Post: #1 Title: هل تعتبر هذه تجارة بالدين ؟ (توجد صورة) Author: محمد إبراهيم علي Date: 06-02-2012, 06:59 AM
Post: #2 Title: Re: هل تعتبر هذه تجارة بالدين ؟ (توجد صورة) Author: abubakr salih Date: 06-02-2012, 07:06 AM Parent: #1
ههههههههه لا لا يا محمد دي ما التجارة بالدين المقصودة.
ديك مجازية ساكت ... اي استخدام الدين لتحقيق مكاسب سياسية.
أما الجديدة دي دا بزينس راســو عديل امو بت آعم ابوه ياخي الشعب السوداني وصل مرحلة من الجاهلية بقا الطلب على الفتاوي كافى لخلق فرص عمل و استثمار و ارباح. شئ عجيب وحدنا نسير القهقري، وحدنا نرجع كسكاس (كما يقول اهلنا البقارة)
Post: #3 Title: Re: هل تعتبر هذه تجارة بالدين ؟ (توجد صورة) Author: د.محمد حسن Date: 06-02-2012, 07:12 AM Parent: #2
اولا يا هندسة انت عملت اعلان غير مدفوع الاجر
تانيا ما تجي نمشي نعمل لينا واحد زي ده انا وانت مع زين نقعد ونخت الابتوبات ونستنى السؤال على بال ما انت تتحمدل وتتبسمل وتقول جزاك الله خير للسائل انا اكون قوقلت السؤال وجهزتو ليك وانت تفتي اها رايك شنو؟
Post: #4 Title: Re: هل تعتبر هذه تجارة بالدين ؟ (توجد صورة) Author: محمد إبراهيم علي Date: 06-02-2012, 07:19 AM Parent: #2
يا بكري علوم نا مفكر ادور بزنز بتاع عمرة بما اني قاعد في السعودية وموضوع العمرة ده بسيط انا امشي ليك العمرة وانت تدفع لي بالجنيه السوداني يعني بدل تتعب روحك وتضيع القريشات ادفع لي انا في العمرة مثلا 500 الف (خارج رمضان ) وفي الشتاء ممكن انزلها لـ300 الف اما في رمضان فالسعر يختلف ويتصاعد حتى العشرة الاخيرة اما ليلة 27 فدي حسابها براهو هسي الواحد لو دفع للكودة ده بالنص ما ممكن ينجر ليهو فتوى ويشتغل معتمر واهو دين ودنيا
Post: #5 Title: Re: هل تعتبر هذه تجارة بالدين ؟ (توجد صورة) Author: محمد إبراهيم علي Date: 06-02-2012, 07:25 AM Parent: #4
يا دكتور مقترحي الفوق الكتبتو لبكري احسن من مشروعك ده وبيكسب اكتر واهو الواحد يفيد ويستفيد اهم ما فيهو انو ما في ضريبة ولا محلية ولا دياولو (تجديد اقامة بس )
Post: #6 Title: Re: هل تعتبر هذه تجارة بالدين ؟ (توجد صورة) Author: محمد عبدالرحمن محمد Date: 06-02-2012, 08:05 AM Parent: #5
حُمْد ابراهيم، قلّي رايك في ده: في أرميكا اللتنا دي دكاكين مسلمين، قسمن عظمن في االسيكشن الليل التباكو مكتوب: حلال!
Post: #7 Title: Re: هل تعتبر هذه تجارة بالدين ؟ (توجد صورة) Author: محمد إبراهيم علي Date: 06-02-2012, 08:30 AM Parent: #6
المطرطش خليك من دين اليمانية ده ديل اي شي بيجيب القرش عندهم حلال وخاصة قروش النصارى ديل رايك شنو اسوي ليك عمرة وتدفع لي 200 دولار اهو نتربح بالدين برضو ناس ربنا اداهم العلم بالدين فقالو يتربحو ونحن ربنا ادانا بسطة في الجسم واقامة في السعودية نتربح برضو وبعد تدفع لي اسويك وكيلي في الامريكتين وكندا وبالنص ولو قدرت اقنعت لي اب تفة وتراجي بالعرض ده بديك عمرتين هدية واحدة في رمضان لووووول
Post: #8 Title: Re: هل تعتبر هذه تجارة بالدين ؟ (توجد صورة) Author: محمد عبدالرحمن محمد Date: 06-02-2012, 09:17 AM Parent: #7
Quote: رايك شنو اسوي ليك عمرة وتدفع لي 200 دولار
جِنِس طمعن!
Quote: وبعد تدفع لي اسويك وكيلي في الامريكتين وكندا وبالنص
وقعتلي في جَرِحْ.. ولا ينسى عزيزك القارئ صلتنا بشيلوك!
Quote: وبعد تدفع لي اسويك وكيلي في الامريكتين وكندا وبالنص
استشير عِتمان جنا موسى وبعداك امضالك بلو برنت
Quote: ولو قدرت اقنعت لي اب تفة وتراجي بالعرض ده بديك عمرتين هدية واحدة في رمضان
تراجي هيني وليني.. المصيبه اب تِفِّي.. بقا لابسلو جلابيي لا تعرفو قادم هو أم ماشي لا وَرا!
- حُمّد ابراهيم، إنعن شكلك.. ساهرتبي!
Post: #9 Title: Re: هل تعتبر هذه تجارة بالدين ؟ (توجد صورة) Author: Ashraf el-Halabi Date: 06-02-2012, 02:08 PM Parent: #8
Quote: في أرميكا اللتنا دي دكاكين مسلمين، قسمن عظمن في االسيكشن الليل التباكو مكتوب: حلال!
بهيتة المطرطش دي ما تصدقها يا ود أبراهيم لكن عندهم حلال بورك
ـــــــــــــــــــــــــــــــــــ إذا المكالمة مجانية مافي تجارة، إذا كانت بسعر المكالمة العادية ففيها تجارة على خفيف. أما إذا كان الرقم (6621) دا تعريفته أعلى من المكالمة العادية فقد "ربح البيع" يا هندسة
Post: #10 Title: Re: هل تعتبر هذه تجارة بالدين ؟ (توجد صورة) Author: عمار عبدالله عبدالرحمن Date: 06-02-2012, 02:28 PM Parent: #9
ناسنا مساكين لسه ما وصلتم افكار اولاد بمبه شوف الفيديو واتعلم ,,,,,,,,,,,,,,,,,
Post: #11 Title: Re: هل تعتبر هذه تجارة بالدين ؟ (توجد صورة) Author: محمد إبراهيم علي Date: 06-02-2012, 05:35 PM Parent: #10
اشرف يا حلبي يقول ليك الدقيقة 50 قرش ولا تشمل الضريبة يعني اكتر من العادي وكمان الحكومة بتاخد حقها في الفتاوي دي بعدين البورك الحلال ده يمكن يكون دم او مقارش بورك صغيروني غايتو شيخي تبارك حرم لحم البورك بس والباقي قال ما فيهو نص واضح اسي الجلاتين البوركي ما قاعدين نضرب فيهو زي الترتيب لوووول
Post: #12 Title: Re: هل تعتبر هذه تجارة بالدين ؟ (توجد صورة) Author: محمد إبراهيم علي Date: 06-02-2012, 05:40 PM Parent: #11
يا عمار اولاد بمبة ديل اسياد الشي زاتا اصلو الحاجات بتجي من عندهم اول بعد يجيزوها علماءهم زمان بقولو (لا تستفتوا اهل نجد في البيوع ولا اهل مصر في الدخان ولا اهل الشام في اللحى) حقو نضيف لاهل مصر التجارة بالدين
Post: #13 Title: Re: هل تعتبر هذه تجارة بالدين ؟ (توجد صورة) Author: معاوية عبيد الصائم Date: 06-02-2012, 05:53 PM Parent: #4
Quote: نا مفكر ادور بزنز بتاع عمرة بما اني قاعد في السعودية وموضوع العمرة ده بسيط
ياخ مشروع زى ده ينفع مع باوقيشن ..على الايمان يقنع كفيلو ويعمل 100 استقدام (لمهنة) (عمرجى) ويجاور ..واسعار رمضان ناااااار بالذات العشرة الاواخر باوقيشن بشتغل برا
Post: #14 Title: Re: هل تعتبر هذه تجارة بالدين ؟ (توجد صورة) Author: محمد إبراهيم علي Date: 06-03-2012, 08:58 AM Parent: #13
يا طوربيد صحصح معانا انا خاتيك للتصوير العمرة خليها علي انا جهز كاميرا فيديو HD والبس لبس خمسة وخلينا نبني البيت قبال السنة تنتهي وشوف لينا زول يعمل الحملة الاعلانية بالراندوق وعربي جوبا وعربي السوق العربي عشان نوصل لاكبر شريحة ونوري الكودة البزنز الصاح ناس قروش تعمل بالكلام في الدين ونحن نعمل قروش بالطواف والسعي واهو كلو دين
Post: #15 Title: Re: هل تعتبر هذه تجارة بالدين ؟ (توجد صورة) Author: محمد عبدالرحمن محمد Date: 06-03-2012, 09:17 AM Parent: #14
Quote: ناس قروش تعمل بالكلام في الدين ونحن نعمل قروش بالطواف والسعي واهو كلو دين
أتّشْكيل واجب وطني!
Post: #16 Title: Re: هل تعتبر هذه تجارة بالدين ؟ (توجد صورة) Author: هشام المجمر Date: 06-03-2012, 09:46 AM Parent: #15
قبل سنتين نشرت احدى الصحف العربية ان ثروة الداعية عمر خالد 3 مليون دولار بس.
هو رد قال هى اقل من كده يعنى 2 مليون دولار او نحوه.
الدين عند الجماعة ديل سبوبة.
Post: #17 Title: Re: هل تعتبر هذه تجارة بالدين ؟ (توجد صورة) Author: محمد إبراهيم علي Date: 06-03-2012, 05:32 PM Parent: #16
يا مطرطش هوي خليك من التشكيل عملت لينا شنو في موضوعنا جهزنا عدة الشغل احرام جديد ومكتوب عليهو حملة الامريكتين وكندا ومكنة حلاقة جليت سوبر سونيك السفنجات خدرا للصوفية وحمرا للشيوعيين وخاتف لونين للرماديين وتموت تخلي لناس كندا ود طيفور وتراجي يلا استعجل منتظرين اول دولار اقصد اول زبون
Post: #18 Title: Re: هل تعتبر هذه تجارة بالدين ؟ (توجد صورة) Author: محمد إبراهيم علي Date: 06-03-2012, 05:38 PM Parent: #17
تحياتي يا مجمر لو سمعت الفيديو الجابو عمار فوق ده حتندهش من القروش القاعدين يلموها الناس دي وحتلقى 3 مليون زاتا شوية الدين حيننما يتحول الى بيزنز بيكسب بصورة غير متخيلة
