ههههه يا بكري ياخي صاحبك دا زول ما جادي كلو كلو ! يعني لازم يمارس كوميديا حتي جوة الشغل الجميل بتاعو دا ! حقو ابلو ليك في طاقيتو دي لكن ما عارف مصيري ح يكون شنو في المنبر بالجد حقو يعمل (editing ) جديد لشغلو دا !ويكون جادي شوية ياخ !
شكرا ليه وليك
Post: #10 Title: Re: نحن جينا اغنية جديدة للاستاذ طارق الامين Author: ست البنات Date: 06-03-2012, 06:59 PM Parent: #9
الله يخلى طارق الأمين للسودان !
وبعدين يا هيثم يا اخى فى جدية اكتر من كدى؟!!
غايتو بعد دا الأ يمشى ميدان ابوجنزير ويبقى ليكم البوعزيزى عدييييل !
!!!!!!!!!!!!!!!!!!!!!!!!!!!!!
أقول ليكم حاجة ؟
غايتو الثورة انطلقت !
ست البنات.
Post: #11 Title: Re: نحن جينا اغنية جديدة للاستاذ طارق الامين Author: ست البنات Date: 06-03-2012, 07:57 PM Parent: #10
Quote: وبعدين يا هيثم يا اخى فى جدية اكتر من كدى؟!!
ست البنات سلامات و شكرا للتعليق يا ستهم اكيد انا ما قاصد "الجدية " بالطريقة الانتي قلتيها وعليك الله طارق لو ما جادي بعمل الشغل السمح دا - تعليقي كان علي الكوميديا داخل الفيديو عموما الشغل القائم بيهو طارق في السودان -في ظني -شغل بتاع عشرة وزارات ثقافة في البلد ! لكن قصدي كان انو ما دام دا شغل فني كان من الافضل الالتزام بمعايير العمل الفني و في النهاية اختيار وسيلة معينة لتوصيل رسالة معينة من الطبيعي التجويد مطلوب - و يخيل لي الشغل دا (unfinished ) وفي شغل في نص الفيديو مضلم و كدة -- و بالتأكيد طارق ما محتاج اي نصائح مني ولا من حقي زاتو !
وبصراحة تعليقي الكان ما جادي
تحياتي لك واعتذاري لطارق الفنان ولصاحب البوست
Post: #13 Title: Re: نحن جينا اغنية جديدة للاستاذ طارق الامين Author: ست البنات Date: 06-03-2012, 10:30 PM Parent: #12
هيثم يا اخوى سلام,
عليك الله ما تبقى حساس شديد كدى !
انا ذاتى بهظر والله ,
لكن الضلام الفى الفيديو دا باقيلى مقصودبو الضلام النحنا فيهو والوهدة الفيها الوطن دى.
مانى افلح منك ! لكن يبقالى نضمى يمكن يكون صح.
وشكرا على المداخلة.
والله يصبح صباح الوطن.
ست البنات.
Post: #14 Title: Re: نحن جينا اغنية جديدة للاستاذ طارق الامين Author: امير بشير حمد Date: 06-04-2012, 02:36 AM Parent: #13
طارق دا زول ساكنو جان الإبداع الحميد دوما يدهشنا بدهشة ادهش من الدهشة الدهشنا بيها الدهشة الفاتت له كل التحايا التي يكسوها الإحترام والتقدير والحب الغريب
Post: #15 Title: Re: نحن جينا اغنية جديدة للاستاذ طارق الامين Author: MOHAMMED ELSHEIKH Date: 06-04-2012, 06:25 PM Parent: #14
ابداع يا طارق طبعا لكن بلدا هيلي نا is a turning point
Post: #16 Title: Re: نحن جينا اغنية جديدة للاستاذ طارق الامين Author: محمد صباحى Date: 06-05-2012, 07:43 PM Parent: #15
ومع ذلك عبد الله علي إبراهيم
نحن الشعب السوداني المهذب والمثقف والعزيز، نحن جينا
وددت لنعاة السودان أن يتنسموا عبير نبأه الطيب «الفاح من رياه». فقد ألجمتني الدهشة لكتاب كثيرين في المهاجر سقموا الوطن و»قنعوا» من خير فيه طالما حكمته الإنقاذ. وترخصوا وقبلوا أن تنتقص أطرافه بقوة أجنبية في كتابات نافدة الصبر يائسة يتبارى الكاتبون بحثاً لها عن عنوان طريف ونبأ خاسر. وبطل عندهم الوطن من فرط ما ذهبت الإنقاذ برجاحتهم وحلت عقدة رباطة جأشهم. من ضفة الوطن الأخرى المُنتظر يأتينا النسام. بثت الأسافير قبل أيام أغنية جديدة في حب الوطن لطارق الأمين. وقد وصف طارق أغنيته بنفسه. فهي مثل الأم التي «تمسح من حناجرنا العويل» أو بعض تلك الأنامل التي «ترسم صورة الوطن الجميل». لقد رثى لنا للمرارات تحتوينا وتسهدنا «الغنيوات الحزينة». وجعل من هذه المرثية لازمة في الأغنية بغير تهافت. فالأغنية مشرقة بالسودان كشمسه في كبد السماء. فالبلد محروسة: نحن ما الشعب السوداني المهذب، المثقف، العزيز جينا يا مدينة ولن يصيبنا إلا ما كتب الله لنا. فإن جار الزمان تجرعنا غصصه بالأغنية والتهاليل: نحن من تلك المعاني الراكزة من شعر الخليل جينا يا مدينة ونحن: عشاق الأغاني يلا يا رشا يا كحيل جينا يا مدينة نحن مداح الخلاوي البضوو الدنيا ليل جينا يا مدينة والحرب بـ «الحقيية» والأمل مما أبدع في تصويره المرحوم زين العابدين الهندي في أوبريته العظيم عن الوطن. فقد خصّ، من غير سابقة، أغنية الحقيبة و»صعاليكها»، بمقطع مؤثر لولههم بالسودان يتفصد له الفؤاد وتندى العين. وهذا سلاح المستضعف ينهض به من رماد هزائمه. ومن نسّام الوطن أيضاً خبر تكوين جماعة «عمل» الثقافية بالخرطوم. ودشنت حضورها بمحاضرة قيمة من البروفسير منتصر الطيب ثم أقامت معرضاً تشكيلياً. ولكن مناسبتها الفاقعة هي معرضها «مفروش» لبيع الكتاب المستعمل وتبادله في يوم 28 مايو الماضي. تداعى له أصحاب مفروشات الكتب من أنحاء الولاية. وجاء العشرات يحملون كتبهم يبادلونها الآخرين. وانعقد السوق بمقهى الأتينية في السوق الأفرنجي. وحفته الموسيقى. وشهد الحضور عرض برجوكتور عن أعمال الفنان عمر خيري من إعداد علياء سرالختم. وأعجبتني خاطرات رندا محجوب حول معرض الكتاب. قالت لم يكن «مفروش» عن الكتاب مهما قلنا عن جوعنا له في اقتصادنا الفالت. كان بالأحرى شغفاً بالزمالة. كان احتفاءً غامضاً، كما قالت، غلب على وجوه المنظمين. كانت الكتب مفروشة على أرفف ابتساماتنا ( كلام نادر وهو كلام المستقبل). لا فرق بين كتاب وصديق ولا بين صديق وكتاب. وهذا سحر الزمالة عاد بي نحو ثلثي قرن حين رأينا «مدينة ابادماك الثقافية» تخرج سلسة من بين أيدينا وثنايا الجمهور في أرض حديقة المقرن كما لم نتصور ونحن نعد لها العدة. هذه هي السعادة بالعودة من الغيهب. فتفتح عيونك المصادرة على رفيق في الدرب وخطر جديد. وفهمت عن كثب قول مامون التلب:» سلام يا براق ياخي، والناس فرحت وأنا فرحت فرح شديد؛ لي زمن ما فرحت كده.» طلب عبد الله محمد الطيب «أبو سفة»، وهو من القائمين بأمر «عمل»، أن يقول الناس للفنان أحسنت متى أحسن. وقال إن البحتري طلب ذلك: قولوا أحسنت. لماذا لا تقولون أحسنت. فو الله لقد أحسنت. وأقول لطارق وأبوسفة ورندا وعلياء والتلب وأنس: «فوالله لقد أحسنتم» ومسحتم عن حناجرنا العويل. نحن جينا. يا مدينة.
الكلمات سمحة ..لكن ماعارف اللحن حاسي بيهو كيزانى كيزانى
نفس النفس بتاع الفرق ا لجهاديةبتاعتهم..(أقصد اللحن)
Post: #18 Title: Re: نحن جينا اغنية جديدة للاستاذ طارق الامين Author: أسامة البلال Date: 06-06-2012, 09:26 AM Parent: #17
لا حولا ... حتي طارق اللمين بقي يعلف (-:
مش زمان لمن كان العريس بسيروهوا بالباصات والحافلات في أغنية سيرة بنات العريس بقولوا فيها: نحنا جينا وكيه لي المابينا
بالجد إبداع جميل من الفنان طارق اللمين
Post: #19 Title: Re: نحن جينا اغنية جديدة للاستاذ طارق الامين Author: حسين يوسف مكى Date: 06-06-2012, 09:55 AM Parent: #18
فتشت عنك فى العيون بين رموش الفرحة فى جفن الصغار وبين مدارات السكون سالت عنك كل شاب بعزف على وتر الغياب انغام حضورك والشجون ينكتم نفس التحدى والمشاوير التشيل منّك تودّى كسِّر اقواس الظنون