Post: #1
Title: لماذا لا يرد ملاسي علي المتداخلين في بوستاته؟مجرد ملاحظه
Author: فاروق عثمان
Date: 06-13-2012, 01:39 PM
او يرد انتقائيا علي اشخاص يختارهم هو.........
|
Post: #2
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: فاروق عثمان
Date: 06-13-2012, 01:41 PM
Parent: #1
مثال 1
أول الغيث منصرف!
|
Post: #4
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: فاروق عثمان
Date: 06-13-2012, 01:43 PM
Parent: #2
مثال 2
نصيحة للمؤتمر الوطني
|
Post: #6
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: اساسي
Date: 06-13-2012, 01:50 PM
Parent: #2
كشف الحال في اسداء النصح لطلال
منقول من البوسط اعلاه :
كتبت في لحظة تجلي كعادتي
Quote: : بقية المداخلات ما اثارت اهتمامي للرد عليها
|
وتسائل طلال
Quote: والله يا أساسي وجهتني لحاجة مهمة ، وهي عدم الرد حتى النهاية ..
أنا بكون فرحان بكل الناس ، خصوصا طبعاً إنو الحكايه بيكون فيها
إشادة وتطيب خاطر ، وإنت عارف إبن آدم بيحتاج الحاجات دي وبحبها
وأنا كذلك ..
لكن مرات البوست بيطول والموضوع بيكون إتسهك ! وما بعرف أقول شنو
وبيغلبني الكلام والرد ، مع إنو بكون شاعر بتقدير شديد لكل زول ..
يا ربي الناس الما رديت عليهم بيكون عارفين كلامي ده ولا زعلوا مني ؟
ياخي والله أنا الآن في أمراً ضيق ..
|
طبعا انحنا ناس بنحب الاطراء زي عيونا .. الاطراء بالنسبة لينا كسودانين زي الهواء البنتنفسه بنموت في اي زول يقول لينا كلمة حلوة ما عارف الكلام دا نابع من ايماننا المطلق بالكلمة الطيبة جواز سفر ..
الاطراء احيانا يصعب الرد عليه جدا بل لا اكون قد جافيت الحق اذا قلت ان الرد علي الاطراء هو من اصعب الكتابات بل حتي مساحة الرد دائما ما لا تكون ضيقة جدا بحيث لا تتجاوز بعض الشكر او ابداء الخجل .
كما انه بعض المداخلات تكون في صميم حديثك الذي فتحت به البوست وامتداد له هذه المداخلات ايضا لا يوجد لها ردود اكثر من شكرا للاضافة او شكرا للمرور فكيف ارد علي شخص يقول ما قلته؟ ...المداخلات التي تنبع من فكر مختلف او راي معاكس هي ما تستفز النفس وتشحن الحفيظة للرد عليها بل تكاد تكون ملح البوستات ..الحوار لا بد له من طرفان ليكملاه طرفان لهما اكثر من راي واحد لتكون له اسباب الامتداد الي افاق اخري اما اذا كان هناك رايا واحد والجميع يؤمن عليه فهذا الامر ليس حوارا باي شكل من الاشكال .
كما وان بوستات الادب والشعر والثقافة عامة لا توجب التعقيب الكثير .. وبما انك مثلي ( او زي زيك ) من ادباء المكان فعليك بالجمع والطرح عند الردود علي الاستحسان ورمي الطعمية وكسير التلج .. فيكفي جمع المداخلات في مداخلة واحدة ورص الاسماء وشوت ردا موحدا للجميع وكان الله يحب المكسرين والمكسرات تلجا.
نصحي لك يا طلة من واقع تجربتي المريرة السوداء في هذا المنبر ان تشير صراحة للاخرين انه لا تملك كلمات كافية للتعبير عن امتنانك او الشكر وهم بالتاكيد سيفهموا . بعض الاحيان بعض البوستات التي تكتبها وتطول مدة اقامتها في الواجهة وتكون فقدت نكهتها الاولي واصبحت لك بمثابة ( حمام ميت) هذه البوستات انكرها حطب واعمل فيها رايح منها وانتظر المداخلات لتتجمع وتجمع مثل ماء النقع وشتها بمداخلة واحدة تكون حسن الختام والبيجي يرد بعد داك يبقي دا زول دمه تقيل ويتحمل مسؤلية تقله دمه .
|
Post: #3
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: الامين موسى البشاري
Date: 06-13-2012, 01:42 PM
Parent: #1
او يرد انتقائيا علي اشخاص يختارهم هو......... 
|
Post: #5
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: فاروق عثمان
Date: 06-13-2012, 01:44 PM
Parent: #3
مثال 3
السلع الاستفزازية!
|
Post: #7
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: فايزودالقاضي
Date: 06-13-2012, 01:50 PM
Parent: #5
انا غايتو بعرف عمه دكتور ملاسي من كسلا واولاده لذلك جابر خاطري بالرد
لكن قبل اقابله ويعرف اني بعرفهم كنت زيك كده مرات يرد على ومرات يطنش
العيب فيك يافاروق المابتعرف ناس عمه ..
ــــــــــــــــــ
المؤلم انه مايجي يرد عليك في بوست باسمه ..
|
Post: #8
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: محمد كابيلا
Date: 06-13-2012, 02:19 PM
Parent: #7
| Quote: المؤلم انه مايجي يرد عليك في بوست باسمه .. |
|
Post: #10
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: رشا احمد
Date: 06-13-2012, 02:38 PM
Parent: #8
Quote: لماذا لا يرد ملاسي علي المتداخلين في بوستاته؟
او يرد انتقائيا علي اشخاص يختارهم هو..... |
كدا بث ..
افتــراء ...
|
Post: #9
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: محمد يوسف الزين
Date: 06-13-2012, 02:35 PM
Parent: #7
ياخي زول شفت على كيفو
|
Post: #11
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: أمير عثمان
Date: 06-13-2012, 02:42 PM
Parent: #9
فاروق ... سلامات ..
أنا شخصيا عندى مشكلة فى الردود ...
وعندى عدة أفكار لعدد من البوستات ...
ولكن ما يجعلنى أحجم عن ذلك هو مسألة الردود هذه ..
ولا أعتقد أن هناك داعى للرد لمجرد الرد .. إذا لم يكن هناك محفز..
وتحياتى ...
|
Post: #12
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: رشا احمد
Date: 06-13-2012, 02:46 PM
Parent: #9
Quote:
كتبت في لحظة تجلي كعادتي
|
مُفتري رقم 2 
|
Post: #13
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: خالد عبد الله محمود
Date: 06-13-2012, 02:46 PM
Parent: #9
الراس فاضي يا عمكـ ..
يرد يقول شنو ؟؟
ما تشوف القرعة الكبيرة دي تقول القبة تحتها فكي 
* اساسي ده مأجز اليومين ديل و لا شنو ؟ مداخلاتكـ بقت أطول من نشرة تلاتة!
|
Post: #14
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: حمد عبد الغفار عمر
Date: 06-13-2012, 03:01 PM
Parent: #13
انت في المداخلات
ياخي حسين ملاسي دا أنا فتحت بوست بأسمو اتفرجوا فيه الناس ديل كلهم
وشغالين فيهو شكر وكمان عاطف عمر وقيقراوي ساعدوني فيهو مساعدة كبيرة
يعني ما فاضل لينا إلا الدِلكة
وحاتك جا بعد اسبوع دخل البوست ولا قال لينا بتقولوا في شنو رد على زول تاني في البوست
بس روحو رياضية (أو بارد) بتحمل الرش التقيل
|
Post: #15
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: AMNA MUKHTAR
Date: 06-13-2012, 03:18 PM
Parent: #14
جنون العظمة يا فاروق ..بعيد عنك .
وبرضه حا يجو ناس فى البوست دا يشكروا (على شنو ما عارفة )..وبرضه حا يتجاهلهم ...يستاهلوا ..
.............
أساسي الأساسي / على الأقل إنت بتجمع أسماء الناس كلهم وبترد عليها ..
يعنى برضه عندك ذوق .
انا غايتو أهون لى أزوغ من البورض عديييل وأجى بعد الأرشفة بدل إنو أتجاهل أرد على الناس ..
...........
ويا رشا ...ناس الدنيا ديل يموتوا فى الزول المفترى ..
.
|
Post: #16
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: صديق الموج
Date: 06-13-2012, 06:55 PM
Parent: #15
فاروق ازيك
انا يخيل لى الزول ده عنده قناية طويله مركب فيها راس قلم و بكتب بيها من بعيد
حرفين ، كلمة، ربع سطر، فى احسن حالات تواضعه سطر، بعدين ما بقرأ هو كتب
شنو زاتو ، لخيرا مصطفى امين ده بفترض الاصل فى كتاباته انها مقروءة ومقروءة فقط..
عرفت السبب يا فاروق اخوى،،،
|
Post: #17
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: محمد حيدر المشرف
Date: 06-13-2012, 07:36 PM
Parent: #16
شفت ودالجبل فى عالم الاقتصاد والمال ..
ياهو ذاتو حسين ملاسي فى هذا المنبر الظالم أهله ..
..
اللهم لا حسد !!
الا الايام دى حسين ملاسي فوقو الملايكه و .. بنبلع
|
Post: #18
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: محمد حيدر المشرف
Date: 06-13-2012, 07:40 PM
Parent: #17
وللعلم فقط ..
مقارنتو بى ود الجبل ستعجبه جدا ..
فتأمل !!!!
|
Post: #19
Title: Re: لماذا لا يرد ملاسي علي المتداخلين في بوستاته؟مجرد ملاحظه
Author: فاروق عثمان
Date: 06-13-2012, 07:53 PM
Parent: #18
اسي كترتو كده الواحد يقوم يعمل ليكم عملية ملاسي ويتأمل لووووووووول
|
|