Post: #1
Title: بـــصــــل الــــــوالي
Author: د.محمد حسن
Date: 05-31-2012, 06:32 AM
Parent: #0
سالني صديقي
لماذا اقرأ الانتباهة
اجبته
لاني معدوم المرارة عايز الشوف
الشعب السدواني الفضل لسة عندو مرارة والا انتهت
في جريدة امس
في صفحة كشكول
احد ظرفاء الانتباه كاتب عن بصل الوالي
انا افتكرتو جمعية خيرية باسم الوالي بتوزع بصل
فاذا بي انفقع مراريا رغم انها مافي بانو السيد الوالي عندو مزرعة
والمزرعة من ضمن انتاجها البصل
وانو ارخص من بصل السوق
وسالت نفسي
والينا الطبيب البيطري هل هو انجح من اهلنا التربالة وبيجيب انتاج اعلى ؟
تاني قلت يا محمد
انت ما اتذكرت قصة سيدنا عمر حينما سال عن ابل سمان وممتلئة بانها بال من
قيل انها ابل عبد الله بن عمر
فصادرها رضي الله عنه لبيت المسلمين
يا ربي الدين القرينا في المدارس
ودين الانقاذ دي واحد؟
|
Post: #2
Title: Re: بـــصــــل الــــــوالي
Author: Siham Elmugammar
Date: 05-31-2012, 08:28 AM
Parent: #1
السلام عليكم يا دكتور
ممكن تفقع مراراتك بهدوء
اقسم بالله العظيم انا ما متذكرة اخر مرة اشتريت جريدة متين
الحجة الوالدة اتهمتنى بالتخلف و عدم المواكبة و....و و
مليون نبذة من هذه الشاكلة
ومستغربة كيف انى بقيت ما بقرأ جرايد
لكن والله انا الفينى مكفينى والله عالم
يا دكتور خد اسنيكرز 
|
Post: #3
Title: Re: بـــصــــل الــــــوالي
Author: حمزاوي
Date: 05-31-2012, 08:54 AM
Quote: يا ربي الدين القرينا في المدارس
ودين الانقاذ دي واحد؟ |
لا ما واحد بل همسين هته
لهم دينهم .... ولكم دينكم
وهم مطلعين دينا
|
Post: #5
Title: Re: بـــصــــل الــــــوالي
Author: د.محمد حسن
Date: 06-01-2012, 08:32 AM
Parent: #3
Quote: [ا ما واحد بل همسين هته
لهم دينهم .... ولكم دينكم
وهم مطلعين دينا |
الخال
زعيم مجموعة الناطقين بغيرها
ربنا يرجع ليك دينك
|
Post: #4
Title: Re: بـــصــــل الــــــوالي
Author: د.محمد حسن
Date: 06-01-2012, 00:13 AM
بت ناس المجمر
سلامات
انت الظاهر عليك ركبتي بص الوالي نزلك غلط
المحطة دي محطة البصل
محطة فقع المرارة فتيها
لكن ما يهمك بتنا
نركبك بص الوالي تاني وننزلك بي هناك عشان تاخدي ليك فقعة فقعتين
| Quote: يا دكتور خد اسنيكرز |
لواحد ... مش لاتنين
وعليه قررنا نديك ملوة بصل من بصل والينا الهمام
غايود دكتور عبد الرحمن ده لو ما كان دخل كلية البيطرة كان اشتغل تشاشي
شي بقالة متحركة
وشي بصل
متنوع النشاطات
|
Post: #6
Title: Re: بـــصــــل الــــــوالي
Author: د.محمد حسن
Date: 06-01-2012, 09:08 AM
Parent: #4
عندنا
بصات الوالي
ومزارع الوالي
وعربات البركة بتاعة الوالي
البوزع فيها جداد الوالي السابق
وزيت
وسكر
يعني اسثمار من الداخل
والداخل دي ما مقصود بيها المواطن الكان ببني شفخانات ومدارس ومستشفيات ومساجد من ارباحو
زي البلك
وعبد المنعم
والضو حجوج
وقنجار
لا
المقصود من داخل الحكومة
تبقى وزير تستثمر
تبقى والي تطلع العالي
تبقى كوز تصبح لوز
تفضل مواطن تشوف ليك وطن تاني
الوطن تم اغلاقه بالضبة والمفتاح للواالي والموالي
|
Post: #7
Title: Re: بـــصــــل الــــــوالي
Author: د.محمد حسن
Date: 06-02-2012, 01:29 PM
Parent: #6
حديث امرأتين من الموالين
_ يمين يا هناية قالوا ودوا الشيلة بي بصات الوالي
- انت في ده والا قالو العشا بوفيه مفتوح واجمل حاجة فيه سلطة الوالي وجداد المتعافي
|
|