Post: #1
Title: اضراب الاطباء مرة اخري- نقاش وواقع مرير
Author: الفاتح سليمان
Date: 05-28-2012, 08:54 AM
اتخرجت متين ؟
سنة
اشتغلت ؟
ايوة يا دوووووووبك
كم شهر ؟
4 شهور ؟
اها الوضع كيف ؟
والله ياخ لسة ما صرفنا والشهر الخامس قريب وشغالين في كل السودان في حوادث مرض ومعدات مافي وادوية طوارئ مافي والعيانين زاتهم وضعهم مرات بكون
صعب شديد والسبب ما المرض- السبب القروش المافي دي .
اتخيل امس الشباب جو مارين لقطوا شيرنغ لا\وية لعيان -غايتو الديون وصلت كتير
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دا حال الاطباء الامتياز الان في مستشفيات السودان حوالي الخمسة اشهر - بدون مرتب بدون حوافز بدون اي اي حاجة ووضع مزري جدا قريب نص مدة الامتياز البعدها
العطالة التانية بدون مرتبات
والامر انو مرتبهم ما يعادل مية دولار واقل _
والاسواء انو في خصم تم من القدام منهم لي 40 جنيه للمدينة الرياضية من ضمن خصومات تانية
والمدينة الرياضية قصة معروفة .....
الاتحاد ببيع في ارض الاطباء ونايم ووموفر الكراسي وتفويج الاطباء لي ليبيا لكن بعد ان ينزل المرتب من اجل عيون الليبيين ........
المهم يدكم معانا لانو الاضراب مرة تانية علي الابواب ممكن الطريقة تختلف لكن للاسف لا بد منه وان طال الزمن....
|
Post: #2
Title: Re: اضراب الاطباء مرة اخري- نقاش وواقع مرير
Author: الفاتح سليمان
Date: 05-28-2012, 09:52 AM
Parent: #1
*
|
Post: #3
Title: Re: اضراب الاطباء مرة اخري- نقاش وواقع مرير
Author: ياسر مكاوي
Date: 05-28-2012, 11:20 AM
Parent: #2
الفاتح سلامات
في رأيي ان قضيه الطب والصحه اكبر من مرتب مجموعه من الأطباء صرفت مرتبها ام لم تصرف -
ولم تكن يوما مشكله مرتب ضعيف أو كبير
القضيه أكبر من ذلك بكثير - كأطباء نحمل وزر إختزال قضايا الصحه في معارك صغيره يغلبها الطابع الفردي . لن يكون في حلها فائده تذكر
كما حدث في الأضراب الماضي .
______________________________
في رأيي ان مشكله الطب في السودان لن تبدأ في الزوال الا بعد زوال الجماعه إياهم.
|
Post: #4
Title: Re: اضراب الاطباء مرة اخري- نقاش وواقع مرير
Author: الفاتح سليمان
Date: 05-28-2012, 12:11 PM
Parent: #3
سلامات ياسر
اتفق معك بان الاشكال اشكال كبير واشكال نظام كامل
لكن الحق الان ان هناك مجموعة لها اسر وهم في اشد الحوجة لاساسيات وهم في بداية طريق طويل لا يمكننا ان نفرض عليهم العمل وندعهم وحدهم في
مواجهة ظلم كبير بالعمل بدون مقابل مثلهم مثل النواب التم توزيعهم لشهور وهم بدون مرتبات وبدون ارقام وظيفية مع ضعف كل نواحي التدريب وغيرها
الان هناك مشكلة هي قطرة في بحر مشاكل كبيرة لكنها لشريحة مهم هم الاطباء في الامتياز والعموميين والنواب بدون وظائف او بوظائف بدون مرتب
_________________________________________________________________________
الاضراب الاخير كان به كثير من الاراء اتفقنا مع طريقة سيره او اختلفنا لكنها حركة مطلبية عادلة والمرتب اساس لحياة بسيطة لا اقول كريمة
الاطباء يخوضون قضايا مطالبهم لانهم في حركة مطلبية تحتاج حد ادني يجمع كل الاطباء وكثير منهم يتخوف الخوض في السياسة حتي
ولو كانت مطلبية والاخر وهم قلة لهم مصالحهم مع النظام الحالي بسبب الاغراء او التخويف او غيره
خليك قريب يا ياسر لانو الراي مهم جدا وحقهم انهم ياخدوا مرتب ودي قضية عادلة جدا ولحد بعيد وهي اولوية وليس مطالب ثانوية ولاهي نوع من الانانية هم
واسرهم في حوجة للراتب حتي ولو ضعيف 100 دولار بس
|
|