Post: #1 Title: يا إسرائيييييييل ، أمانه ما وقعتى وما إتسميتى!......... كاريكاتير Author: عمر دفع الله Date: 05-22-2012, 12:43 PM
Post: #2 Title: Re: يا إسرائيييييييل ، أمانه ما وقعتى وما إتسميتى!......... كاريكاتير Author: Abdlaziz Eisa Date: 05-22-2012, 12:59 PM Parent: #1
Quote:
عربية برادو اتفجرت في بورسودان واتحرقت تماما وتحتها اتلقو حفرتين مما يدلل على قصفها من أعلى... وكالعادة عرفنا بالخبر من الاذاعة...اعتقد ان دعوة كرم الله للتطبيع مع اسرائيل يجب ان تؤخذ بجدية
(يوميات البشير على الفيسبووك)
Post: #3 Title: Re: يا إسرائيييييييل ، أمانه ما وقعتى وما إتسميتى!......... كاريكاتير Author: عمر دفع الله Date: 05-23-2012, 04:23 AM Parent: #2
صورة لقتيل سيارة البرادو ببورتسودان .
Post: #4 Title: Re: يا إسرائيييييييل ، أمانه ما وقعتى وما إتسميتى!......... كاريكاتير Author: عمر دفع الله Date: 05-23-2012, 04:26 AM Parent: #3
Quote: ولم يصل وزير الخارجية السوداني علي أحمد كرتي إلى حد إلقاء اللوم مباشرة على إسرائيل لكنه قال إن الانفجار يشبه على ما يبدو هجوما وقع في ابريل نيسان 2011 قالت الخرطوم إنه ضربة صاروخية إسرائيلية.
وقال كرتي لتلفزيون الشروق المؤيد للحكومة وفقا لموقعه على الانترنت "اسلوب تفجير السيارة يشبه الطريقة التي نفذت بها إسرائيل هجمات مشابهة في ولاية البحر الأحمر (في 2011)."
......... رويترز
Post: #5 Title: Re: يا إسرائيييييييل ، أمانه ما وقعتى وما إتسميتى!......... كاريكاتير Author: عمر دفع الله Date: 05-23-2012, 09:49 AM Parent: #4
اتهم وزير خارجية السودان علي كرتي، بعد ظهر اليوم الثلاثاء، إسرائيل بأنها قصفت مركبة سودانية على مدخل مدينة بورسودان، ما أدى إلى مقتل سوداني. وبحسب وزير الخارجية فإن الطريقة التي حصل بها الانفجار مماثلة جدا للطريقة التي عملت فيها إسرائيل في منطقة البحر الأحمر سابقا، مشيرا إلى أن أجهزة الأمن السودانية تحقق في ظروف الحادث. ونقلت وكالات الأنباء عن شهود عيان قولهم إن حفرة نشأت في المكان، ما يشير إلى أنه تم قصف المركبة من الجو. كما نقل عن مصادر في الشرطة السودانية قولها إن القتيل هو رجل أعمال يدعى ناصر عوض الله (65 عاما). وتناولت "يديعوت أحرونوت" النبأ، وادعت أن القتيل هو تاجر أسلحة، وأن شرق السودان يستخدم منذ مدة طويلة لتهريب الأسلحة إلى قطاع غزة عن طريق سيناء. تجدر الإشارة إلى أنه في نيسان/ ابريل من العام الماضي قالت السودان إن شخصين قتلا في بورسودان في قصف صاروخي استهدف مركبتهما. ووجهت أصابع الاتهام في حينه إلى إسرائيل. من جهتها رفضت إسرائيل الرد على التهم، كما رفضت الرد على تهم سابقة بشأن هجمات مماثلة وقعت في شرق السودان في العام 2009.
Quote: يعنى اسى الواحد ما يمشى بورسودان ولا شنو؟ يعنى انا كان عايز اخش بورسودان الا اجيب تصريح من اسرائيل هى اسرائيل دى مالا بايخة كدى معانا .. أديناها الفلاشا ما كفاها اديناها الجنوب ... برضو ما كفاها أديناها مجالنا الجوى ... تانى عايزه مننا شنو نديها الجنسية مثلا shtaaat
Quote: محنة وتقع محنة وتقع محنة ويظل حال البلد واقف .. ظلت إسرائيل تتلاعب بالاراضي السودانية وكانها تتبع لقطاع غزة وظلت صواريخها بين الفينة والاخرى تحلق في سماء السودان بلا حسيب او رقيب وذهبت روح ناصر ومن قبله ادراج الرياح.. اين الرئيس ووزير دفاعه العريس (اقصد المصون الظاهر لسة ما جاء من شهر العسل) من هذه التعدي البربري البشع الذي ظل يطال اهل الشرق واين الهرطقة التي لازمت استرداد هجليج وويييييين كلام الرئيس بقطع اليد وقد العين ويييييييييييين الاموال التي تبرع بها اهل السودان المغلوبين على امرهم للجهاد والله دي وصمة عار في تاريخكم ايها الكيزان الجرزان.. اما كان من الاحرى ان نشهد نفرى كبرى لضرب اسرائيل واين المجاهدين الذين حرروا هجليج والله بعد كدة اخلعوا هذا الكاكي المزيف وهلموا الى سوق ام درمان لشراءالطرح .. كسرة: جربوا اخوات نسيبة امكن اعملوا حاجة
amged musa
Quote: [Ali] مع احترامي لبيان الخرطوم الطائرة لم تضرب بصاروخ انما متفجرات لاصقة اسفل العربة لذلك هناك حفر وهذا النوع من المتفجرات يتم تفجيرها عن طريق التحكم من بعدوالدليل الانبعاج في اسفل العربة كان من اسفل الي اعلي وليس العكس بس نقول شنو مافي كوادر مؤهلة عندنا في السودان اي شخص عندو شوية فهم الحكومة طفشتو من السودان.
Post: #6 Title: Re: يا إسرائيييييييل ، أمانه ما وقعتى وما إتسميتى!......... كاريكاتير Author: Isa Date: 05-23-2012, 10:42 AM Parent: #5
Quote: متفجرات لاصقة اسفل العربة لذلك هناك حفر وهذا النوع من المتفجرات يتم تفجيرها عن طريق التحكم من بعدوالدليل الانبعاج في اسفل العربة كان من اسفل الي اعلي وليس العكس
كدة يا عمـر يبقى الإسرائليين كمّلوا لصاحبك ودالباوقة كلامو وجوهو بالتحتانية:).. أها النشوف ح يردوا كيف ولا ح يحتفظوا بحق الرد لبتين.. بالله دايرين كراكتير من التحتانية دي :).. تحياتي..
Post: #7 Title: Re: يا إسرائيييييييل ، أمانه ما وقعتى وما إتسميتى!......... كاريكاتير Author: عمر دفع الله Date: 05-23-2012, 12:59 PM Parent: #6
في البداية الشكر اجزله لصديقنا ( الوشيظ) عبدالعزيز عيسى ....
Quote: كدة يا عمـر يبقى الإسرائليين كمّلوا لصاحبك ودالباوقة كلامو وجوهو بالتحتانية:).. أها النشوف ح يردوا كيف ولا ح يحتفظوا بحق الرد لبتين.. بالله دايرين كراكتير من التحتانية دي :).. تحياتي..
سلامات يا عيسى ومشتاقين ... تلفونك تانى رجع خارج الخدمة .
Quote: بالله دايرين كراكتير من التحتانية دي
كيف يا عيسى ! والله الكاريكاتير قاعد مقنطر في الراس . لكن عواقبو ستكون وخيمة على شخصى الاعزل . عشان كدا قلت اخليهو للضربة الجاية واصلو اسرائيل شكلها كدا ستضرب تالت ورابع وخامس مادام بلدنا بقت جنازة بحر وملطشة للغاشى والماشى .
اها الكاريكاتير الجاي عايز زول إكون زمنو مريح ويكون جاهز من مجاميعو . يعنى الواحد يجي المنبر بالريشة على يدو اليمين والساطور على يدو الشمال وينتظر الكيزان وحراس الاخلاق الحميدة وروحو على كفو وبعد داك زى ما تجي تجي .
وانت عارف يا عيسى اليومين ديل الشراك كترت في المنبر واى زول ناصب شركو للتانى . يعنى لو الواحد عمل ساى إنسحاب تكتيكى عشان يجهز ويعود لميدان المعركة زى ما عمل خليفة المهدى بعد موقعة كررى يجى ناطى ليهو واحد زى الحردلو ويقول ليهو :
الحمد الكثير للواحد المنان جاب لي في البلد دولة بني عثمان وقفوا الأنجليز في حومة الميدان ود تورشين جري و خلالهم النسوان بجمع في الديوش وقال ليهم إنتو عبيدى ويبهت في الرسول قال النصر بي ايدي نصاف الحقوق اوراني جرية سيدي اضحك وانبسط كل يوم اجر في قصيدى
