Post: #1
Title: الى من لايهـــــــــــــــــمهم الأمـــــــــــــــــــــــــــر
Author: صفوان عبد المنعم ابوبكر
Date: 05-27-2012, 05:57 PM
Parent: #0
رئـــــاسة الجمهورية بكل شيوخها وابناء معارضيها
مجـــــلس الوزراء بكل مستوزريه
راعى الرعية بولاية الخرطوم (الخضر) ومن تبعه من وزراء
معتمد محلــــية كــــررى
الوقائع:-
باى اخنصار غير مخل
الموضوع كالاتى سوق خليفه الثورة الحارة 17
مجموعه من الدكاكين مستاجره من قبل مجموعه من ستات الشاى والماكولات البلديه
اها وبعد ده
طبيعى جدا استاجروا دكاكيين مطلوب منهم كرت عمل بالاضافة رخصة صحية وتجارية وماشابه ذلك من تفاصيل جبايات مقننه
المهم
عندهم كراسى وترابيز الزبائن العطاله الزينا ديل بجوا ي(صنقروا ) فيهم
وبعد ده
ظهر مجموعه من الناس شغاليين فى المحلية
قالوا شنو
كراسيكم وترابيزكم دى ما دايرنها انحنا فى المحلية عندنا ترابيز وكراسى
والكراسى دى انحنا بنستاجره ليكم مقابل 2 جنيه لكل كرسى وواحد جنيه لكل تربيزه
والكلام ده غصباً عنكم يعنى لو ما شلتوا كراسينا وترابيزنا انحنا بنشيل كراسيكم وترابيزكم
اها الراى شنوووووووووووووووو يامحلية كررى ويامعتمد ويا ويا ويا
|
|