Post: #1 Title: أم شحاح الضل .. شاعر الرزيقات (فيديو) Author: بريمة محمد Date: 06-10-2012, 11:06 PM Parent: #0
بريمة
Post: #2 Title: Re: أم شحاح الضل .. شاعر الرزيقات (فيديو) Author: وضاحة Date: 06-10-2012, 11:16 PM Parent: #1
بريمة الله يقد اضانك الراجل قدة لى اضانى
الرسول اكتب الكلمات بتاعة النمة دى واشرحة لى
انا عربي عندى تعبان شوى
Post: #3 Title: Re: أم شحاح الضل .. شاعر الرزيقات (فيديو) Author: بريمة محمد Date: 06-10-2012, 11:22 PM Parent: #1
كيف يرتع الحمام فى مكان الصقورا؟
بريمة
Post: #4 Title: Re: أم شحاح الضل .. شاعر الرزيقات (فيديو) Author: وضاحة Date: 06-10-2012, 11:24 PM Parent: #3
Quote: كيف يرتع الحمام فى مكان الصقورا؟
؟؟؟؟؟؟؟؟؟؟؟
Post: #5 Title: Re: أم شحاح الضل .. شاعر الرزيقات (فيديو) Author: بريمة محمد Date: 06-10-2012, 11:28 PM Parent: #3
وضاحة سلامات ..
Quote: بريمة الله يقد اضانك الراجل قدة لى اضانى
الرسول اكتب الكلمات بتاعة النمة دى واشرحة لى
انا عربي عندى تعبان شوى
واحدة من النمات .. كيف يرتع الحمام فى مكان الصقورا؟ والأغلف ما بلعب فى مكان الطهورا!
تساؤلات واضحة: وهى تعنى أن الرزيقات ليس مكان لعب الاخرين .. هناك ألف زائده فى كلمة الصقور أو الطهور.
بريمة
Post: #6 Title: Re: أم شحاح الضل .. شاعر الرزيقات (فيديو) Author: بريمة محمد Date: 06-10-2012, 11:33 PM Parent: #5
وضاحة
Quote: كيف يرتع الحمام فى مكان الصقورا؟
كلمة يرتع، تعنى الحمام لا يمكن أن يأتى ويلتقط الحبوب فى مكان الصقور .. أكيد الصقور سوف تعتدى عليه.
الرزيقات طبعاً هم الصقور وليس الحمائم فى هذه الحالة.
بريمة
Post: #7 Title: Re: أم شحاح الضل .. شاعر الرزيقات (فيديو) Author: بريمة محمد Date: 06-11-2012, 00:16 AM Parent: #6
وضاحة أوكى نبدأ فى كتابة محتويات الشريط:
هاااا ها هاى هوايى هاييى .. هدامة .. الموت ولا الإهانة أرضنا وعرضنا لازم يتحدد من كل أتجاهات يوم من ما أنهدت .. خلاص بلينا الزغف لرقع المقدد .. خلينا التحنيس بدون جدوى .. شغلنا اصبح جد .. وأهم حاجة ترسيم حدود الحد .. ترسيم حدود الزريقات .. حدود الرزيقات موتنا فيها كمد .. والبخالف الأمر ينضرب بلا رد .. جميع القبائل لتأريخ النبى تشهد.
أم ضحية أدت تورها تمام والخطيرة أم أحمد .. لو قلت المحاميد خيلها لسع ما شدت. المرحال الغربى النوايبة أستعدت .. النوايبة أصبروا القبيلة لسع ما ردت. المهرية كمكروا ..! يا رب تهون خلاص النار بقت .. دا غير ينتظر الحد الحرب خلاص بدت. هوى يا ناس الرزيقى ما بلعدى
الهداى يتحدث عن مشاكل بين الرزيقات وقبائل مجاوره حول حدود الرزيقات .. وذكر بعض اسماء قبائل الرزيقات مثل المحاميد والنوايبة والمهرية ..
كلمات: بلينا الزعف (الزعف أو السعف جريد الدليب مثل جريد النخل) لرقع المقدد .. يعنى لمداواة الجراح (خياط مكان القدود) .. المهرية كمكرت .. يعنى أن قبيلة المهرية على أهبة الاستعداد للدواس (الحرب).
بجيك راجع لمقطع أخر ..
بريمة
Post: #8 Title: Re: أم شحاح الضل .. شاعر الرزيقات (فيديو) Author: وضاحة Date: 06-11-2012, 00:31 AM Parent: #7
تمام يا بريمة يعنى الزول دا بمدح فى قبيلة الرزيقات
واصل انا بعمل كوبي لى كلامك دا عندى فى فايل عندى فى الاب توب وبقرى علشان لو لقانى تانى اكون عارفة
غايتوا انا بس نقشت ليك كلمة كروزر وكلمة محل الرهيفة تنقد
تانى ما فهمت اى شى
Post: #9 Title: Re: أم شحاح الضل .. شاعر الرزيقات (فيديو) Author: بريمة محمد Date: 06-11-2012, 00:39 AM Parent: #7
الدمعة كن سالت من العارضة سبب بكينا موت الفراس (الفرسان) القادة .. موت شهيد الوطن بعتبروا سعاده .. ميت رحيل عبد الرحمن امين ناس القلاده ميت محمد ادومه السنوسى بقى للموت سداده وميت عطله خلاص اليوم وقف ربنا شاله وقع فارس بدون شهاده نظر الرزيقات عندنا كالعادة والمغالط فى هذا يسأل أجداده عندنا قبيلة بتحرن تهاب الرزيقات .. معروف الرزيقات فى الحرب صعابه
نواصل ..
بريمة
Post: #10 Title: Re: أم شحاح الضل .. شاعر الرزيقات (فيديو) Author: بريمة محمد Date: 06-11-2012, 00:52 AM Parent: #9
وضاحة أم شحاح يمدح فى قبيلة الرزيقات وفرسانها .. وأنهم ناس حرب ودواس ..
هنا مقطع: عام ألفين وعشرة .. اليوم خلاص جدّا، كلما نفتح طريق نلقاه أنسدّا الدرب دخل الموية وبغادى ما عدّا .. الجفاء أصبح كتير بين المحبة .. البحق العشرة نقول له أبّا .. وأى قليل أدب عضمه ينكدّا .. لو أصبح كزويمات نبقى شعبّا لو ناظرنا نضم مينو يقدر على رده .. المافى شنو فى دار الرزيقات .. الناظر يقيف يورنا حدّه والرحيفة إن شاء الله تنقدّا .
