Post: #1
Title: اعتذار شامل كامل
Author: Hani Arabi Mohamed
Date: 06-14-2012, 12:50 PM
Parent: #0
صفحة بيضاء نقية جديدة مع الكل تبدأ من تاريخ اليوم 14 / يونيو /2012 سائلاً المولى عز وجل أن تكون مداخلاتنا ومواضيعنا المستقبلية غير مستفزة لأي أحد أو شخص أو كيان في هذه الدنيا.
ونواصل بعد هذا الكتابة السلمية التي يرضى عنها الجميع.
اعتذر لكل إنسان في هذه الدنيا مسّه من قلمي شيء في السنوات السبعة الماضية التي تواجدت خلالها في هذا المنبر. كما يتواصل الاعتذار لكل إنسان أو جماد مسّه رشاش من قلمي منذ يوم 25 - يونيو - 2005 وحتى اليوم.
أشكر الباش مهندس بكري أبو بكر على هذه النافذة التي اطللنا عبرها للعالم. ونسأل الله أن يتواصل العطاء بما لا يزعج أحداً ولا يضايق أحداً.
|
Post: #2
Title: Re: اعتذار شامل كامل
Author: معاوية عبيد الصائم
Date: 06-14-2012, 12:54 PM
Parent: #1
عاليا ايها العالى الاصيل
هانى انت زول محترم وكفى
ناس الامارات سلام من طرف
|
Post: #3
Title: Re: اعتذار شامل كامل
Author: حبيب نورة
Date: 06-14-2012, 12:58 PM
Parent: #2
ممتاز
|
Post: #4
Title: Re: اعتذار شامل كامل
Author: البحيراوي
Date: 06-14-2012, 01:34 PM
Parent: #3
الأخ هاني
تحياتي - يا ريت هذه الرسالة تصل لمن يستحقها ويستوعب مضمونها ويعمل بمقتضاها .
بحيراوي
|
Post: #5
Title: Re: اعتذار شامل كامل
Author: الشاذلى خيرى عبد الله
Date: 06-14-2012, 01:54 PM
Parent: #4
امرق الحق يا حبيب نورة .. امرق الحق ياخ .
ـــــــــــــــــــــــ
الاخ هانى ..
معليش ياخ .. عشان الشغلة تندمل .. لو انت فعلا" حاسى بالذنب .. خليك واضح وضمد الجرح مباشرة ..
عشان الانسان الانت جرحتو يحس بيك .. وبعدها جرحو يطيب .
الفين وخمسة شنو يا مولانا .. خليك واضح .
وربنا يا اخوى يرزقك لمن ترضى ..
اللهم ارضى اخونا هانى ووسع عليه رزقه .
اللهم أمـــــــــــــــين ..
|
Post: #6
Title: Re: اعتذار شامل كامل
Author: حبيب نورة
Date: 06-14-2012, 02:08 PM
يا شاذلي
دي خطوة إيجابية وأعتقد إنها كويسة حسب منظوري
الموضوع ما مستاهل
والإعتذار يجب ما قبله
تقبل محبتي
|
Post: #7
Title: Re: اعتذار شامل كامل
Author: الشاذلى خيرى عبد الله
Date: 06-14-2012, 02:31 PM
Parent: #6
يشهد الله عشان بريدك .. واكلت اكل امك وابوك فى بيتكم قلت كلامى ده ..
كيفن عاد يا اخوى يزعلوك ويعتذرو لى أخوك !!!!!
كيفن بس !!!
وحاة الله وكتابو انا فى المتخاصمين ديل مابعرف زول ولا شفتا منهم واحد الا انت !!!!
عشان كدا يا اخوى ناصحتك فى الله الحبيتك فوقو ده .
هذا مع كثير المحبة .
وربنا يحببم فى بعض ويلمهم ..
|
Post: #8
Title: Re: اعتذار شامل كامل
Author: حبيب نورة
Date: 06-14-2012, 02:45 PM
Parent: #7
Quote: يشهد الله عشان بريدك .. واكلت اكل امك وابوك فى بيتكم قلت كلامى ده ..
|
لا كده جهجهتني
أفصح وبان عليك الأمان
وعشان الصلاة فيها السر والجهر
تعال لي في الخاص
|
Post: #9
Title: Re: اعتذار شامل كامل
Author: ismeil abbas
Date: 06-14-2012, 03:02 PM
Parent: #8
أخى هانى السلام عليكم....لم أتداخل فى البوست سبب المشكلة .تخوفت من أن أكون قاسى عليك لأن كلامك كان صعب..والحمدالله أنت ألأن إعتذرت إعتذار شامل كامل وهذا شىء جميل أن تصفى نفسك وتنقيها من عذاب الخصام..وأقترح عليك وأنت الشخص الذى فيه مثل هذه السماحة أن تخص بألأعتذار أخوانا وأخواتنا من بورداب ألأمارات...
هم سبب إعتذارك الشامل هذا......
لك ولهم ألف تحية وتقدير..
|
|