Post: #1
Title: عضو المنبر محمد المسلمي، هل يعمل في جهاز الأمن؟
Author: الصادق اسماعيل
Date: 05-23-2012, 02:58 AM
Parent: #0
سؤال للعلم فقط
|
Post: #2
Title: Re: عضو المنبر محمد المسلمي، هل يعمل في جهاز الأمن؟
Author: الخير محمد عوض
Date: 05-23-2012, 03:02 AM
Parent: #1
يا الصادق سلامات
دي غلبتني
|
Post: #3
Title: Re: عضو المنبر محمد المسلمي، هل يعمل في جهاز الأمن؟
Author: الصادق اسماعيل
Date: 05-23-2012, 03:30 AM
Parent: #2
الخير يا حبيب
البغلب كتير الايام دي
خليك قريب
|
Post: #4
Title: Re: عضو المنبر محمد المسلمي، هل يعمل في جهاز الأمن؟
Author: طه جعفر
Date: 05-23-2012, 04:30 AM
Parent: #3
تعرف يا الصادق بدل الواحد ما يقعد
زي ضنب العنز!!!
احسن يصرف ليهو مرتب
ينفع بيهو حبوبة، ام و لا اخت و لا اخ
البلد اليومين دولارا قايم و سيدا نايم
طه جعفر
|
Post: #5
Title: Re: عضو المنبر محمد المسلمي، هل يعمل في جهاز الأمن؟
Author: معتصم محمد صالح
Date: 05-23-2012, 04:46 AM
Parent: #4
ما اعرفه عنه انه راجل حارة وفزعة واخو اخوان ومعظم بورداب الخرطوم يشهدون بذلك اما عن عمله فهو تاجر يكسب رزقه الحلال بعرق جبينه وقد تضرر كثيرا من قرارات الحكومة المجحفة المتصلة بمجال عمله او التجار عموما ..
وهذا لا يمنع من لومه اذا اخطأ في حق الاستاذ فيصل محمد صالح او اي احد اخر..
|
Post: #6
Title: Re: عضو المنبر محمد المسلمي، هل يعمل في جهاز الأمن؟
Author: ود الباوقة
Date: 05-23-2012, 06:02 AM
Parent: #5
| Quote: ما اعرفه عنه انه راجل حارة وفزعة واخو اخوان ومعظم بورداب الخرطوم يشهدون بذلك اما عن عمله فهو تاجر يكسب رزقه الحلال بعرق جبينه وقد تضرر كثيرا من قرارات الحكومة المجحفة المتصلة بمجال عمله او التجار عموما .. |
قضي الامر
شكرا اخونا معتصم
|
Post: #7
Title: Re: عضو المنبر محمد المسلمي، هل يعمل في جهاز الأمن؟
Author: حافظ انقابو
Date: 05-23-2012, 06:31 AM
Parent: #6
الاخ الصادق سلام
شهادتي عن المسلمي
زول ضكران واخو اخون وزول حارة تب
التقيته مرتين .. في وداع الزميل شول
ومرة اخيرة في قندهار .. لم ارى منه
غير الاحترام والبشاشة وشهامتنا السودانية
الخالصة .. ومعروف عنه
انه تاجر في السوق ... وعندما يتحدث
عن التجارة ... يتحدث عن الاضرار
الكبيرة التي يتحدث عنها جميع التجار
التي تخص الجمارك وارتفاع الدولار
والزيادات الضريبية ...
أما بخصوص موضوع البوست
عن شخصي لم اشعر غط من خلال
لقائي المباشر معه انه فعلا امنجي
والله عليم بالحق ..
أما عن كيزانيته .. فهو كووووووز
مؤيد للنظام .. وهذا الاختلاف بيني
وبينه ...
اما بخصوص البوست الذي اثار الشكوك
حوله .. فإن كان بالفعل يقصد الاستاذ
المربي فيصل محمد صالح فإنه تخطى
الخط الاحمر ..
هذه الشهادة قلتها في بوست الاخ علي عجب
الذي حذفه بكري .. وساقولها متى ما طلب ذلك
ما تستجد ادلة اخرى .. وإن تأكدت ان محمد المسلمي
امنجي تاكدوا .. انني ساشهد بذلك
خالص التحايا
|
Post: #8
Title: Re: عضو المنبر محمد المسلمي، هل يعمل في جهاز الأمن؟
Author: عبدالعزيز حسين عبدالرحيم
Date: 05-23-2012, 06:47 AM
Parent: #6
ولا قضى ولا حاجة نشوف أخر الحكحكة والحركات دي الفهم منها شنو ؟
يا سيد الصادق
أنت مش شفت البوست بتاع عجب البلعو
بعدين شغلك دا بتاع أستهبال وأستغفال ساذج مش للعلم فقط زي ما بتقول
أنت بتشوف أنه الشغل في الأمن حاجه كعبة وعيب ومسيئ وأنه الزول لمن يوصف بأنه أمنجي (شغال في الأمن) ممكن شخصيته تغتال ومنتظر واحد يجيك عشان يأكد ليك أنه المسلمى شغال في الأمن وتتوهم أنه خلاص شخصية محمد المسلمى أنتهت
وفيها شنو لو أمنجي جا كتب في البورد دا ؟ حايخت ليك طبجنة في أيقونة ولا حايرسل ليك قنبلة في ماسنجر
انت قاعد وين ؟ ومن متين ؟ فوق يازول أنت قايل الشغل في الأمن فيه عيب ولا بنقص من شخص الزول ولا الناس الشغالين فيه مستحين منه بل قاعدين يفتخروا بي نفسهم والناس بتحترمهم وتحبهم عارف ليه
لأنهم أثبتو وطنيتهم وأنحازو للوطن ودافعوا عنه ومنهم من روت دماءه وأستشهد فداء للوطن
يعني عشان على عجب شاف محمد المسلمى كتب عن فيصل محمد صالح شنو يعني محمد المسلمى نقل وما عليه أثم خلاس ترموه بي أنه أمنجي
طيب تعال نقول ليك كلام أنت ما سمعته وجهة نظري أنو فيصل محمد صالح مشبوه أيوه مشبوه
فيصل محمد صالح أستدعى أو أعتقل على خلفية موضوعه عن صفية أسحاق وفبركة أغتصابها وجهاز الأمن هو المتهم وهم بنفوا التهمة دي ومن حقهم التحقيق مع أي شخص يثير الموضوع دا ودا حصل مع أكتر من شخص اتناول الموضوع دا واتحاكم فيه صحفيين لأنهم عجزو عن اثبات التهمة دي ولي هسع مافي زول يقدر يثبت التهمة دي
وصفية كضابة وهسع قاعدة في يوغندا ويوغندا معروف موقفها من السودان وعدائها للسودان ومساندتها للجنوب ضد السودان منذ الهالك قرنق وكيدها للسودان والفبرك القصة دي كلهم قاعدين في يوغندا وبكونوا على علاقة بي اجهزة امنها ومخابراتها وأي زول يخش ولا يثير الموضوع دا بخت نفسه في محل شبهة ومن حق جهاز الأمن القبض على فيصل محمد صالح وخصوصاً مع خلفية فيصل اليسارية وكنا عارفين عمالة الشيوعين واليسارين وخيانتهم للوطن البقت واضحة والناس كلهم عرفوها
نيتك واضحة في أثارة موضوع كان واضح استهداف لمحمد المسلمى
لأنه لو كانت نيتك للعلم كما تقول قبل ما تطرح سؤالك دا لو شاورت أي زميل بتثق فيه في السودان ممكن يوريك ودالمسلمى دا منو دا لو كنت جاهل أصلاً بالناس في السودان لأنه أولاد المسلمى وآل الكباشي أعلام تاريخهم عريق أرضهم معروفه كشخصوهم بيوتهم مفتوحة دخلناها اكلنا فيها تصدق أقول ليك دخلت بيوت أولاد الكباشي ديل قبل اكتر من 15 سنة كنت عسكري زايغ من الخدمة اكلت ونمت اكرموني وخاوني وللأن عندي أصدقاء وزملاء واخوان من اسرتهم الكبيرة المعلومة أولاد المسلمى زاتهم ما عرفنها لانه البدخل بيوتهم كتار ناس معروفين لا يجهلهم إلا النكرات وأسهل شيئ الحصول على معلومة عنهم أسال أقرب الناس إليك وما محتاج بوست ولا سؤال في منبر عام
ثم للعلم زاتو تعال نسألك
أنت منو ؟
هل يوم كنت في قوات التحالف ولا التجمع ولا أي سجم من قوات المعارضه ؟
هل شاركت في عمليات عسكرية أو أي عمل من أعمال المعارضة غير الاوهام بتاعت سودانيز دي ؟
يلا كمان طلعني أمنجي برضه
|
Post: #10
Title: Re: عضو المنبر محمد المسلمي، هل يعمل في جهاز الأمن؟
Author: النذير حجازي
Date: 05-23-2012, 07:42 AM
| Quote: عضو المنبر محمد المسلمي، هل يعمل في جهاز الأمن؟ |
سلام يا الصادق، يا الصادق بالجد بستغرب للحملة
ضد المهذب محمد المسلمي الزول دا مهذب شديد
وما بتعاور ولا بتهاتر مع الناس لكن الشيء الذي
لاحظته في هذا المنبر، الزول لو لقوهو مسيكين
بحقروا بيهو - دي غاتو وجهة نظري.
أما بخصوص محمد المسلمي عميل لجهاز الأمن، فأنا شخصياً
غير مقتنع إنو هنا في سودانيز أون لاين أو غيره
في أي منبر يوجد أمنجي، بعني أمنجي شغلو المنبر
بس وما عندو شغلة غيرو دي بصراحة ما بتركب رأسي
وبعدين يا جماعة محمد المسلمي عمل شنو؟!
فقط نقل خبر من موقع سودان سفاري ومعروف إنو موقع
سودان سفاري موقع كيزاني ، إنتو موش في المنبر
دا بتقولوا مثل سخيف وهو :"ناقل الكفر ليس بكافر؟!
ما تيب ناقل كلام الأمنجية ليس بأمنجي.
هذه المرافعة عن محمد المسلمي الذي لا أعرفه ولا يعرفني
فقط من أجل تهذيبه، وبصراحة أنا في النت بقيت بصنف
الناس مهذبين أو قليلين أدب وما بهمني كوز ولا أمنجي
ولا معارض للحكومة بقدر تهذيبه.
|
Post: #11
Title: Re: عضو المنبر محمد المسلمي، هل يعمل في جهاز الأمن؟
Author: محمد عبد الماجد الصايم
Date: 05-23-2012, 07:58 AM
Parent: #10
بطريقتكم دي معناها واصل عميل لأمريكا
وجادات عضو مجلس قيادة أي حتة في أي حاجة!!*
ولو جينا لـ (حريات) ح تحتارو عديل!!
_
* لأنو بنقل أيّّ خبر من أيّ موقع!
الصادق يا عمكـ
محمد المسلمي نقل خبر من موقع إلكتروني زيّو وزي
أي ناس تانية هنا بتخمّ وتجيب .. الخلا دا خيار وداكـ فقوس شنو؟
_
مع احترامنا الكامل للأستاذ فيصل محمد صالح
|
Post: #12
Title: Re: عضو المنبر محمد المسلمي، هل يعمل في جهاز الأمن؟
Author: محمد إبراهيم علي
Date: 05-23-2012, 08:18 AM
Parent: #11
اين اشار محمد المسلمي الى ان الخبر منقول من موقع سودان سفاري
المسلمي بعضمة لسانو قال انو مصدرو للخبر جهاز الامن في عضمة روحو
المسلمي لا يعمل مع جهاز الامن ولكن لديه علاقات مع ضباط في الامن وفي بعض الاحيان ربما يتم طلب خدماته في تمرير معلومات او الحصول على معلومات
اذكر ايام مقتل خليل كان فتح بوست ويصر بطريقة غريبة جدا انو ياسر عرمان يتصل بقناة الجزيرة ليؤكد انه على قيد الحياة !!!!!!!
مع ملاحظة ان المرحوم خليل ابراهيم قتل بعد مكالمة هاتفية
البوست فتح بنفس الصيغة من عمر صديق !!!!!
|
Post: #13
Title: Re: عضو المنبر محمد المسلمي، هل يعمل في جهاز الأمن؟
Author: معاوية عوض الكريم
Date: 05-23-2012, 09:15 AM
Parent: #12
للعلم قاال !
طيب اذا كان للعلم احذف البوست بتاعك ده
وانا برسل ليك في الخاص عشان تأخذ علم !
|
Post: #14
Title: Re: عضو المنبر محمد المسلمي، هل يعمل في جهاز الأمن؟
Author: علاء الدين يوسف علي محمد
Date: 05-23-2012, 09:27 AM
Parent: #13
الأخ العزيز الصّأدِق
شُكراً لك و أنت تنبري لهذا الموضوع المِنبري الهام الذي يُؤرِّق مضاجِع أهل المُعارضة ويمنعهم النّوم بعد أن أصبح شُغلهم الشّاغِل
فإليك الإجابة :
نعم
وبرُتبة لواء
سعادتُّو مُحمّد المُسلّمي قائدي المُباشِر
ومُعتصِم مُحمّد صالِح الفوق دة مُقدّم الدُّفْعة القِدّامي طوّالي
|
Post: #15
Title: Re: عضو المنبر محمد المسلمي، هل يعمل في جهاز الأمن؟
Author: esam gabralla
Date: 05-23-2012, 09:51 AM
Parent: #14
يا ودالصايم وين نصايحك الممتازه لمعاويه؟ غايتو العاوزين تبررو ليهو ده ما بتتلفتو ...
عمار آدم كتب مره هنا حقيقه مفروض أى زول يعرفا تانى و تالت :
كل اسلامى (عضو في التنظيم) هو في الأمن , لكن ليس كل أمنجى اسلامى
المسلمى ما نقل الخبر ده الآن صدفه .. و لا نقلو كما هو ... أمشي شوف الصياغه بتاعتو عشان تلاحظ الفرق , ثم أى زول ما عنده غرض و عنده حبة أخلاق مابينقل خبر زى ده في الوقت الفيهو فيصل محتاج لكل دعم معنوى .... لكن في ناس تقدٌل بالعيب
و أحيلك لى ده برضو ... ما منقول من أى موقع تانى ... ده من جوه الجهاز مباشرة
من باع اسرار الحزب وكشف الحال الصحية للرفيق ( عبدالرحمن ) بلندن !
و لى ده برضو
توضيح هام بخصوص ما يشيعه جهاز الأمن عن "بيع أسرار الحزب الشيوعى"
|
Post: #16
Title: Re: عضو المنبر محمد المسلمي، هل يعمل في جهاز الأمن؟
Author: محمد عبد الماجد الصايم
Date: 05-23-2012, 10:23 AM
Parent: #15
هههههههههههههههه
حلوة يا عصام ..
ردمتني لمن اتكيّفت من روحي
يا عمكـ فيصل محمد صالح صحفي مصادم
ومقبول من جميع الأطراف .. حتى من (بعض) الكيزان!!
البوست دا بالذات المسلمي دقس فيهو .. مافيها كلام!
لكن كمان خليني أنا .. وبمناسبة معاوية الصايم دا
إنتو ليه بتسكتوا في حتات وتجو (تلخّو) في الحتات البتوجعكم؟
ستين مليون مرة قلنا الناس لو اتفقت على ثوابت واحد تمشي
على الجميع ما كان دا حصل .. الناس تقرا وتتكشّم .. ولما
الكلام يخشّ ليها في اللحم الحي تجي ترشّنا نحن ديل!
نحن يانا نحن .. قاعدين نقول كلامنا دا في أيّ حتة!!
بكري همسلف قاعدين نرشّو!!
|
Post: #18
Title: Re: عضو المنبر محمد المسلمي، هل يعمل في جهاز الأمن؟
Author: صلاح أبودية
Date: 05-23-2012, 10:43 AM
Parent: #16
Quote: نعم
وبرُتبة لواء
سعادتُّو مُحمّد المُسلّمي قائدي المُباشِر
ومُعتصِم مُحمّد صالِح الفوق دة مُقدّم الدُّفْعة القِدّامي طوّالي
|
إنتو بترقوا ساكت على كيفكم ؟؟
قال لواء قال ..
لسه كشف الترقيات ما مرق يا ملكية بلاش عدم ضبط وربط معاكم !!
الفريق بدر الدين إسحق ..
أجمع لى الملكية ديل الساعة صفر فى المقر .
إنصـــــــــــــراف !
|
Post: #17
Title: Re: عضو المنبر محمد المسلمي، هل يعمل في جهاز الأمن؟
Author: عبدالوهاب علي الحاج
Date: 05-23-2012, 10:35 AM
Parent: #15
كتب النذير حجازي Quote: وبصراحة أنا في النت بقيت بصنف
الناس مهذبين أو قليلين أدب |
لعناية المربي الفاضل ياسر طيفور
أهو شغلك جاب نتيجة يا مان 
________________
محمد المسلمي أمنجي بالميلاد .. وقد أثبت ذلك الرفيق عصام جبرالله حينما عرض هنا صورة له
بجوار سيئ الذكر صلاح قوش في (احتفال عام) بقرية الكباشي التي ينتمي لها المذكور
الموضوع محسوم يا جماعة ما داير ليهو بوست .
|
Post: #19
Title: Re: عضو المنبر محمد المسلمي، هل يعمل في جهاز الأمن؟
Author: esam gabralla
Date: 05-23-2012, 10:56 AM
Parent: #17
سلام يا وهبه
لا ما بالصوره و لا بالميلاد ... بالمعلومه العندى من مصادرى ... زى معلوماته الجابا هنا من مصادره
|
Post: #20
Title: Re: عضو المنبر محمد المسلمي، هل يعمل في جهاز الأمن؟
Author: على محمد على بشير
Date: 05-23-2012, 11:05 AM
Parent: #19
قوموا لفوا ...
|
Post: #28
Title: Re: عضو المنبر محمد المسلمي، هل يعمل في جهاز الأمن؟
Author: Yassir Tayfour
Date: 05-23-2012, 04:10 PM
Parent: #17
النذير حجازي:
Quote: وبصراحة أنا في النت بقيت بصنف
الناس مهذبين أو قليلين أدب |
يا وهبه شايِّف التحولات المفاجئة دي كيف؟
يا نيذو بالله واصل في الطريق ده، فنحن من خلفك نشدُ من كيبوردك ؛)
وإن صبأت وجدتنا أقرب إليك من الفأرة، يا فارة ؛)
___
يا صادق
محمّد المسلمي معظم القريبين منه يعلمون بعلاقتة الأسرية مع أسرة صلاح قوش، وقوش حينما كان مديراً لجهاز الأمن لم يُتهم محمّد المسلمي بتبعيته للأمن، فكيفيستقيم الأمر الآن، وقوش نفسه لا يملك لنفس شيئاً..
|
Post: #21
Title: Re: عضو المنبر محمد المسلمي، هل يعمل في جهاز الأمن؟
Author: محمد المسلمي
Date: 05-23-2012, 11:07 AM
Parent: #15
Quote:
يا ودالصايم وين نصايحك الممتازه لمعاويه؟ غايتو العاوزين تبررو ليهو ده ما بتتلفتو ...
عمار آدم كتب مره هنا حقيقه مفروض أى زول يعرفا تانى و تالت :
كل اسلامى (عضو في التنظيم) هو في الأمن , لكن ليس كل أمنجى اسلامى
المسلمى ما نقل الخبر ده الآن صدفه .. و لا نقلو كما هو ... أمشي شوف الصياغه بتاعتو عشان تلاحظ الفرق , ثم أى زول ما عنده غرض و عنده حبة أخلاق مابينقل خبر زى ده في الوقت الفيهو فيصل محتاج لكل دعم معنوى .... لكن في ناس تقدٌل بالعيب
و أحيلك لى ده برضو ... ما منقول من أى موقع تانى ... ده من جوه الجهاز مباشرة
من باع اسرار الحزب وكشف الحال الصحية للرفيق ( عبدالرحمن ) بلندن !
و لى ده برضو
توضيح هام بخصوص ما يشيعه جهاز الأمن عن "بيع أسرار الحزب الشيوعى" |
انت احول يا عصام جبر الله ولا شنو ؟؟
ولا ما معتمد الصحف السودانية ؟؟
اها برضو دي جريدة امنية ؟
وهل تم توزيع هذا العدد سريا ؟
ادعاء الموضوعية احيانا يكون مرص يستحق العلاج !!
|
Post: #22
Title: Re: عضو المنبر محمد المسلمي، هل يعمل في جهاز الأمن؟
Author: محمد عبد الماجد الصايم
Date: 05-23-2012, 11:18 AM
Parent: #21
ماسـورة
|
Post: #23
Title: Re: عضو المنبر محمد المسلمي، هل يعمل في جهاز الأمن؟
Author: esam gabralla
Date: 05-23-2012, 11:21 AM
Parent: #22
أحول يا كذاب
لما انت نشرت الكلام ده هنا ما كان منشور في أى جريده ... نشرتو بي بوخ الفرن أو تراب الكرين ... لاحقآ مشي لجرايدكم ... آخر لحظه ... لا خلاص المصداقيه كاتلاها و مستقله جدآ
| Quote: ادعاء الموضوعية احيانا يكون مرص يستحق العلاج !! |
كعب الما بتعالج ... زى عدم الأخلاق و بيع الضمير مقابل قرشين تلاته و صفقات السوق
|
Post: #24
Title: Re: عضو المنبر محمد المسلمي، هل يعمل في جهاز الأمن؟
Author: محمد المسلمي
Date: 05-23-2012, 11:27 AM
Parent: #23
Quote: أحول يا كذاب
لما انت نشرت الكلام ده هنا ما كان منشور في أى جريده ... نشرتو بي بوخ الفرن أو تراب الكرين ... لاحقآ مشي لجرايدكم ... آخر لحظه ... لا خلاص المصداقيه كاتلاها و مستقله جدآ
Quote: ادعاء الموضوعية احيانا يكون مرص يستحق العلاج !!
كعب الما بتعالج ... زى عدم الأخلاق و بيع الضمير مقابل قرشين تلاته و صفقات السوق |
انتوا اصلا الاخلاق ما عندكم ومعياركم المصلحة الشخصية
والا ماذا تبرر بان تقولوا المراحيم احمد سليمان وسورج كانوا خائنين والمرحوم جبرالله كان ديموقراطي ؟!!
|
Post: #25
Title: Re: عضو المنبر محمد المسلمي، هل يعمل في جهاز الأمن؟
Author: Hussein Mallasi
Date: 05-23-2012, 11:46 AM
Parent: #24
Quote:
لما انت نشرت الكلام ده هنا ما كان منشور في أى جريده ...
نشرتو بي بوخ الفرن أو تراب الكرين ... لاحقآ مشي لجرايدكم |
لا أجزم بأنه لم يكن منشوراً في أي جريدة .. و لكني أجزم بأن
المسلمي لو نسب الخبر في حينه ل(آخر لحظة) لكفى نفسه شر العناء.
|
Post: #26
Title: Re: عضو المنبر محمد المسلمي، هل يعمل في جهاز الأمن؟
Author: Hussein Mallasi
Date: 05-23-2012, 11:51 AM
Parent: #25
| Quote: اين اشار محمد المسلمي الى ان الخبر منقول من موقع سودان سفاري |
المسلمي لا يشير للمصادر التي ينقل منها .. و هنا مكمن العناء!
|
Post: #27
Title: Re: عضو المنبر محمد المسلمي، هل يعمل في جهاز الأمن؟
Author: Mohammed Haroun
Date: 05-23-2012, 12:31 PM
Parent: #26
| Quote: المسلمي لا يشير للمصادر التي ينقل منها .. و هنا مكمن العناء! |
حكمتك حكمة يا ود ملاسي ... الإشارة إلى المصادر تغنيك عن متاعب كتيرة خاصة لو كانت مدعمة بالصور كما يفعل أخوكم الفقير إلى ربه ودهارون دائماً مع الأخبار التي ترد في الصحف البريطانية ..
تحياتي
|
Post: #29
Title: Re: عضو المنبر محمد المسلمي، هل يعمل في جهاز الأمن؟
Author: الصادق اسماعيل
Date: 05-23-2012, 06:38 PM
Parent: #27
شكراً لكل المتداخلين دون فرز
وبالطبع من حق أي شخص أن يحلل وفق معطياته لماذا فتحت هذا البوست، من جانبي فأنا أريد أن أعرف حقيقةً للعلم فقط، لأني أهتم بمتابعة ما يحدث في هذا البوست، ومحمد المسلمي أحد الأشخاص الذين يوردون أخبار منقولة من مصادر أجهزة الأمن، وحسب معرفتي بعمل أجهزة الأمن فهذا العمل يتطلب سرية المعلومات، ولكن محمد المسلمي لديه مصادر داخل الجهاز تزوده بمعلومات ذات طبيعة سرية، لذلك كان السؤال، هل هو يعمل مع الجهاز، أم بعض اعضاء الجهاز يسربون له المعلومات بحكم الصداقة أو مقابل أجر، أو كجزء من عملهم.
بالنسبة لي البوست هو للسؤال فقط؟ هذا من جانبي، وللمرة الثانية كل شخص يعتقد أن السؤال له غرض آخر، فهذا شأنه ولست بصدد تغيير إعتقادات الآخرين.
وشكراً لكل الذين استجابوا لسؤالي؟
وأيضاً سبب البوست هو الخبر عن الصحفي الذي اورده المسلمي.
|
|