Post: #1 Title: وزير الدفاع جهول ام سكاسك بعد العشا مافي اختشي Author: Haju Muktar Date: 05-27-2012, 10:30 AM
وطياره طافيه النور والصواريخ طلعت من قطع في البحر الاحمر والردار عامل نايم والسيد الوزير الهمام عباره عن جهول ام سكاسك تبرير لا يقنع اطفال البلي استيشن كوميديا وزارة الدفاع ما ح تشوف طياره مع صلاة العشا كل الاجواء السودانيه مفتوحه للاصدقاء والاعداء من جميع نواحي الدنيا الشرط الاساسي تطفئ النور وراردارنا يعمل رايح نواصل مع جهول ام سكاسك
Post: #2 Title: Re: وزير الدفاع جهول ام سكاسك بعد العشا مافي اختشي Author: مناهل عبد الله مصطفي Date: 05-27-2012, 10:59 AM Parent: #1
يا حجو يا اخوي
الراجل دا قال ليكم الناس كانت في صلاة العشاء
والكهربه قاطعة
ما تقدروا ياااااااااااااخ
Post: #5 Title: Re: وزير الدفاع جهول ام سكاسك بعد العشا مافي اختشي Author: Haju Muktar Date: 05-27-2012, 11:48 AM Parent: #2
Quote: الراجل دا قال ليكم الناس كانت في صلاة العشاء
والكهربه قاطعة
ما تقدروا ياااااااااااااخ
والله يا مناهل يا اختي الزول ده تصريحاتو من ايام مصنع الشفاء تفقع المراره وترفع الضغط والسكري
Post: #3 Title: Re: وزير الدفاع جهول ام سكاسك بعد العشا مافي اختشي Author: Haju Muktar Date: 05-27-2012, 11:01 AM Parent: #1
دائما يتحفنا وزير الدفاع بتصريحات وتبريرات غبيه بشكل يحير العدو قبل الصديق هذا الرجل يحمل في راسه سزاجه تؤهله لان يكون عميد المتخلفين عبر التاريخ ولكن المزعج في الامر والذي يحتاج الي الدراسه هو تكوين الشعب السوداني معلم الشعوب كيف يحكم بامثال عبد الرحيم محمد حسين نحن شعب علمنا من حولنا الثورات ونعيش جل عمرنا تحت حكام اغبياء هذا هو التناغض في هذه المسرحيه والغريب في الامر اننا نتندر بغبائم في مجالسنا اذن من هو الذي يحتاج دراسه هو جهول ام سكاسك ام الشعب السوداني؟
Post: #4 Title: Re: وزير الدفاع جهول ام سكاسك بعد العشا مافي اختشي Author: Abdlaziz Eisa Date: 05-27-2012, 11:29 AM Parent: #3
عزيزي/ هجو سلام
طبعا وفق البرنامج ان الناس بعد تصلي العشاء تقوم تصلي استسقاء.. لكن حصل خطأ في الشفرة والدعاء صار للصواريخ..
الليمبي قلبو ابيض صابون قرفنا نظفه فقط باقي شوية الحاجة البتسيل وعايزة مريلة على طول دي!! في شئ.. الزول ده بيعرف..... شنو يعني وزارة دفاع؟
تحياتي
Post: #6 Title: Re: وزير الدفاع جهول ام سكاسك بعد العشا مافي اختشي Author: الزبير صالح الزبير Date: 05-27-2012, 02:20 PM Parent: #4
يا جماعه الله الراجل قال ليكم كان وقت صلاه العشا والطياره طافية نورها عاوزنوا يعمل ليكم شنو بعدين مسئوليه وزير الدفاع هنا معنوية بس يعني لو عاوزين تبرير بيكون معنوي زي مثلا يقول ليكم معليش يا جماعه باركوها المرة الجارية بنخلي واحد يصلي وواحد ينتظرة بعد ما يخلص يصلي هو كمان عشان ما يخلوا البلد ام فكوا بعدين أنا ما هماني ضربات بور سودان دي أنا الغايظني وفاقع مرارتي حاجتين الأولي حكاية استدراج قوات خليل في غزوة ذات الموز لداخل ام درمان والثانية الجنوبيين البيحاربوا بطريقة حرب العصابات ديل يدخلوا هجليج اهم منطقة اقتصاديه في السودان آمال لو عاوزين يدخلوا ام الطيور ولا كاب الحداد مثلا حا يعمل ليهم شنو ؟ لا استبعد ان يحمل ليهم جرادل كركدي بارد لزوم الترحيب
Post: #7 Title: Re: وزير الدفاع جهول ام سكاسك بعد العشا مافي اختشي Author: الزبير صالح الزبير Date: 05-27-2012, 02:20 PM Parent: #4
يا جماعه الله الراجل قال ليكم كان وقت صلاه العشا والطياره طافية نورها عاوزنوا يعمل ليكم شنو بعدين مسئوليه وزير الدفاع هنا معنوية بس يعني لو عاوزين تبرير بيكون معنوي زي مثلا يقول ليكم معليش يا جماعه باركوها المرة الجارية بنخلي واحد يصلي وواحد ينتظرة بعد ما يخلص يصلي هو كمان عشان ما يخلوا البلد ام فكوا بعدين أنا ما هماني ضربات بور سودان دي أنا الغايظني وفاقع مرارتي حاجتين الأولي حكاية استدراج قوات خليل في غزوة ذات الموز لداخل ام درمان والثانية الجنوبيين البيحاربوا بطريقة حرب العصابات ديل يدخلوا هجليج اهم منطقة اقتصاديه في السودان آمال لو عاوزين يدخلوا ام الطيور ولا كاب الحداد مثلا حا يعمل ليهم شنو ؟ لا استبعد ان يحمل ليهم جرادل كركدي بارد لزوم الترحيب
Post: #9 Title: Re: وزير الدفاع جهول ام سكاسك بعد العشا مافي اختشي Author: Haju Muktar Date: 05-27-2012, 05:19 PM Parent: #7
Quote: يا جماعه الله الراجل قال ليكم كان وقت صلاه العشا والطياره طافية نورها عاوزنوا يعمل ليكم شنو
لو صم خشمو وعمل نايم كان اريح من الفضائح دي
Post: #8 Title: Re: وزير الدفاع جهول ام سكاسك بعد العشا مافي اختشي Author: Haju Muktar Date: 05-27-2012, 03:52 PM Parent: #4
Quote: الزول ده بيعرف..... شنو يعني وزارة دفاع؟
العزيز عبد العزيز تحياتي الزول ده فعلا درس مدرسه وخريج الكليه الحربيه لو ديل خريجين مصنع الرجال تبقي دي عوجه كبيره وهي العوجه دي كيفنها ؟
Post: #10 Title: Re: وزير الدفاع جهول ام سكاسك بعد العشا مافي اختشي Author: Haju Muktar Date: 05-27-2012, 07:31 PM Parent: #8
وده شاهد عيان منقول من حريات وجهول ام سكاسك ما عندو خبر ولا اتر
شاهد عيان يروي تفاصيل استهداف عربة ببورسودان ذكرت الأستاذة بلقيس ميرغني سر الختم وهي أستاذة تعمل في كلية بورتسودان الأهلية التي تبعد 50 متر عن موقع الحادث انها وعند توجهها إلي الجامعة رأت جسمين غريبين في الفضاء مثل الشهب المضيئة تتجه نحو الأرض وقالت أحسست بأن شيئا ما يحدث وما هي إلا برهة وتتجه الأجسام والتي عددها اثنين إلي سيارة برادو كانت تأخذ منعطف دوار ترانسيت وتضربها وتقول الأستاذة انها هرعت مهرولة نحو مكان الحادث فإذا بها تري لحم من بداخل العربة يتطاير ويتمزق وذكرت ان الأجسام التي ضربت لم تكن كبيرة وانها كانت مضيئة وقالت ان اصابتها كانت دقيقة جدا اذ انها انحصرت فقط في من بداخل السيارة وان لساتك السيارة المستهدفة ظلت في مكانها من غير تلف وان الأجسام احدثت ثقبين في الطريق بعمق نصف متر أنا بدوري ذهبت إلي موقع الحادث وأؤكد علي ان ما روته الأستاذة صحيح فيما يختص بحالة السيارة والثقوب علي الطريق
Post: #11 Title: Re: وزير الدفاع جهول ام سكاسك بعد العشا مافي اختشي Author: ابوعبيدة النعمان Date: 05-27-2012, 07:48 PM Parent: #8
سلام الاخ هجو الراجل دة راجل عبقري بكل المقاييس لكن الأعداء ما فاهمين، دة عندو نظريات دفاعية بحتة زيو زي الفاتح النقر و اليك بعض تجلياته: 1- الدفاع بالنظر الستار ( يعني النظر للعدو). 2- الموضوع موضوع إجراءات. 3- الزول في بيتو بيهتم بالصالون أكتر من باقي الغرف. فاهم حاجة؟؟؟؟؟؟؟ حاول تفهم من الفيديو دة..
Post: #12 Title: Re: وزير الدفاع جهول ام سكاسك بعد العشا مافي اختشي Author: Haju Muktar Date: 05-28-2012, 08:36 AM Parent: #11