Post: #1 Title: المتهمون بمساعدة اسرائيل في ضربة بورتسودان Author: محمد إبراهيم علي Date: 05-29-2012, 05:47 AM
يبدو انهم مصريون الحريات الاربع يبدو انها لم تشتمل على مد السودان بحاجته من جواسيس المخابرات المصرية بل وايضا اغراق سوقه بجواسيس المخابرات الاسرائيلية اما المخابرات الامريكية فلا تحتاج للنكهة المصرية فمذاقهم سوداني ويرجع الفضل في ذلك لوصفة صلاح قوش الدسمة
Post: #2 Title: Re: المتهمون بمساعدة اسرائيل في ضربة بورتسودان Author: محمد إبراهيم علي Date: 05-29-2012, 05:48 AM Parent: #1
Quote: لخرطوم: هادية الهادي أوقفت لجنة الأمن المشكَّلة بولاية البحر الأحمر في قضية انفجار عربة «البرادو» في مدينة بورتسودان اثنين من الأجانب «ينتمون لدولة عربية حدودية» واستجوبتهم بموجب الاشتباه فيهم بالضلوع والاشتراك في الحادثة. وقالت مصادر أمنية مسؤولة لـ«الإنتباهة» إن لجنة التحقيق ما زالت تواصل التحري في القضية وإن أتيام مسرح الحادث مازالت تُجري تحرياتها عن أشلاء العربة بعد أن أرسلت عينات منها للأدلة الجنائية بالإدارة العامة للمباحث والتحقيقات الجنائية.
المصدر في متن الخبر عدد اليوم
Post: #3 Title: Re: المتهمون بمساعدة اسرائيل في ضربة بورتسودان Author: عبدالكريم الامين احمد Date: 05-29-2012, 05:56 AM Parent: #2
هلا ياهندسة ودي خبرية عجيبة والمقص في الموضوع ده انو الموتمر الوطني ومن خلفه ومن امامه الطيب مصطفي كانو بانين كل هجومهم علي الحريات الاربعة للجنوبيين بانها حتكون نفاج وشباك تدخل به الصهيونية العالمية واسرائيل واهو اتتهم اسرائيل والصهيونية من نواحي شمال الوادي وجابت معاها خببببببت للبرادوهات وممكن ايضا يكون سوناتاهات وكدي خلينا نجلس القرفصاء نشوف المورجغين ديل حيقولو شنوووووو في الحكاية دي
Post: #4 Title: Re: المتهمون بمساعدة اسرائيل في ضربة بورتسودان Author: محمد إبراهيم علي Date: 05-29-2012, 06:15 AM Parent: #3
سلام يا كيكي
Quote: وكدي خلينا نجلس القرفصاء نشوف المورجغين ديل حيقولو شنوووووو في الحكاية دي
بني ورجغ ديل حيقولو ليك ديل من بقايا الفلول لوووول
Post: #5 Title: Re: المتهمون بمساعدة اسرائيل في ضربة بورتسودان Author: عبدالكريم الامين احمد Date: 05-29-2012, 06:27 AM Parent: #4
Quote: الفلول
بمناسبة الفلول دي بني ورجغ اليومين دي بتكون ماسكاهم ام هلا هلا وخاصة بعد تاهل الفلولي احمد شفيق الي الفاينال في سباق الرئاسة واحتمالات فوزه التي هي واردة جدا وخاصة القوي المصرية الثانية الاخري مكجنة الاخوان لعمائلهم السوداء في االبرلمان ومحاولة دس الكورة من الشعب المصري
--------- الفلول عند حضورهم مرة اخري حيجهجهو ليك دفاعات بني ورجغ جهجهة السنين وخاصة انو بني ورجغ فكو لسانهم ابان سقوط مبارك
Post: #7 Title: Re: المتهمون بمساعدة اسرائيل في ضربة بورتسودان Author: محمد إبراهيم علي Date: 05-29-2012, 06:50 AM Parent: #5
بني ورجغ يا كيكي موعودين بسهر الجداد ونوم الديك في الحبل الفلول عائدون عائدون بصناديق الانتخابات المخجوجة خجا على الطريقة الورجغية هذا ما يسمى بصلاح غريبة فاكتور كااااااك
Post: #6 Title: Re: المتهمون بمساعدة اسرائيل في ضربة بورتسودان Author: محمد عبدالرحمن محمد Date: 05-29-2012, 06:37 AM Parent: #4
Quote: اما المخابرات الامريكية فلا تحتاج للنكهة المصرية فمذاقهم سوداني ويرجع الفضل في ذلك لوصفة صلاح قوش الدسمة*
عيبلي وصفة عروة
Post: #8 Title: Re: المتهمون بمساعدة اسرائيل في ضربة بورتسودان Author: محمد إبراهيم علي Date: 05-29-2012, 06:58 AM Parent: #6
يا مطرطش وصفة عروة ليس لها ما يسندها من الشرع وبعدين شطتها زايدة وفيها عجلات رالي اما وصفة قوش فوصفة شرعية مسنودة باسانيد دينية ونصوص مقدسة تسكت اكبرها فقيه واحلا ما فيها مجانا هسي عليك الله عروة رسلو ليهو طيارة خاصة
Post: #9 Title: Re: المتهمون بمساعدة اسرائيل في ضربة بورتسودان Author: محمد عبدالرحمن محمد Date: 05-29-2012, 07:30 AM Parent: #8
جنّي وجن الغُلات يا محمد.. عجلة الرالي، أي نعم.. شطه لأ.. دِلّيخ ياخ.. دِلِّيخ ؤ ناااااعِمْ.. الله يكرم الناعمين! - ومن ناحية الفَتاوى والمشاريع، جزيرة ولا جنن أخَدَرْ، فالمايك معا حوار شكرالله..
Post: #10 Title: Re: المتهمون بمساعدة اسرائيل في ضربة بورتسودان Author: esam gabralla Date: 05-29-2012, 08:23 AM Parent: #9
Quote: وقالت مصادر أمنية مسؤولة لـ«الإنتباهة»
يا هندسه ... كيف الأخبار؟ هل نشر الخبر في أى صحيفه تانيه غير الانتباهه؟ دى شكلها بداية مخارجه من المسئوليه و درع القصه كلها في "أجانب" ... و بدل يكون الكلام عن من هو المسئول عن البلد القاعده أم فكو يتحول ليصبح تجسس أجانب و كده
Post: #11 Title: Re: المتهمون بمساعدة اسرائيل في ضربة بورتسودان Author: esam gabralla Date: 05-29-2012, 08:25 AM Parent: #10
و لفقع مرارتك أهديك حديث وزير البِلى .... نظر و تكس حريه
Post: #12 Title: Re: المتهمون بمساعدة اسرائيل في ضربة بورتسودان Author: محمد إبراهيم علي Date: 05-29-2012, 10:50 AM Parent: #11
سلام يا عصام الخبر اوردته الانتباهة فقط (لحد اسي ما عارف بقية الجرايد لانو الانتباهة بحدثو موقعهم بدري جدا ) لكن وبعودة للخبر غير مستبعد بل مؤكد ان الاسرائيليين حصلو على مساعدة من الارض فالطائرات مهما كانت متقدمة لا تستطيع اصابة هدف متحرك بهذه الدقة ما لم يتم زرع جهاز ارسال اشارات في جسم السيارة يعطي احداثياتها بدقة ليستطيع الصاروخ المهاجم تعديل مساره الاسرائيليين كانوا يرغبون بشدة في قتل الرجل نفسه ولا لحاولوا قصف منزله ولكن هنا احتمالات قتله تقل ولكن تدمير السيارة واصابتها بصورة مباشرة ترتفع الاحتمالات الى ما يقارب 100% اذن هناك من هو على اتصال بالاسرائيليين وحدد لهم وقت خروج السيارة من المنزل وحدد لهم شخص قائد السيارة من واقع معرفته بالمرحوم وشخصيته وجود عملاء مصريين لاسرائيل داخل السودان احتمالاتها ترتفع مع الزريبة الهاملة دي ودخول كل من يحمل بطاقة تموين مصرية دون التحقق منه ومن هدفه في المجئ الى السودان يا خي في واحد بيجي عندنا في عمق الجزيرة بيبيع عدة للنسوان وبالاقساط المريحة وفي زمن التضخم ده !!!!! فتأمل يا قول ملاسي !!!!! للاسف الحكومة فتحت على المواطنين ابواب جهنم بغضها الطرف عن تجارة الاسلحة وفتحها المجال لحماس وحزب الله وايران لتهريب الاسلحة فوضعتنا كدولة مواجهة مع اسرائيل ولم تستعد لحماية مجالها الجوي من الاختراق اسرائيل موجودة في السودان وحوله بعملائها وجيشها وطائراتها ولا استبعد ان تكون لهم قاعدة ثابته في جزيرة من الجزر الموجودة داخل المياه الاقليمية السودانية !!!
الفيديو بتاعك ده الا اشوفو بالليل او اقول وصفو لي لوووول
