اللهم اجعله خير.. تلفزيون السودان قمة الابداع

كدا منه و ليهو تلفزيون امدرمان دور في بث اغاني وطنية بداية بعزة خليل اداء سيد خليفة و صلاح مصطفى
ثم اتى صلاح بن البادية باوبريت جميل و اغنية جديد للامين البنى و عبدالقادر سالم باغنية كردفان و ود كرم الله
بمنادي الشوق ينادي داير ارجع لبلادي (دا شعاري المرحلي لوول). محجوب شندي في اغنية رجالة كالعادة،الما كلا ملا يا ولدي و لسع الحكاية ماشية..

الان امتي يا امة الامجادي للثنائي الوطني
يا ربي دا يكون زاد المفواض بعد ما انتهوا من زاد المجاهد الكان مدوري الاسابيع الفاتت مع عكة هجليج؟

انتهت حالة الابداع الفلتة و عليه بعد هذا الاقتراب من الفضائية السودانية على المسؤولية الشخصية

و هذا بمابة خلو طرف من اي اثار سلبية على الصحة و المزاج العام

لا لا دا حلم ولا علم؟
واصلوا في الفلتات
الان برنامج سحر القوافي البرنامج الوحيد الذي يمكن حضوره بصورة دارجة على هذه المؤسسة الحزينة

يعني يؤجل خلو الطرف لبعض دقائق

اخونا علاءالدين سلام

صدقني دا بكون عطل فني و سيتم إصلاحه قريباً...

زي حكاية الباكستاني..
كان في تلفونات بتشتغل بالهلل .. (العملات المعدنية) و هن تلفونين جنب بعض
الباكستاني إكتشف ليك إنو فيهم واحد مضروب تتكلم و ما بسحب منك الهلل
أها الباكستاني بجي كل يوم إكلم باكستان ملح حتى لو لقى التلفون التاني فاضي ما بمشي عليه
بعد كم يوم جاء إتكلم كالعادة و شايل ليه ريال واااااحد كالعادة ..
أها قام الجهاز سحب ليك الريال .. الباكستاني إتخلع و قام إضرب ليك في الجهاز بي عصبية كدا
و قام إكورك : أيش هادا خربان ..؟؟؟؟

تحياتي و إحترامي

العزيز ابو حسين
كيف ايامك
اسع بعد شوية تلفزيونا ببلع ريالنا لووووووووول

تتذكر يوم على البالتوك كان واحد من الاخوان من هولندا استضاف استاذ بابكرحنين زمنه الكان مدير النيل الازرق، انا جيت في اخر اللقاء اتكلمت عن شكل التلفزيون و كيف انه منفر بتكثيف الدعاية السياسية و احادية الصوت و الفكرة بدون حتى تحفيذ و جذب بمواد مقبولة من قطاعات واسعة يدسوا ليهم فيها الرسالة التعبوية. قال انه كان عند باب الشقة اثناء حديثي استعدادا للخروج لكنه عاد ليقول انه و هو مدير تلفزيون بيخجل لمان يشاهد تلفزيونا.. و الله عاوزين اولادنا في الغربة يسمعوا المفردة السودانية و يشاهدوا برامج تربطهم بالثقافة و الفن السوداني لكن الله غالب.