طلب ورجاء من الزملاء في (سودانيزاونلاين) و بقية المنابر

خلو الداير يتراجع عن ماضيهو وينضم لي التغيير يجي
ورحبو بي كل زول بيكتب اي كلمة ممكن تسهم في التغيير الان .
لانو دا ما الوكت المناسب للحساب .

-------------------
الرسالة من زميلكم في البورد/ عاطف عبدون

UP


لمزيد من المشاهدة

::

شكرا استاذ احمد
وللاخ عاطف عابدون

but no way

طيب قول احنا سامحنا، الناس الدفنوهم ديل نعتذر ليهم كيف؟؟

القصة فيها موت يا استاذ احمد، وقتلاهم كُثُر ومعظمهم لا نعلم اين دفنوا

انهم لم يتسببوا في حادث حركة وعربية اتكسرت والزول يقول ليك معليش وتحمدو لبعض السلامة

الجريمة كبيرة

دة في رائي أسوا بوست في هذا الربع وينم عن الغفلة وعدم التبصر وانعدام البصيرة
هل راف بنا احد عندما اجبرنا علي ترك وظائفنا طردا وهم يضحكون تشمتا
وعندما دفعونا دفعا لمغادرة وطن رفضنا من قبل عروضا مغرية لمغادرته
وعندما انتهكوا حرماتنا وقتل إخوتنا
عندما جوعونا بإقفال أبواب الرزق في وجوههنا
ما غلطنا فيه ايام نميري وعبود لن نكررة وفينا نفس يخرج
كل واحد فيكم يرصد الكيزان في محيطة وعندما تدق الساعة يكون جاهزا
فهم لم يرحموكم شابا كنت ام شائبا امرأة عجوز ام شابه مقبله بنفس متفتح للحياه
ما فعلته الإنقاذ في السودان يجعل كل من يدعو لمثل هذا الفعل خائنا او اخرق
لقد ضيعوا وطنا فلماذا نبقي عليهم
لسنا بالمسيح لندير الخد الأيسر لمن لطم الأيمن

Quote: دة في رائي أسوا بوست في هذا الربع وينم عن الغفلة وعدم التبصر وانعدام البصيرة هل راف بنا احد عندما اجبرنا علي ترك وظائفنا طردا وهم يضحكون تشمتا وعندما دفعونا دفعا لمغادرة وطن رفضنا من قبل عروضا مغرية لمغادرته وعندما انتهكوا حرماتنا وقتل إخوتنا عندما جوعونا بإقفال أبواب الرزق في وجوههنا ما غلطنا فيه ايام نميري وعبود لن نكررة وفينا نفس يخرج كل واحد فيكم يرصد الكيزان في محيطة وعندما تدق الساعة يكون جاهزا فهم لم يرحموكم شابا كنت ام شائبا امرأة عجوز ام شابه مقبله بنفس متفتح للحياه ما فعلته الإنقاذ في السودان يجعل كل من يدعو لمثل هذا الفعل خائنا او اخرق لقد ضيعوا وطنا فلماذا نبقي عليهم لسنا بالمسيح لندير الخد الأيسر لمن لطم الأيمن

انا شخصيا ما موافق
القصاص القصاص
ما بنخلي عمرنا الراح شمار في مرقة
دي 23 سنة هو نحنا حنعيش كم اصلاً
دا غير الدم
دم بني ادمين احماااار

قالوا واحدة مشت لي فكي كايسة العرس
الفكي بعد تبصر قال فيها جاييك عريس مغترب
البت قعدت تبكي
الفكي قال في في شنو؟
قالت ليهو شلت هم من ولادة الغربة

يا جماعة إنتو ما بتقروا كويس ولاّ شنو ؟!!

أقروا الجزء المقتبس من كلام عاطف عبدون أدناه

Quote: لانو دا ما الوكت المناسب للحساب .

عاطف أكييييييييييد بيقصد إنه في حساب ولكن ليس الان وقت الحساب

يعني الناس ما تنشغل وقتها بالمناقرة و السجال مع هؤلاء اللذين قفزوا من سفينة الفساد في هذا الوقت المتأخر

Quote: يعني الناس ما تنشغل وقتها بالمناقرة و السجال مع هؤلاء اللذين قفزوا من سفينة الفساد في هذا الوقت المتأخر

يا احمد إحنا قرينا ، وفاهمين حتي من قبل ما نقرا
لكن انت الذي قد لا تدري مدي دهاء هؤلاء الناس
ديل بيختوا خط للرجعه يحاجون بهم عند أوان الحساب وعندهم الدليل موثق
ويجيبوا رابط بوستاتهم تشهد لهم
ويقولوا إحنا تبنا وانبنا عندما تبين لنا ان الإنقاذ غررت بنا وهذا كتابنا يشفع لنا
وبعيونهم دموع تترقرق يقولوا
يا جماعه الرسول قبل التوبه
والإسلام يجب ما قبله واحنا أسلمنا قبل الطوفان
لو شعر الكيزان ان أطواق النجاة من السفينه الغارقة مفتوح لهم لسجل كل واحد منهم موقفا يكون ملاذا له عند الحوجة
وهو كلها راس مالها إيه دقيقتين وقت وكي بورد يكتب ويرسل
انشاء الله تكون انت فهمت الان ما فهمناة نحن قبلا

Quote: ويجيبوا رابط بوستاتهم تشهد لهم ويقولوا إحنا تبنا وانبنا عندما تبين لنا ان الإنقاذ غررت بنا وهذا كتابنا يشفع لنا

عارف يا أخي الزبير ومقدر ما كتبته انت
ولكن ما كتبوه في الاسافير لن يشفع لهم , حا يكون في حساب وسجن و حصر و حظر ممتلكات و أشياء كثيرة

بس موضوع البوست إنه ما نضيع وقت ونرد ليهم .. لان الوقت ليس بالمناسب لان هنالك مواضيع اهم

Quote: لو شعر الكيزان ان أطواق النجاة من السفينه الغارقة مفتوح لهم لسجل كل واحد منهم موقفا يكون ملاذا له عند الحوجة

بالضبط كده يا أخ الزبير , لان هؤلاء محترفين في النفاق لذلك أتوقع من أن يسلكوا التصرف الذي قلته أنت اعلاه في الاقتباس
ولكن تأكد تماما ان للمنبر و الاعضاء ذاكرة.

Quote: حا يكون في حساب وسجن و حصر و حظر ممتلكات و أشياء كثيرة

عن ثقه بقول ليك الجماعة ديل اكثر ممتلكاتهم برة البلد وكل ما يملكونه ربما عمارة هنا او بيت هناك عشان كدة الحري وراء إرجاع الفلوس
مضيعة للوقت ولنا في تجارب مصر وغيرها عبرة
ما نريده هو قصاص ثوري يكفكف دمعنا ويحرمهم للابد من التمتع بما سرقوة
كل من تسبب في قيام الانقلاب ضباط مجلس الثورة وكل قادة تنظيم الجبهه الاسلامية عام 89 م اعدام
كل من تبوأ منصبا قياديا او دستوريا وكل من عين بعقد عمل خاص وكل من تبوأ منصبا بقرار جمهوري كذلك
كل من عمل في اجهزة امن النظام وشارك في التعذيب او سكت عن تعذيب يعدم
كل من سرق من غير الفئات أعلاة يعدم
كل من اغتني زمن الإنقاذ ولا يستطيع إثبات مصدر ثروته يعدم
كل من ظلم شخصا سواء باقصاءة من منصبه او سلب حقاً له يعدم
بعد داك نجي للمغفلين النافعين في عهد الإنقاذ وهؤلاء من خمتهم الإنقاذ باسم الدين ولم يصنفوا في الفئات
أعلاة يجلد في ميدان عام كل واحد منهم في مدينته ووسط أهله وعشيرته
كل من تبوأ منصبا بدون وجه حق يفصل من وظيفته يغرم ويسجن مدة قدر القعدها في الكندشة علي حساب الشعب
كل من ترشح سواء فاز او لم يفز في انتخابات مجالس الشعب القومي او الولائي في عهد الإنقاذ ولم يسرق يسجن مدة
تعادل مدة عضويته في المجلس او الفترة التي كان مفترضا ان يجلسها لو فاز ويحرم من ممارسة الحقوق السياسية للابد

Quote: قالوا واحدة مشت لي فكي كايسة العرس الفكي بعد تبصر قال فيها جاييك عريس مغترب البت قعدت تبكي الفكي قال في في شنو؟ قالت ليهو شلت هم من ولادة الغربة

ناصر
بعد اذنك ياخي
الخلاصة دي يلزمها بوست عديل
الفكي قال في شنو؟

احمد محمد بشير

Quote: الرسالة من زميلكم في البورد/ عاطف عبدون

التحية لك أنت والرفيق عاطف عابدون وانتم تقدمون اروع أنواع التسامح

شفت عشان خاطرك انت وعاطف عابدون انا حا اخفض العقوبات الكنت حا انفذها في هؤلاء المأفونيين للنصف لكن سنقتص منهم

سلام للجميع واتفق معك يا اخ محمد
لكل مقام مقال ولكل اجل كتاب

من عاطف في رساله لي

كلامي ما بيتعارض مع القصاص ولا مع المحاكمات ولا
و اصلا الناس الانا قاصدهم هنا ما هم الحنقتص منهم
كلامي بي بساطه كان عن مواقف ناس زي اساسي وعمر صديق وعوض المسلمي الناس الكانو بدافعو عن سياسيات النظام واسع بقو ساخطين عليهو .
ديل ما من المفترض نصدهم لانو اي زول كتابتو او ممارستو ممكن تسهم في التغيير دا هو زولنا في المرحله دي
وبعد ما نسترد البلد وكتها
لي بيوت الاشباح ذاكرتها ولي سجون النظام ذاكرتها
ولي الاحزان والدم ذاكره
وللاسافير برضو ذاكره
والحساب ولد
والكلام الهتافي بتاع المراهقين دا ما بفيد في المرحله دي

Quote: عن ثقه بقول ليك الجماعة ديل اكثر ممتلكاتهم برة البلد وكل ما يملكونه ربما عمارة هنا او بيت هناك عشان كدة الحري وراء إرجاع الفلوس مضيعة للوقت ولنا في تجارب مصر وغيرها عبرة ما نريده هو قصاص ثوري يكفكف دمعنا ويحرمهم للابد من التمتع بما سرقوة كل من تسبب في قيام الانقلاب ضباط مجلس الثورة وكل قادة تنظيم الجبهه الاسلامية عام 89 م اعدام كل من تبوأ منصبا قياديا او دستوريا وكل من عين بعقد عمل خاص وكل من تبوأ منصبا بقرار جمهوري كذلك كل من عمل في اجهزة امن النظام وشارك في التعذيب او سكت عن تعذيب يعدم كل من سرق من غير الفئات أعلاة يعدم كل من اغتني زمن الإنقاذ ولا يستطيع إثبات مصدر ثروته يعدم كل من ظلم شخصا سواء باقصاءة من منصبه او سلب حقاً له يعدم بعد داك نجي للمغفلين النافعين في عهد الإنقاذ وهؤلاء من خمتهم الإنقاذ باسم الدين ولم يصنفوا في الفئات أعلاة يجلد في ميدان عام كل واحد منهم في مدينته ووسط أهله وعشيرته كل من تبوأ منصبا بدون وجه حق يفصل من وظيفته يغرم ويسجن مدة قدر القعدها في الكندشة علي حساب الشعب كل من ترشح سواء فاز او لم يفز في انتخابات مجالس الشعب القومي او الولائي في عهد الإنقاذ ولم يسرق يسجن مدة تعادل مدة عضويته في المجلس او الفترة التي كان مفترضا ان يجلسها لو فاز ويحرم من ممارسة الحقوق السياسية للابد

يا الزبير اها و الناس ديل ح يتحاكموا اول ولا جلد طوالي
ولو ح يتحاكموا قدام قضاة قضاة مؤهلين ولا بورداب ساي
لوفي محكمة ح تكون بي ياتو قانون بالله

Quote: عن ثقه بقول ليك الجماعة ديل اكثر ممتلكاتهم برة البلد وكل ما يملكونه ربما عمارة هنا او بيت هناك عشان كدة الحري وراء إرجاع الفلوس مضيعة للوقت ولنا في تجارب مصر وغيرها عبرة ما نريده هو قصاص ثوري يكفكف دمعنا ويحرمهم للابد من التمتع بما سرقوة كل من تسبب في قيام الانقلاب ضباط مجلس الثورة وكل قادة تنظيم الجبهه الاسلامية عام 89 م اعدام كل من تبوأ منصبا قياديا او دستوريا وكل من عين بعقد عمل خاص وكل من تبوأ منصبا بقرار جمهوري كذلك كل من عمل في اجهزة امن النظام وشارك في التعذيب او سكت عن تعذيب يعدم كل من سرق من غير الفئات أعلاة يعدم كل من اغتني زمن الإنقاذ ولا يستطيع إثبات مصدر ثروته يعدم كل من ظلم شخصا سواء باقصاءة من منصبه او سلب حقاً له يعدم بعد داك نجي للمغفلين النافعين في عهد الإنقاذ وهؤلاء من خمتهم الإنقاذ باسم الدين ولم يصنفوا في الفئات أعلاة يجلد في ميدان عام كل واحد منهم في مدينته ووسط أهله وعشيرته كل من تبوأ منصبا بدون وجه حق يفصل من وظيفته يغرم ويسجن مدة قدر القعدها في الكندشة علي حساب الشعب كل من ترشح سواء فاز او لم يفز في انتخابات مجالس الشعب القومي او الولائي في عهد الإنقاذ ولم يسرق يسجن مدة تعادل مدة عضويته في المجلس او الفترة التي كان مفترضا ان يجلسها لو فاز ويحرم من ممارسة الحقوق السياسية للابد

دا وضع الدستور و كل القوانين و حدد المتهمين و الإتهامات و أصدر الأحكام
باقي بس التنفيذ و الله ما قصر معاكم....


.

Quote: كلامي ما بيتعارض مع القصاص ولا مع المحاكمات ولا و اصلا الناس الانا قاصدهم هنا ما هم الحنقتص منهم كلامي بي بساطه كان عن مواقف ناس زي اساسي وعمر صديق وعوض المسلمي الناس الكانو بدافعو عن سياسيات النظام واسع بقو ساخطين عليهو . ديل ما من المفترض نصدهم لانو اي زول كتابتو او ممارستو ممكن تسهم في التغيير دا هو زولنا في المرحله دي وبعد ما نسترد البلد وكتها لي بيوت الاشباح ذاكرتها ولي سجون النظام ذاكرتها ولي الاحزان والدم ذاكره وللاسافير برضو ذاكره والحساب ولد والكلام الهتافي بتاع المراهقين دا ما بفيد في المرحله دي

احمد بشير يا داقس
الرسالة دي خاصة وللاستعمال والتنسيق الداخلي فقط، وليست للنشر
يعني استغلوا ناس اساسي وعمر صديق وعوض المسلمي لحدي ما تستردوا البلد ووقتها الحساب ولد
بس دايرين نعرف: المراهقين ديل قاصد بيهم منو؟ ساعدنا يا ابوحسين

Quote: بس دايرين نعرف: المراهقين ديل قاصد بيهم منو؟ ساعدنا يا ابوحسين

غايتو أنا ما مراهق و راسي كلو صلعة .....

Quote: سلام للجميع واتفق معك يا اخ محمد لكل مقام مقال ولكل اجل كتاب

Quote: من عاطف في رساله لي كلامي ما بيتعارض مع القصاص ولا مع المحاكمات ولا و اصلا الناس الانا قاصدهم هنا ما هم الحنقتص منهم كلامي بي بساطه كان عن مواقف ناس زي اساسي وعمر صديق وعوض المسلمي الناس الكانو بدافعو عن سياسيات النظام واسع بقو ساخطين عليهو . ديل ما من المفترض نصدهم لانو اي زول كتابتو او ممارستو ممكن تسهم في التغيير دا هو زولنا في المرحله دي وبعد ما نسترد البلد وكتها لي بيوت الاشباح ذاكرتها ولي سجون النظام ذاكرتها ولي الاحزان والدم ذاكره وللاسافير برضو ذاكره والحساب ولد والكلام الهتافي بتاع المراهقين دا ما بفيد في المرحله دي

Quote: يا الزبير اها و الناس ديل ح يتحاكموا اول ولا جلد طوالي ولو ح يتحاكموا قدام قضاة قضاة مؤهلين ولا بورداب ساي لوفي محكمة ح تكون بي ياتو قانون بالله

ود البشري تقديري واحترامي
ما ساقوله قد يكون صادما
ولكن ما أريده واتمنى ان يحدث هو القضاء الثوري وليس القضاء العادي ناس نيابه وتأجيل جلسات شهر وشهرين والكلام المفروض يتعمل في ظروف عاديه
نعم امام قضاء مؤهلين ولكن بقوانين ثوريه تسن عندها ويستثني هذا القانون من القاعدة القانونية بعدم صحه سريان القانون بأثر رجعي يعني تسن قوانين
يحاكم بموجبها من أجرم من يونيو 89 م

Quote: والكلام الهتافي بتاع المراهقين دا ما بفيد في المرحله دي

تعرف يا احمد محمد بشير انت كلامك صاح انا افتكرت ان لك عقلا يعي ما يقول او ما ينقله عن الغير ولهذا
تداخلت معك في الحوار ولم اكن أظن وهذه غلطتي انك تأمرنا أمرا واجب التنفيذ دون نقاش
ولهذا اعتذر لك وأقول لك البباري الجداد يودنة الكوشه
وما تدعوا له لا يوجد في العالم المحسوس قد يكون في الكتب والروايات ولكن لن يحدث في السودان
والنموذج الجنوب أفريقي لن يحدث في السودان لان المرارات هنا مختلفة فلا الجبهجيه هم بيض السودان
ولا نحن عبيدها


لا زلت عند رائي ان هذا هو أسواء بوست في هذا الربع

Quote: دا وضع الدستور و كل القوانين و حدد المتهمين و الإتهامات و أصدر الأحكام باقي بس التنفيذ و الله ما قصر معاكم.... .

والله يا ابو حسين ما عارف ارد اقول ليك شنو لكن ما كتبته أنا هو ما أريده واتمنى ان يحدث بدون حجر لك ولرائك في عقوبات مختلفة او حتي تسامح في حقك
ولو ما سطرتة أنا لا يعجبك يمكنك ببساطة تجليته او تفنيده

يا الزبير هو رأيك لا املك إلاّ ان احترمه رغم اختلافي معه
وشوف دا رأي آخر للاخ زهير الزناتي يختلف مع رأيك ويسوق حجج ومنطق سليم
Re: عصـام دهب وفك التسجيلات

أخ/أحمد السلام عليكم..

شفت كيف البوست لم يوفق فى توحيد الكلمة لزملاء هنا وبقية المنابر..ده حالنا فى كل شىء..مختلفين فى كيفية تصور المستقبل القريب. وما بالك إدارة دولة..

ألأنقاذ أخفقت وألأن تتخبط..دورنا التفكير فى من يدير الدفة ويخرج بهذه البلد لبر ألأمان....

صاحب الفكرة ينظر بعين الحكمة وليس فش الغبن...

لك الله ياوطن.

تقديرى وإحترامى للجميع.

يصف رأي الاخرين بالغباء (لا لشئ سوي اختلافهم معه)

ويغضب عندما يصفونه بالمراهق السياسي

فتامل علي قوله

بل يجب القصاص، لأنه بدون قصاص لن نستطيع أن نؤمن المستقبل للأجيال القادمة، وسندور في هذ الحلقة المفرغة، إنقلاب عسكري وسدنة، ثورة أو إنتفاضة، ثم إنقلاب وحزب حاكم.

التسامح يكون عندما يكون المسامح في موضع قوة،
واي دعوة غير ذلك هي مجرد ضعف وتخاذل ليس إلاّ،
لأن النظام وأعوانه هم الآن في موقف القوة من حيث السيطرة على السلطة والمال والإعلام،
وبقية الشعب هم مجرد ضحايا،
والقوة هنا لا تعني قوة المنطق أو الحجة، فهذه لغة لا يعرفونها،
وسيفهمون أي تسامح منا .... ضعفاً.

(وَلَكُمْ فِي الْقِصَاصِ حَيَاةٌ يَاْ أُولِيْ الأَلْبَابِ لَعَلَّكُمْ تَتَّقُونَ {البقرة/179})

والقصاص لا يعني العنف الجسدي أو اللفظي، بل يعني تحقيق العدالة وتأمين طريق احترام الدستور والقوانين والأعراف.

وعندما يضع النظام كل مؤسسات التشريع والقضاء والشرطة تحت تصرفه، لا يكون أمام تحقيق العدالة طريق غير الثورة، والشرعية الثورية.

صحيح يجب أن لا نغلق الأبواب، لكن يجب أن لا نكون أغبياء ونلدغ من الجحر عشرات المرات...

فالمؤمن كيٍّسُ فَطِنٌ وليس كيس قطن.

يا جماعه روقا المنقه
عاطف عابدون هذا لا يعني ناس الحكومه الحقيقين
هو بيتكلم عن مطبلاتيه النظام بالمنبر.

و الزبير بيتكلم عن ناس الحكومه التنفيذين فعلا.


وناس ابو حسين وود البشرى و اسماعيل عباس عارفين عابدون بتلكم عن شنو
الا غلبهم يفرزوا الزبير بيتلكم عن شنو من الدخلها فيهم الزبير من خوفه!



انا شخصيا بختلف مع عابدون وما مراهقه ولا بقبل لغته دي.
صعاليك الانقاذ الكانوا قارفننا هنا ما بنقبل بيهم اطلاقا!
ممكن نطنشهم لكن محال نقول لهم انتو صاح!

Quote: يصف رأي الاخرين بالغباء (لا لشئ سوي اختلافهم معه) ويغضب عندما يصفونه بالمراهق السياسي فتامل علي قوله

احمد محمد بشير
منو القال ليك أنا زعلت
لا يا سيد يا متسامح
أنا غلطت نفسي فقط فقد كنت اعتقد انك أتيت لحوار ولكني غبي وحماااااار ان عارف لية لأنني اشرت في البدايه انه لا بصر ولا بصيرة لديك وقلت هذا
في اول مداخله لي ولكنني ولسبب أجهله تعاميت عن هذه الحقيقة ########ت ( و ض ي ع ت ) زمن مع من لا يستحق وفي موضوع بديهي ما عاوز لية درس عصر
ولا مدرس خصوصي
المراهقة مرحله وبتعدي ولكن الغباء سمه تنشا مع الشخص منذ الصغر تتبعه الي المقابر

Quote: ممكن نطنشهم لكن محال نقول لهم انتو صاح!

مائة بالمائة يا تراجي
اول البوست بيدعوا انو الناس مش تطنش وبس لا وترحب كمان بتوبتهم ( فقه التقيه بتاع الشيعة زاتو بضبانتة )
طيب واحد سامحتوا ورحبت بيه كمان تاني تقدر ترفع عينك تحاسبوا
ولمن نقول عديمي بصر وبصيرة يطلعونا مراهقين
عجبي والله

شباب من الآخر عشان ما تلخمونا

لا بنطنشهم يا تراجى ولا بنقول ليهم صاح

ولا ينطوا من السفينة ولا يساهموا معانا يا عاطف عبدون

الحساب ولد بالقانون بدون القانون فى حساب

محاكم ثورية ... محاكم قضاء .. محكمتى الشخصية فى النهاية لازم فى حساب

حقنا بناخذوا قوة عين وقلع قلع

البيحصل يحصل

قسم النضال وشرف الوطن انا على مستواى الشخصى حقى ما بخليهو

وحقى دا ما شخصى وبس لا لا لا لا

هووووووووووى اصحوا

اى سودانى او سودانية ماتوا فى غرب السودان .. فى شرق السودان

ماتوا فى النيل الازرق ... ماتوا فى جنوب كردفان ... فى الشمالية

فى اى مكان فى السودان دا حقى الشخصى وما بخليهو

اى معتقل اتعذب واغتصب سواء رجل او امراة دا حقى الشخصى وما بخليهو

اى طفل ما قدر يقرأ وامو اشتغلت تبيع شاى وجوا كشوها وكسروا عدتها ودقوها وغرموها دا حقى الشخصى ما بخليهو

اى طالب انضرب بى السيخ وفصل من الجامعة لانه معارض دا حقى الشخصى ما بخليهو

اى مفصول من الخدمة المدنية وتم تشريده لمصلحة كوز دا حقى الشخصى ما بخليهو

اى اساءة اساءنا لها قادة وكوادر النظام دا حقى الشخصى ما بخليهو

من الاخر كدا اى شى حصل من 30 يوينو 89 المشئووم لى حسى دا حقى الشخصى ما بخليهو

قولوا مراهقين .. قولوا اطفال ... قولوا علينا اى شى برضو حقنا ما بنخليهو

اقسم بالله العظيم وبشرفى انا حقى باخدوا باخدوا كان براى باخدوا وبعد اخدوا حاكمونى وقطعونى واصلبونى زاتو

لكن بس وجعة الغبش والغلابة والمهمشين الفى البلد دى كان ما اخدناها يبقى الانقاذ والكيزان ما سقطوا حتى وان سقط نظامهم

انا زاتى واحد من الناس بعد الكيزان ديل ينقلعوا والله لا داير سياسة ولا بشوفها بى عينى لكن اول شى اخد حقى من اى كوز نفر نفر بيت بيت زقاق زقاق

Quote: صاحب الفكرة ينظر بعين الحكمة وليس فش الغبن...

اسماعيل تحياتي وتقديري
الموضوع ما فش غبائن ولا أحقاد ، الموضوع انو إحنا غلطنا مرتين الأولي في اكتوبر 64 والثانية في ابريل 1985 م
في الأولي قالوا معليش مسامحين وفي التانية حاكموا شويه رموز وجاءت الأحكام خفيفة ألغتها الإنقاذ عند زمانها
فلو كان في قصاص في الأولي لفكر ناس الثانية الف مرة ولكن لأنو مافي قصاص وعفاالله عما سلف والكلام الفارغ دة أتت الإنقاذ
وتمددت وتبجحت حتي ظنوا انهم ملوك الارض والسماء
وما يركن اليه الفاسدون من سنده النظام هو رهانهم علي ضعف ذاكرة الشعب وطيبه قلبه التي تجعله يسامح مع اول بادرة إظهار ندم من الخصم
او طلب عفو ولهذا ستاتي إنقاذ اخري وثالثة ورابعه لان من يامن العقاب يسي الادب
يمكن ان نتسامح عن الهفوات ولكن أمتي؟ ونحن نملك حقنا في العقوبة ونستطيعه وليس ونحن في وهن وضعف
ارجو ان اكون قد وضحت

Quote: من الاخر كدا اى شى حصل من 30 يوينو 89 المشئووم لى حسى دا حقى الشخصى ما بخليهو

دة الكلام البنعرفوا والنغمة العاوزين نسمعها
وأي كلام تاني طريقكم ما طريقنا

Quote: انا شخصيا بختلف مع عابدون وما مراهقه ولا بقبل لغته دي. صعاليك الانقاذ الكانوا قارفننا هنا ما بنقبل بيهم اطلاقا! ممكن نطنشهم لكن محال نقول لهم انتو صاح!

ليته يتعلم ادب الاختلاف .

شكرا تراجي

Quote: الا غلبهم يفرزوا الزبير بيتلكم عن شنو من الدخلها فيهم الزبير من خوفه!

Quote: قسم النضال وشرف الوطن انا على مستواى الشخصى حقى ما بخليهو وحقى دا ما شخصى وبس لا لا لا لا هووووووووووى اصحوا اى سودانى او سودانية ماتوا فى غرب السودان .. فى شرق السودان ماتوا فى النيل الازرق ... ماتوا فى جنوب كردفان ... فى الشمالية فى اى مكان فى السودان دا حقى الشخصى وما بخليهو اى معتقل اتعذب واغتصب سواء رجل او امراة دا حقى الشخصى وما بخليهو اى طفل ما قدر يقرأ وامو اشتغلت تبيع شاى وجوا كشوها وكسروا عدتها ودقوها وغرموها دا حقى الشخصى ما بخليهو اى طالب انضرب بى السيخ وفصل من الجامعة لانه معارض دا حقى الشخصى ما بخليهو اى مفصول من الخدمة المدنية وتم تشريده لمصلحة كوز دا حقى الشخصى ما بخليهو اى اساءة اساءنا لها قادة وكوادر النظام دا حقى الشخصى ما بخليهو من الاخر كدا اى شى حصل من 30 يوينو 89 المشئووم لى حسى دا حقى الشخصى ما بخليهو قولوا مراهقين .. قولوا اطفال ... قولوا علينا اى شى برضو حقنا ما بنخليهو اقسم بالله العظيم وبشرفى انا حقى باخدوا باخدوا كان براى باخدوا وبعد اخدوا حاكمونى وقطعونى واصلبونى زاتو لكن بس وجعة الغبش والغلابة والمهمشين الفى البلد دى كان ما اخدناها يبقى الانقاذ والكيزان ما سقطوا حتى وان سقط نظامهم انا زاتى واحد من الناس بعد الكيزان ديل ينقلعوا والله لا داير سياسة ولا بشوفها بى عينى لكن اول شى اخد حقى من اى كوز نفر نفر بيت بيت زقاق زقاق

نصرة للثوار أعزلوا المحرضين على القتل رباطة ومأجوري النظام بالمنبر

Quote: قالوا واحدة مشت لي فكي كايسة العرس الفكي بعد تبصر قال فيها جاييك عريس مغترب البت قعدت تبكي الفكي قال في في شنو؟ قالت ليهو شلت هم من ولادة الغربة

,,,,,,,,,,,,,,,,,,,,
الله يخزي شيطان عقلك يا ناصر .. ما قتلتنا من الضحك
لكن بصراحة النكتة دي بتنطبق تماما على بعض الردود هنا ,, لأن لبنت المسكين بقت تبكي قبل ما تتزوج المغترب وشالت هم الولادة قبل ما تسافر بره.. وهسع هنا نحن عاوزين نحاسب قبل ما تندلع الثورة المرتقبة.. فعلا زي ما قال صاحب البوست " ده ما وقت الحساب"
والله يدكم العافية

Quote: Quote: انا شخصيا بختلف مع عابدون وما مراهقه ولا بقبل لغته دي. صعاليك الانقاذ الكانوا قارفننا هنا ما بنقبل بيهم اطلاقا! ممكن نطنشهم لكن محال نقول لهم انتو صاح! ليته يتعلم ادب الاختلاف . شكرا تراجي

جابت ليها عدم فهم كمان
أنا من ضيع في الأوهام يومه

Quote: " ده ما وقت الحساب

السيدة / أميرة السيد
إحنا لم ننصب مشانق لقد دعونا فقط لإرساء مبادي ليس الا هذا من ناحية ومن ناحية اخري
حتي نقطع خط الرجعة لمن فكر في الفرار من السفينة التي لاحت بوادر غرقها
هذا ما لزم توضيحه وشكرا

حذف للتكرار