Post: #1
Title: الصورة التي أبكت مهندسي العالم
Author: ASHRAF MUSTAFA
Date: 06-11-2012, 03:00 PM
Parent: #0
|
Post: #2
Title: Re: الصورة التي أبكت مهندسي العالم
Author: ناذر محمد الخليفة
Date: 06-11-2012, 03:28 PM
Parent: #1
امكن يا أشرف الطابق الفوق بيودي لي شقة الكديسة بتاعتم ..!
أكيد الكديسة ما محتاجة أكبر من كدة ..
الحاجة المحيراني ..
بتاع القرنيت دا ركب اول درجة في السلم من القلبة التانية كيف ؟!
دا غايتو يا ربط كرعينو في السقف وإتدلدل من فوق يا كمان الكديسة صاحة الشقة ركبتو براها ..!!
الصورة دي أوع تكون في السودان يا أشرف ..!!
|
Post: #3
Title: Re: الصورة التي أبكت مهندسي العالم
Author: Nasr
Date: 06-11-2012, 03:39 PM
Parent: #2
بكوا ولا خجلوا؟؟؟؟؟؟
غايتو نحنا ضحكنا
ها ها ها ها
|
Post: #4
Title: Re: الصورة التي أبكت مهندسي العالم
Author: Hani Arabi Mohamed
Date: 06-11-2012, 03:42 PM
Parent: #1
* لا تعليق
|
Post: #5
Title: Re: الصورة التي أبكت مهندسي العالم
Author: شهاب الفاتح عثمان
Date: 06-11-2012, 04:48 PM
Parent: #4
|
Post: #6
Title: Re: الصورة التي أبكت مهندسي العالم
Author: فارس موسى
Date: 06-11-2012, 05:14 PM
Parent: #5
كان توديها لاصحابنا بتاعين اليوم الحار
ناس خليل وكيكى
شايف ناذر لقى ليهم مخرج بحكاية سلم الكديسه دى
أنا لو كنت مهندس (ما عسكرى ) ابكى مع الكديسه واضحك مع السلم!!!
بس تشيل فينى وتجلد!!! يا قدو قدو !!!
نشوفكم يا هندسه على السلالم الاربعه المن سنه خامسه ديل !!!
التوقيع: بوليس (معاش)
|
Post: #7
Title: Re: الصورة التي أبكت مهندسي العالم
Author: أمجد الزين
Date: 06-11-2012, 05:40 PM
Parent: #6
عاين الشغل هنا كيف
|
Post: #21
Title: Re: الصورة التي أبكت مهندسي العالم
Author: ASHRAF MUSTAFA
Date: 06-13-2012, 08:17 AM
Parent: #5
عفوا للتأخير يا شباب
ناذر الخليفة:
حلوة بيت الكديسة دي هههه
الصورة مأخوذة من الفيس بوك وشكلها في السودان
لكن ما في ليكم طريقة تبرير يا ناذر
دي دقيتوا فيها الدلجة ياخ أو تكون كمان حماقة في توزيع بيت ورثة
لكن ما فيها فوتو شوب صورة حقيقية
نصر:
سلامات ياخ وإنشاء الله دائما ضاحك
هاني عربي:
شكرا ع المرور
شهاب الفاتح:
تشكرات ع المرور
|
Post: #8
Title: Re: الصورة التي أبكت مهندسي العالم
Author: احمد العمار
Date: 06-11-2012, 05:55 PM
Parent: #1
طيب شوف دى
|
Post: #9
Title: Re: الصورة التي أبكت مهندسي العالم
Author: Nazar Faisal
Date: 06-11-2012, 06:55 PM
Parent: #8
دي قوية جداً
|
Post: #15
Title: Re: الصورة التي أبكت مهندسي العالم
Author: نادر
Date: 06-11-2012, 09:12 PM
Parent: #9
الصورة فيها شغل فوتوشوب دققوا في الجدار القافل السلم كويس
|
Post: #23
Title: Re: الصورة التي أبكت مهندسي العالم
Author: ASHRAF MUSTAFA
Date: 06-13-2012, 02:51 PM
Parent: #9
فارس موسى
هههه أوديها لناس اليوم الحار عشان يسوقوا ليها الأعذار
شكرا يا جنابو على قفشاتك اللذيذة
أمجد الزين
شغل نضيف تسلم على الصورة يا رب
أحمد العمار
تسلم يا بوحميد لكن السلم ده الا كان تطلعوا انتا ههههه
نزار فيصل
قوية اوي لكن فعلا تبكي
|
Post: #10
Title: Re: الصورة التي أبكت مهندسي العالم
Author: عوض يعقوب
Date: 06-11-2012, 07:44 PM
Parent: #8
دا السلم التعليمى؟؟!
|
Post: #11
Title: Re: الصورة التي أبكت مهندسي العالم
Author: نيازي مصطفى
Date: 06-11-2012, 07:55 PM
Parent: #1
سلامات يا أشرف
الصورة لو ما فوتوشوب غالبا يكون السلم كان صحيح لكنهم قسمو الشقة :)
ياخي ما تظلم المهندسين ساي
|
Post: #12
Title: Re: الصورة التي أبكت مهندسي العالم
Author: عاطف عمر
Date: 06-11-2012, 08:18 PM
Parent: #1
كتب ناذر الخليفة
" امكن يا أشرف الطابق الفوق بيودي لي شقة الكديسة بتاعتم ..!
أكيد الكديسة ما محتاجة أكبر من كدة ..
الحاجة المحيراني ..
بتاع القرنيت دا ركب اول درجة في السلم من القلبة التانية كيف ؟!
دا غايتو يا ربط كرعينو في السقف وإتدلدل من فوق يا كمان الكديسة صاحة الشقة ركبتو براها ..!!
الصورة دي أوع تكون في السودان يا أشرف ..!! "
وكتب فارس موسى
كان توديها لاصحابنا بتاعين اليوم الحار
ناس خليل وكيكى
شايف ناذر لقى ليهم مخرج بحكاية سلم الكديسه دى
أنا لو كنت مهندس (ما عسكرى ) ابكى مع الكديسه واضحك مع السلم!!!
بس تشيل فينى وتجلد!!! يا قدو قدو !!!
نشوفكم يا هندسه على السلالم الاربعه المن سنه خامسه ديل !!!
التوقيع: بوليس (معاش) "
تحياتي وسلامات أشرف وناذر وفارس
واضح أن الحائط قد تم بناؤه لاحقاً لعمل السلم
وأغلب الظن أن الحائط قد تم بناؤه بواسطة أصحاب المسكن لتقسيم المسكن إما بغرض الإيجار أو بغرض التوزيع بين ورثة للسكن
لا يتم في العادة اللجوء لمهندسين لتنفيذ مثل أعمال التعديلات هذه ( هذا إن إفترضنا أنهم قد لجأوا إليهم - أى للمهندسين - من الأساس عند تنفيذ المباني ).
هى فعلاً صورة تبكي أى مهندس لا بسبب أن من صمم هذا الوضع أو نفذه هو مهندس
إنما تبكيه لاستهانة الناس بأرواحهم ومبانيهم ولا يلجأون للمهندسين لحل مشاكلهم الإسكانية مهما بدت لهم أنها صغيرة ... علماً أنهم يلجأون للمحامين لحل مشاكلهم القانونية ( مهما بدت لهم أنها صغيرة ) ، وأنهم يلجأون للأطباء لحل مشاكلهم الصحية ( مهما بدت لهم أنها صغيرة ) . وهكذا
___________
معليش خاصية الإقتباس غير شغالة عندي
|
Post: #13
Title: Re: الصورة التي أبكت مهندسي العالم
Author: أسامة البلال
Date: 06-11-2012, 08:51 PM
Parent: #12
في قصة أغرب من كدا يا أشرف حصلت في السودان
بطلا المقاولين الجربندية البختصروا الشغل كلو في شخصهم لا مهندس معماري لا مدني ويشتغلوا بي طريقة الطيارة قامت خاصة لو كان صاحب البيت مغترب وما موجود متابع الشغلانة وعاوز يقلل التكاليف
قال ليك الجماعة خلصوا بناء البيت التلاتة طوابق ولما فكوا السقالات إكتشفوا إنهم نسوا ما عملوا سلالم للبيت!!!!
|
Post: #14
Title: Re: الصورة التي أبكت مهندسي العالم
Author: Mohamed Adam
Date: 06-11-2012, 09:02 PM
Parent: #13
الأثاثات أثناء التشيد.
|
Post: #16
Title: Re: الصورة التي أبكت مهندسي العالم
Author: ناذر محمد الخليفة
Date: 06-11-2012, 09:16 PM
Parent: #12
كيفكم شباب وكيفك عاطف ...!!
أنا لمن كتبت تعليقي كان في راسي كمية من الأحتمالات :
الصورة فوتوشوب نسبة لإختلاف لون دهان الحائط وزوايا الحائط نفسه ..
الحائط مؤقت ومصنوع من القماش او الجبسن بورت او حتى خشب بوسنايت مدهون لضيوف محتملين على الجهة الأخرى ..
السلم أساسا لا يصل للطابق الأخير (غالبا السقف) لعدم أكتمال السقف نفسه وأصحاب العقار تركوه هكذا ..
ورثة تم تقسيمها عن غبن وغبينة وبتطبيق حرفي للقانون وصاحب العقار (صاحب السلم) حلف طلاق وركب راسو يخليها كدا ..
من تولى تركيب الرخام وتركيب درابزين السلم لم يكن باستطاعتهما تركيب ما ركبانه إن لم توجد مساحة كافية (وهي المساحة المفترضة خلف الحائط) ..
واجهت وضعا غريبا حاليا وأنا أقوم بتشطيب احدى المباني السكنية حيث سيواجه صاحب العقار مشكلة شبيهة بهذه الصورة (الكلام ليك يا المطير عينيك) ولكن ليست بهذه الدرجة من الضيق والحل (بعد وقوع الفاس في الراس) إما تغيير اتجاه السلم من القلبة قبل الأخيرة بواسطة مواد خفيفة سهلة الإزالة (حديد أو فلين او حتى خشب) أو اذا لم يكن الطابق الأعلى مستخدما بصورة مستمرة عدم وضع درابزين للسلم وتقديم بسطة قلبة السلم للامام ..
لكن عمود النص دا يحلو مشكلتو كيفن ..! الله أعلم .!!
بدون هذه الحلول لن يتمكن الساكن أو المستأجر في الأعلى رفع تلاجة أو بوتوجاز أو حتى كنبة للضيوف ..!!
|
Post: #17
Title: Re: الصورة التي أبكت مهندسي العالم
Author: ناذر محمد الخليفة
Date: 06-11-2012, 09:44 PM
Parent: #16
احمد العمار سلام ..
صورتك دي أكيد الساكن في البيت دا هو الرجل العنكبوت ..!!
يطلع السلم زيو وزي الناس ولمن يصل القفلة يصنقر على ضهرو ويواصل طلوعو بالناكوسي عادي زيو وزي أي ضب أو خنفسانة حايمة ..!!
اوع تقول لي دا بتاع الحاج يوسف داك ههههههههههههه
|
Post: #18
Title: Re: الصورة التي أبكت مهندسي العالم
Author: ASHRAF MUSTAFA
Date: 06-12-2012, 08:30 AM
Parent: #17
شكرآ للمرور وسأعود للردود (بإذن الله)
|
Post: #19
Title: Re: الصورة التي أبكت مهندسي العالم
Author: Zomrawi Alweli
Date: 06-12-2012, 12:32 PM
Parent: #18
اروع سلم مع زحلقانية
يا ربي منو البزحلق التاني
الزوج ام الزوجة
|
Post: #26
Title: Re: الصورة التي أبكت مهندسي العالم
Author: ASHRAF MUSTAFA
Date: 06-13-2012, 04:25 PM
أسامة البلال
وييييييييييييييين يا راجل إنت مختفي
لقيت رسالتك وكتر الف خيرك وبيناتنا تلفونات بإذن الله
القصة غريبة فعلا ياخ والسودان ده فيه المحن
تسلم يا اسامة وما تنقطع
محمد آدم
ههههههههههه حلو التعليق
لكن ما ظنيت انو يحتاجوا اثاثات اصلا ههه
ناذر الخليفة
شكرا لتعليقاتك اللذيذة ومشاركتنا خبراتك الفنية
واها الصورة يعني ما طلعت غريبة عليك طالما مريت بتجربة مشابهة هههه
زمراوي الولي
فعلا سلم لذيذ ويا ريت لو الواحد عنده واحد فده بنفع مع السودانيين الكسلانين ديل هههه
طبعا الزوج بلز الزوجة لأنه ال Ladies First ولا شنو؟
|
Post: #20
Title: Re: الصورة التي أبكت مهندسي العالم
Author: احمد العمار
Date: 06-12-2012, 04:41 PM
Parent: #17
Quote: احمد العمار سلام ..
صورتك دي أكيد الساكن في البيت دا هو الرجل العنكبوت ..!!
يطلع السلم زيو وزي الناس ولمن يصل القفلة يصنقر على ضهرو ويواصل طلوعو بالناكوسي عادي زيو وزي أي ضب أو خنفسانة حايمة ..!! |
كيفك يا ناذر
والله الصورة دى لقيتها فى الفيس بوك و قمت حفظتها فى الجهاز الكلام دا ليهو اكتر من سنة ونص تقريبا
اها لما شفت الصورة حقت البوست دا اتذكرتها قمت فتشت عليها فعلا لقيتها و جبتها ليكم لانو فى نظرى
حالتها اصعب و اغرب من حالة الصورة المفتوح ليها البوست لان صورة واضح انها تعديل جديد فى مبنى قديم
لكن صورتى دى المبنى جديد .... والله حيرتنى بشكل و ما عرفت السبب شنو للخطأ دا و اصلو مافى زول لاحظ
للخطأ دا لا مهندس لا مقاول لا معلمين لا عمال لا اصحاب المبنى . عموما كلو ممكن يحصل عندنا فى السودان
| Quote: اوع تقول لي دا بتاع الحاج يوسف داك ههههههههههههه |
انت قاصد محلاتنا ديك و لا شنو ؟؟؟
|
Post: #22
Title: Re: الصورة التي أبكت مهندسي العالم
Author: عبدالرازق الطيب يس
Date: 06-13-2012, 08:38 AM
Parent: #20
كمان دي كيف
|
Post: #24
Title: Re: الصورة التي أبكت مهندسي العالم
Author: Nasr
Date: 06-13-2012, 03:26 PM
Parent: #22
صورة مبالغة يا أحمد العمار
يمكن تكون (مثال) للحالة (القافلة) في السودان
من الأمة الإشتغلت في صبة السلم دا (من المهندس ولغفير بيت الجيران)
ما لقوا ليهم طفل يقول ليهم (أنظروا لملكنا العريان)؟؟؟؟؟
|
Post: #25
Title: Re: الصورة التي أبكت مهندسي العالم
Author: ASHRAF MUSTAFA
Date: 06-13-2012, 04:07 PM
Parent: #12
نادر
الصورة ما فيها فوتوشوب لكن الظاهر انها ورثة وإتشاكلوا فيها
عوض يعقوب
ههههه فعلآ السلم التعليمي لأنه داك برضه فيه تسيب وإهمال
نيازي مصطفى
كيفنك يا نيازي
هههه إنت جاري تنقذ المهندسين ولا شنو؟
يا زول دي صورة حقيقية وكمان لو ما ورثة يكون المهندس كان زعلان
عاطف عمر
ازيك ياخ
كلو جايز يا عاطف لكن انا اذهب الي ان الورثة قسموا البيت بالطريقة الغريبة دي
الله يرحم المرحوم ياخ الحال كان ماش وهو بيناتهم ولمن راح اتوزعت البضاعة
|
Post: #27
Title: Re: الصورة التي أبكت مهندسي العالم
Author: أبوبكر أبوالقاسم
Date: 06-13-2012, 06:46 PM
Parent: #25
سلامى للجميع
قلنا نشارك معاكم:
|
Post: #28
Title: Re: الصورة التي أبكت مهندسي العالم
Author: ASHRAF MUSTAFA
Date: 06-13-2012, 07:19 PM
Parent: #27
أحمد العمار
تشكر للمرور ثانية في البوست
عبد الرازق الطيب
فوتوشوب لكن جميلة جدا
تشكر على الجهد المقدر
نصر
شاكرين مرورك الجميل المكرر
أبوبكر أبو القاسم
ههههههههههههههههههههههههههههههههه
الشباك وديتو وين؟؟
تسلم على هذا المجهود الطيب
|
Post: #29
Title: Re: الصورة التي أبكت مهندسي العالم
Author: ASHRAF MUSTAFA
Date: 06-27-2012, 09:53 AM
Parent: #28
*
|
|