أنا بكره الزعفران !!

عشان ما تقولوا ما كلمتكم بس

مرتبطه عندي دايما بالحاله الهستيريه من الـ (عطاس) و (الكحه) والحاله (النخرينيه) الاسمها ما ظريف ديك :)
أو مرتبطه لي أكتر بي سوق بحري .. سوق البهارات .. الزقاقات الضيقه والواطه المرشوشه الرطبه .. والشوالات المكدسه أمام المحلات الصغيره!

في ذات رمضان من الرمضانات (رمضان معين أخو اتوبيس سياحي معين أنا عارفاهو) ,, دكيت الشغل زي الما حصل حاجه,
ودلفنا (أمي وأنا) الى سيارة (أمجاد) مولين وجوهنا صوب سوق بحري ,, المحطه الوسطى ,,
الدنيا كانت مطر .. والدنيا كانت بخير ,, وكل الناس صحاب وكل الناس أهل :)
أتفقنا (أمي وأنا) انو حكايه (مويه رمضان) البيجيبوها أهل العرس (ناشفه) ويرجعوها ليهم أهل العروس (منجضه) دي ما بتنفع !
وأنها تقليد (سوداني) (مستحدث) (بغيض وعبيط) في آن واحد ! ولو فكرنا بي صوره عمليه .. ممكن نرسل لي (زميل البورد)
(بوقجه) فيها بهارات ومويه رمضان مصحوبه بي (الحلو مر حقنا الشهير) وشويه ليمون وويكه .. كدا أحسن .. الراجل في غربة


الواحد بقى يعطس قبل البوست ما يتم

داليا ازيك وأضفيفى الزعتر ، مافى علاقة بينهم بس اهو

داليا
سلام
الزعفران ده هو شنو؟
على فكرة انا قايلو شجر جميل ذو رائحة وعطر جميل .

ما يكلع شطة وكده.

الزعتر بعرفو شفتو فى الاردن ولبنان ، حاجة عجيبه ما بعرف بياكلوه كيف