Post: #1
Title: بعد المصادقة على المرسوم ... كدي تاني النشوف الناس تلوم
Author: صلاح غريبة
Date: 05-22-2012, 11:09 PM
المصدر الفضائية السودانية
Quote:
البرلمان يصادق علي قانون إعادة توطين وتعويض المتأثرين بقيام السدود
أجاز المجلس الوطني في جلسته اليوم برئاسة الأستاذ أحمد إبراهيم الطاهر مرسوم جمهوري مؤقت بشأن قانون إعادة توطين وتعويض المتأثرين بقيام السدود لسنة 2012م . وأكد الطاهر أن الغرض من القانون حفظ حقوق المواطنين المتأثرين من قيام السدود في البلاد .
فيما أكد أسامه عبد الله وزير الكهرباء والسدود وجود لجنة ثلاثية تضم وزارة العدل مهمتها النظر في حقوق المواطنين واللجوء إلى التحكيم لحسم الخلافات مبيناً أن اللجنة السياسية للسدود التي يرأسها رئيس الجمهورية المشير البشير تضم عدد من الوزراء وعضوية مجالس الولاية المعنية تختص بالنظر في تقرير اللجنة الفنية وإجازته .
وأوضح التقرير المشترك لعدد من لجان المجالس الذي قدمه الفاضل حاج سلمان رئيس لجنة التشريع والعدل ان إصدار تشريع خاص بإعادة توطين وتعويض المتأثرين بقيام السدود أمر تمليه الظروف والمستجدات التي لازمت إنشاء السدود .
واشتمل القانون علي خمسة فصول وعشرين مادة تناولت الإحكام التمهيدية واسم القانون وبدء العمل به والأجهزة المختصة بتخطيط وإدارة المشروع وإجراءات التعويض وكيفية المطالبة به والبت في المطالبات من غير ذوي المنفعة وكيفية تعيين من يمثلون الورثة والاوصياء أو الوكلاء .
كما راعى القانون حق الأشخاص المضاريين من القرارات والأوامر الخاصة بتقدير التعويض بالإضافة إلى إجراءات إستئناف قرارات التعويض عن طريق تشكيل لجنة إستئناف من وزارة العدل .
ورأت اللجان في تقريرها أن المرسوم المؤقت جاء محققاً لأغراضه وأمن أنشاء السدود بضمان إجراءات قانونية عادلة مع حفظ حقوق المتأثرين من قيام هذه المشاريع بالتقدير العادل لأضرارهم والتعويض المجزي لخسائرهم مع ضمان حق الإستئناف والطعن ضد قرارات التقدير والتعويض في كل المراحل ولدي لجان وهيئات قانونية مختصة . |
|
Post: #2
Title: Re: بعد المصادقة على المرسوم ... كدي تاني النشوف الناس تلوم
Author: صلاح غريبة
Date: 05-23-2012, 08:30 PM
Parent: #1
مالكم سكتوا ما شابكننا ضحايا كجبار
ومتضرري المناصير
وكت الحكومة اقرت المرسوم الخاص بالتعويضات
واقرت بحقوق الناس ساكتين ليه؟
ما تقولوا الحقيقة ..
وللا بس فالحين للمديدة حرقتني وعايزين تتاجروا بمشاكل الناس..
اها كيتا عليكم المناصير
قالوا نحن عايزين حقوقنا وماعندنا مشكلة سياسية مع الحكومة والحكومة
الان ماقصرت قالت ليهم حقوقكم محفوظة وحتاخدوها على داير مليم والعايز
ارض بنديهو
وكل شئ بتحل واهو دا المرسوم صدر تاني النشوف
واحد يجي يهستر لينا
وااااك وااااااااااااااك
|
Post: #3
Title: Re: بعد المصادقة على المرسوم ... كدي تاني النشوف الناس تلوم
Author: د.محمد حسن
Date: 05-24-2012, 07:21 AM
Parent: #2
القصة في القروش
وااااااااااااااااك واااااااااااااااااااااااك
|
Post: #4
Title: Re: بعد المصادقة على المرسوم ... كدي تاني النشوف الناس تلوم
Author: صلاح غريبة
Date: 05-24-2012, 11:05 PM
Parent: #3
Quote: القصة في القروش
وااااااااااااااااك واااااااااااااااااااااااك |
تعرف يا دكتور
ردك دا ذكرني قصة واحد من اهالي القطينة
قالوا عمك جا داخل حفلة عرس ولقى الناس صانين
وما في رقيص ولا بشير في الدارة
قام سال واحد وقال ليهو الحاصل شنو؟
قال ليهو والله في واحد من ناس العريس سلا سكينو وقال مافي اي راجل
يجي قاطع بي جاي
واي واحد يقول سيك ميك ساي سكينو دي بتاباهو ..
عمك بطل القصة قالوا طوالي جا داخل في نص الناس
وبقى يسوي سييييك ميييييك سيييك مييييك
في تحدي سافر وبترجمة حرفية
لتهديدات قريب العريس...
|
|