Post: #1 Title: استنساخ البوستات!! Author: الامين موسى البشاري Date: 05-26-2012, 11:34 AM Parent: #0
حاجة ما حلوة ياخ ... والله صحي .. ..
__ للضمان كدا دا كلام عام ما مقصود بيهو زول معين والله على ما اقول شهيد
Post: #2 Title: Re: استنساخ البوستات!! Author: رشا احمد Date: 05-26-2012, 11:39 AM Parent: #1
Quote: للضمان كدا دا كلام عام ما مقصود بيهو زول معين والله على ما اقول شهيد
الأمين أزيكـ
Post: #5 Title: Re: استنساخ البوستات!! Author: الامين موسى البشاري Date: 05-26-2012, 11:47 AM Parent: #2
لغاية هسي كويس يا رشا لي قدام ما معروف البحصل شنو
Post: #3 Title: Re: استنساخ البوستات!! Author: الامين موسى البشاري Date: 05-26-2012, 11:41 AM Parent: #1
سواء كان استنساخ عناوين البوستات او متنها فهو تكرار غير محبب وممجوج وممل جداً .. ..
__ البوستات المستنسخة تفتقد لعامل الدهشه والروعة لأن البوست الأول يكون قد استنفد كل اغراضه ويبقى الثاني تابع يدور في فلك الاول ويفقد الكثير من قيمته المعلوماتية ويصبح مجرد انتاج للبوست الاول ولا يختلف عنه كثيراً
Post: #4 Title: Re: استنساخ البوستات!! Author: الامين موسى البشاري Date: 05-26-2012, 11:45 AM Parent: #3
من كان له رأي فليكتبه في ذات البوست دون الحاجة الى فتح بوست آخر اقل منه في المقدار ومشاتر له في الطرح .. ..
__ قانون اللمين الاول للاستنساخ
Post: #6 Title: Re: استنساخ البوستات!! Author: الامين موسى البشاري Date: 05-26-2012, 11:53 AM Parent: #4
أسباب الاستنساخ في رأي المتواضع:
- الغيرة
- الاستعلاء الثقافي (البوست دا كاتبه فلان وأنا ما بنزل نفسي واتداخل معها)
- الاستقطاب الحزبي والطائفي
البوست دا كاتبه شيوعي ولا كوز وانا لو دخلته سأصنف ضمن ما يدعو له
- اهدار الباندوديث عملاً بالمثل باندوديث ما خسران فيهو حاجة
أهدره والبي بلاش كتر منو
Post: #7 Title: Re: استنساخ البوستات!! Author: الامين موسى البشاري Date: 05-26-2012, 11:58 AM Parent: #6
على مدى التاريخ الممتد لسودانيزاونلاين
لم يتفوق بوست مستنسخ على البوست الاصلي
.. ..
__ لو كنت محل بكري لدمجتها في بوست واحد حتى تعم الفائدة ............ حتى ولو قالوا عني ديكتاتور
Quote: يعني الكتابة في البورد بتكون بغرض المنافسة؟
هكذا يظن اصحاب البوستات المستنسخة في البورد الكتابة يا رمانة مفروض بغرض الحوار وايصال فكره والفكرة يوصلها بوست واحد ولا تحتاج كل هذا الكم من البوستات والله صحي بعدين تعبنا من المساسقة ياخ
كوني بخير
Post: #9 Title: Re: استنساخ البوستات!! Author: مها عبد الله Date: 05-26-2012, 12:09 PM Parent: #4
Quote: من كان له رأي فليكتبه في ذات البوست دون الحاجة الى فتح بوست آخر اقل منه في المقدار ومشاتر له في الطرح ..
مشاتر فى الطرح يعني الخلايا الجنينة للبوست زاااااتو بتكون مشاترة ، غايتو بعملوا عملية النعجة ( دوللَي ) زااتها تكون إحتارت والله صحي
ياللمين اخوي انا ما بفهم الا بالامثلة يعني لو ماجابو لي النعجة دوللي ما كان فهمت يلا جيب مثال حي يعتمد على بوست وبوست مستنسخ واطح مسابقى العشرة فروقات بين البوستين ( جمع بوست وليس بوسة .. التوضيح لاصحاب مرتادي سعد قشرة )
لولا هذا البوست لما رأينا هذه الضحكة من أساسي .. ..
__ احتياطي كدا الله يسامحكـ ياخ
Post: #22 Title: Re: استنساخ البوستات!! Author: ناذر محمد الخليفة Date: 05-26-2012, 02:24 PM Parent: #18
بالعكس يا الأمين ..
Quote: على مدى التاريخ الممتد لسودانيزاونلاين
لم يتفوق بوست مستنسخ على البوست الاصلي
كتير جدا البوست المستنسخ بيتفوق لأسباب كتيرة أهمها :
عدم اختيار صاحب البوست للعنوان المناسب الواضح في حين صاحب البوست المستنسخ بيختار عنوان واضح وجاذب وبالتالي إذدياد القراء والمشاركين ..
يعني زول يكتب بوست عنوانو (خبر عاجل من بيت المال) وبعد كم ساعة يجي واحد يكتب بوست يسميو (أعمال شغب ببيت المال لأسباب دينية) .. تفتكر أنت شخصيا حا تخش ياتو بوست ..!!
الشي المهم التاني إنو بالجد الكتير من ناس المنبر ما بيقرو لي بعض وما بيستعينو بي محرك البحث عشان يعرفوا لو في زول نزل موضوع زي موضوعم .. اخد مثلا ضربة البرادو في بورتسودان .. في خلال ساعة نزل كم بوست بي الخبر دا .. وكمان بعد تلاتة ساعات جا واحد نزل نفس الخبر وكمان معاهو إيقونة عاجل ؟!!
مثال جديد : قبل كم يوم نزل خبر بإغتيال قادة في النظام السوري وتم نفي الخبر .. تاني يوم أو تالت يوم في واحد منزل بوست بالخبر دون النفي ..!! انا شخصيا افتكرت حصل إغتيال بالجد المرة دي فتحت قنوات الأخبار ما لقيت أثر لي الخبر دا ..!!
المشكلة بإختصار إنو مفروض الناس تقرا لي بعض قبل تكتب ..!!
صنفرة :
لا يفوتني هنا تحية زميلتنا أم رشيرش اكبر مستنسخة ومستمسخة للبوستات ، حيث أنني أزعم انها هي من إبتدرت هذه البتاعة ..!!
Quote: المشكلة بإختصار إنو مفروض الناس تقرا لي بعض قبل تكتب ..!!
جبت النجيضة والله صحي الناس دس كلها بكتب عشان الحوار فيما بينها وفي ناس كتار لا يقرأون ما يكتب
Quote: كتير جدا البوست المستنسخ بيتفوق لأسباب كتيرة أهمها :
عدم اختيار صاحب البوست للعنوان المناسب الواضح في حين صاحب البوست المستنسخ بيختار عنوان واضح وجاذب وبالتالي إذدياد القراء والمشاركين ..
يعني زول يكتب بوست عنوانو (خبر عاجل من بيت المال) وبعد كم ساعة يجي واحد يكتب بوست يسميو (أعمال شغب ببيت المال لأسباب دينية) .. تفتكر أنت شخصيا حا تخش ياتو بوست ..!!
يا ناذر الناس دي بتعاين لعنوان البوست واسم كاتب البوست أهم من العنوان يعني لو جاء واحد من الناس VIP او ال remarkable وخت ليهو نقطتين ساااي تلاقي البعض ورررررررررررررررر جوا جارين العميان شايل المكسر وركوا في البوست زي ابو الزرزوووور في الشركـ .. ..
_____ وبعدين قيل في الاثر: البوستات القديمة تحلى ولو كانت وحلة
Quote: البوستات المستنسخة تفتقد لعامل الدهشه والروعة لأن البوست الأول يكون قد استنفد كل اغراضه ويبقى الثاني تابع يدور في فلك الاول ويفقد الكثير من قيمته المعلوماتية ويصبح مجرد انتاج للبوست الاول ولا يختلف عنه كثيراً
ايمنوف سلام
هو يا ريت لو بوستات بتحمل فكرة مفيدة معينة وعاوز صاحب البوست يوصلها ليستفيد منها القراء والاعضاء
بل العكس بوستات فارغة وتعكس دواخل كاتبة من اخلاق تعبانة وفقيرة للفهم والاحترام
والواحد بفتكر نفسوا قاعد فى قعدة خاصة فى بيتوا
وناسى انوا دا منتدى والمفروض تكون عندوا رسالة واهداف معينة
وبدخلوا اسرة وعوائل وناس محترمة وبندهشوا لنوع هذه الاشكال
رجال كبار وماعندهم فهم والاحترام لى نفسن وناسين الموت
بالله عليك ما شى مخجل
ياخى ربنا بسال كل حد عن ما ختطت يمينوا يوم القيامة
يا ريت الواحد يعكس العلم والفهم الجواهو و الخير من خلال كتاباتوا
راجع الصفحة الأولى وخلي بعد شوية ناس أمريكا يصحو ... حا تلقى ليك نفرين تلاتة جايين منقشطين طوالي على إيقونة بوست جديد و أيقونة خبر عاجل ويكتبوا ليك (عاجل .. محاولة إغتيال الشيخ الصابونابي) قبل ما الواحد يفتح كويس ..!!
بدت قبل كدة بفترة واظن كتبت موضوع مشابه لموضوعك في بدايات ملاحظتي للمسالة لانها بصراحة بقت واحدة من اكتر الاشياء المزعجة في سودانيز اونلاين لانها ما بتقتصر علي المواضيع الكبيرة والبكون مقبول فيها تعدد البوستات لكن مجرد اخبار صغيرة جدا ومرات غير مهمة حتي تلقاها مكررة اكتر من مرة ... وبالتاكيد معظم المشتركين في سودانيز اونلاين بما فيهم نحن بنفتح مواضيع بناء علي مواضيع اخري وكل واحد باسبابه لكن لما السمالة تكون هي السمة الغالبة لمعظم البوستات فده يعني فعليا انو الناس لا تقرا ما يكتب او يهمها في الاساس الكتابة الشوفينية اكتر من المواضيع نفسها ... وده بيعني حتي انو البكتبو ما عندهم اي مقدرات علي الكتابة والخلق والابداع لكن مجرد (كتبة) وناسخين وعرضحالجية اكتر من انهم مفكرين والاسوا انهم كتاب دون (قراءة).
تحياتي وتمنياتي لسودانيز اونلاين بدوام الصحة والعافية
Post: #39 Title: Re: استنساخ البوستات!! Author: الامين موسى البشاري Date: 05-27-2012, 08:13 AM Parent: #37
Quote: بدت قبل كدة بفترة واظن كتبت موضوع مشابه لموضوعك في بدايات ملاحظتي للمسالة لانها بصراحة بقت واحدة من اكتر الاشياء المزعجة في سودانيز اونلاين لانها ما بتقتصر علي المواضيع الكبيرة والبكون مقبول فيها تعدد البوستات لكن مجرد اخبار صغيرة جدا ومرات غير مهمة حتي تلقاها مكررة اكتر من مرة ... وبالتاكيد معظم المشتركين في سودانيز اونلاين بما فيهم نحن بنفتح مواضيع بناء علي مواضيع اخري وكل واحد باسبابه لكن لما السمالة تكون هي السمة الغالبة لمعظم البوستات فده يعني فعليا انو الناس لا تقرا ما يكتب او يهمها في الاساس الكتابة الشوفينية اكتر من المواضيع نفسها ... وده بيعني حتي انو البكتبو ما عندهم اي مقدرات علي الكتابة والخلق والابداع لكن مجرد (كتبة) وناسخين وعرضحالجية اكتر من انهم مفكرين والاسوا انهم كتاب دون (قراءة).
تحياتي وتمنياتي لسودانيز اونلاين بدوام الصحة والعافية
يا بشارينا سلام عليك في البداية وقبل ما نساعدك بالنماذج يا ريت نقيف شوية في المصطلح "استنساخ البوستات" و المقصود منو شنو بالضبط لأنو في التناول اعلاه في تلاتة اربعة معاني وتفاسير مختلفة يوحي بيها المصطلح هل المقصود : - تكرار البوست كما في حالة الأخبار أو النعي مثلا زي المثال الجابو ناذر - أم بوست ولد من البوست الأول بفكرو مخالفة كما كتبت انت وعرفت في قانونك الأول للإستنساخ وزي المثال اللمحت ليه - ام الخروج بفكرة بوست جديد بعبارة او حدث أو معلومة وردت/قيلت في البوست الأصلي كما تفعل تراجي و جادات - ام تقليد نسق العنوان مع طرح مختلف إلى حد ما مثل كيتة "الفاعلون" في البورد - ام شي آخر ههههههههههههه شكلي اديتك نماذج قبل ما تضبط المصطلح
سىلامي وتحياتي،،، أولاً شكراً على النماذج الجبتها دي
Quote: - تكرار البوست كما في حالة الأخبار أو النعي مثلا زي المثال الجابو ناذر - أم بوست ولد من البوست الأول بفكرو مخالفة كما كتبت انت وعرفت في قانونك الأول للإستنساخ وزي المثال اللمحت ليه - ام الخروج بفكرة بوست جديد بعبارة او حدث أو معلومة وردت/قيلت في البوست الأصلي كما تفعل تراجي و جادات - ام تقليد نسق العنوان مع طرح مختلف إلى حد ما مثل كيتة "الفاعلون" في البورد - ام شي آخر
كل ماذكر أعلاه صحيح :) يا ود البشــرى الحاجة دي منتشــرة ويبدو انو الناس يا ما قاعدة تقرأ لبعض أو أنها لاسباب أخرى ذكرتها فوق وعشان ما تتداخل في البوست المعني تقوم تفتح بوست تاني والحاجة الاكثر غرابة يا ود البشــرى تلاقي بوستين يحملان نفس المضمون وربما عنوان متشابه تلاقي واحد عدد المشاهدة والمشاركة فيه أعلى من التاني وعشان ما تقول واحد طرحه بطريقة مختلفة وغطى كل الجوانب و... وو الخ البوست ممكن يكون خبر والاثنين زي بعض لكن في واحد من الجماعة اصحابه كتار او مشهور او طيب البخلي الزول يفتح بوست تاني مع انو في بوست اساساً مفتوح شنو؟ راجع الصفحة الأولى بس شوف في كم بوست مفتوح بنفس المضمون؟ .. ..
برضو ممكن واحد يفتح بوست جميل تلاقي الجماعة اخدتهم الغيرة وقاموا بفتح بوست مشابه يناقش نفس الموضوع وربما يحمل نفس العنوان ودي كتيرة برضو .. .. من النماذج برضو في واحد يفتح بوست وتنبثق من هذا البوست عدة بوستات تحمل نفس المضمون .. .. النماذج الكتيرة والواضحة بتدخلنا في حتات ضيقة يا رشاشة مثال كم بوست اتفتح عن المعيار؟ الشاهد يا ود البشرى التكرار ما حلو ياخ :) وممل
Post: #59 Title: Re: استنساخ البوستات!! Author: فاروق عثمان Date: 06-11-2012, 11:06 AM Parent: #57
البشاري يا حبيب تعرف في واحدين بكونو مستقصدين الاستنساخ ده وواحدين تاني بتوعين بل الاكشن وهي بوستات من شاكلة اب يغتصب شقيقته ولا شنو ما عارف وطالبه تجهض في داخليه الخرطوم بالليل اها نوع ديل بكون مشي لفح القصه من موقع جريده ولا الراكوبه وداير يجي يلحق السوق وما بكون كشف كويس في البورد لعامل الشفقه,لكن بكون في معلم تاني ختاها ليه في حنانو من دغشا بدري
Quote: تعرف في واحدين بكونو مستقصدين الاستنساخ ده وواحدين تاني بتوعين بل الاكشن وهي بوستات من شاكلة اب يغتصب شقيقته ولا شنو ما عارف وطالبه تجهض في داخليه الخرطوم بالليل اها نوع ديل بكون مشي لفح القصه من موقع جريده ولا الراكوبه وداير يجي يلحق السوق وما بكون كشف كويس في البورد لعامل الشفقه,لكن بكون في معلم تاني ختاها ليه في حنانو من دغشا بدري
أنا افترع البوستات اذن أنا موجـــود مش دي النظرية يا عمكـ?