Post: #1
Title: حله أبت تنجطت #!؟
Author: زهير عثمان حمد
Date: 06-01-2012, 11:24 PM
أنا من عشاق الخميس كيوم ونهاية أسبوع ويوم أحتفالي في حياتنا نحن سكان السودان البؤساء المهم أمس أتصلت بالموبيل حقي بالتاكيد ما أي فون ولا هاتف ذكي ولا حاجة لانو بعد مرات بيكون راديو ومنبه وأله حاسبة تعرفوا أنا زعلان من ناس أصحابي في أمريكا قالوا ح نرسل ليك أي فون الكلام دا حسي ليهو سنه مش كدا ياناس سان هوزيه ما في زوال قال أنو المنظقة دي غنيه والزول اللي وعدني عامل مرطب ولما جا السودان ضبح خروف للشله بالليل من باب تاكيد الوضع المالي المميز يا خي قوم لف قالوا أنت ذاتك شاغل في مغسلة ملابس في فندق جربان زيك كداوبعدين حتي البدل هي بتاعت زبايين ما جوها تاني المهم أنا من زمان فطايتك وختيت في محلك كيس تسالي التسالي كان مزتو الزول المرض دا المهم الظاهر أنو كهرباتي قدمت شويه لكين أنتو عارفين الزول دا عمل شنو مما سافر حتي الاسكايب حقو ما شاغل يا خي دا زول عشوائي جدا لكين ما بيرجع السودان تاني قال أي فون خلاس بشتري مستعمل عشان ما أموت بالحسرة لانو في وعدو بالاي فون دا ومن حر مالي شرب زي الفين قزازة كدا سلفقه أنشالله ما تنفعك يا ماسورة !
أرجع الموضوع الاساسي أتصلت بالصديق الصدوق حارس الاوهام وجامع المحبطين والماشوكشين عشان أعرف البرنامج شنو ومنو من المع نجوم المجتمع معانا الليله وأهم حاجة كمان العضه عجالي ولا ضأن كان التلفون مشغول ما ردا علي المهم طبعا نحن ضربة البداية بعد العشا مباشرة والتأخير مسموح لحدي تسعه ونص وبعدهاما تلوم الا نفسك لانو في شباب عنهم نوع من الشراه والفنج حقتم بتفتح كويس جدا وصلت أرض الملعب وجدت الشله الا الباشاكاتب وهو دا تنظيمي من أهل العقد والحل بيعرف المحطات المنشرة في العاصمة القومية والولايات وعندو قدرة علي الاستانه من كل الجهات المانحة بحكم مظهرو الخداع قعدت كدا وهاك يا كلام وأخبار وفي ناس أنقطعو خلال الاسبوع لاسباب مختلفة المهم عاينت للساعه كانت تص الليل أو قريبه منها شويه قلت للشباب أها العشا كيف قالوا والله بعد كدا ما في طريقة غير جدادقلت خلاس نمشي نجيب الجداد أتحركنا نحن تلاته زي الماشين الصيد لما وصلنا أول بقالة كبيرة وعامرة كدا نزل العميد معاش صاحب الصولات والجوالات في عالم الليل عشان يجيب الجدادة المهم أشترها ورجعنا قمنا قطعنا البصل وكل الاجراءات المرعية عشان تكون حله كاربه كدا وختينا الحله زي الساعة أتناشر وشويه كدا وبعد ساعتين كدا قمت سألت الشباب ياناس الحله لسه ولا خلاس نقلبه يقولوا عليها شوية وجماعتي يايشليوا وهاك ياغنا وضحك وأنا الجوع عايز يقتلني الساعة حسي أتنين والزمن جاري يا شباب حلتكم دي ما نجطت لسه يقولوا عليها شويه خلاس أنا الصبر غلبني مشيت فتحت الحله القي الجدادة عبارة عن كتلة تلج زولي قلنا ليهو أشتري المبردة قام أشتري المجمدة المهم أنا سويت سلطة وأكلت وناسي لحدي حسي قاعدين منتظرين الحله تنجطت
بالله شفتوا حجم معاناتي كيف والحله أبت تنجطت وخميسي خستك؟!؟!!
|
Post: #2
Title: Re: حله أبت تنجطت #!؟
Author: ABUHUSSEIN
Date: 06-01-2012, 11:50 PM
Parent: #1
حلة أبت تنجض يا أبو الزهراء ياخ
Quote: أنا من عشاق الخميس كيوم ونهاية أسبوع ويوم أحتفالي في حياتنا نحن سكان السودان البؤساء المهم أمس أتصلت بالموبيل حقي بالتاكيد ما أي فون ولا هاتف ذكي ولا حاجة لانو بعد مرات بيكون راديو ومنبه وأله حاسبة تعرفوا أنا زعلان من ناس أصحابي في أمريكا قالوا ح نرسل ليك أي فون الكلام دا حسي ليهو سنه مش كدا ياناس سان هوزيه ما في زوال قال أنو المنظقة دي غنيه والزول اللي وعدني عامل مرطب ولما جا السودان ضبح خروف للشله بالليل من باب تاكيد الوضع المالي المميز يا خي قوم لف قالوا أنت ذاتك شاغل في مغسلة ملابس في فندق جربان زيك كداوبعدين حتي البدل هي بتاعت زبايين ما جوها تاني المهم أنا من زمان فطايتك وختيت في محلك كيس تسالي التسالي كان مزتو الزول المرض دا المهم الظاهر أنو كهرباتي قدمت شويه لكين أنتو عارفين الزول دا عمل شنو مما سافر حتي الاسكايب حقو ما شاغل يا خي دا زول عشوائي جدا لكين ما بيرجع السودان تاني قال أي فون خلاس بشتري مستعمل عشان ما أموت بالحسرة لانو في وعدو بالاي فون دا ومن حر مالي شرب زي الفين قزازة كدا سلفقه أنشالله ما تنفعك يا ماسورة !
أرجع الموضوع الاساسي أتصلت بالصديق الصدوق حارس الاوهام وجامع المحبطين والماشوكشين عشان أعرف البرنامج شنو ومنو من المع نجوم المجتمع معانا الليله وأهم حاجة كمان العضه عجالي ولا ضأن كان التلفون مشغول ما ردا علي المهم طبعا نحن ضربة البداية بعد العشا مباشرة والتأخير مسموح لحدي تسعه ونص وبعدهاما تلوم الا نفسك لانو في شباب عنهم نوع من الشراه والفنج حقتم بتفتح كويس جدا وصلت أرض الملعب وجدت الشله الا الباشاكاتب وهو دا تنظيمي من أهل العقد والحل بيعرف المحطات المنشرة في العاصمة القومية والولايات وعندو قدرة علي الاستانه من كل الجهات المانحة بحكم مظهرو الخداع قعدت كدا وهاك يا كلام وأخبار وفي ناس أنقطعو خلال الاسبوع لاسباب مختلفة المهم عاينت للساعه كانت تص الليل أو قريبه منها شويه قلت للشباب أها العشا كيف قالوا والله بعد كدا ما في طريقة غير جدادقلت خلاس نمشي نجيب الجداد أتحركنا نحن تلاته زي الماشين الصيد لما وصلنا أول بقالة كبيرة وعامرة كدا نزل العميد معاش صاحب الصولات والجوالات في عالم الليل عشان يجيب الجدادة المهم أشترها ورجعنا قمنا قطعنا البصل وكل الاجراءات المرعية عشان تكون حله كاربه كدا وختينا الحله زي الساعة أتناشر وشويه كدا وبعد ساعتين كدا قمت سألت الشباب ياناس الحله لسه ولا خلاس نقلبه يقولوا عليها شوية وجماعتي يايشليوا وهاك ياغنا وضحك وأنا الجوع عايز يقتلني الساعة حسي أتنين والزمن جاري يا شباب حلتكم دي ما نجطت لسه يقولوا عليها شويه خلاس أنا الصبر غلبني مشيت فتحت الحله القي الجدادة عبارة عن كتلة تلج زولي قلنا ليه أشتري المبردة قام أشتري المجمدة المهم أنا سويت سلطة وأكلت وناسي لحدي حسي قاعدين منتظرين الحله تنجطت
بالله شفتوا حجم معاناتي كيف والحله أبت تنجطت وخميسي خستك؟!؟!! |
|
Post: #3
Title: Re: حله أبت تنجطت #!؟
Author: وضاحة
Date: 06-01-2012, 11:52 PM
Parent: #1
نستاهل يا ابو زوز
انت الوداك تضهب في بيوت الناس شنو نص اليل
ما تندمس و تعوس عوستك فى بيتك دا وتتخمد تنوم
هاك العشاء دا
|
Post: #4
Title: Re: حله أبت تنجطت #!؟
Author: Mahir Mohammed Salih
Date: 06-02-2012, 07:22 AM
Parent: #3
عادى زى الزبادى ،،
يوم حاولنا نعمل رز مفلفل ،، وقت نزلنا الحلة لقينا الرز بالجنبة واللبن بجنبة
والموية بجنبة
|
Post: #5
Title: Re: حله أبت تنجطت #!؟
Author: معاوية الزبير
Date: 06-02-2012, 08:02 AM
Parent: #4
إنتو يا ماهر بتمزو بي رز مفلفل.. وكمان بي لبن !
|
Post: #6
Title: Re: حله أبت تنجطت #!؟
Author: Mahir Mohammed Salih
Date: 06-02-2012, 08:08 AM
Parent: #5
Quote:
إنتو يا ماهر بتمزو بي رز مفلفل.. وكمان بي لبن ! |
أحيااااااااناَ يا معاوية ،، وما أطيبه ،،
يصفى الردوم كله ،، هههههه
ماهر
|
Post: #7
Title: Re: حله أبت تنجطت #!؟
Author: قيقراوي
Date: 06-02-2012, 10:16 AM
Parent: #6
Quote:
غلبني مشيت فتحت الحله القي الجدادة عبارة عن كتلة تلج
|
حولاااااااا!!!
يا ابو الزهور انت بقيت تقمبلا كلو كلو!
------
بي حر السودان الشغيغ الشايفا دي ساعتين جدادتك دي كان ختيتا تحت الزير كان نجضت!
هي حر نصاح هي!؟
انتو صحي اتذكرتوا لوعتوا النار!؟
|
Post: #8
Title: Re: حله أبت تنجطت #!؟
Author: انور التكينة
Date: 06-02-2012, 10:31 AM
Parent: #7
| Quote: لانو في وعدو بالاي فون دا ومن حر مالي شرب زي الفين قزازة كدا سلفقه أنشالله ما تنفعك يا ماسورة ! |
هاهاهاهاهاها..
غايتو حق الالفين قزازة ده كان جاب ليك اي فون و كمان 4G من برج البركة .
|
Post: #9
Title: Re: حله أبت تنجطت #!؟
Author: Mahir Mohammed Salih
Date: 06-02-2012, 01:43 PM
Parent: #8
| Quote: انتو صحي اتذكرتوا لوعتوا النار!؟ |
قيقراوى والله بااااااااالغت فى دى ههههههههههههههههههههههه
بس ما لوعتوا ،، ولعتوا ههههههههه
|
Post: #10
Title: Re: حله أبت تنجطت #!؟
Author: وضاحة
Date: 06-02-2012, 01:58 PM
Parent: #7
Quote:
بي حر السودان الشغيغ الشايفا دي ساعتين جدادتك دي كان ختيتا تحت الزير كان نجضت!
هي حر نصاح هي!؟ |
قبقا والله قالو حر يسلخ
وانا نفسي اسافر والله اشتقت لى اهلى جدتى و خالتى واخوالى وعماتى واعمامى
لكن بخاف من الحر ما بستحمل نهائ 
|
Post: #11
Title: Re: حله أبت تنجطت #!؟
Author: خالد العطا
Date: 06-02-2012, 02:57 PM
Parent: #10
تستاهل يا ابو الزهر
اخر اجازة عزمتني حله واتصلت عليك عملت نايم
تستاهل تستاهل حتى توفي بوعدك
|
Post: #12
Title: Re: حله أبت تنجطت #!؟
Author: قيقراوي
Date: 06-02-2012, 03:17 PM
Parent: #10
وضاحة يا فجر المشارق
Quote:
لكن بخاف من الحر ما بستحمل نهائ
|
اوعك تدقسي
الطير بقى يطير جوة البرندات إثر ظهيرة حااارقة .. وصفير للريح مسموم إ!
-----
يا ماهر ياخي الحر العلينا دي مش بس تعمل (لوعة) .. تسيح المخ عديييل كدا!
مستغرب في جدادة ابو الزوز التلجا ما ساح دي!!
|
Post: #13
Title: Re: حله أبت تنجطت #!؟
Author: زهير عثمان حمد
Date: 06-02-2012, 06:02 PM
Parent: #12
ياقيقا
صحي والله ما ولالعنا نار خالص !؟؟؟ الحقونا خلاص نحن أنتهينا
|
|