Post: #1 Title: صور وفيديوهات من غداء(لمة)سودانيزاونلاين ا للبورداب المشاركين فى SSA Author: بكرى ابوبكر Date: 05-22-2012, 01:30 AM
كلمة بورداب اريزونا التى قدمها الاستاذ عادل نجيلة كاقدم بوردابى بالولاية ترحيبا بالبورداب الذين شاركوا فى مؤتمر الدراسات السودانية sudanese studies association
Post: #2 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Khalid Kodi Date: 05-22-2012, 01:34 AM Parent: #1
لمه فاتتنا السنه دى،
تحياتنا لأستاذه سعاد وأستاذ جلاب، وإنشاء الله تكونوا شربتوهم اللبن ونومتوهم بدرى... أها وبعد داك يامان، الناس ديل أكرمتوهم بى (كرجه) بالببسى ولا كانت الدعوه نباتيه؟
.
Post: #3 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: خالد العبيد Date: 05-22-2012, 03:54 AM Parent: #2
سلام وتحية لكم جميعا سمية قسم لسه شكلك اتحاد الشباب فرع ناصر منتظرين الشريط لسماع صوتك ياهو ولا العيال ضيعوهو بالتحديد عايز اسمع كلمة شكرا !! يا عادل نجيلة وسمية وبكري والجميع خليكم ظراف وحنان زي ماجدة محمد علي تعالوا لينا زيارة هنا بالجد ما حا تندموا --------------------- يا محمد القاضي يا حبيبنا لو ماجدة رسلت ليك صور استراليا بالله في الايميل [email protected] بالجد عايز افتح بوست لماجدة التي يسأل عنها السودانيين هنا حتى اللحظة
Post: #12 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-22-2012, 06:36 AM Parent: #3
Quote: يا عادل نجيلة وسمية وبكري والجميع خليكم ظراف وحنان زي ماجدة محمد علي تعالوا لينا زيارة هنا بالجد ما حا تندموا
قول ماشاء الله يا خالد العبيد .. سمية قسم وزوجها عبدالمنعم أبراهيم Good Couple .. نشاط وحيوية خدمة لمجتمع البيت السوداني بأريزونا يتبعهم أبناءهم .. ونشكرك كثيرآ على دعوتك لنا لزيارة أستراليا ونحن موعودين بزيارة أخرى لمواطنكم عاطف خيري هذا الصيف,, وياريت يا خالد تزورنا معاهو بمناسبة ملتقى السودانيين الثقافي الأول بأريزونا ... تحياتي لك ولكوكبة الرائعين بأستراليا الهناك دي.
Post: #4 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Ashraf el-Halabi Date: 05-22-2012, 04:03 AM Parent: #2
حنك سنين من شيخنا عادل نجيلة وما شاء الله، لسة شباب بارتياح تقول لهود (يا عمو) هههههههه
Post: #5 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Deng Date: 05-22-2012, 04:14 AM Parent: #4
غايتو ناس الهامش ديل لمن يلقو ليهم مكرفون ولمة زي دي تاني ما بدو أي زول فرصة.
ألحق يا كوستاوي. صحبك نجيلة عامل دعاية لحوش البقر.
Post: #6 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 05:31 AM Parent: #5
الدكتور مالك الخير والسيد سيد الحوش
Post: #7 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 05:45 AM Parent: #6
الفنان التشكيلي الكبير حامد ايوب والاساتذة عبدالله المليك ومالك
Post: #8 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 05:57 AM Parent: #7
الاساتذة محمد جادكريم وسمية قسم
Post: #9 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 06:05 AM Parent: #8
الدكتورة امال حسن والاميرة اليازة
Post: #10 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 06:24 AM Parent: #9
Post: #11 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 06:33 AM Parent: #10
Post: #13 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 06:39 AM Parent: #11
Post: #15 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 06:47 AM Parent: #13
جانب من الغداء
Post: #26 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-22-2012, 09:09 AM Parent: #5
سودانيزاونلاين تقيم غداء "لمة" غدا للبورداب المشاركين فى SSA
Quote: غايتو ناس الهامش ديل لمن يلقو ليهم مكرفون ولمة زي دي تاني ما بدو أي زول فرصة.
ألحق يا كوستاوي. صحبك نجيلة عامل دعاية لحوش البقر.
وهنا رد دينق مؤيدآ لكوستاوي ومنافحآ لقوى الهامش الأمريكي ! ويظهر في ردودهم الإستعلائية العاصمية بوعيها المستلب الواشنطوني .. وأضيف أن أريزونا كانت أبيي أميركا متنازع عليها بين حكومتي المكسيك والإتحاد الأمريكي الوليد آنذاك مع مطالبة القبائل الهندية القبائل الأصلية لجزء كبير من أراضي أريزونا وهي النافاهو والأباتشي والبيما .. في عام 1910 شن الجيش الفيدرالي هجومآ كبيرآ على مناطق الهنود الحمر وهزمهم شر هزيمة لمعارك إمتدت لأربعة سنوات .. وتم شراء أراضي المكسيك بالكاش البقلل النقاش ووافقت حكومة المكسيك بالبيع وعليه تنازلت عن أراضيها للحكومة الأمريكية والتي دانت لها السيطرة وتم ضم أريزونا رسميا للولايات المتحدة الأمريكية عام 1913 .. تم في نفس العام تهجير السكان الآيرش الذي عانوا من أضطهاد البيض الساكسون والبيض الإيطاليين في ولايات الشرق وتم تمليكهم الأراضي بنظام أل Horse Racing ... وهاجرت إليها العوائل اليهودية من ألمانيا والنمسا والسويد والدول الإسكندنافية هربآ من البطش الهتلري .. إنفرد الآيرش بالزراعة والجيرمان والإسكندناف بالتعدين والصناعة ... تعرف يادينق ناس الهامش لمن إلقوا المايك وخصوصآ لما يكون أمامهم ناس عاصميين ودكاترة وكدة ببدعوا أكتر من إمامنا داك .. وقول لي صاحبك كوستاوي جنون البقر ده عندكم في الإيست هناك لغاية أوروبا وإنجلترا لكن نحنا بنقول أريزونا وييييييييييي .. الأمن الداخلي في إيدنا ولجنة الأمن والعمليات والجيش في إيدنا وأمن أميركا هو أمن العالم يعني بي بساطة أريزونا مسيطرة على أمن العالم .. قال واشنطون الكبرى ... أريزونا وييييي.
Post: #16 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-22-2012, 06:51 AM Parent: #4
Quote: حنك سنين من شيخنا عادل نجيلة وما شاء الله، لسة شباب بارتياح تقول لهود (يا عمو) هههههههه
عمى كباسة يا أشرف .. هسع ده شكل زول أبناءه الإتنين في الجامعة!! مال الخردة كوستاوي تقول عليهو شنو!! تحياتنا يا حبيب ...
Post: #14 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-22-2012, 06:43 AM Parent: #2
Quote: لمه فاتتنا السنه دى،
تحياتنا لأستاذه سعاد وأستاذ جلاب، وإنشاء الله تكونوا شربتوهم اللبن ونومتوهم بدرى... أها وبعد داك يامان، الناس ديل أكرمتوهم بى (كرجه) بالببسى ولا كانت الدعوه نباتيه؟
الزميل البروف الفاضل خالد كودي .. إفتقدناك حقآ في هذا الجمع المحضور وأنت الذي عودتنا على حضورك لمثل هذه الفعاليات مع دكتورة ندى .. نتمنى حضورك في الفعاليات الثقافية.. وسنخطركم قبل وقت كاف .. تحياتي لك وللدكتورة ندى.
Post: #17 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 07:00 AM Parent: #14
Post: #18 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: البحيراوي Date: 05-22-2012, 07:20 AM Parent: #17
شكراً بكري أن شاركتنا فرحتكم باللمة الجميلة دي
وشكراً أن قابلنا محمد جاد كريم في الصورة والحي بلاقي
بحيراوي
Post: #19 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: محمد عبدالرحمن محمد Date: 05-22-2012, 07:48 AM Parent: #18
Quote: الدكتورة امال حسن والاميرة اليازة
هيوووفه بت قدال - سلام عليك يا سامي والشفع وأمهن..
Post: #21 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: بكرى ابوبكر Date: 05-22-2012, 08:11 AM Parent: #19
Post: #38 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Sami Talab Date: 05-22-2012, 10:02 PM Parent: #19
سلام يامحمد وهيوفة بقت كبيرة وانت وينك ياخي؟تظهر بعد هيوفة تعرس والا شنو؟
Post: #20 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: محمد عبد الماجد الصايم Date: 05-22-2012, 08:08 AM Parent: #18
غايتو المفروكة بالكسرة دي فاقدة بشاشا يجي يتحنكش فيها شوية!!
Post: #22 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: بكرى ابوبكر Date: 05-22-2012, 08:14 AM Parent: #20
Post: #23 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: بكرى ابوبكر Date: 05-22-2012, 08:16 AM Parent: #22
Post: #24 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: بكرى ابوبكر Date: 05-22-2012, 08:18 AM Parent: #23
Post: #25 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: محمد عبدالرحمن محمد Date: 05-22-2012, 08:36 AM Parent: #24
Quote: غايتو المفروكة بالكسرة دي فاقدة بشاشا يجي يتحنكش فيها شوية!!
Post: #27 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: محمد عبد الماجد الصايم Date: 05-22-2012, 09:45 AM Parent: #25
يا مطرطش .. سكريكـ حاميكـ إنت! أنا غايتو مديها الطرشة وبدوس البجيني! كان كسرة كان قراصة .. ولو بقت بي سلج يا الله!!
Post: #28 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: بدر الدين الأمير Date: 05-22-2012, 10:59 AM Parent: #27
اب صلعة دى غدوة يهضموها بى كوكاكولا على قول الخليجين ( مالت عليك ) لو داير ترجمة من الخليجى للسودانى اتصل بود الصايم
Post: #29 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: معتصم محمد صالح Date: 05-22-2012, 11:12 AM Parent: #28
المفروكة ممكن يجيبو البامية ويفركوها بمضرب البيض او اي الة تانية ما مشكلة. الكسرة دي عاسوها وين وكيف ، واساسا خمروها كيف ؟
وابو صلعة ده مالو بقى عامل كده ؟ غايتو اخر مرة كان معانا هنا ما كان بالحالة دي ..
Post: #30 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: محمد عبد الماجد الصايم Date: 05-22-2012, 11:28 AM Parent: #29
Quote: الكسرة دي عاسوها وين وكيف ، واساسا خمروها كيف ؟
نيستا يا عمكـ .. إت ما سمعت بـ (أنجيرا قيت)؟
Post: #31 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: معتصم محمد صالح Date: 05-22-2012, 11:31 AM Parent: #28
المفروكة ممكن يجيبو البامية ويفركوها بمضرب البيض او اي الة تانية ما مشكلة. الكسرة دي عاسوها وين وكيف ، واساسا خمروها كيف ؟
وابو صلعة ده مالو بقى عامل كده ؟ غايتو اخر مرة كان معانا هنا ما كان بالحالة دي ..
Post: #32 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: علي الكرار هاشم Date: 05-22-2012, 12:07 PM Parent: #31
يا ناس امريكا خذلتونا رسمي كنا مفتكرين انكم خواجات وتاكلو في البيرقر طلعتو زي بورداب الرياض بس فاقدين شيشة ود الصايم
تحياتي للجميع
Post: #33 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Kostawi Date: 05-22-2012, 03:04 PM Parent: #32
عدس و ملاح لوبيا أخضر و ملاح ودك! يا أمال حسان هسع قاطعة ليك تذكرة طيارة من البلد البعيدة ديك عشان تمشي حوش البقر و تاكلي ليك عدس أخضر?!!!
و كمان عند ناس أب صلعة العريبي بتاع الحلفايا (هامش الخرطوم بحري) و الهندي الأحمر الربراب ود نجيلة.....
و الله هانت!
Post: #34 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: اساسي Date: 05-22-2012, 03:14 PM Parent: #33
Post: #47 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-24-2012, 01:03 AM Parent: #32
Quote: يا ناس امريكا خذلتونا رسمي كنا مفتكرين انكم خواجات وتاكلو في البيرقر طلعتو زي بورداب الرياض بس فاقدين شيشة ود الصايم
تحياتي للجميع
الزميل على الكرار
ود الصايم زارنا في البوست بس بدون شيشة ...
تحياتي
Post: #35 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Adil Osman Date: 05-22-2012, 03:15 PM Parent: #1
يبدو انها لمة ظريفة. الاستاذ عادل نجيلة زول مرح ونضام، على غير جديته في المنبر.
البامية المفروكة والكسرة الملفوفة جزء من "السودان في العالم" شعار المؤتمر. ماشايف خواجات امريكان.
Sudanese mushy okra and kisra (sorghum pancakes) reflect part of Sudan's diversity in the world
Post: #36 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Mohamed Yassin Khalifa Date: 05-22-2012, 07:16 PM Parent: #35
Quote: نيستا يا عمكـ .. إت ما سمعت بـ (أنجيرا قيت)؟
هههه... دي موبالغــــة يا ود الصايم! إنتا زول فعلاً متطلع.. وشواف.
تعرف الناس ديل جابو لينا كسرة (حقتنا) وجابو معاها أنجيرة (حبش)! أها أخوك في الأول هبش الأنجيرا.. ويمين الله حسيت بيها ذي التشتـ ني لمن إتذكرتا تلك المأساة.
البروف أمير إدريس شدد على بكري تواجد السمك كـ شرط لتواجده والسر يكمن في أن هذا السمك مستورد من الموردة بمحوجاته!
بصراحة، اللمة دي كانت جميلة والأكل كان فعلاً شهي وطاعم... وطبعاً هي كانت عشاء لأننا إتعدينا في الغداء الرسمي للمؤتمر.
وأجمل ما في الجمع البوردابي ده عناقي الحار للشاعر الودود صديق مهدي، وللخردة الأريزوني عادل نجيلة أما الزول السمح عبدالمنعم إبراهيم.. نقول ليهو معليش الجلابية الإتكرفست دي (بسببي) رسل لي حق مكوتها!
والله يقدرنا على نشر الصور الكتيرة من كمرتي المتواضعة...
مع خالص الحب والتقدير!
___________________
هجام ودينق ابعدو من البوست ده.. لإحتوائه على بعض المودة والأنجيرا
Post: #37 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عبدالكريم الامين احمد Date: 05-22-2012, 09:04 PM Parent: #36
يا سسسسسسلام والصورة دي حلت لي اكيوشن كانت شاطبة راسي في المنبر ده (فكل مرة بقرا في المنبر اسم العضو محمد جاد كريم) وبقول ياربي ده استاذنا ولا ماياهو وبالصورة دي تاكد رسمي وشعبي بانه ياااهو زاااتو استاذ جاد كريم مساعد التدريس في جامعة الخرطوم في ذلك الزمان واول زول في العالم درسنا وعلمنا وورانا حاجة اسمها كمبيوتر فله المجد والخلود والشكر الجزيل بطول السنين التي عدت منذ جلوسنا في حضرته ونحن (نحاف وحليقي الراس)في ذلك الزمن القديم
والتحايا للاخت سمية ولعبدالمنعم ونجيلة وكل السادة البورداب في نواحي اريزونا بما فيهم بتوع المركز بقيادة محمد الخليفة والذين اصابتهم (فوبيا الانجيرا)
Post: #39 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Mannan Date: 05-22-2012, 11:53 PM Parent: #37
لمة جميلة فاتتنا خاصة وانها اول لمة بعد "فرتقة" السودان لسودانين وكنت حأقترح تغيير اسم الجمعية لجمعية دراسات "السودانين" واقترح المؤتمر الجاى يكون بعنوان: " الهامش : كيف يكون فى المركز" واقتراح آخر بحفظ صورة العزومة فى الآرشيف لمضاهاة العزائم الجاية بعزومة سيد الحوش عشان يكون فى تنافس ... النية كانت موجودة لولا الصحة اللعينة.. التحايا للجميع.. لبكرى وست الحوش وللكوبل جلاب وسعاد ونجيلة ومالك الخير وجاد كريم ومن لم نذكره... إن شاء الله نحضر المؤتمر القادم (إذا مد الله فى الآجال) على قول ود البلال... نورالدين منان
Post: #40 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Mohamed Gadkarim Date: 05-23-2012, 02:54 AM Parent: #39
الأخ الكريم، سيد الحوش الكبير، باشمهندس بكرى أبوبكر، الأخوات الكريمات، والإخوة بورداب أريزونا ،لقد سعدنا بلقائكم على هامش مؤتمر الدراسات السودانية.
شكرا على كرمكم الفياض، وعلى الأريحية، وعلى الحفل الغنائى، وعلى إتاحتكم الفرصة لزيارة البيت السودانى بأريزونا ــ تلك كانت لفته بارعة يا سامى و سمية قسم. سعدت بلقاء أصدقاء بعد طول زمن، وبمعرفة إخوة جدد ، وبرؤية أطفالكم وأسركم. شكرا يا أستاذ عادل نجيلة على كلمة الترحيب وعلى إضافة المرح للمة الظريفة، وفعلا سودانيز أونلاين أصبحت تجمعنا كأسرة لها خصوصيتها ، ووطن إسفيرى لنا جميعا.
لاحظت تواجد أساتذة أجلاء من دولة جنوب السودان فى هذة اللفتة البارعة، بعضهم من الضيوف، وبعضهم من أهل الدار.
سأعود للتعليق على الأساتذة عادل عثمان، البحيراوى، عبد الكريم الأمين أحمد، و منان فى المداخلة القادمة.
أخيرا، هذه اللمة الظريفة،كانت على هامش مؤتمر الدراسات السودانية، الذى لعب فيه أساتذتنا الأجلاء ــ بروفسر عبد اللة جلاب، وبروفسر سعاد تاج السر دورا محوريا، فلهم التقدير على جهدهم المقدر جدا فى نجاح هذا المؤتمر . من جانبى و تعميما للفائدة سأقوم بتقديم تلخيص لبعض الفقرات والدراسات التى قدمت،بعد موافقة ذوى الشأن، وذلك فى بوست آخر لو سمح الزمن.
Post: #41 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: Mohamed Gadkarim Date: 05-23-2012, 03:31 PM Parent: #40
الأصدقاء الكرام عادل عثمان، البحيراوى، عبد الكريم الأمين أحمد، ونور الدين منان . لكم الشكر على التعليق. بخصوص عدم ظهور الخواجات فى الصور، هذة الدعوة كانت أمسية الأحد ــ أى بعد المؤتمر، المؤتمر إستمر لثلاث أيام ، من الجمعة وحتى الأحد، و أنهى أعماله يوم الأحد 20 مايو. قدم سيد الحوش الدعوة لأعضاء المنبر وبعض الأصدقاء، وقتها سافر أغلب الخواجات. فى المؤتمر نفسه كان الخبراء من غير السودانيين أكثر حضورا وإسهاما ــ بعضهم تمتد علاقته بدراسة السودان لأكثر من أربعين عاما. و المؤتمر فى الأصل أكاديمى.
الجواب ــ الخطاب نصف المشاهدة، و فعلا الحى بلاقى يا بحيراوى، أتمنى دوام الصحة والعافية والمقابلة.
أخى عبدالكريم، شكرا جزيلا، نعم، أنا ذلك المواطن، الذى تخرج من قسم المساحة جامعة الخرطوم، ثم إلتحقت بمدرسة العلوم الرياضية كطالب دراسات عليا، ثم عملت بمركز الكمبيوتر العريق، الذى ينطبق عليه وصف عادل نجيلة فى الفديو، وكنت أظهر أحيانا كمساعد تدريس فى بعض علوم الرياضيات والكمبيوتر. الحقيقة إننى أعشق الرياضيات لدرجة أن أحد زملائى فى المدرسة المتوسطة خدعنى أن هنالك قرار صدر من وزارة التربية والتعليم بتحويل مادة الرياضيات للغة رسمية، وأخيرا قال لى ــ لكن الرياضيات ليست لغة. حاليا، الكتوف إتلاحقت، والحقيقة أنا أتابع كتابتكم الشيقة فى مشاكل الحدود والثروة ــ البترول، وأعرف جيدا نقاط التلاقى فيما تكتب وأهميته، وقد يكون من الأفيد أن نجد وسيلة أخرى للتواصل غير المنبر.
الأستاذ السفير منان نتابع بإهتمام بالغ ما تكتب حول الهوية النوبية، سأتواصل معك فى بوست مؤتمر الهامش.
التحية لجميع بورداب أريزونا .
Post: #42 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-23-2012, 11:28 PM Parent: #41
Quote: عدس و ملاح لوبيا أخضر و ملاح ودك! يا أمال حسان هسع قاطعة ليك تذكرة طيارة من البلد البعيدة ديك عشان تمشي حوش البقر و تاكلي ليك عدس أخضر?!!!
و كمان عند ناس أب صلعة العريبي بتاع الحلفايا (هامش الخرطوم بحري) و الهندي الأحمر الربراب ود نجيلة.....
و الله هانت!
والله كوستاوى الخردة ده بقى لينا شوكة حوت .. يا أخي قلنا ليك أريزونا دي مسئولة من أمن العالم تقول لي إحتفال سفارة واشنطون وشنو كدة الجماعة أكلوا وشبعوا .. هو يعني السفير بكون عامل أكل أحسن من أكلنا,,! يا أخي أكلنا ده كلو خير وبركة .. ------------------------------------------------ دكتورة أمال سألتني من تيراب جرجير سوداني .. وفاجأتها بسئوال لمن إستغربت ( إنت بتعرفي كوستاوي) وعلى طول ردت على ( ماهو كوستاوي الخردة ده العايز تيراب الجرجير) ! يعني داير يزرع جرجير في ميريلاند الباردة دي غصبآ عن الجرجير نفسو .. والله يا دكتورة دي جديدة علي .. كدي خليني أسأل خبير زراعي عن نجاح زراعة الجرجير في المناطق الباردة وبعدين ننظر في الطلب .. أصلو نحنا ناس الهامش ديل ما متعودين نشتت تيرابنا زي ناس العواصم والمدن الكبيرة . المهم التيراب جبتو معاي من السودان زرعت كيسين في الحوش الوراني ووزعت الباقي للموصين بإحضاره ولسة في باقي ياخردة خليني أعمل قطعة تانية وأرسلوا ليك جاهز بال UPS وحاول تعملو مفروكة بالكسرة ما بالأنجيرا.. قال عاصمة قال .. أريزونا وييييي ييي
Post: #43 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-23-2012, 11:48 PM Parent: #42
السهم الأسود يشير ألى رجلة سودانية زراعة منزلية وهوم ميد ياخردة ..
والسهمان يشيران لجرجير سوداني هوم ميد TOO مع سمك البلطي المحمر قال سفارة قال .. وكمان عاصمة ..kROMBA
Post: #44 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-23-2012, 11:52 PM Parent: #42
السهم الأسود يشير ألى رجلة سودانية زراعة منزلية وهوم ميد ياخردة ..
والسهمان يشيران لجرجير سوداني هوم ميد TOO مع سمك البلطي المحمر قال سفارة قال .. وكمان عاصمة ..kROMBA
Post: #45 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-23-2012, 11:58 PM Parent: #44
وبقرنا الورا حيشانا ..ORGANIC MILK ,, نحمدالله .. قال حوش البقر قال
Post: #46 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عادل نجيلة Date: 05-24-2012, 00:38 AM Parent: #35
Quote: Sudanese mushy okra and kisra (sorghum pancakes) reflect part of Sudan's diversity in the world
قررر قر ياعادل عثمان ,, تعرف عندي جاري أمريكي أبيض شوبار وداير يعرف أي حاجة .. يوم أنا والأولاد ماشين PICNIC سودانية وشلنا معانا أكلنا ورحلناه للعربية.. وأثناء ما نحن شالين الأكل أسمع ليك جاري المتشوبر ده يعلق ويشمشم في الهوا.. (i SMELL GOOD FOOD) قامت زوجتي ردت عليهو وقالت ( I WILL COOK FOR YOU TOMOROW ) ومشينا. في اليوم التالي زوجتى نادتني وقالت لي شيل الأكل ده أنا عملتو لي LOOKE وكان ده إسمه فكان الأكل عبارة عن ملاح نعيمية وطعمية ولحمة محمرة وسلطة ورغيف بيتا عربي .. وديت ليهو الصينية ورجعت البيت .. أها زولك وأولاده بعد ماخلصوا جابوا العدة راجعة وقام جاري قال لي معلقآ على الأكل( WOW IT IS REALLY GOOD FOOD .. BUT HOW DID YOUR WIFE MAKE THE DIP.. IT IS MOST TASTABLE DIP I HAVE EVER ATE BEFORE) وطبعآ كان قاصد بالدب ملاح النعيمية ..
Post: #48 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عبدالكريم الامين احمد Date: 05-24-2012, 07:08 AM Parent: #46
Quote: أخى عبدالكريم، شكرا جزيلا، نعم، أنا ذلك المواطن، الذى تخرج من قسم المساحة جامعة الخرطوم، ثم إلتحقت بمدرسة العلوم الرياضية كطالب دراسات عليا، ثم عملت بمركز الكمبيوتر العريق، الذى ينطبق عليه وصف عادل نجيلة فى الفديو، وكنت أظهر أحيانا كمساعد تدريس فى بعض علوم الرياضيات والكمبيوتر. الحقيقة إننى أعشق الرياضيات لدرجة أن أحد زملائى فى المدرسة المتوسطة خدعنى أن هنالك قرار صدر من وزارة التربية والتعليم بتحويل مادة الرياضيات للغة رسمية، وأخيرا قال لى ــ لكن الرياضيات ليست لغة. حاليا، الكتوف إتلاحقت، والحقيقة أنا أتابع كتابتكم الشيقة فى مشاكل الحدود والثروة ــ البترول، وأعرف جيدا نقاط التلاقى فيما تكتب وأهميته، وقد يكون من الأفيد أن نجد وسيلة أخرى للتواصل غير المنبر.
تحياتي وتقديري استاذنا الجليل محمد جاد كريم.. ورغم طول السنوات الا ان تلك الايام لاتزال محفورة في الذاكرة... ولن ننسي زيارتنا الاولي لمركز الكمبيوتر في الجامعة الواقع في قلب كلية الاقتصاد وكنت بحضورك معنا وتعاملك الاكاديمي الراقي والعريق خير معين لنا في امتصاص دهشة ورهبةالتعامل مع جهاز شغل العالم وفتح مدارك العلوم والانسانية صوب تقدم وازدهار كبير... ونشكر سودانيز اونلاين الذي اتاح لنا القول حتي نرد اليكم ولو النذر القليل اكراما وتقديرا لما منحتوه لنا من معرفة وعلوم كانت ولاتزال خير معين لنا جميعا في مواجهة هذه الدنيا التي صارت كم هي فرندقس.. ونيابة عن كل تلكم الاجيال نرسل التقدير وكثيف السلام لك ولاسرتك الكريمة...
وحتما لن تتساوي الكتوف وستظل الاستاذية والسنيرة صفات ملازمة ابد الدهر وكتاباتي الذي شرفتني بالحديث الطيب عنها ليس هي الا بعضا من وهجكم وتعليمكم لنا الذي سيظل ابد الدهر وتحياتي وهنا ستجد ايميلي الخاص [email protected]
Post: #49 Title: Re: صور وفيديوهات من غداء(لمة)سودانيزاونلاين ا للبورداب المشاركين فى S Author: عائشة موسي السعيد Date: 05-26-2012, 11:01 AM Parent: #48
التحية للمة السودانيين المشاركين في SSA " لا عاش من يفصلنا".....
لكن بعد الغدوة المرتبة دي.... يابكري مابنستحق تغطية لما دار في المؤتمر وصور وماشابه؟؟؟ ولا عجبتكم قصة الرقص بالعصا ؟
تحياتي على أية حال وتقديري لما تقومون به من جميل الأعمال.
