الواحد بقى يلاوز ويخت ايده في قلبه كلما يخش ويلقى البورد مسود
Post: #4 Title: Re: يا اخوانا هوي العفو فوق العافية Author: قيقراوي Date: 05-31-2012, 04:30 PM Parent: #3
حمد والديبة .. اقصد الشفيع
ابداً والله ..
لقيت نفسي بكتب لي في كلام باااايخ .. لمن استغربت في روحي! لي شنو بس!؟
-----
هذا وخصوصاً اني بديت اجازتي السنوية .. فعايزا تكون من كلو .. خصوصاص الذنوب البنكتب فيها هنا دا! المافي شنو؟
تحياتي ليكم الجوز
Post: #5 Title: Re: يا اخوانا هوي العفو فوق العافية Author: رشا احمد Date: 05-31-2012, 04:32 PM Parent: #1
لله و الرسول يا قيقا
المافي شنو ........
وبرضو على بياض ^___^
Post: #6 Title: Re: يا اخوانا هوي العفو فوق العافية Author: أحمد ابن عوف Date: 05-31-2012, 04:52 PM Parent: #5
اجازة سعيدة يا دفعة
تمشي وتجي تلقانا احنا يانا نحنا
المشكلة تمشي انت وتقع ليك في بؤرة ذات نزعة شنو كده ما عارف وتجي تستغفر لينا جد بالجد لووووول
تحياتي
Post: #7 Title: Re: يا اخوانا هوي العفو فوق العافية Author: وليد التلب Date: 05-31-2012, 04:56 PM Parent: #6
ابوالقا
لله والرسول
Post: #8 Title: Re: يا اخوانا هوي العفو فوق العافية Author: عمار عبدالله عبدالرحمن Date: 05-31-2012, 05:14 PM Parent: #7
لله وللرسول
واجازه سعيدة
Post: #9 Title: Re: يا اخوانا هوي العفو فوق العافية Author: آدم صيام Date: 05-31-2012, 05:27 PM Parent: #8
Quote: ودا بمثابتة شيك على بياض .. يصرف لحامله دون قيد او شرط
العفو والعافية آخرتا كوم تراب .. والآخرتا ضط كوم دي ما آخر الحاجات!
قيقافايت يعني فور قرانتي؟
يا زول كلنا ميتون والله لا أحمل لكم جميعاً غير المحبة الخالصة واستغل فرصة بوستك الواسع لأعلن عن براءتي المطابقة بالمقصد لبراءتكم دام فضلكم
Post: #10 Title: Re: يا اخوانا هوي العفو فوق العافية Author: Sabri Elshareef Date: 05-31-2012, 06:25 PM Parent: #9
قيقا صاحب المفردة الخاصة
سلام اجز اجازتك وتعال
المدافرة والمناطحة تجدها شغاله
اظنها دعوة من صوفي او صوفية
لك المحبة والسلام
Post: #11 Title: Re: يا اخوانا هوي العفو فوق العافية Author: معاوية المدير Date: 05-31-2012, 06:51 PM Parent: #10
سلآمات قيقا.
يا حبيب الحكاية لآزم يكون فيها عكنيبة عشان تكون فرآيحيّة، بس أهمّ حاجة النفوس تكون صافية. الغناي قال: ما أحلى التصافي من بعد التجافي.
تحياتي...
Post: #12 Title: Re: يا اخوانا هوي العفو فوق العافية Author: عماد حسين Date: 05-31-2012, 10:17 PM Parent: #11
أستودع الله دينك وأمانتك وخواتيم عملك (*)
زودك الله التقوى، وغفر ذنبك، ويسر لك الخير حيثما كنت.(**) - - - - - - - - - - - - - - - - - - - - - - - - - الله يوفقك ويعدل طريقك يا فتح الرحمن
________________
(*) عن سالم أن ابن عمر كان يقول للرجل: إذا أراد سفرا ادن مني أودعك كما كان رسول الله صلى الله عليه و سلم يودعنا فيقول استودع الله دينك وأمانتك وخواتيم عملك
(**) عن أنس قال: جاء رجل إلى النبي صلى الله عليه وسلم فقال: يا رسول الله، إني أريد سفرا فزودني. قال: زودك الله التقوى، قال: زدني، قال: وغفر ذنبك قال: زدني بأبي أنت وأمي، قال: ويسر لك الخير حيثما كنت.
Post: #13 Title: Re: يا اخوانا هوي العفو فوق العافية Author: مجدي عبدالرحيم فضل Date: 05-31-2012, 10:26 PM Parent: #12
تصحبك السلامة يا صاحب
إجازة سعيد مع الاهل والاحباب
وترجع لينا سالم وغانم يارب
،،،،أبوقصي،،،،
Post: #14 Title: Re: يا اخوانا هوي العفو فوق العافية Author: وضاحة Date: 05-31-2012, 10:36 PM Parent: #13
قيقا الغالى
اجازة سعيدة
ربنا يعيدك لينا بسلامة
وماتنسانا مرة مرة ادينا طلة واتذكر عندك اخوان حايفقدوك ويشتاقوا ليك
فى امان الله يا الغلاء
وعافين ليك دنيا واخرة
وانت كمان اعفى لي الدنيا دى مش معروفة
وسامحنى لو بدرت من حاجة غير مقصودة
اختك وضاحة
Post: #15 Title: Re: يا اخوانا هوي العفو فوق العافية Author: بدر الدين احمد موسى Date: 06-01-2012, 06:28 AM Parent: #14
قيقراوينا
انت كفتا?
زمان كانت في اغنية بتقول "تمشي و تجي بالسلامة.......مع السلامة"
Post: #16 Title: Re: يا اخوانا هوي العفو فوق العافية Author: أبوبكر أبوالقاسم Date: 06-01-2012, 07:24 AM Parent: #15
قيقا سلامات
Quote: دون قيد او شرط
..... أو رهن
Quote: الغناي قال
عارفين ما بتريد سيرة الغنا .... سمبلى لأنك تكتب فى ضط كوم ...
أهديكم مقطع أغنية ود الأمين " الحب والظروف"
Post: #17 Title: Re: يا اخوانا هوي العفو فوق العافية Author: صديق الموج Date: 06-01-2012, 07:31 AM Parent: #16
Quote: لله و الرسول يا قيقا
المافي شنو ........
وبرضو على بياض ^___^
انا شرحو زى رشا دى بس انا على بلطى،،،،
Post: #18 Title: Re: يا اخوانا هوي العفو فوق العافية Author: خالد المحرب Date: 06-01-2012, 07:40 AM Parent: #17
اقبل منى دى يا قيقا ياخ الدنيا فيها شنو غير التسامح
Post: #19 Title: Re: يا اخوانا هوي العفو فوق العافية Author: ود الخليفه Date: 06-01-2012, 08:18 AM Parent: #18
اجازة سعيدة
والعفو والعافية
ـــــــــــــ لو جاي السودان ما تحرمنا من شوفتك
Post: #20 Title: Re: يا اخوانا هوي العفو فوق العافية Author: زهير عثمان حمد Date: 06-01-2012, 08:32 AM Parent: #19
تمام وين الاجازة لو ح تكون في أي مكان العفو والعافيه وأجازة سعيدة لو أنت ح تزور الوطن السودان بالله لازم تتصل بي لانو البطيخه حقتك قاعدة لو ما عملت كدا ح أعرف وهذه بداية حرب عديا كدا تحياتي
لازم تزور أبو الزهراء وتستمتع بالعوالم الجميله نحن في أنتظارك
Post: #21 Title: Re: يا اخوانا هوي العفو فوق العافية Author: طلحة عبدالله Date: 06-01-2012, 09:12 AM Parent: #20
يا قيقراوي الحبيب أنا عافي منك لله والرسول وبعد عمر طويل يعني عندي صاحبا لي فجأة كدا بقي أخو مسلم وقال نفس كلامك الفوق دا..و.. ما في داعي لأنو العبرة خنقتني بس أتمني ما يحصل ليك ما حصل لصاحبي ياخ ..هههههههه
Post: #22 Title: Re: يا اخوانا هوي العفو فوق العافية Author: عبدالغفار محمد سعيد Date: 06-01-2012, 01:27 PM Parent: #21
يا قيقراوى انت ماكنت بديت كويس ، لى درجة مرات بقرأ ليك مالك حججك كترت ، وبقيت ذى الذول الكمل حاجاته كلها ومافضل ليه إلا الحج والاردن!
وش ضاحك جدا هنا ( ما عارف بعملو كيف).
Post: #23 Title: Re: يا اخوانا هوي العفو فوق العافية Author: عبدالرحيم أبراهيم العبيد Date: 06-01-2012, 05:21 PM Parent: #22
أجازه سعيده تمشي وترجع بالسلامه
Post: #24 Title: Re: يا اخوانا هوي العفو فوق العافية Author: قيقراوي Date: 06-02-2012, 10:36 AM Parent: #23
ونعم مذنب في النقل من ضيق المشافهة لبراح التدوين العصري لكن فاجأتني باني (وحيد وأوحد) في القصة دي!
Post: #27 Title: Re: يا اخوانا هوي العفو فوق العافية Author: rummana Date: 06-02-2012, 04:24 PM Parent: #26
قيقراوي يعني تقصد اسامحك عشان سميتني القنبلة اليدوية ورمانة بطعم الحميض والصبر؟ أبدا قطعا لا يمكن...! أمشي أجز وتعال تلقاني لسه متذكرة ولو لأي سبب نسيت (لا قدر الله) .. البركة في بكري .. ارشيفه موجود :)
Post: #28 Title: Re: يا اخوانا هوي العفو فوق العافية Author: محمد حيدر المشرف Date: 06-02-2012, 04:43 PM Parent: #27
لو كان لى نديد فى هذا المنبر .. لكان قيقراوى .. وليكن ذلك سلبطة منى ساااى ولكن .. ذات التفاصيل والملامح والشبه .. ذات الهم البقن ساعاتو خمسه وعشرين ساعه للهم الاضافى * .. ثم وذات الاغتراب .. المافى شنو ؟!!
المهم .. هى سانحة للإعتذار من قيقراوى .. إعتذار مباشر وصريح .. فياخى معليش .. ولك العتبى حتى ترضى و ترضى .. والعفو والعافيه و ..
أعذره أخاك ..
Post: #29 Title: Re: يا اخوانا هوي العفو فوق العافية Author: محمد جلال عبدالله Date: 06-02-2012, 05:50 PM Parent: #28
قيقا ابن أبي قيقا من الرجال المحترمين في هذا المنبر العفو والعافية يا زول لله تعالى مع إنو ما حصل تداخلنا إلا بكل خير
صحبتك السلامة نستودع الله دينك وأمانتك وخواتيم أعمالك
Post: #30 Title: Re: يا اخوانا هوي العفو فوق العافية Author: صلاح عباس فقير Date: 06-02-2012, 10:59 PM Parent: #29
Post: #32 Title: Re: يا اخوانا هوي العفو فوق العافية Author: ود الخليفه Date: 06-03-2012, 01:18 PM Parent: #31
نسيم سرى
نسيم سرى من نحو كاظمة الوهنى فاوردني من لطفه المورد الاهنى وأنبأنا اخبار من سكن الحمى عن البان عن نعمان عن ذلك المغنى وعن تلكم الاطلال عن ربوة النقا عن الربع عن تلك الديار عن المعنى فبت كليـــــــــــــــلا كلــــــــما رمت هجعة يأرقــــني فردا ويقلقني مثنى فللّه كم من ليـــــــلة قد وردتــــها اســـــائل مــغني الحي عنـــــهم فما اغنى فــــما لي وللايـــام لا تستدينني وقلبــــي بدين الحب قد اغـــلق الرهنا فيوما تراني بالعذيب ورامة ويوما بذات الضــال استنصـــــر المزنـــــى اغالط عن سلمى بسعدى تنصلا ً ولبنى وما قصدي سعاد ولا لبنى ما بغيتي الا قباً وقبابها وقرب الذي قد حل في المنزل الاثنى فان قصرت مني يد الدهر عزمتي فيا خيبة المسعى وياتعب المضنى تغنى بذكراه الشجي تشوقاً فحنت له الارواح من طيب ما غنى واضحي برياه النسيم معطرا فاهدي لنا طيبا ومن طيبه طبنا نبي الهدى ليس العدى سحب الندى مزيل الردى شافي الصدى كامل المعنى دليل السرى خير الورى طيب القرى وثيق العرى رحب الذرى فائق الحسنى رسول الرضى انواره تملا الفضاء وعنه العلى تروي فضائله الحسنى هو القرشي الهاشمي الذي له مناقب فضل لا تبيد ولا تفنى ترقى به الروح الامين الي العلى وفوق العلى حتي علي المقصد الاثنى وبوأه الرحمن حضرة قدسه وادناه منه قاب قوسين او ادني
