حبيب نورة .. صلاح غريبة .. محمد المسلمي (لقطات الربع)

اييييييييييييي والله لقطات الربع

دي لقطة كل الارباع

اول مرة اشوف شحم في نار ^_^

شفت الكيزان ديل غدارين كيف؟؟؟
رسلو الاديب حبيب نورة للطحنية
وقعدو براهم .. هسة تلقاهم بسمكرو في بوست ^___^

اما الصديق قاسم الهامشاوي
فقد فر بجلده .. تحسبا لايي دشمان
او حبس كبس .. من المسلمي وصلاح

غايتو في اللقاء دة لو اولاد المسلمي وبمعاونة المجرم حبيب نورة
نصبو صلاح غريبة عمدة لبورداب الشرق الاوسط
انا ح اطلب اللجوء البوردي ^___________^
الى ايي قارة اخرى

يا حافظ أنقابو
كيفنك أخوي
اخي مالو خليهم يختلفوا سياسياً ،،، دينياً ،،، جهوياً ،،، ثقافياً

ويتلاقوا إنسانياً ،،،

ولا شنو بالله ؟؟

Quote: غايتو في اللقاء دة لو اولاد المسلمي وبمعاونة المجرم حبيب نورة نصبو صلاح غريبة عمدة لبورداب الشرق الاوسط انا ح اطلب اللجوء البوردي ^___________^ الى ايي قارة اخرى

قلت لي حتطلب اللجوء البوردي ،،، هههههههه

لأ ياخي خليك وفي أمااان الله ما بتجيك أيتُها عوجة

الاخ نالصر

Quote: قلت لي حتطلب اللجوء البوردي ،،، هههههههه لأ ياخي خليك وفي أمااان الله ما بتجيك أيتُها عوجة

هوي يا زول عمك صلاح غريبة دا انا وهو في ضل واحد ما بنتلم
بعــــــوقـــو

يعدين ياخ السودان الوااااااااااااااااسع دا حاكمنو الكيزان
كمان في البورد برضو يحكمونا ^____^




اما بالنسبة للاختلاف فـ نعم نختلف ولكن سودانيتنا تغلب إجتماعيا
انظر الصورة





العبد لله يضحك حتى الحلق
مع كيزان البورد علاء الدين يوسف والمسلمي
في وداع الزميل شول اشوانق

والله يا حافظ أنقابو ما قلت غير الحق والله

ياخي أنا بعرف لي إتنين أولاد حِلة وااااااحدة
واحد فيهم حزب أمه والتاني كوز راسو عدييييل كدي
وغير كده كانوا إجتماعياً هنا في الحِلة متشاكلين وفاتينو غرض
(الإتنين كانوا بيحبوا ليهم جكسوية واحدة وكل واحد عاوز يعرسها وطبعاً في النهاية هي فتحت ليهم الإتنين وعرست ليها زول أنصار سُنَه)

ههههههههههههههه

قاموا إتقابلو بره الوطن الجريح ده ،،، في نيروبي ،،، في قهوة ولا مطعم ماني خابر ( حسب رواية أخونا حزب الأمه )
حمرو عيونهم لي بعض زييييييييييين ،،،
شويتين كده قام الكوز مرق من القهوة ولا مطعم وسابو لنديمو حزب الأمه ده
وهو ماشي لمو ليك فيه إتنين أفارقة عاوزين يهنبتوه ويقلعوا منو قريشاتو وساعتو اللابسها

فما كان من أخونا حزب الأمة غير إنو يقوم يطير ليك في الأفارقة ديل ،، شئ رفِس وشئ دفِس وبنية وشلوت ( كراتيه) راسو عديييييل كده

حامي لأخوه السوداني ،،، وساقو لجوه المطعم وإتغدو سوا ،،،
شفت كيف ،،،

بعدين ياخي أخونا صلاح غريبة ده ما برضو سوداني ياخ ولا مو كدي ؟؟

هو من ناحية بيمغسك في حنانك ده بيمغسك صحي صحي ،، لكنو زولاً طيبان ياخي أو كما يبدو عليه

هههههههههه

عموماً تراني ماشي عليه في القاهرة دي بعد تلاتة أسابيع النشوف

شفت يا ناصر المنوذج دا تحديدا
ما موجود الا في السودان
رغم الاختلاف الجذري
الا اننا اجتماعيا نتحدى كافة الشعوب


تخيل كيف يكون الحال
لو ما كنت سوداني واهل
الحارة ما اهلي؟؟

لا يفوتني
ان اسال عن شيخ بورداب الخرطوم
العوض المسلمي الذي ابعد من هذا اللقاء
في حين وجوده بالقاهرة واللقاء كان بمقر
اقامته وشقيقه مجمد (وجه ضاحك لمن واقع)


لماذ يا ترى ابعد شيخ العوض؟؟؟

فعلا يا حافظ لقطات الربع وبدون منافسة ، بعد هذه الصور يا إما الأديب حبيبها بقى كوز وباع القضية ، أو أن مصر المحروسة اصبحت الملاذ الجديد للكيزان بعد ماليزيا !!

التحية والسلام لشيخ العوض الذى يبرطع فى قاهرة المعز ورفاقه صلاح وحبوبته وحبيب نورة الخلتو كايرو هواء شايلو

شكرا مها

هذه اللقطات وصلت امس
على ايميلي الاسبشل خالص
مخصوص عشان حضراتكم

انتظرونا
تجدون الكثير والمثير


.................
انقابو ايي خبر تلقاهو جابو

مش حتقدر تفوت البورض

جاري البحث عن شيخ العوض

ولا يسعني الان
إلا ان اعلن تغيير وجهتي
من مصر الى شاد .. او ايي مفنى
خارج عمودية المدعو صلاح غريبة ^_^




...............
الجماعة شكلهم نايمين
بعد شوية بجو يخرمجو

كدى يا انقابو ركز لي في القمصان بتاعت ود المسلمي وحريف نورة
النقول حريف نورة دا اصلو مطلوق في مصر دي ساااكت
انت يا ود اتلكباشي بس تمرق من مطار الخرتوم وتطلع العباية
على الحلال تجي خاشي الكباشي بي قميصك دا الا ينفضوك

مع اجمل التحيات لأبن الأبيض صلاخ غريبة

انشغلت بالانتخابات المصرية ولكني راجع صادي للبوست الرائع دة

Quote: خارج عمودية المدعو صلاح غريبة ^_^

و جاء غريبة و كتب

Quote: انشغلت بالانتخابات المصرية ولكني راجع صادي للبوست الرائع دة

ده تضخيم مافى محلو يا اخ حافظ
ياخى حرام عليك عمودية شنو لصلاح غريبة فى مصر!


الاخ صلاح مع احترامى الشديد ليهو لا يصلح ان يكون عمده الا على ناس المؤتمر الوطنى
و شوف جا البوست نافخ ريشو قال مشغول بالانتخابات المصرية !
الانتخابات المصرية بتسوى ليها شنو يا صلاح عشان تنشغل بيها ؟
لدرجة تمنعك من المشاركة فى بوست !!

اها دى فرصة نبارك لصلاح تخرج اولادو من الجامعة و كده
و ان شاء الله المزيد لمن هو مازال فى الجامعة

لكن يا صلاح بالجد عندك بوستات مهببه و ما عندها معنى و تضخيم للذات ناتجة عن ( دروشة صوفى ) اكيد ما من كبر
و ناس كتار بيفهموا انو تضخمك ناتج من كبر نفس !!
فهمت كيف...

اخزنا حافظ انقابو
اسلوبك و موضوعاتك احيانا (بتكون متدنية ) عشان كده قلل من البوستات
نصيحة اخوية :
من كل عشرة بوستات جاتك فكرتم اكتب واحد و اصرف النظر عن الباقين
نصيحة اخرى :
البوست الواحد الاخترتو ما يكون فيهو اشارة لشخص محدد من البورد
(الدين النصيحة )
بالمناسبة واحد يدينى اخبار الشيخ محمد احمد حسن
كان مريضا فى اخر محادثة لى معه قبل فترة طويلة
اسال الله له التوفيق فى الدنيا و الاخرة

الاخ نايف
مداخلتك مجبسة عدييييل كدا
ياخ البوست دا ما جادي
ومعناه واضح .. في التفريق
بين الانتماء السياسي والعلاقات الانسانية
وسودانيتنا التي جمعت بين صلاح غريبة
ومحمد المسلمي وياسين
فقط ليس الا
وصلاح زميل مهنة بالنسبة لي
مهما كان الفرق بيني وبينه في
المرجعيات الفكرية ومعرفته
به ممتدة منذ سنوات خلت
قيل هذا البورد ....

مشكور على النصايح
والمرور ايضا

العمدة صلاح شخصيا
ياخ نورت البوست
كنت تقول دستور عشان نعمل البخور ^__^

اها يا عمك قت مشغلو بالانتخابات؟؟
ما شفناك في الجزيرة بتحلل ولا شفناك
حتى في التلفزيون المصري؟؟
مشغلو بشنو تحديدا

عموما في انتظارك
وانتظار الفاكي حبيب نورة
اصلو بصحى العصر

يا ود الشيخ

انا ساكت يااااااااااااي
قت اخلي قصة القمصان والتي شيرتات
دي للحرفاء ... حبيب كل الجكس دا
اصلو صلعوك ومطلوق .. لكن ود المسلمي
دا حكايتو حكاية .. شكلو شغال بنظرية
البلد الما بلد امشي فيها عريان ^___^
يا حبة دا ما زمن المقولة دي العالم
اصبح قرية صغيرة وكمان فيه. ناس
انقابو اي زول بجيب عقابو ^__*


تحباتي

Quote: وصلاح زميل مهنة بالنسبة لي

بالله يا انقابو صلاح صحفى ؟
بسنين عمرك فى الصورة فوق
معرفتك بصلاح لا يمكن ان تكون من فترة طويلة ( فارق السن )

انا حريص الزول ده ما يصدق حكاية عمدة و كده


اذا كان صحفى بالجد ما جا عمل معاى حوار ليه ؟

المعلومة العندى قالوا حواراتو لمكتب الامن فى السفارة ....





التعديل لذكر ان الصورة التى رفضت ان تفصح عن نفسها
وش غضبااااان مكشر

نايف
كل العارفو انو صلاح غريبة
صحفي شغال في السعودية
لكن في ايي مؤسسة ما عارف
زي ما بعرف صحفيين شغالين
في السعودية ..
قصة الفارق العمري فانا بعرف
صلاح من تلاتة سنين بس من بعيد
مافي علاقة عميقة ...
اما قصة قالوا وقلنا ما كفيلة بانك
تحاكم الزول جيب الدليل القاطع
وانا شخصيا لو لقيت ايي دليل قاطع
عن صلاح ولا عن ابوي ذاتو ح اجيبا
وافضحوا هنا

شفت كيف؟

اما موضوع العمودية ف هو نصب نفسو
والموضوع هزلي
ما تاخد في خاطرك
والله اعلم بما تخفي الصدور

معليش للجميع

بالجد البوست رائع والنقاش اروع

ولقاء اولاد المسلمي كان اروع وستكرر غدا انشاء الله

واعضاء المنتدى لهم نكهة خاصة ..... وعند التلاقى يتناسون كل ما بينهم


ويكون القاسم المشترك بينهم هو ( سودانيتهم ) بطيبتها وحنانها ورقيها ...

وحتى سيرة المنتدى ما بتجي .....

وبكرة الخميس اللقاء الحاشد وبحضور شيخنا العوض المسلمي والذي

حالت ظروف معينة من الظهور معنا في الصور ولكنه كان مشاركا معا

وكل البسمات واقفشات كان منه شخصيا ....

وتسلم يا حافظ يا رائع

ومرحب بكل من يود زيارة القاهرة فالعمدة الهو انا وكل اعضاء بورداب القاهرة

يرحبون بكم .................

والطحنية كتيرة ما تشيلو هم .... واسمها هنا ( حلاوة ) .....


تسلموووووووووووووووووووووووووون


صلاح غريبة - عمدة بورداب القاهرة

غريبة
شكرا على الحضور

اتمنى عودتك مجددا
وبصحبتك الصفيقان^_*
محمد المسلمي وحب نورة ^___^

يا انقابو
جابو

Quote: اما الصديق قاسم الهامشاوي

هل تصدق انا لست بهامشاوى ،، فقط متضامن مع قضايا المناطق المحرومة التنمية او المنعدمة التنمية ؟؟
ودا احساس انسانى ،، وسبق وكررت ان مفردة هامش هذه متغير وليست ثابت وايضا فيها شىء من الاستفزاز
فرجاءا ولا كـــــــــــــيف ؟؟؟ حاول ركز شوية علشان ما ازعل منك ياخ

Quote: فقد فر بجلده .. تحسبا لايي دشمان او حبس كبس .. من المسلمي وصلاح

انا فضلت ان اكون من بورداب الاسكندرية
اما الملسمى فقد التقيته من قبل فى حفل عرس صديق مشترك ،، هنا فى القاهرة
وكانت امسية جد انيقه
خالص تحياتى عبر هذا البوست للمسلمى اخوان
اها قصرنا معاك يا انقابو ،، والله ما باقى الا اطبع ليك صورة بجانب صحن فته


قاسم المهداوى

الصور دي مدغمسة
وسط الجماعة متصور (مع الاعتذار للاغنية)

ههههههههه احييك يا حافظ علي اللقطة الربعية الشاملة دي.
و تحياتي للجميع ما عدا حبيب نوره

بالله الصورة دي العاجبك فيها شنو هسه ؟
كونك تجيبني مع رموز الأمنجية ممثلة في المسلمي والإنتهازية الصريحة التي يمثلها المدعو صلاح غريبة

قال صورة الربع

قصدك الربع الخالي يا خفيف ؟

غايتو جنس شلاقتك ما لاقتني

عندما قال لي محمد المسلمي ....

شنو يا صلاح غريبة مدينا ضهرك .... عملنا ليك شنو ؟

لاحظ كبايات الشاي ...........

لو الشلاقة كدا .انا بفتخر بيها
كل مرة ح اجيب اخركم .. اللمات المغتتة
بين الادباء والامنجية ....
ياخ لو انا سكتت شعب سودانيز اونلايص
دا البجيب ليهو الحقيقة منو ^____^


ضربتك في مقتل صح ^_*

ناصر
حبيب نورة دا حبيبنا كلنا وحبيب كل الجكس
كمان .. بس بنداعبو وكدا ...
لانو مرات باااااايخ ^__^

الفاكي الصعلوك ما يصدق الكلام دا ^_*

صديقي جدا قاسم المهداوي

اولا أعتذر لك قبل ان تزعل .. شفت كيف؟؟
بعدين يا عمك تأكد انو انا مستحيل اعمل
حاجة تزعلك وانا قاصد .... ف يا ريت ما تزعل
مني يا حبيبو ....


بالنسبة لموضوع الهامش
يا عزيزي السودان كله عبارة عن هامش
حتى مناطق قادة الانقاذ .. وبحكم تجربتي
المتواضعة في العمل بالاعلام فقد اتاحت
لي مساحة للتجوال في اغلب ولا يات السودان
من شرق وغرب وشمال وجنوب الشمال .. لم
اجد منطقة منعمة ابدا ...
من واقع هذا التجوال فإن كل السودان عبارة
عن هامش ...




........................
اما بالنسبة لشتاتك من القاهرة
ف يا عم وراك وراك حتى لو
مشيت الواق الواق او ام صقفا
عراااااااااااااااااض

غايتون البورض ده يوم بكتل ليه زول



مبااااالغة ياخ

أنقابو غايتو وسام الشلاقة من الطبقة الأولي

ديش كده ياخ

Quote: أنقابو غايتو وسام الشلاقة من الطبقة الأولي ديش كده ياخ

عذبنى وزيد عذابك ،، يمكن قلبى ،، عيييييييييييييييك
عذاااااااااااااااااااااااب لاكين
تانى تجى البورد يا حبيب نورة ،،، اسمع اشتغل زى الطيارة الجات طافيه الانوار ومن غير صوت ( كتامى )
اطالب بكرى ابو بكر بتخصيص خدمة اخفاء البوستات من بعض الزملاء
خارج النص
:
يا حبيب معزرة والله عارفك قدر شنو مليان ،،، زى( اللستك الف و200 رطل ) ويمكن اكتر







قاسم المهداوى

احم احم

اخير فضيت للبوست دا


نواصل

Quote: احم احم اخير فضيت للبوست دا نواصل

هلا انقابو ،،، جابو
الف مرحب بيك والبوست بوستيك ذاتو ياخ
خش تووووووووووووووووش بدون اى مقدمات او فرامل لا فى الارجل ولا فى الصورة


قاسم

حبيبنا قاسم

اخوك كان حاتل مع نسيبنا
البوردابي حافظ محمدين
لحدي صباح الليلة .. استلم
مرتو وفرتق

اخدت لي شوية راحة
وجيتكم راجع



.........
أها ياللخو .. انا قنعت تب من البلد دي
داير اجيكم بهناك بالمرة ... تنصحني بشو؟؟؟

ولسسسسسسه

ح أطبِّع مع اليمين المعتدل واليمين المتطرّف والرجعية والراديكالية


المافي شنو

حبيبنا كلنا

من اعماقي جوووووة بهنيك
بصدرو عملك الجديد "منغولي"
يا مبدع .. اسعدني ذلك ايما سعادة

شكرا لك كثيرا وانت تشرفنا
دوما باعمالك التي تجعنلنا نفخر بك



.............
المداخلة دي موضوعا براهو
والبوست براهو ما تقلبو لينا
تهاني وبتيخ .. ما بقبل ايي رشاوي

Quote: أها ياللخو .. انا قنعت تب من البلد دي داير اجيكم بهناك بالمرة ... تنصحني بشو؟؟؟

هلا بى انقابو ،،، جابو
،، او جاكم كل الطرق تؤدى الى سنكات او لنكات
السؤال محول للسادة الزوار المتواجدين بالقاهرة هذه الايام
( المسلمى اخوان )





قاسم المهداوى

يا اللخو
المسلمي اخوان ديل انا بروحهم
ليك في تلاتة دقايق .. في البلد ديك
مثلا تفكهم في المترو الاخير في
محطة حسني مبارك "الشهداء"
ما يمرقو في شبرا ولا حلوان ^__^
الاستشارة للخبراء المقددين البلد ديك

وقع ليك

وبرضو التهاني لحبيب الكل بصدور "منغولي"

يا جدعان


شكرن كتيرن !

مصادرنا اتت بالجديد