مطر قادم ، سفيان نابري ، محمد عكاشة ، د.الفاتح شكراً عميقاً..

وللأستاذ الودود أحمد ساتي ..

شكراً شديد..

لوقوفكم بجانب الوالد ،
ولدعمكم النفسي والمعنوي ..
وللثقة التي أعطيتم..
وشكراً لتكبدكم مشاق السفر إلي أمبده..

وشكرا لأشياء خالدات في ذاكرة العرفان والتقدير..

شكراً لكل من وقف بجانب الوالد من الأهل والأصدقاء والجيران والأطباء..
في محنته المرضية الطارئة...
__

بإستثناء طبعاً الوغد عمر الحاج - إنشاء الله يرحلوك ويدوك ورة في المطار..

هذا وقد تعرض الوالد لجلطة دماغية ، إستدعت نقله إلي الخرطوم ولزم فراش المرض لمدة إسبوع..
والحمد لله قد بلغ الصحة حسب تصريحات د.الفاتح سليمان - وأن حالته مستقرة قليلاً وفي طريقة إلي التعافي..


أتمني له عاجل وكامل الشفاء..

ودعواتكم...

كل الدعوات له بالشفاء .. ربنا يشفي الوالد ان شاء الله هو القادر علي كل شيء ..
الف سلامة يا محمد له وطمنا عليهو ..

الف سلامة للوالد يا محمد حسن ..
وحقيقة لم أكن أعلم وقد علمت الأن من خلال البوست ..


تحياتي للجميع ..!!

الوغد محمد ادم الحسن
الف سلامة للوالد العزيز
انا شفت الفارس قبل كده
في زمان ليس كالذي اكتب عنه .. افتتت بصور فارس بمكتبكم العامر بالقاهر بعد سؤال مباشر مني ( ونطيط عينين) منك رديت (ده ابوي) .... الزول الراكب الحصان علي ما اعتقد ... وقتهادلفت بالحوار الي دافور بصورة (دقيقة) جدا .. وسؤالي عن الصورة فتح ذهني عن اشياء كنت اجهلها .. لله درك .. الوالد العزيز ...
ثم يطحن الزمن حبات تلك التفاصيل و الذكريات ثم (يذورك) هولندا ... ويحملنا الي السودان .. لتحتفظ انت بصورة الفارس ونحتفظ نحن بالاصل ............

التفاصيل التي جعلتني وغدا ولا استحق الشكر العميق
مطر باسم كعادته وعكش منداح وممراح
ونابري غتيت ومابسأل من زول ولا بعمل مسكول ....
هاتفني مطر في ليلة خمسية (خالية ..من كل شئ) وانا اهم بالترجل من الحافلة زاحفا نحو ركشة ترمي بي في جوف جبرة الساخن
محمد ادم الحسن بتذكرو صاحبنا بتاع كايرو داك .. ضرب تلفون وقال لازم نمشي البيت لانو والدو عمل عملية خرج منها بالسلامة انا وانت ومحمد عكاشة ونابري ود. الفاتح لو عنك تلفون لي نابري اضرب وريهو بكره نمشي نتغدي معاهم .. (انتهي نص المهاتفة)
في صباح باكر هاتفت الوغد نابري وبصوت ناعس وجدته (عارف كل شئ ثم تواعدنا) للذهاب سويا ....
وبعد افطار نص كم واشواق ملاقاة الاسرة ثم الصور لنغيظ بها (اصحاب البلاد الباردة)
حدث ظرف اسري اخرجني من دياري (جبرة بغير حق) الي فيافي الحاج يوسف (عنوة وإقتدارا) والحاج يوسف كتمساح جائع التهم من كامل الجمعة مع قليل من السبت ....

وهكذا يا صديقي صرت وغد لايستحق الشكر العميق ....
تحيات واشواق
عمر الحاج

الف سلامة للعم والخال ادم الحسن
عاجل وكامل الشفاء
متابع مع ياسر من السويد منذ الاول من امس








قاسم المهداوى

Quote: الف سلامة للوالد يا محمد حسن .. وحقيقة لم أكن أعلم وقد علمت الأن من خلال البوست .. تحياتي للجميع ..!!

شكراً يا ناذر...

وما بتقصر! إنشاء الله يجوك في السمح يازول.

Quote: الف سلامة يا محمد له وطمنا عليهو ..

شكراً شديد يابهاء - إنت وين ياراجل؟

إلا يطلعك حبيب نوره برواية !!
شئ عجيب لكن...


تحياتي

ربنا يشفي الوالد ان شاء الله هو القادر علي كل شيء

محمد
كيفنك
الوالد بصحه جيده...دكتور الفاتح طمأنه تماما بعد مراجعة الفحوصات
عم ادم زول حبوب ..ابتسامته الوضيئه وكرمه ورحابته قضينا معه ضحوية جميله,,,
سنعوده مرة اخري
ربنا يديهو الصحة والعافيه
محبتي

العزيز محمد
ذهبنا لامبده ووجدنا والدك وشقيقتك يستقبلونا بحفاوة بالغة
وكرم.
الدكتور الفاتح مطمئن للحالة الصحية لوالدكم وقدم له نصائح طبية غية في الاهمية
وهو فوق كل ذلك قضي جزءا مقدرا في الحياة الريفية الخالية من الامراض
وهو شاب في مقتبل العمر....ماقدر الجلطات والحكايات دي
ضلت طريقها اليه
ودعواتنا لوالدكم بان يسبغ الله عليه ثوبا من العافية قشيب

حمدالله علي سلامة الوالد يا محمد وربنا يديهو الصحة وطول العمر...

سفيان، صديقنا العزيز يبدو انو في حالة بيات منبري
رد الله غربته..

العزيز محمد ادم
تحية طيبة وحمدلله على سلامة الوالد وربنا يواليه بالصحة والعافية ويديه طولة العمر
لم أسمع بهذا الخبر الا في هذا البوست
تحيتنا لك انت والاسرة

الاخ العزيز محمد آدم تحياتي ...
الف سلامه للوالد وربنا يتم عليه نعمة الصحة والعافية


ودعواتنا له بطول العمر