Post: #1
Title: على عثمان .. أعتراف نادر !!
Author: عبد الحميد حسين
Date: 06-17-2012, 08:24 PM
جاء فى خبر من اخبار الزنقة الوجودية التي يعانيها النظام حاليا ..بان على عثمان ..
Quote: أقرَّ بأن جزء من عائدات الدولة ذهبت في ما وصفه بالبذخ السياسي.
وبحسب الصحيفة فإن طه أمن على ضرورة الاعتراف بذلك، مؤكداً في ذات الوقت عدم تكرار ذلك مرة أخرى. |
والجدير بالذكر بأن كل الناس عارفة كدا ...ومن زمان جدا ..لكن نسوي شنو مع الغلاط !!
المهم هل بالأمكان ان نطمع ان يفكفك لنا النائب الأول عبارة (البذخ السياسي) المذكوره
ولا نعتبر هذا الأقرار المجمل تنازل كافى من سيادته ..كما نشكرة ايضا على وعده ايضا على عدم تكرار
هذا الشئ المسمي ( البذخ السياسي)
|
Post: #2
Title: Re: على عثمان .. أعتراف نادر !!
Author: البحيراوي
Date: 06-17-2012, 08:45 PM
Parent: #1
الأخ عبد الحميد حسين
تحياتي - البذخ السياسي كوم والصرف السياسي كوم تاني لعل الثاني يسبق الأول
مثلاً زيارات الرسميين من قبل الدولة لمناطق سودانية دون أن يكون هناك عائد حقيقي من تلك الزيارات تندرج تحت بند الصرف السياسي بلا عائد . يعني يسافر رئيس الجمهورية لمنطقة الخوي لإفتتاح مشروع كهرباء الخوي - تكون التكلفة لهذه الزيارة على المستوى المحلي 85 مليون جنية تُدفع من حر مال ناس المحلية وتبرعاتهم الإجبارية أو الإختيارية عبر لجنة يتم تكوينها لهذاالغرض ثم يقوم الوالي عن طريق منسوبيه من الحزب الحاكم في المنطقة بتهيئة البلد من نظافة وتجميع المستقبلين وتعطيل الطاقات لذلك اليوم . ثم يقوم الرئيس بإفتتاح المشروع ومن بعد أن يعود الرئيس بعد أربعة ساعات تتوقف المحطة تمامأً لعدم توفير أدوات العمل بشكل كافئ .
وطبعن الزيارة كلها من الخرطوم حتى كردفان يتم خلالها تعطيل موارد وأعمال ويكون العائد والمردود صفر أو أكثر من ذلك بكثير .
بحيراوي
|
Post: #3
Title: Re: على عثمان .. أعتراف نادر !!
Author: عمار عبدالله عبدالرحمن
Date: 06-17-2012, 09:16 PM
Parent: #2
يعنى الريس تاني ما حيرقص ,,
|
Post: #4
Title: Re: على عثمان .. أعتراف نادر !!
Author: عبد الحميد حسين
Date: 06-17-2012, 09:33 PM
Parent: #2
أخ بحيراوي ..سلامات وشكرا على المرور ..
وتعرف يا بحيراوي ... حكاية الزيارات الصفرية دي من الجزء الظاهر من موضوع (البذخ السياسي) المقصود..
وأتخيل زي الحكوه بتاعتك دي حصلت كم مره طوال السنوات الكالحه ال 23 الفاتت دي من الرئيس ومن كم وزير وكم والي وكم نايب وكم وزير ولائي و عييييك
واتصور عدد الأحتفالات والمظاهرات والتكريمات وعييييك ..
فى سنه2005 والحكومة جيبا عمران من بترول الجنوبيين الملح داك .. اها قالوا الا يستضيفوا مؤتمر القمة الافريقي وبعدوا طوالي مؤتمر القمه الكاريبي وبعدوا مؤتمر
القمة العربي ..شفت كيف الله كريم ..
بنوا فلل جديدة لنج واشتروا يخت بي 125 مليون لفسحة الرؤساء وصرفوا أكل وشراب وحراسة 150 مليون دولار الدولار يحك الدولار
دا كلوا عشان الرئيس يبقا رئيس افريقيا والعرب والكواربه فى نفس الوكت
أها وكت لفت البيليه .. اول امبارح عاوزين يدينوا من بنك التنمية العربي 25 مليون دولار وبالربا كمان
قال لي شنو ..قال لحصاد المياه فى ولايات التماس لتوطين الرحل ..ويتغالطوا مع بعض كدا حرام ولا ما حرام,,,
يأخي خليها على الله ساي ...
|
Post: #5
Title: Re: على عثمان .. أعتراف نادر !!
Author: عبد الحميد حسين
Date: 06-17-2012, 09:41 PM
Parent: #4
| Quote: يعنى الريس تاني ما حيرقص |
يرقص يا عمار ...لكن يخفف شوية ..
يعني ...لحدي تلاته مرات فى السنة .. معقولة جدا ..
|
|