى البقول انو المشروع دا كان ممكن يقوم لو لا رضى ناس الانقاذ عنو
وبواصل

Quote: قد يفقد الحزن معناه عندما يكون الدافع غير منطقي انا ما لغيت عقلي، وما قلت ان حواء السودان لم تنجب غيورين على الوطن غير العساكر لكن كدا فتش كل الاحزاب والقوى السياسية في السودان وقول لينا ان فلان دا يصلح وبدون تفاصيل اعتقد انو الناس جربت قادة الاحزاب السياسية التقليدية امة بفصايلو واتحادي بفصايلو اما العقايدية فهي مشغولة بنفسها الحزب الشيوعي ظل في حالة ديناصورية تحت زعامة المرحوم نقد حتى انفكت العقد بالحل البايلوجي قاموا اختاروا واحد غير معروف حتى داخل الحزب ربما بفقه ضروريات المرحلة... وعشان يتكافوا شر الخلافات بين التيارات داخل الحزب وحتى دي بيقودها ناس ديناصورات يعني الواحد ما ينتظر منهم خير وحتى الحزب الجديد المؤتمر السوداني قام رئيسوا عمل مشروع تجاري ضخم بالعاصمة واتحدى البقول انو المشروع دا كان ممكن يقوم لو لا رضى ناس الانقاذ عنو وبواصل

الاخ على ميرغنى تحية طيبة
ليس لى تفسير حول طرحك هذا غير انها محاولة لقتل الحماس وروح الثورة
بين الناس رغم ادعاك انك تتمنى سقوط المؤتمر الوطنى ...
اولا لم تنجح الثورة بعد ولم تسقط الحكومة بعد حتى تتحدث
عن رفضك للحزبين الكبيرين كبدائل لان هذا اساسا ليس وقت
تفكير فى البدائل وانما الوقت فقط لدعم الثوار والمساهمة
على الاقل معنويا لدعمهم
ثانيا انا لا انتمى لاى واحد من الحزبين الكبيرين الامة والاتحادى
لكن حديثك عنهما بهذا الشكل هو نفس الحديث الذى تمكن به المؤتمر
الوطنى على السلطة حين قاموا بانقلابهم مدعين انهم ضباط وطنيون ولا
ينتمون لاى حزب وانما اتوا لانقاذ السودان من البيتين وكان شعارهمم
لا حزبية اسلامية اسلامية
ثالثا لم ينكر احد ان للديمقراطيات اخطاءها ولا ينكر احد ان للحزبين
وبقية الاحزاب اخطاء تاريخية يتحملون مسؤوليتها لكن هذا لا يعنى ان نلغى
تاريخ ومساهمات عظيمة لهذه الاحزاب لمجرد وقوع اخطاء ولا يمكن ان يكون
العسكر او المؤتمر الوطنى بديلا لهم لان ما رأيناه خلال هذين العقدين من
دمار ضرب الوطن لا يمكن مقارنته باى اخطاء اخرى ارتكبت على مدى التاريخ السودانى
حتى المستعمر لم يفعل فى ابناء الوطن والوطن ما فعله هؤلاء الحثالة ..
لكل هذا يا اخى على ميرغنى ليس لى تفسير لمداخلاتك فى هذا البوست اولا من محاولة
انكار وجود مظاهرة فى بحرى وثانيا هجومك فى غير وقته على احزاب المعارضة كل هذا
ليس له الا تفسير واحد واتمنى ان اكون مخطئا : انك ذراع حكومى ليس الا
تحياتى

Quote: لكن هذا لا يعنى ان نلغى تاريخ ومساهمات عظيمة لهذه الاحزاب

عليك الله ورينا واحد من هذه الانجازات
يا اخي الحزبين الكبيرين ديل بيفقدوا الممارسة الديمقراطية داخلهم
ويكفي ان حزب الامة الى الآن عجز عن تكوين اماناته والسبب
الخلافات بين اولاد الصادق المهدي.. وكدا اسال داخل الحزب تلقى الوضع مزري جدا
ـــــــــــــ

Quote: واتمنى ان اكون مخطئا : انك ذراع حكومى ليس الا

مناك في محلو
وصدقني لو كنت كذلك ما كنت اختشيت
يا اخي انا دفعتي اسع لواءات .. يعني لو كنت زي ما قلت انتى كنت اسع مرتاح
وحشم وخدم..
عموما يا سيدي طريقة العمل أتطورت واصبح الشغل بالغمتي يعني بدلاً من زي كلامي دا
يقوم واحد مناضل جداً يطرح قضية انصرافية وممكن تحدث شرخ كبير وسط المناضلين

سلام عليكم اخ علي

Quote: سادعم اي انقلاب يقودو ضباط وطنيين قلبهم على البلد

تاني ضباط وطنيين يا علي

Quote: بس لو حسيت انها ما ح تجيب اولاد المهدي ولا الميرغني تاني

اولاد الميرغني والمهدي ديل لو جابهم الشعب الف مرحب بيهم
لكن ده ما المهم, المهم هو كيف يحكم الشعب وليس من يحكم الشعب

يا جماعة .. عمكم علي ميرغني دا
كوز .. وضابط جيش .. وأمنجي راسو عديل!!






كااااااااااااااكـ ياخ!
عجبني ليكـ يا عمكـ






_
شنو يا هشام ياخ! أي زول يتعكلت
معاكم طوالي تلصقوا ليهو من طرف!!

ياخ عنوان البوست بتاعكـ دا فيهو اشتعال عديل!
يعني الدخان بتاعو مفروض يصلنا هنا في الرياض دي!
لما علي قال ماف حاجة بقت بحري كبيرة؟ طيب من الأول
ما تقول الحتة الفلانية في بحري تشتعل!!

حاجة إضافية: عمكم علي ميرغني دا
لاعب باكـ شمال قطيم لحسين ملاسي!
هسي دي براها مش كفاية؟

اها المظاهرات في بحري مرقت من شارع النيل بتاع بحري ولا لسه طمنونا

Quote: مظاهرة كبيرة بمدينة بحرى موقف الحاج يوسف

!!!!!!!!!!!!!!
!

Quote: وسادعم اي انقلاب يقودو ضباط وطنيين قلبهم على البلد

تعجبت لصدور هكذا حديث من صحفي كالاستاذ علي ميرغني
البديل المنطقي لنظام المؤتمر الوطني هو حكومة قومية إنتقالية تمهد لأنتخابات حرة نزيهة.
لا ينبغي أن يكون للجيش اي دور سياسي غير حماية رغبة الشعب و حماية حدود الوطن.
شخصياً سأحزن بشدة لو-لاقدر الله - أتت انتخابات بأحد الاوجه القديمة..ولكن إن كانت هذه رغبة الشعب فهنيئاً له.

ود الصائم
لا شلت (كيبوردك) يا فتى

التحية لشرفاء بلادي فقي كل مكان
كلنا مراسلي الثورة باذن الله


هشام عباس
كن بخير

Quote: عليك الله ورينا واحد من هذه الانجازات يا اخي الحزبين الكبيرين ديل بيفقدوا الممارسة الديمقراطية داخلهم ويكفي ان حزب الامة الى الآن عجز عن تكوين اماناته والسبب الخلافات بين اولاد الصادق المهدي.. وكدا اسال داخل الحزب تلقى الوضع مزري جدا

على تحياتى
انا لست فى معرض للدفاع عن الحزبين
اولا لست معنيا بذلك
ثانيا للحزبين اقلام واعضاء هم ادرى وافضل منى لفعل ذلك
ما اريده فقط منك وما اطرحه لك ان طرحك هذا وفى وقتنا هذا
طرح غير مقبول ، لا فرق بين طرحك هذا وطرح كوادر الامن فى هذا المنبر
ويمكنك الرجوع لبوستاتهم التى كلها على شاكلة من البديل والخرطوم هادئة
والمناضلين يكذبون وما الى ذلك من طرح يزعزع حماس المعارضين او المواطنين
فان كنت ارى ان لهم الحق فى ذلك لان هذا واجبهم تجاه حكومتهم فانى لا ارى اى
سبب او مبرر يجعلك تواكب هذا الخط ...
تحياتى

هشام عباس
تحياتي
عند كتابة خبر عن مظاهرة يجب الإلتزام بالتالي :
1- تحديد المكان بدقة
2- تحديد زمن بدء المظاهرة وزمن انتهائها بالساعة والدقيقة ولو ممكن بالثانية كمان
3- تحديد أقرب نسبة لعدد المشاركين
4- نوع الهتافات

وقبل كل ذلك لابد أن يكون لديك أكثر من مصدر للتاكيد
ولمنع الأخبار المسربة من أجهزة الأمن

Quote: مناك في محلو وصدقني لو كنت كذلك ما كنت اختشيت يا اخي انا دفعتي اسع لواءات .. يعني لو كنت زي ما قلت انتى كنت اسع مرتاح وحشم وخدم.. عموما يا سيدي طريقة العمل أتطورت واصبح الشغل بالغمتي يعني بدلاً من زي كلامي دا يقوم واحد مناضل جداً يطرح قضية انصرافية وممكن تحدث شرخ كبير وسط المناضلين

ليتك كنت كذلك على الاقل لوجدت لك مبررا فى طرح خط الامن فى هذا المنبر
لكن ان تقول انك ضد الحكومة ثم تقدم لها خدمات كبيرة كطرحك هذا اسمح
لى ان اقول لك ببساطة ان اسوء واضل من ان تكون لواءا او امنجيا ..
لا اتمنى ان تكون مغفلا نافعا

Quote: شنو يا هشام ياخ! أي زول يتعكلت معاكم طوالي تلصقوا ليهو من طرف!! ياخ عنوان البوست بتاعكـ دا فيهو اشتعال عديل! يعني الدخان بتاعو مفروض يصلنا هنا في الرياض دي! لما علي قال ماف حاجة بقت بحري كبيرة؟ طيب من الأول ما تقول الحتة الفلانية في بحري تشتعل!!

ود الصايم مسكاقمى
يا سيدى والله لم الصق به شئ ولم اتهمه بشئ
كل ما قلته ان طرحه هذا هو نفس طرح الامنجية ان كان يقصد او لا يقصد
عادى جدا ان يشكك فى امر المظاهرة بل وينفيها ونتقبل ذلك
لكن غير العادى الهجوم على المعارضة بهذا الشكل والطعن فى مقدراتها
الا ترى ان الامر غريب فعلا ؟؟
مكان المظاهرة حددتها بالفعل يا اخى وقلت انها فى موقف الحاج يوسف
وام درمان وقلت ان الشرطة تفرق المظاهرة ..اما الاشتعال لا يمكن ان
تفهمه بالمعنى الحرفى وانما بدلالاتها فحين تحدث مظاهرة فى قلب بحرى
ثم فى الصبابى ثم كليه الزراعة شمبات فهذا امر ليس بالهين ولم نعهده
طوال السنوات الماضية ..
عافيلقو

Quote: تعجبت لصدور هكذا حديث من صحفي كالاستاذ علي ميرغني البديل المنطقي لنظام المؤتمر الوطني هو حكومة قومية إنتقالية تمهد لأنتخابات حرة نزيهة. لا ينبغي أن يكون للجيش اي دور سياسي غير حماية رغبة الشعب و حماية حدود الوطن. شخصياً سأحزن بشدة لو-لاقدر الله - أتت انتخابات بأحد الاوجه القديمة..ولكن إن كانت هذه رغبة الشعب فهنيئاً له.

والله زاد اسفى بمعلومتك هذه ..بالله على ميرغنى صحفى ؟؟؟
مصيبة والله ان يكون هذا طرح صحفى يحمل امانة القلم ورسالته نشرالوعى ..
ايا كان رأيه فى الحزبين الكبيرين وايا كان موقفه من السيدين
كنت اتمنى ان لاينسى انهما لن ياتيا بدبابة وغصبا عن ارادة الشعب
والمفروض عليه ان يحترم ارادة الشعب اولا ثم بعدها يستخدم قلمه
فى توجيه دفة الديمقراطية بنقد كل الاخطاء التى يراها فى الحزبين
لنأسس معا لديمقراطية لا يكون مهما فيها من يحكم بل كيف يحكم ..
لكن ان يقول صحفى انه يساند الجيش حتى لا ياتى الحزبين فان الامر
يدعو للعجب ...
لذلك قلنا ان صحافتنا لا اسوء منها الا كلاب الامن ..

Quote: لكن ان يقول صحفى انه يساند الجيش حتى لا ياتى الحزبين فان الامر

شخصيا لم اقل هذا الكلام
نعم اساند ان يستلم السلطة ضباط وطنيون يعيدون للبلد استقرارها ثم بعد داك يقيمون انتخابات حرة ونزيهة
اما احزابنا فهي تفتقر للمارسة الديمقراطية واتحدى ان يتولى زعامة ايا من الحزبين شخص من خارج عائلة المهدي
مش المهدي الكبير بل الصادق المهدي، او الميرغني للحزب الآخر.. وقديما قالوا فاقد الشئ لا يعطيه

Quote: لا يكون مهما فيها من يحكم بل كيف يحكم ..

مقولة مخادعة... لان من يحكم هو من ينفذ كيفية الحكم
واذا كان الأمر كما تقول كانت الانتخابات الأمريكية تكون مفاضلة بين الحزبين
وليس بين مرشحا الحزبين

Quote: لذلك قلنا ان صحافتنا لا اسوء منها الا كلاب الامن ..

دا رايك وانت حر فيهو بس ارجع بيك للمقولة (تحدث حتى اراك)
عموما يا سيدي انا ضد كل الاحزاب السودانية واولها المؤتمرين الوطني والشعبي
وتليها بقية المتردية والنطيحة وما أكل الضبع وليس السبع لانها لا ترقى لان تكون هدفاً للاسد

Quote: هسع جيت من بحرى بكبرى المك نمر بشارع الجمهورية ودخلت بشارع القصر وجيت بشارع

يا مزمل كيف حالك
عارف من الكلام الكتير الفي البوسـت دا ما بين التأكيد وانفي ما حيرني
غير كلامك انت لأنو حســب علمي كبدوي شـارع الحمهورية لا يمكن تدخل بيهو
من الك نمر للقصـر يعني من الشـرق للغرب بشـارع الجمهورية صعبة خالص

اهأ
1 / انت ماشـي كداري ولا عكســت الشــارع ؟
2 / لو ماشـي كداري مش كان اقرب ليك تصل تقاطع المك نمر مع البلدية
و تعرج على التيار