جالية سودانية ديمقراطية في قطر (صور)

الرئيس عثمان بشير الثاني جلوسا من اليمين مع اعضاء المكتب التنفيذي

تم يوم الجمعة 25 مايو اختيار المكتب التنفيذي للجالية السودانية دورة 2012- 2014 برئاسة الدكتور عثمان بشير وجمال على التوم نائبا والاستاذة مني علي امينا عاما،كما فاز 12 عضوا بالتزكية وهم : محمد المصطفى- ابوبكر احمد- خالد محمد سليمان- سامي سيد جعفر - عبد الجليل عبد الحليم - عبد القادر عمر- عمر بوب - محمد الحسن - معاوية الزبير - منار حسن - هالة مدني - يوسف حامد. وسيتم تشكيل المكاتب في اجتماع اخر. معلوم ان المنبر الديمقراطي اكتسح انتخابات الجالية وشكل جالية ديمقراطية تسع الجميع.

لجنة انتخابالمكتب التنفيذي- محمد - كمال - ابوالحسن الرئيس - محمد مقبول

Quote: معلوم ان المنبر الديمقراطي اكتسح انتخابات الجالية وشكل جالية ديمقراطية تسع الجميع.

كل التهانى لاعضاء الجالية الجدد ونبارك سعيهم فى إقامة جالية تسع الجميع وفى إطار ديمقراطى يحفظ الحقوق وبالتساوى وللجميع.....

شكرا أستاذ فيصل على هذة البُشرة الطيبة...

سيتم نشر خبر التشكيل في صفحة السودان الاثنين بجريدة الشرق والثلاثاء بجريدة الراية وتم النشر في :



http://www.facebook.com/profile.php?id=615183802

و

https://twitter.com/#!/faisalkhalidhad


و


http://hadra-faisal.blogspot.com/search?updat...1T00:00:00-08:00&max

الشقيق : اسامة : تحياتي
شكرا على التهنئة - جاليتنا في قطر الوحيدة على مستوى المنطقة التي يتم تكوينها بالانتخاب الحر

الف مبروك واتمني ان تحقق الامال العراض المرجوة منها
هذه البداية لمسيرة لن تكون مفروشة بالورود
التزام بالبرنامج الذي خاضت به الانتخابات والشفافية مع الجمعية العمومية
هو المخرج

Quote: المنبر الديمقراطي اكتسح انتخابات الجالية وشكل جالية ديمقراطية تسع الجميع.

فيصل، سلامات
هل الان فى جاليتين فى قطر واللا شنو المعنى؟
لو الجالية الحالية ركزت على إنجازات حقيقية (موش حفلات ومهرجانات  واعياد نادى الغزال)، خصوصا فى مجال
 المدارس  واحوالها المزرية  ورعاية  افراد الجالية، فسوف تضمن الجولة القادمة أيضا..

يا ابوريش بالانجليزي ...

الزول بيقول: جاليتين "ولاّ" شنو (وإلاّ فماذا) مش "والله" شنو (يمينًا بالله فماذا!!!) ...

ما تحشروا لينا اسم الجلالة في حتات ضيقة تجهجهونا الله يرضى عليكم ...

وسؤال لصاحب البوست ... بعد التهنئة بالفوز:

جالية ديموقراطية كيف يعني؟ الجالية السابقة الإتنازلت لنتيجة الإنتخابات ما ديموقراطية؟

انتو الجالية عندكم في قطر ديموقراطية ولاّ بالتعيين؟




... المهم ....

جالية هذه بعض صفاتها لا تمثلني ولا أثق فيها ...

Quote: جالية ديموقراطية كيف يعني؟ الجالية السابقة الإتنازلت لنتيجة الإنتخابات ما ديموقراطية؟

Quote: الرئيس عثمان بشير الثاني جلوسا من اليمين مع اعضاء المكتب التنفيذي

يافيصل
دا رئيس توافقى ام مرضى عنه من قبل الجماعة
وبلغة القطرين (الوهقوكم ) .....

فوووق عشان خاطر الجالية الديموقراطية

جالية هذه بعض صفاتها لا تمثلني ولا أثق فيها ...

وينك يا فيصل الزبير ما مكن تخلي الناس دي كدا تعال رد يا أخي

سلام للجميع :

نرد اولا على ود القريش :

اعضاء الجالية تم انتخابهم بصورة ديمقراطية ومن خلال انتخابات حرة.
- ود القريش عضو في لجنة تسيير النشاط بالمركز الثقافي السوداني بالدوحة بالتعيين وليس الانتخاب ( لجنة كونتها السفارة بقرار وليس الانتخاب) مع العلم بانه تم شطب 3 اسماء.

ولذا هنالك فرق بين ( الانتخاب) و( التعيين)!


ود القريش : قل ما تشاء وهذه حرية ابداء الرأي حتى لوكان مثل ما قلت في الرابط.

الدكتور : اسامة : تحياتي : شكرا على التهنئة والنصيحة وسيتم اجازة البرنامج خلال الاجتماع المقبل وسيمارس المجلس الخمسيني دوره الرقابي على المكتب التنفيذي وسيكون المجلس المعبر عن القاعدة باعتباره السلطة الاعلى والجمعية العمومية.

الزميل : ابو الريش : تحياتي :
- جالية واحدة تم تكوينها بانتخابات حرة .
- تم تشكيل المكتب التنفيذي وما ذكرته انت من خدمة افراد الجالية ومدرستها في صميم البرنامج .
- احتفال نادي الغزال للمجموعة السودانية يتم سنويا في الاعياد والمناسبات الوطنية

الزميل : تبارك :


منذ 2006 انتخاب الجالية يتم بصورة حرة ،وقلنا ن هذه الجالية (ديمقراطية) لانهاء نحازت للديمقرطية والحفاظ على النظام الاساسي المعترف به منذ 2005 وقد خضنا معركة قنونية مع طرف لا يحترم القواعد الديمقراطية وحول عرقلة لمسيرة بتكتيات سياسية غير قانونية تم التصدي لها بوسائل قانونية حتى وصلت الى جهز المغتربين ، وبدأت العرقلة منذ رمضان الماضي 2011 وانتهت في يناير 2012 حيث اقرت لجنة قانونية قيام الانتخابات وزار وفد جهز المغتربين الدوحة واسهم في تجاوز هذه العرقلة وجرت الانتخابات واعتماد نتيجتها . وساحاول تخليص هذه المسالة ورفع صور المذكرات وقرار الاستمرار في العملية الانتخابية مما اجهض محاولة البعض وأد هذه التجربة.

ود الباوقة:: سلامات :

- الجالية السابقة تم انتخابها بطريقة ديمقراطية ويمكن ان تسال ناسك لتعرف كيف مارسوا الديمقراطية وكانت لهم الاغلبية.
- وايضا حاول ان تعرف من الذي حاول ا لعرقلة ، ولكن في النهاية انتصرت ارادة الديمقراطية وهزمت الشمولية.
- ميزة جاليتنا انها " جوهرة الجاليات" ويتم تكوينها بالانتخاب على اساس (الروابط) و( الفئات) المهنية وليس بالتعيين و المحاصصة الجغرافية كم يجري عند البعض.
- تمثيل المرأة مستمر ولاول مرة في تاريخ الجاليات تتولى الامانة العامة وفي المرات القادمة الرئاسة.
- تمثيل نوعي ( الاعلاميون- القانونيون- المرأة - الطلاب- الاطباء- الصيادلة - القطاع العام - المهندسون - المعلمون - الشرطة - المحاسبون - اساتذة الجامعات) وهذا على سبيل المثال .

هذا العرس الديمقراطي ثمرة الصبر على التغيير والارادة الحرة للتعبير بفضل تمسك القواعد بحقها ،ومنذ عام 2005 اسهم كثيرون في هذا التغيير - نذكر البعض على سبيل المثال- بداية باللجنة القومية لوضع النظام الاساسي برئاسة السفير السابق احمد التني في عهد السفير الاسبق عمر حيدر، والسفير الحلي ياسر خضر الذي اوفى بما وعد ولم يتدخل إلا بما حدده النظام الاساسي، ولجنة الانتخابات برئاسة مولانا مجذوب واخرين والقنصل عماد حجازي الذي عاد الى الخرطوم !! والوزير المفوض الحالي احمد جردة . نتعتقد ان الجميع عليه وجب المحفظة على هذه التجربة.


- من مبادرات جالية قطر قبل 4 سنوات دورة عبد المنعم ابوتفة انها دفعت بمذكرة لتأكيد حق المغتربين في المشاركة في الانتخابات ، وقد كان في الرئاسية وكان يمكن المشاركة في القائمة القومية لاتها ليست مثل الجغرافية تتطلب الوجود في الدائرة:
- ستواصل هذه الجلية"درة الجاليات" دورها على المستوى القومية ومن مبادراتها المقبلة مشاركة المغتربين في صياغة الدستور. الى جانب مبادرات اخرى.



* درة الجاليات مصطلح نحته نائب امين جهز المغتربين الدكتور كرم الله عند زيرته الى الدوحة في يناير الماضي.

من ارض الحرمين الشريفين نبارك لكم .. تحياتى وتقديرى وللجميع محبتى

أخوكم / تاج السر
جدة / السعودية

ود الامير :

رئيس الجالية الدكتور عثمان بشير شخصية لها وزنها وتقديرها في العمل العام وهو الاقدر والاجدر بقيادة الجالية - وكذلك الحال لبقية اعضاء المكتب التنفيذي بتنوعه المهني في تمثيل الروابط - وايضا اعضاء المجلس الخمسيني - هذه الجالية توفرت لها فرصة كبيرة للنجاح وعبرت بالعملية الانتخابية الى بر الامان . الدكتور عثمان بشير بجامعة قطر ستفرد له مساحة لما بذله خلال الدورات السابقة وخاصة عندما تولى امانة الشؤون الثقافية حيث قدم عملا متميزا ولاول مرة في تاريخ الجالية يتم اصدار مجلة "الراصد" وهو جهد سيتم تطويره خلل هذه الدورة بشكل متميز وخاصة ان الزميل معاوية الزبير - مساعد مدير التحرير في الجزيرة نت- في المكتب التنفيذي. والافكار الاعلامية كثيرة سيكشف عنها في حينها.

Quote: سلام للجميع : نرد اولا على ود القريش : اعضاء الجالية تم انتخابهم بصورة ديمقراطية ومن خلال انتخابات حرة. - ود القريش عضو في لجنة تسيير النشاط بالمركز الثقافي السوداني بالدوحة بالتعيين وليس الانتخاب ( لجنة كونتها السفارة بقرار وليس الانتخاب) مع العلم بانه تم شطب 3 اسماء. ولذا هنالك فرق بين ( الانتخاب) و( التعيين)!

صباح الخير يا ود الزبير

ياخ والله حننتني لكن برضو ما برفع منكم
هسي الدخل دا في دا شنو ؟
ما لقيت رد قلت تجيب موضوع المركز الثقافي لا والله بالجد حننتني
أوعك تمسك سكرتير اعلامي يا ود الزبير عشان ح أقيف ليك في حلقك

Quote: ود القريش : قل ما تشاء وهذه حرية ابداء الرأي حتى لوكان مثل ما قلت في الرابط.

أكييييد يا صديقي لا تخف عليّ

Quote: كل التهانى لاعضاء الجالية الجدد ونبارك سعيهم فى إقامة جالية تسع الجميع وفى إطار ديمقراطى يحفظ الحقوق وبالتساوى وللجميع.....

اخوتي هو تكليف , يحتاج المجهود والتعاضد والعمل ..
عليكم بالصبر و العمل ..
موفقين ان شاء الله ..

______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

انشاء الله تبقى ديمقراطية جد جد وتعبر عن كل
السودانيين بكل اختلافاتهم واعراقهم واديانهم
وما تقصى زول
وتقعدوا تعملوها دا كوز وداك عدو

الجالية امامها فرصة لطربقة عمل جديدة مافيها
حق فيتو لى اى زول ..
تشوف شغلها الخدمى بدون تسيس ..

وما تقع فى ما كانت تعتبره اخطاء ..

بالتوفيق لكل المنتخبين ..

Quote: منذ 2006 انتخاب الجالية يتم بصورة حرة ،وقلنا ن هذه الجالية (ديمقراطية) لانهاء نحازت للديمقرطية والحفاظ على النظام الاساسي المعترف به منذ 2005 وقد خضنا معركة قنونية مع طرف لا يحترم القواعد الديمقراطية وحول عرقلة لمسيرة بتكتيات سياسية غير قانونية تم التصدي لها بوسائل قانونية حتى وصلت الى جهز المغتربين ، وبدأت العرقلة منذ رمضان الماضي 2011 وانتهت في يناير 2012 حيث اقرت لجنة قانونية قيام الانتخابات وزار وفد جهز المغتربين الدوحة واسهم في تجاوز هذه العرقلة وجرت الانتخابات واعتماد نتيجتها . وساحاول تخليص هذه المسالة ورفع صور المذكرات وقرار الاستمرار في العملية الانتخابية مما اجهض محاولة البعض وأد هذه التجربة

أزيكم يا ناس جالية قطر كلكم قديمكم علي جديدكم

سبق وأن طرحت هذا السؤال من قبل يا ود الزبير


إنتو سارحين ومارحين في قطر دي وتشكلوا جالية وتنتخبوا
وتسقطوا ناس وتكونوا مكتب تنفيذي وتخوضوا معارك قانونية
وتكتيكات سياسية غير قانونية...وتعتمدوا نتيجة الانتخابات

وتوصلوا الموضوع لجهاز المغتربين...وبدوره يسهم في تجاوز العرقلة...
(جهاز المغتربين دا سلطتو شنو؟؟؟ والطريقة الدخلتو شنو؟؟
في جالية في دولة أجنبية (قول واحد)

ثانيا: مرجعيتكم شنو؟؟؟ يعني السلطة البتمنحكم الترخيص
لممارسة كل هذه الديموقراطية دي هل هي قطرية...أم ساكت كدي

ثالثا: /هل في قانون بحكم عمل الجمعيات-الجاليات- النوادي
وأعني هنا قانون الدولة المعنية...

وهل هذا القانون فيه سعة لأي مجموعة أن تمارس نشاطاتها
السياسية والثقافية والاجتماعية ساكت كدي.


الاسئلة دي تتبعها جملة من الاسئلة الفرعية حال ما
توفرت الاجابة علي الاسئلة الفوق دي

مع أمنياتي لكم بالتوفيق

الاخ تبارك 
شكرا وصلحنـا الخطأ... بعدين ياخ جاى شايت ضفارى، ما أدوكم نظرية الإحتمالات؟

بعدين دقيقة يا فيصل.. 
معتز القريش الصديق اللدود..  ياخ مادام سيادتك مسؤول فى المركز الثقافى، عليك الله شد حيلك واعمل على 
إصلاح الامور التى قلتها  لابو شيبة  لما  يوم مشينا سوا هناك.. وما فى داعى لذكرها هنا.  ياخى ما معقول ياخ.

Quote: معتز القريش الصديق اللدود.. ياخ مادام سيادتك مسؤول فى المركز الثقافى، عليك الله شد حيلك واعمل على إصلاح الامور التى قلتها لابو شيبة لما يوم مشينا سوا هناك.. وما فى داعى لذكرها هنا. ياخى ما معقول ياخ.

حاضرين يا ابو الريش وان شاء الله ترى ما يسرك

نحن الآن في دور الصيانة والترتيب وجرد المحتويات

Quote: انشاء الله تبقى ديمقراطية جد جد وتعبر عن كل السودانيين بكل اختلافاتهم واعراقهم واديانهم وما تقصى زول وتقعدوا تعملوها دا كوز وداك عدو

كتب العلامة بدرالدين الأمير :

Quote: يافيصل دا رئيس توافقى ام مرضى عنه من قبل الجماعة وبلغة القطرين (الوهقوكم ) .....

أشرح
و وضح . الجماعة منو ( الوهقوهم )
و ( الموهقين ) منو

Quote: كتب العلامة بدرالدين الأمير :

الدكتور ابوساندرا:
يعنى انت ما عارف ناس حزب الامة ونا س الحركة الشعبية وناس حق
حردو الجالية عشان شنو ....
ما عشان ( الموهقين) القالو المرجعية بعد الفوز مش المنبر الذى جمعنا ....
وقع ليك ولا داير واقايع .....

بدر الدين الامير ، شكلو كده عندو

................................



بس عايز وما عايز يقول .

جالية لحم راس لا يجمعهم إلا العداء للمؤتمر الوطني

صدق فيهم قوله تعالى

قال تعالي (لاَ يُقَاتِلُونَكُمْ جَمِيعاً إِلاَّ فِي قُرًى مُّحَصَّنَةٍ أَوْ مِن وَرَاءِ جُدُرٍ بَأْسُهُم بَيْنَهُمْ شَدِيدٌ تَحْسَبُهُمْ جَمِيعاً وَقُلُوبُهُمْ شَتَّى ذَلِكَ بِأَنَّهُمْ قَوْمٌ لاَّ يَعْقِلُونَ) 14 الحشر

ما يجيني واحد يتفلسف ويقول لي الآية دي نزلت في اليهود والله عارف .. وهم ذاتم ما عندهم مشكلة مع اليهود ولا مو كدي يا ابوساندرا

*راجعوا مداخلة بدر الدين رغم صغرها ولكنها دسمة وفيها الكتير
*ويا ابو ساندرا مافي داعي تحكها مع ود الأمير عشان انتو الح تخسروا
وانت عارف البدير بشوت ضفاري

السلام عليكم ,,

أخونا الأستاذ فيصل ..

جالية منتخبة أو مزكاة أو معينة لا فرق طالما كان همها الأول هو خدمة أفراد الجالية وحلحلة مشاكلهم الكثيرة جدا,,
مشاكل تعليم ومدارس ومشاكل إغتراب أخرى كثيرة يتمنى الإنسان أن يجد من يتصدى لها فعلا بدلا من الخلافات و الوقوف
عند كل صغيرة وكبيرة وخلق معركة منها وتبخيس إنجازات الآخرين ,,

من إنتخبوكم ومن لم يفعلوا يهمهم أن يشعروا بأن هنالك فرق وهناك خدمة ملموسة وحقيقية وظاهرة للعيان...

وألف مبروك التكليف للإخوة والأخوات أعضاء المكتب التنفيذى


تحياتى ,,

ود القريش يا ودعمى ( جالية لحم الرأس)


دى حقتى انا ، ارجوك ما تستخدمها تانى

الكلمة بتغيظ اخونا فيصل الزبير ، اهه

قاعد بعيد فى دخان ، و برضو منتظريــن

معتز القريش :
ويا ابو ساندرا مافي داعي تحكها مع ود الأمير عشان انتو الح تخسروا
وانت عارف البدير بشوت ضفاري
------------------------------------------------

هسع الحكاها معاهو منو فينا
انا وصفته ب ( العلامة )
وإنت صغرته ب ( البدير )

Quote: يعنى انت ما عارف ناس حزب الامة ونا س الحركة الشعبية وناس حق حردو الجالية عشان شنو .... ما عشان ( الموهقين) القالو المرجعية بعد الفوز مش المنبر الذى جمعنا .... وقع ليك ولا داير واقايع .....

شكرا يا فيصل علي فتح البوست وشكرا لكل من خط حرفا هنا
اخذت مقتبس كلامك يا بدر الدين ليكون مدخل لكلامي
انا عن نفسي عضو منتخب في الجاليه وفي مكتبها التنفيذي وارحب باي نقد للجاليه بل واسعي اليه عسي ولعل ان يهدينا بعض عيوبنا ويصلح من خطواتنا المتعثره فالهدف الاسمي الذي نسعي اليه جميعا هو
1/ خدمه ابناء الجاليه المقيمين في دوله قطر
2/ ترسيخ مبدأ الديمقراطيه حتي يكون لافراد الجاليه الحق في اختيار ممثليهم
بناء علي النقطتين اعلاه اتخذ مواقف لتحقيقها وامل ان تكون مواقف سليمه تتسق مع مباديئ ولكنني قد اخطئ التقدير في بعض الاحيان وعليه فانني لا اجد غضاضه اطلاقا في ان يكون لبعض الاشخاص راي سلبي حول مواقفي ولكن كل ما ارجوه هو ان يكون هذا الراي مبني علي وقائع حقيقيه وليست افترضات او قراءات خاطئه لمعلومات ناقصه.
بناء علي الكلام اعلاه ورغم ان كلامك يا بدر الدين لم يكن موجه لي لكني اطلب منك قبل ان تكتب اي حرف اخر ان تتاكد من قياده حق ( التنظيم الذي انت عضو فيه) ان هم حردانيين ولا غييبو من تكوين المكتب التنفيذي للجاليه

نص ما نشر في (الشرق) اليوم الاثنين 28 مايو

Quote: لتوم نائبا ومنى امينا عاما و ثلاث سيدات في التشكيلة الجديدة انتخاب المكتب التنفيذي للجالية من 15 عضوا برئاسة الدكتور عثمان بشير انتخب مجلس الجالية السودانية في مساء الجمعة الماضية المكتب التنفيذي دورة 2012- 2014 برئاسة الدكتور عثمان بشير وجمال على التوم نائبا والأستاذة مني علي أمينا عاما، و 12 عضوا بالتزكية وهم : ابو بكر احمد، خالد محمد سليمان، سامي سيد جعفر ، عبد الجليل عبد الحليم ، عبد القادر عمر، عمر بوب ، محمد الحسن ،محمد المصطفى، معاوية الزبير ، الدكتورة منار حسن عثمان ، هالة مدني و يوسف حامد ، وسيتم تشكيل المكاتب في اجتماع أخرخلال ايام.كماسيعقد المجلس اجتماعا في غضون شهر لإجازة برنامج العمل .وترأس الدكتور ابو الحسن مصطفى ، الذي اكبر الأعضاء سنا، الجلسة الثالثة من الاجتماع التأسيسي،واستعرض ما تم خلال الجلستين السابقتين،ونوه إلى المواد التي تحكم عملية انتخاب المكتب التنفيذي وفقا للنظام الأساسي.ورحب بمشاركة الأعضاء الأربعة الذين يعينهم السفير حيث عرفوا أنفسهم خلال الاجتماع وهم : غالب الزين والدكتور احمد المتعارض، وحسين همام،وأسامة عطا، وأشرفت لجنة برئاسة ابو الحسن ومحمد المصطفى وكمال دقنا ومحمد بدري مقبول على عملية انتخاب المكتب التنفيذي. وبعد النتيجة قدم ابو الحسن التهنئة للمكتب التنفيذي الجديد لنيله ثقة المجلس داعيا الأخير للنهوض بمهام الجمعية العمومية والرقابة على أداء المكتب التنفيذي وان يعقد 4 اجتماعات على الأقل خلال العام. ومن جهته عبر الدكتور عثمان بشير، رئيس الجالية، عن سعادته بالثقة التي نالوها، وتعهد باسم المكتب التنفيذي على العمل بروح الجماعية والمسئولية، لخدمة الجميع،وبذل كل ما من شانه أن تكون الجالية على مستوى المسئولية والطموح والأمل المرتجى، تسخير كل الجهد والوقت لخدمة أبناء الجالية،وعبر عن تقديره إلى سعادة السفير ياسر خضر ،والوزير المفوض احمد ابراهيم جردة، ولجنة الانتخابات، وجهاز المغتربين ممثلا الدكتور كرم الله علي عبد الرحمن نائب الأمين العام لجهاز تنظيم شؤون العاملين بالخارج، لدوره في استمرار العملية الانتخابية والدعوة إلى تعديل النظام الأساسي ، وذلك خلال زيارته إلى الدوحة في يناير الماضي، حيث وصف الدكتور كرم الله وقتها الجالية السودانية في قطر بـ "جوهرة الجاليات" . وقال الدكتور عثمان في كلمته ان الجميع شارك في هذه العملية الديمقراطية بكل شفافية وتوجت بهذا التشكيل،وختم بتقديم الشكر للجميع وان الجالية ستمارس دور الدبلوماسية الشعبية. من جانبه دعا الوزير المفوض احمد جردة المكتب التنفيذي الجديد إلى العمل وخدمة أبناء الجالية مؤكدا تعاون السفارة في سبيل خدمة قضايا الوطن. ودار نقاش حول "ميثاق الشرف" الذي أعده الخبير القانوني محمد المصطفى حمد، واقترح الأستاذ جمال على التوم، نائب الرئيس،ان تتم المناقشة في الاجتماع المقبل،إلى جانب وضع لائحة تنظم أعمال المجلس. وتقرر عقد الاجتماع خلال شهر لإجازة برنامج العمل.ولاقت نتائج تشكيلة المجلس الجديد على ارتياح فعاليات المراة السودانية بالدوحة بفوز ثلاث سيدات بعضوية المكتب الجديد ، وكانت الاستاذة منى علي الاوفر حظا بتبوأها منصب الامانة العامة وهي من قياديات رابطة المراة في دروات متعددة والناشطات في فعاليات السودانيات بالدوحة ، و الدكتورة منار عثمان رئيسة رابطة المرأة السابقة وصاحبة النجاحات الكبيرة في تطوير قدرات المراة السودانية بالاغتراب ، والمهندسة هالة مدني التي حازت على ثقة قطاع المهندسين في المجلس الجديد ، فيما غابت اسماء كل من الاعلامي فيصل خالد الزبير ومحمد عثمان مجذوب من قائمة المجلس الجديد ومن المحتمل ان يرأس الدكتور ابو الحسن مصطفى لجنة لتعديل النظام الاساسي للجالية .

Quote: بناء علي الكلام اعلاه ورغم ان كلامك يا بدر الدين لم يكن موجه لي لكني اطلب منك قبل ان تكتب اي حرف اخر ان تتاكد من قياده حق ( التنظيم الذي انت عضو فيه) ان هم حردانيين ولا غييبو من تكوين المكتب التنفيذي للجاليه

عمر بوب
لك التقدير
ياسيدى انا اكتب هنا على مسوليتى الشخصية وحق ليست مرجعيتى في ما اكتب
وبالنسبة الى ناس حق الكانو بفاوضى وبتحاورو في تلك الملهاة قررو الحرد على
الانسحاب عكس ما فعل غيرهم وذلك مردته لعلاقات الشلة والصدقات القديمة وبالنسبة لى
كانو مغفلين نافعين بدرجة امتياز ولعلك ادرى مني بتفاصيل ماحدث والمماحكات ايها .....
كنت بتوقع منك انت ياعمر بوب ان تكتب تفاصيل ماحدث قبل وبعد الانتخابات ومن ثم تشكيل
المكتب وانت عضو في المنبر بشخصك وليس من خلال تنظيم ....

Quote: وبالنسبة لى كانو مغفلين نافعين بدرجة امتياز

انا برضو قلت كدا

Quote: بعدين دقيقة يا فيصل.. معتز القريش الصديق اللدود.. ياخ مادام سيادتك مسؤول فى المركز الثقافى، عليك الله شد حيلك واعمل على إصلاح الامور التى قلتها لابو شيبة لما يوم مشينا سوا هناك.. وما فى داعى لذكرها هنا. ياخى ما معقول ياخ.

الأخ معتز
السلام عليكم
وإضافة إلى كلام أبوريش-والذي أعتبره خاصابينه وبينك ، أسمح لي ان أشير صراحة-لاضمنا-
إلى أهمية وضع المركز في وضعه الصحيح
بمعنى أنه يجب أن يعبر عن ثقافة الأمة ومن أميزها: شريعتها
وانضباطها الأخلاقي والسلوكي..
بعض الناس يفهمون أن المركز الثقافي-أي مركز ثقاقي- هو مقر للاختلاط والغناء
وتعليم الموسيقى..مركز ثقافي الدوحة له نصيب من هذا المفهوم الخاطئ..وصية" أختّها ليك في رقبتك"
يا معتز لمحاولة اعطاء المركز دوره الحقيقي بعيدا عن أي "ثقافة" خاطئة لاتراعي الشرع ولا نظم البلد المضيف ولا الواقع ولا العُرف..إلخ
شكرا فيصل

Quote: ود الامير : رئيس الجالية الدكتور عثمان بشير شخصية لها وزنها وتقديرها في العمل العام وهو الاقدر والاجدر بقيادة الجالية

فيصل ياود الزبير
انا لا اتكلم عن الاستاذ عثمان بشير على اساس انه نكرة او شخص لا اعرفه
انا بتكلم عن عثمان بشير خيار( الوهقوكم ) انت برضو داير تفاصيل ......
ام عشقك لمسك العصاية من النص دوما بخليك بين بين .... وماعارف روحك وين

Quote: تمثيل الروابط

عن ياتو روابط تتحدث يافيصل وعن اي ممثلين
ياريت تورينا اثناء مماحكات اصحاب الغلة الوهمية
كيف كان يتم تبديل ممثلى الروابط المهنية وبمزاجهم
لنبدا بالاطباء ... في بحثنا عن الشفاء .....

Quote: جالية سودانية ديمقراطية في قطر

الصراع والاختلاف بين احزاب التحالف يؤدي إلى تأجيل تكوين المكتب التنفيذي للجالية بالدوحة

Quote: هل صحيح أن الصراع حول توزيع المناصب بين احزاب التحالف التى فازت بانتخابات الجالية دورة 2011-2013 هي السبب فى التأجيل المتكررة لاختيارالرئيس والمكتب التنفيذي للجالية؟ سؤال مشروع يحتاج إلى إجابة

- الصحيح دورة 2012- 2014 .
- التأجيل في تكوين المكتب اسبابه موضوعية: منها التشاور مع السفير حول اختيار 4 شخصيات لاكمال المجلس الخمسيني وبدونهم لا يمكن ان يتم التكوين لانه من حقهم الترشح لجميع المناصب ومن السوابق ان عبد الرحمن بشير - احد الاربعة الذين عينهم السفير السابق فقيري ان تم انتخابه رئيسا للجالية - ولذا فان التشاور اخذ وقتا من خلال لجنة ثلاثية ضمت كمال دقنا. وقد عقد المجلس اجتماع التاسيسي الاول بحضور السفير وتاجل الاجتماع الثاني لتزامنه مع نفرة هجليج الجمعة.
- ليس هنالك خلاف حول منصب الرئيس وهو الدكتور عثمان بشير.
- الجالية الحالية محل ثقة الجميع ومن ندم هو من قاطعها او من فشل فيها.

Quote: جالية لحم راس يا الجموعي يا أخوي لا يجمعهم إلا العداء للمؤتمر الوطني منتظر منها شنو ؟

ود القريش الراس عضو مهم في جسم الانسان وفيه العقل، ومن يكون بدون عقل فهم اصحاب الرؤوس الفارغة،اما المؤتمر الوطني و(سدنته)فعليهم احترام التمرين الديمقراطي،وان يتقبلوا (السقوط ) بروح رياضية .

Quote: انا عضو منتخب في هذه الجالية لهذه الدورة ولا تعليق غير إنني أقول لا حول ولا قوة الا بالله العلي القدير نرجو ان نستفيد مما حصل.

نعم هو عضو منتخب وهذه حقيقية ولكنه غاب عن اجتماع تكوين المكتب التنفيذي الجمعة 25 مايو ، وايضا هو وكيل شركة(المهاجر) في الدوحة لتقديم خدمة(تربتيك) !

...

الهجوم على الجالية وخاصة - من الجماعة اياهم- اسبابه معروفة ولكن ياجالية لا يهزك ريح او نبيح !

يا فيصل الزبير

Quote: ود القريش الراس عضو مهم في جسم الانسان وفيه العقل، ومن يكون بدون عقل فهم اصحاب الرؤوس الفارغة،اما المؤتمر الوطني و(سدنته)فعليهم احترام التمرين الديمقراطي،وان يتقبلوا (السقوط ) بروح رياضية .

(لحم رأس ) غير (الرأس)
وأظنك تعلم معنى قول (لحم رأس)
ولا كمان في دي داير تنحت مخك وتدلس
دا مثل معرووووف

وتاني شئ
مااااالك نطيت كلام ود الأمير حق الجماعة إياهم
(المغفلين النافعين) - دا وصف بدر الدين ما تجي تمسك في رقبتي أنا
الجماعة الصعدتو على ضهرم وفكيتوهم عكس الهواء

غايتو يا ناس هناي سويتوها ظاااهرة

Quote: بدر الدين الامير ، شكلو كده عندو ................................ بس عايز وما عايز يقول .

ياهجو
الجالية السابقة كانت جالية اقلية ايدولوجية (أي المؤتمر الوطنى )
استغفلت الصوفية والسلفية ووضعت لهم الخصوم في سلة واحدة
وادوها اصواتهم وحققت الاغلبية بس في اول محك الصوفية والسلفية
اكتشفو انهم كانو مخدوعين لان اصحاب الايدولجيا رجعو المرجعيتهم
ومااشبه الليلة بالبارحة ديل برضو حققو اغلبية باستغفالهم للاخرين
العدو الاوحد الذى يجب ان نتحد ونعزله هو المؤتمر الوطنى وبمجرد
ان تحقق لهم ذلك قالو كل قرد يطلع جبلو ولمن تلك القرود تطلعت جبالها
لقو رقبتهم انهم جبل اوهام ومراوغات .... وشطارة متوهمة .....

Quote: فيصل ياود الزبير انا لا اتكلم عن الاستاذ عثمان بشير على اساس انه نكرة او شخص لا اعرفه انا بتكلم عن عثمان بشير خيار( الوهقوكم ) انت برضو داير تفاصيل ...... ام عشقك لمسك العصاية من النص دوما بخليك بين بين .... وماعارف روحك وين

Quote: العدو الاوحد الذى يجب ان نتحد ونعزله هو المؤتمر الوطنى وبمجرد ان تحقق لهم ذلك قالو كل قرد يطلع جبلو ولمن تلك القرود تطلعت جبالها لقو رقبتهم انهم جبل اوهام ومراوغات .... وشطارة متوهمة .....

يا بدر يا خوى سلام ، تعرف لو ما فى حاجة غلط


كان ود عمى الاستاذ محمد عثمان مجذوب (كمبورة) كان

برضو تداخل هنا و عضدد اخونا ود الزبير. عليكم

الله اخونا كمبوره مالو الناقصو شنو؟ عشان على الاقل

يكون ضمن الشلة.


نشوف البوست ده ماشى على وين ومن ثم نجيب ليهم


من داخل الصندوق .

Quote: نشوف البوست ده ماشى على وين ومن ثم نجيب ليهم من داخل الصندوق .

ياهجو البوست خليهو الجالية ماشة على وين ....
ياريت نسمع منك .....
والاهم : قريبك كمبورة ساكت مالو او قل المسكتو شنو .....
مايكون كما تقول النكتة ( راقدلو فوق راى) وخايف من (اصحاب
الغلة ) يلصقو ليهو حاجات تانية وهم في ذلك شطار بل ومبدعين

Quote: هذا العرس الديمقراطي ثمرة الصبر على التغيير والارادة الحرة للتعبير بفضل تمسك القواعد بحقها

التعديلات لاصلاح العرص عفوا

(

Quote: QUOاهجو البوست خليهو الجالية ماشة على وين .... بدر الدين سلام .. والجواب يكفيك عنوانه ... الكوكبة التي انتخبت كوكبة تعرفها تماما .. وتعرف مقدراتها حدبها واخلاصها للسودان والسودانيين وقضاياهم ... والجميع يعرف كما انتم هل هنالك مساعي أو اهداف شخصية وراء تبنيهم لقضايا أبناء الجالية .... حقيقة لا ياتيها الباطل بأن الأرضية ثابتة وراسخة بما يكفي لحمل هموم أبناء الجالية وكلهم حاملي رسالة ومشاعل الضئ ... رسالة عزيزة لكل فرد اختير من قبل فئته المهنية لكن االمشي .... والفجوات كثيرة يا بدر تتطلب تكاتف جميع المعنيين والمهتمين والقادرين هنالك قضايا عديدة ملحة تحتاج دعم الجميع بالجهد والمال والفكر ومحاولة الاستفادة من شبكة العلاقات مع مؤسسات ومنظمات المجتمع المحلي منها على سبيل المثال لا الحصر : • مكان لائق للطالب السوداني للدراسة (استكمال تشييد مباني المدرسة عبر الجهد الرسمي والشعبي ). • بيئة الدراسة ومشاكل التعليم المتنوعة. • الأوضاع الوظيفية لمعلمي مدارس الجالية السودانية . • تعديل اللوائح والقوانين التي تقع في إطار عملها . • استكمال المحاولات السابقة بشان تصحيح الاوضاع بالمركز الثقافي. • تكريس دور الجهد الشعبي كدور رائد وبناء له كينونته واهميته. • الوصول إلى اتفاقات مرضية ومنصفة للمغترب مع قبل الأجهزة الرسمية وحلحلة كافة العقبات التي تواجه المغترب والتنسيق مع الجاليات الاخرى لتحقيق ذلك. • مشاكل الغربة والشتات الاقتصادية والاجتماعية • اولادنا فلذات أكبادنا قضاياهم حاضرهم ومستقبله . • المراة وهنالك قضية كبرى هي قضية الانسياب المرن لنصيب الجالية ( وهي 5% تخصم من كل معاملة قنصلية) وتفادي التجربة السابقة في جالية ابو تفة حيث تأخر تسليم نصيب الجالية لفترة طويلة على ما اعتقد تعدت العام .... وذلك يؤثر بلا شك على تسيير أعمالها ونتمنى بقدر ما ساهم السفير ياسر خضر في ان تحل المشاكل عبر الالتزام باللوائح ومن ثم العرف أن يكون لديه ذات الاستعداد في تسليم أموال الجالية اولا باول كما أهيب بقيادة الجالية ان تشرك اكبر قدر ممكن من أبناء الجالية في مكاتبها المختلفة بحيث تستفيد من الكفاءات السودانية المختلفة كل في مجاله اقول حان الوقت أيضا لدور إيجابي وتشاركي للجميع للمساهمة في حل المشاكل التي تعترض السودانيين في الغربة ويا بدر الدين ... be ready ونفض جيوبك فللقطاع الوطني المالي دور كبير في رفد الجالية

Quote: نشاء الله تبقى ديمقراطية جد جد وتعبر عن كل السودانيين بكل اختلافاتهم واعراقهم واديانهم وما تقصى زول وتقعدوا تعملوها دا كوز وداك عدو الجالية امامها فرصة لطربقة عمل جديدة مافيها حق فيتو لى اى زول .. تشوف شغلها الخدمى بدون تسيس .. وما تقع فى ما كانت تعتبره اخطاء .. بالتوفيق لكل المنتخبين ..

عزيزتي دينا لا أدعي متابعتي اللصيقة لكل ما يدور في البوست

ولكني تعودت كلام مستند على المنطق وعلى الوثائع فيما تكتبين ....

وبالتالي معلومات كما أدناه تطمئنك على ان الأمر منظم بمعرفة تامة لطبيعة عمل الجالية وهي :-

(1) المجموعة التي انتخبت اختي دينا دون شك تتسم يسمة (تحري الصدق والشفافية فيهم ).
(2) تنطيم كالجالية او الروابط هي تنظيمات مجتمع مدني واهم مواصفات هذه التنظيمات هو ما أشرتي إليه (أي التعامل بمساواة مع الجميع وتقديم ذات الخدمات للجميع دون تمييز او فرز )وإدراك المجموعة لذلك إدراك واعي جدا
(3)هذه المجموعة خاضت الانتخابات ببرنامج واضح وطموح اجتماعي خدمي تنموي
(4) بل انها سعت كما هو مذكور هنا إلى صياغة ميثاق شرف لتاكيد ذلك ليس إلا .


وحقيقة هنالك شقان للموضوع وبعض التداخل لا يستطيع أحد ان ينكرهما
فالعمل الاجتماعي عمل واضح لا يختلف حوله أثنان
لكن هذه المنظمات لابد من ان تتسم بالحياد والاستقلالية ( وهو ليس بالأمر الهين) إذ يمكن ان بؤدي إلى عدم قبول من البعض الذي يود موقف واضح هو في نهاية الأمر لصالح فئة دون اخرى

فعلى سبيل المثال لربما يتقاطع هذا الموقف المحايد مع رغبات البعض أو لربما لم يرضى البعض

وجانب آخر عزيزتي هو ان الدور الخدمي للجالية هو دور حقوق مطلبي .. ونيل المطالب ليس بالتمني ... بل بالمطالبة التي من الممكن أن يجدها آخرون ثقيلة الوقع
أو لربما يبرز تضارب للمصالح مع آخريين أو مع جهات رسمية ..

لكن عزيزت

اما التعامل مع أفراد الجالية فلا تشوبه ولن تشوبه جالية اذا تفهم الآخريين أهمية الحياد لمنظمات المجتمع المدني

للتويثق إلى حين عودة

Quote: QUOاهجو البوست خليهو الجالية ماشة على وين .... بدر الدين سلام .. والجواب يكفيك عنوانه ... الكوكبة التي انتخبت كوكبة تعرفها تماما .. وتعرف مقدراتها حدبها واخلاصها للسودان والسودانيين وقضاياهم ... والجميع يعرف كما انتم هل هنالك مساعي أو اهداف شخصية وراء تبنيهم لقضايا أبناء الجالية .... حقيقة لا ياتيها الباطل بأن الأرضية ثابتة وراسخة بما يكفي لحمل هموم أبناء الجالية وكلهم حاملي رسالة ومشاعل الضئ ... رسالة عزيزة لكل فرد اختير من قبل فئته المهنية لكن االمشي .... والفجوات كثيرة يا بدر تتطلب تكاتف جميع المعنيين والمهتمين والقادرين هنالك قضايا عديدة ملحة تحتاج دعم الجميع بالجهد والمال والفكر ومحاولة الاستفادة من شبكة العلاقات مع مؤسسات ومنظمات المجتمع المحلي منها على سبيل المثال لا الحصر : • مكان لائق للطالب السوداني للدراسة (استكمال تشييد مباني المدرسة عبر الجهد الرسمي والشعبي ). • بيئة الدراسة ومشاكل التعليم المتنوعة. • الأوضاع الوظيفية لمعلمي مدارس الجالية السودانية . • تعديل اللوائح والقوانين التي تقع في إطار عملها . • استكمال المحاولات السابقة بشان تصحيح الاوضاع بالمركز الثقافي. • تكريس دور الجهد الشعبي كدور رائد وبناء له كينونته واهميته. • الوصول إلى اتفاقات مرضية ومنصفة للمغترب مع قبل الأجهزة الرسمية وحلحلة كافة العقبات التي تواجه المغترب والتنسيق مع الجاليات الاخرى لتحقيق ذلك. • مشاكل الغربة والشتات الاقتصادية والاجتماعية • اولادنا فلذات أكبادنا قضاياهم حاضرهم ومستقبله . • المراة وهنالك قضية كبرى هي قضية الانسياب المرن لنصيب الجالية ( وهي 5% تخصم من كل معاملة قنصلية) وتفادي التجربة السابقة في جالية ابو تفة حيث تأخر تسليم نصيب الجالية لفترة طويلة على ما اعتقد تعدت العام .... وذلك يؤثر بلا شك على تسيير أعمالها ونتمنى بقدر ما ساهم السفير ياسر خضر في ان تحل المشاكل عبر الالتزام باللوائح ومن ثم العرف أن يكون لديه ذات الاستعداد في تسليم أموال الجالية اولا باول كما أهيب بقيادة الجالية ان تشرك اكبر قدر ممكن من أبناء الجالية في مكاتبها المختلفة بحيث تستفيد من الكفاءات السودانية المختلفة كل في مجاله اقول حان الوقت أيضا لدور إيجابي وتشاركي للجميع للمساهمة في حل المشاكل التي تعترض السودانيين في الغربة ويا بدر الدين ... be ready ونفض جيوبك فللقطاع الوطني المالي دور كبير في رفد الجالية

Quote: الرئيس عثمان بشير الثاني جلوسا من اليمين مع اعضاء المكتب التنفيذي تم يوم الجمعة 25 مايو اختيار المكتب التنفيذي للجالية السودانية دورة 2012- 2014 برئاسة الدكتور عثمان بشير وجمال على التوم نائبا والاستاذة مني علي امينا عاما،كما فاز 12 عضوا بالتزكية وهم : محمد المصطفى- ابوبكر احمد- خالد محمد سليمان- سامي سيد جعفر - عبد الجليل عبد الحليم - عبد القادر عمر- عمر بوب - محمد الحسن - معاوية الزبير - منار حسن - هالة مدني - يوسف حامد. وسيتم تشكيل المكاتب في اجتماع اخر. معلوم ان المنبر الديمقراطي اكتسح انتخابات الجالية وشكل جالية ديمقراطية تسع الجميع.

يا حليلكم .. إنتو لسه من زمن حجب صور السيدات في
الصور التذكارية لأعضاء المكاتب التنفيذية للجاليات الديمقراطية!

ياسحس ، الصورة بعد الاجتماع،ووقتها غادرت منار ومنى القاعة ،ولم يتم اي حجب كما تتوهم،ولعلمك منى علي تولت منصب الامين العام ،وفي الدورة القادمة الرئاسة للسيدات.

Quote: وفي الدورة القادمة الرئاسة للسيدات

خلاص ضمنتها

يا فيصل كمبورة دا مالو في البوست دا

إنتخاب لجنة تنفيذية لرابطة القانونيين في دولة قطر

كدي أدخل شوف بالله