مولانا محمد المرتضى حامد..عفواً تعذّر الحصول على المشترك المطلوووب

على رؤوس الأشهاد..

على الملأ..

أحبك أيها الأخ النبيل الكريم..

فاتني شرف الرد على مكالمتك..

طبعاً بسبب النوم المبكر..

وأفرحتني رسالتك..

لكن تلفونك أو شبكتك حرموني

من إقامة مباراة الرد..

لك كل الود لا ندخر منه شيئاً لأحد سواك

وكذا الاحترام والتقدير..

..

محمود

..

.

محمود /صباح الخير


محمد المرتضي كاتبي المفضل لهذا الربع بكل جدارة
له ولك التحية

بوستات المحبة دي خطيرة خالص خالص
التحية لك أخي محمود ولمولانا محمد المرتضى
وأنا لسه (مغرود) فيك يا محمود بدوّر لي على تلفون عزيز
ورسلت ليك في إيميل بس ما جاني رد
[email protected]
ضروري بالله

المبروك محمود،
شكرا يا أمير على الرد ..
قلت أفقِدك،
شايف ، من فوائد النوم بدري إنك تتفادى محادثاتي الغير الغم ما بتجيب شئ،
ومن فوائد النوم الباكر ما بتشاهد نشرة الفضائيات إياها بتاعت الساعة 10 م بتوقيت السودان
وبالتالي لن تسمع عبارات من قبيل ( تنزيلها إلى أرض الواقع) وتصريح ل (مسؤول) يقول ( أحسبُ..)
أو أحد السمجين يسبل عينيه قائلا أمام جمع من البسطاء ( يا اخوانا والله نحن مستهدفين) ..
وبرضو ما حاتشوف وزير يستقبل وفدا من جمهورية وجعستان وهو متفرشخ في كرسيهو أو يجلس
مستقيما بزاوية قدرها 45 نكد مع جوارب بيضاء بين بنطال أسود وحذاء بُني ويصبح زي التلتوار ،
وما بتشوف مذيعين الواحد بعدما ينتهي من قراءة خبر يلتفت لزميله أو زميلته لتبتدأ قراءة خبرها
بمعنى (أنا انتهيت) وما عارفين إنو نحن الإنتهينا..
نوم بدري ياخ ، والله إنت أمك داعيه ليك.

Quote: فاتني شرف الرد على مكالمتك.. طبعاً بسبب النوم المبكر.. وأفرحتني رسالتك.. لكن تلفونك أو شبكتك حرموني من إقامة مباراة الرد..

أحمد الله مرتين ....

كلامو كتيييييييييييييييييير ...... تكون مساهرة بيه قضية و إقول أساهر بي واحد معاي


محمود إزيك

عزيزي أساسي،

لك الشكر على الكلام الطيب،

كما قلت ما كان هذا ممكنا لولا سودانيزأونلاين

ليس من باب التواضع المصطنع إن قلت لك أني لست من الجيدين هنا

لكني أشكرك على كرم المجاملة والتشجيع..

لقد سكرت من الدنيا ويوقظني
ما كان من عنبٍ فيها ومن بلح
تهرُّ خلفي كلاب الحيّ ناهشة
أطراف ثوبي على عظمٍ من المنح
ضحكت منها ومني فهي يقتلها
سعارهـا وأنا يغتالني فرحي

مظفر النواب

لا نملك غير الشكر والثناء لأخينا محمود مصطفى و الاعزاء المتداخلين

غير ذلك شهادتنا في المرتضى بالتأكيد مجروحة

ياخ نحن هنا، يا محمود اخوى ، زولك دا ما لامين فيهو

Quote: بوستات المحبة دي خطيرة خالص خالص

(نحن أصلنا ناس محبه ، زول نحبو وزول نريدو)
يا المنصور جعفر ، بالله عليك الله كلمة (الريده) دي مش إختراع خطير،
ياخ ما لاقتني كلمة شامله زي الكلمة دي ..
مش قالوا الدنيا بدون محبه ما تسوى حبه؟

ألفين سلام.

ABUHUSSEIN



تقول للناس أنا بتاع محاكم؟
وتطفشم مني إني بساهر في القضايا؟

إنت محظوظ إنو قريبتي ما قرت الكلام دا..

وينك يا بت حامد؟

شوفي أخوك زي ما قال وداليمني:

تعبان يغزغز فى الهواليق
يسوق الساقية سهران قفلة ريقو دفيق
يفتل البوستات ما خلى شيتا اسمو أشميق
يجي ابوحسين يقول عنو شغلو تحقيق..

أنصفيني.

الحبيب مولانا الاستاذ محمد المرتضى
لا استطيع إيداعك حقك من الإطراء والإحتفاء والتقدير ،
أنت إنسان جميل بكل ما تحمل هذه الكلمة من معنى ،
أنت ممن يجعل المرء يشتاق لدخول المنبر لعله يجد إتكاءة تروي ظمأ الروح ،
نسأل الله لك الصحة والعافية.

تحياتي ووافر احترامي .

الحبيب مولانا الاستاذ محمد المرتضى
لا استطيع إيداعك حقك من الإطراء والإحتفاء والتقدير ،
أنت إنسان جميل بكل ما تحمل هذه الكلمة من معنى ،
أنت ممن يجعل المرء يشتاق لدخول المنبر لعله يجد إتكاءة تروي ظمأ الروح ،
نسأل الله لك الصحة والعافية.

الأستاذ محمود مصطفى
شكرا لفتح هذا البوست

تحياتي ووافر احترامي .

النسخة التانية من المداخلة اعلاه تبعي و كدا :)
تعرف يا مولانا الواحد لما يقرأ ليك بوست أو مداخلة، تلقاهو لا شعوريا بيفتش في زر اللايك
في ما يوحي ببعض تداعيات الفيسبوك على الاندية التفاعلية
لك و للأخ محمود و للزميل عاليه :)
كل المحبة و التقدير

أستاذنا المبجل الجليل جعفر إسماعيل،

يا سيدي أنت دوما تكرمني بما لا أستحق ولكن الكريم يبذل

أيا كان المتلقي .. يا شيخي ورب الكعبه أخوك زول ساي لكن بنكبر بقربنا منكم..

اسال الله أن أكون - ولو بالنذر اليسير مما تعتقده فيَّ - من وصف.

عارف يا أبا سعد ، زي كلامك دا بجهجهني ويكبح جماح لساني المنفلت ،

أدام الله عليك نعمة العافية أنت وأسرتك الناجحة ورد الله غربتنا جميعا..

تسلم يا عزيزنا.

Quote: أنصفيني.

وانا البنصفني منو يا ود ابوي (انا لي 17 سنة محتاجة للإنصاف ))
مش انت ود حامد وانا بت حامد تبقى ياك ودابوي
اخد حقك منو واخد لي حقي معاك
ابو حسين قال كلامه ده عشان حاسد محمود على إتصالك ليه نص الليل ولو كان الإتصال ده جاهو هو كان نشرو في ال cnn من شدة فرحته
انا زاتي حسدت محمود على إتصالك بس بتوقعه منك في اي وقت واكون سعيدة جدا جدا بيو(بس مباشر بدون وسيط ))

Quote: يا سيدي أنت دوما تكرمني بما لا أستحق ولكن الكريم يبذل

والله انت تستحق اكثر من البتقال ده كلو وانا ما محتاجة اقول اكتر من كده لانك معروف للكل

تحياتي يا محمود ويا بختك البتصل بيك محمد المرتضى حامد وانا لو منك تاني ما بنوم بدري كلو كلو

Quote: ياخ نحن هنا، يا محمود اخوى ، زولك دا ما لامين فيهو

عارف يا محمود،
الطيب شيقوق دا آخر تلاته مرات لاقيتو فيها كانت مناسبات عزاء ،
يجيك بارِم عمه ، مفتاح بيبسي ما يطلِّعا ، الجلابيه بيضا مكويه
والشال والجزما برضو بيضا حتى لو قدموا ليهو شاي احمر ينقلب حليب،
أصلو ناس البردانه ديل حتى في الحر لابسين كامل الدسم وطوالي يتلهَّم
ليك سيد العزا ويقعد جنبو حتى يكاد يسأله : المسنوح دا كان عيُان؟
فيرد صاحب العزا: أبدن والله ، بس إتعشى عنكوليب ونام،

يا شيقا، خلاس الهدنه قررررربت ، الغتسه جايه.

Quote: عارف يا محمود، الطيب شيقوق دا آخر تلاته مرات لاقيتو فيها كانت مناسبات عزاء ، يجيك بارِم عمه ، مفتاح بيبسي ما يطلِّعا ، الجلابيه بيضا مكويه والشال والجزما برضو بيضا حتى لو قدموا ليهو شاي احمر ينقلب حليب، أصلو ناس البردانه ديل حتى في الحر لابسين كامل الدسم وطوالي يتلهَّم ليك سيد العزا ويقعد جنبو حتى يكاد يسأله : المسنوح دا كان عيُان؟ فيرد صاحب العزا: أبدن والله ، بس إتعشى عنكوليب ونام،

يا مرتضى انت في السناحة والعنكوليب؟ ياخ محمود دا فاكي ليهو بوست في الصقيعة وطلقوا للناس وشتت

عملية محمود دي بتذكرني حاجتين

الاولى المزارع الطيب و المتسامح البيزرع جنينتو ويسقيها ويرعاها لامن تثمر ويقوم آخرتا يشلع باب الزريبة ويفكها للناس تخمش سااااااااااااى بلا حساب .

والتانية راعي البقر الضرعو متروس حليب ويقوم يفكوا للناس سااااااااي تحلب وتشرب وكمان الواحد يملأ ماعونو ويقدل متلهم وليداتو

Quote: يا شيقا، خلاس الهدنه قررررربت ، الغتسه جايه.

هههها دي حتكون غتسة ومعاها دقة هوبااااااااااااااا

تعرف الهوبا يا ابا اكرم؟

ما تنزعج المقصد نبيل ياخ

عاينو هنا دا...

أنا حا أدقشكم كووللكم دقشة واحدة

وأمري لله..

أساسي..الربع الحالي؟؟ أصلاً مولانا الربع "المنصرم"

كان بالنسبة له "ربع خالي"..كان مدبرس حبيب ألبي..

..

جعفر محي الدين.. شكراً على المهاتفة..وجاييك بالدرب

لأنه الدرب داك رايح لينا كلنا.. الله يجيب الخير يا حبيب..

..

أبو حسين..دعوات الوالدة حفظها الله رصيد جميل واستراتيجي..

لكن كمان في زول ما معروف داعي علينا إنه ربنا يسلطك علينا..

وبرضو فيك الخير..أحسن من عماد عبد الله..داك قاعد يقول

لمولانا "الله يكتلك"..ما يستحي..

..

الطيب شيقوق: بوست المحبة دا سبيل..."طلق" ساااااي

دحين أرتع آآآاللخو.. حبابك..

سناحة شديدة خالس خالس..

..

جعفر اسماعيل.. عارف يا جميل ماعون المحبة دا

يسع الجميع.. أخذاً وعطاءً.. لكن لما تلقى زول

زي مولانا دا..عطاؤه في شكل سحابة سخية..طوالي

حقو توفر على نفسك هم "الأخذ" وتتفرغ "للزراعة"

بمعنى: إنتو أزرعوا وخلوا السقاية علي..

على وزن خلوا الملامة علي..


..


سعد الدين العريس / حبابك وجيب معاك بتاع

الإعتذار للسمك البلطي داك..

..

الفدائية بت حامد / المؤبد صعب لكن عاد

القسمة ما عندنا اعتراض عليها..

..


مولانا محمد المرتضى حامد: أحبك ياخ

الله يحفظك بركة الصلاة على سيدنا رسول الله

في زول موصينا هنا وعايز تلفونك أول إسمو

اللمين مبارك..والتوصية جاتناعبر أخونا جعفر محي الدين..

أها شايف البوست قاعد يفتح "دريبات محبة" كيف؟؟؟

سلمت أيها الإنسان الجميل..

..

.

Quote: بوست المحبة دا سبيل..."طلق" ساااااي دحين أرتع آآآاللخو.. حبابك..

محمود الله يخليك ضحكتني الله يضحكك في الدارين

اكان كدا امشي في شغلتك خلينا نرتع سااااااااى يا العشاء

Quote: في ما يوحي ببعض تداعيات الفيسبوك على الاندية التفاعلية

عارف يا سعد، رغم أهمية مواقع التواصل الإجتماعي كالفيس بوك والفيس الصارِّي ومن
لف لفه لكن لها مضار لاتحصى حال إدمانها، ومن مضار هذا المدعو الفيسبوك
أنه استقطب عددا كبيرا من أناس كانت مشاركاتهم هنا جد مفيده، ولا أريد
تعديد (النماذج) في هذا الإتجاه لكن أكرر ما سبق وقلته لك:
الفيس الشالك إنت إدشدش حته حته، أو
يا التويتر تدشدش يا الشلت محبوبي.