Post: #1 Title: ***الزول دا ودوه الضل يا جماعة*** Author: الامين موسى البشاري Date: 05-21-2012, 09:52 PM Parent: #0
بسم الله صحيح الاستحوا ماتوا زمان
Post: #2 Title: Re: ***الزول دا ودوه الضل يا جماعة*** Author: الامين موسى البشاري Date: 05-21-2012, 09:57 PM Parent: #1
Quote: الطاهر يدعو البرلمانيين العرب للاستفادة من تجربة السودان في مكافحة الفقر ومحاربة البطالة
أجي يا الما عرفوا ليهو جروهوووووووووو من تِحِت .. ..
__ القول أعلاه ل " كرجاكه " بت حلتنا
Post: #3 Title: Re: ***الزول دا ودوه الضل يا جماعة*** Author: الامين موسى البشاري Date: 05-21-2012, 10:02 PM Parent: #2
Quote: دعا الأستاذ احمد إبراهيم الطاهر رئيس الهيئة التشريعية القومية البرلمانات العربية وفي إطار الجهود الوطنية للتصدي لمشكلة البطالة الي النظر في تجربة السودان الفريدة في الإسهام في تحفيف حدة الفقر ومكافحة البطالة والاهتمام بقضايا الشباب . وثمن لدى مخاطبته امس بفندق كورنيثيا (برج الفاتح) فاتحة أعمال اجتماع اللجنة المالية والاقتصادية للإتحاد البرلماني العربي ، جهود السودان في هذا الشأن من خلال برامج التمويل الأصغر وإنشاء صندوق دعم الخريجين وبنك الأسرة وتخصيص نسبة مقدرة من التمويل المصرفي لهذا الغرض مع إنفاذ برامج التدريب للشباب مؤكدا ضرورة تبني إستراتيجية عربية شاملة تأخذ في الاعتبار تأهيل الشباب وإنشاء قاعدة معلومات قومية للوظائف المطروحة في القطاعين العام والخاص والاستفادة من تجربة بعض الدول بفتح الأسواق والتجارة البينية وتقوية التكتل الاقتصادي العربي المشترك بإنشاء السوق العربية المشتركة وانتقال رؤوس الاموال بين الدول العربية وتحسين مناخ الاستثمار وإزالة القيود التنظيمية والقانونية مما يساهم من الحد من هذه الظاهرة .
يعني كضب زي دا من الله خلقني ما لاقاني ياخ حيرته مسيلمه زاتووووووووووو والله صحي
Post: #4 Title: Re: ***الزول دا ودوه الضل يا جماعة*** Author: الامين موسى البشاري Date: 05-21-2012, 10:06 PM Parent: #3
Quote: كما دعا البرلمانات الوطنية أن تؤدي دورا هاما في دراستها وسن التشريعات ومراقبة السياسات التي يطرحها الجهاز التنفيذي في الدول العربية من اجل التصدي لها . وتطرق الطاهر الي أهمية دور البرلمانيين العرب في قضية البطالة التي تعاني منها كافة الدول العربية والإسهام في الحلول الناجعة عن هذه الظاهرة التي تتفاقم يوما بعد يوم ووصفها بأنها أصبحت مخيفة لسكان المنطقة العربية ومؤشرا لاتساع دائرة الفقر .
ياخ ديل حيروا ليكـ ابليس زاتو خلي مسليمة يعني الزول دا لا بسمع جرايد ولا بشـــوف اذاعـــة ولا بقرأ تلفزيون اقسم بالله أنا خجلت ليهو غايتو يا معاوية من دربكـ دا وطوالي تدق تأشيرة خروج نهائي عشان تمشي تنعم بالرفاهية دي
كن بخير
Post: #10 Title: Re: ***الزول دا ودوه الضل يا جماعة*** Author: محمد علي شقدي Date: 05-22-2012, 08:13 AM Parent: #8
حبيبنا الامين البشاري سلام
بمناسبة جرووو دي واحد من حلتنا واقع في حفرة رمله لي صدرو الجماعة بجروو فيهو وهو يكورك (ما تجروني جر احفروني حفر)
الجماعة ديل دايرين (ام بحتي ) عديل يا اخوي اللمين
Post: #11 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 08:42 AM Parent: #10
Quote: بمناسبة جرووو دي واحد من حلتنا واقع في حفرة الرمل لي صدرو الجامعة بجروو فيهو وهو يكورك (ما تجروني جر احفروني حفر)
الجماعة ديل دايرين (ام بحتي ) يا اخوي اللمين
حبيبنا محمد علي شقدي
سلامي وتحياتي،،، ياخ انا قريت الخبر قعدته اضحكـ يعني معقول الناس بتكضب للدرجة دي؟ وبلا خجلة كمان اها دفتوا السودان دفن ياخ
كن بخير
Post: #12 Title: Re: ***الزول دا ودوه الضل يا جماعة*** Author: عبدالله ود البوش Date: 05-22-2012, 08:44 AM Parent: #10
Quote: (ما تجروني جر احفروني حفر)
شقدييييييييييييي ....... الله امتعك دنيا وآخرة ضحكت لمن شرقت . . دي برضو في حلتنا عبدالجليل عرس وصاحبو انور ختا ليهو طرادة في عرسو انور عرس وصاحبو عبدالجليل عمل فيها حميل انور في اللنداية وقع عندو ملاريا السكارا شبحوهو شايلنو مودنو الضل واحد شايل كراع وواحد شايل ايد تخيل المنظر عزيزي شقدي وايضا كذلك عزيزي البشاري والقارئ الكريم ونسوا الراس متدلدل عبدالجليل حنا عليهو وجاء مسك الراس انور صنقع شاف عبدالجليل ماسك راسو فصاح فيهو بباقي الملاريا يا معاوية وحمدا لله على سلامتك وحقك دفتر والله خسارتك فادحة لكن الجاتك في حديدك سامحتك نرجع لموضوع الجبنة اها انور شاف عبدالجليل ماسك راسو فصاح عبدالجليل فك الراس دا فكو خليهو اتكسر مالك ومالو رزية ونطاحة يا بشاري محن والله محن جعفر نميري الله يرحمو زمان جاء السعودية فاستقبله الملك خالد له الرحمة وعرفو بالوزراء ومن ضمنهم وزير الزراعة السعودي نميري قاليهو ربنا قال ما معناهو وجلعناهو في وادي غير ذي زرع انت عامليك وزير زراعة كمان؟ قرد عليه ماانت برضو عندك وزير مالية
Post: #13 Title: Re: ***الزول دا ودوه الضل يا جماعة*** Author: حمزاوي Date: 05-22-2012, 09:00 AM Parent: #12
الشيخ البشاري قريبي صدقني لو الواحد تابع تصريحات ناس الانقاذ عديييل حيحتاج لاخصائي اذن وعقل وعين ولسان الناس دووول عندهم جنس تصريحات وكلام يحير الواحد عديييييييييييييل غايتو جنس غايتو
اللهم طولك يا روح
Post: #16 Title: Re: ***الزول دا ودوه الضل يا جماعة*** Author: سيف بخيت موسي Date: 05-22-2012, 09:22 AM Parent: #13
Quote: الي النظر في تجربة السودان الفريدة في الإسهام في تحفيف حدة الفقر ومكافحة البطالة والاهتمام بقضايا الشباب
فريدة الشوية دي
اللمين صباحك خير
والتحايا للجميع
Post: #23 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 09:54 PM Parent: #16
Quote: فريدة الشوية دي
اللمين صباحك خير
والتحايا للجميع
ابو السيوف تحياتي
شفت المحن والكضب الكبار دا
Post: #19 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 04:20 PM Parent: #13
Quote: الناس دووول عندهم جنس تصريحات وكلام يحير الواحد عديييييييييييييل غايتو جنس غايتو
اللهم طولك يا روح
حمزاوي يا صفوة
الزول دا بالذات فات الكباااار والقدرو
Post: #15 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 09:22 AM Parent: #12
Quote: شقدييييييييييييي ....... الله امتعك دنيا وآخرة ضحكت لمن شرقت
صاحبي ود البوش
سبقتكـ على الضحكة قبيييييييييييييييييل والله وقصصكـ عجيبة يا عمكـ
تحياتي
Post: #14 Title: Re: ***الزول دا ودوه الضل يا جماعة*** Author: أيمن الطيب Date: 05-22-2012, 09:09 AM Parent: #10
سلامات يا بشارى,,,
"فلنعد صياغة الأشياء ونحاول الولوج أكثر فى خفايا الفهم والإدراك علنا بتغيير زوايا النظر ننجح فى تحويل ألوان الرؤى من السواد إلى بعض من بنفسج,,,,"
أنا أفتكر نحن المفروض برااانا نشيل عفشنا ونمشى نفتش الضل دا زاتو دربو بي وين...
ألمصيبة الكبرى إنو عمك دا يكون مقتنع بإنو البقول فيهو دا حقيقة وواقع... لكن أقول ليك حاجة الرجفة ماشة زايدة الأيام ديل وكلما الحمى زادت كلما كترت معاها الهضربة من النوع البخليك واقف فاتح خشمك غالبك حتى الكلام دا,,
ياخ ديل قالوا فيصل عميل دول أوروبية ويساعد على تنفيذ مخططات وأجندات أجنبية!!!!
إسرائيل نفشت البرادو بصاروخ Disposable وعبدالرحيم ما قادر يفارق الحمام من الصباح وإحتمال يطلع يقول لينا كل القوة إسرائييييل جوووووووووووة خالس خالس..
متى ستستحى شركة المؤتمر الوطنى وملّاكها؟؟؟؟
تحياتى,,,
Post: #24 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 10:02 PM Parent: #14
Quote: إسرائيل نفشت البرادو بصاروخ Disposable وعبدالرحيم ما قادر يفارق الحمام من الصباح وإحتمال يطلع يقول لينا كل القوة إسرائييييل جوووووووووووة خالس خالس..
ايمن الطيب
سلامي وتحياتي،،، وممنون لمروركـ الجميل هذا لو عايز الضل يا ايمن الضل ثمنه تبيع نفسكـ وتحكم على ضميرك بالموت .. وما ظنيتنا بنقدر على جنس دا يا ايمن ياخ غايتو انا لو لقيت طريقة بتربس باب الحمام من بره في الزول دا
Post: #17 Title: Re: ***الزول دا ودوه الضل يا جماعة*** Author: صديق عيسى صالح Date: 05-22-2012, 09:48 AM Parent: #3
Quote: الي النظر في تجربة السودان الفريدة في الإسهام في تحفيف حدة الفقر ومكافحة البطالة والاهتمام بقضايا الشباب .
يا النبى نوح!!!! والتجربه الفريده دى نحن يا كافى البلاء لا سمعنا ولا شفناها . الظاهر عملوها كسامبل sample فى جخانين المؤتمر الوطنى وسوف يتم تعميمها للجميع وانت ولد ابا البشارى الصبر الببل الابرى ما عندك .
والله صحى
Post: #18 Title: Re: ***الزول دا ودوه الضل يا جماعة*** Author: البحيراوي Date: 05-22-2012, 11:37 AM Parent: #17
الأخ اللمين موسى البشاري
تحياتي - يا زول أهلنا قالوا
سماحة الكضب ، يا زول جايي من بعيد ويا شايباً ما ليه نديد
أهـ زولنا جي من بعيييييد ولا ماعنده نديد
بحيراوي
Post: #20 Title: Re: ***الزول دا ودوه الضل يا جماعة*** Author: مهيرة Date: 05-22-2012, 04:40 PM Parent: #18
سلام ياللمين اخوى
والله الزول دة مابنزل من الزور
ياربى ماقاعد يشوف قناة الجزيرة؟؟!!
تحياتى
معارض سوري ; أنتقلنا الي منافسة جيبوتي والسودان في الفقر والعوذ]
Post: #21 Title: Re: ***الزول دا ودوه الضل يا جماعة*** Author: مها عبد الله Date: 05-22-2012, 05:07 PM Parent: #20
يكون قاصد تجربة الزول دا فى قرم وبلع الدجاج يا بشاري ياخ
Post: #22 Title: Re: ***الزول دا ودوه الضل يا جماعة*** Author: عبد الناصر الخطيب Date: 05-22-2012, 05:22 PM Parent: #21
.
الأمين موسي البشاري بعد التحايا وكتير السلام
نفس المواطن ده كنا بنعلق قبل كم يوم في الفيسبوك على تصريحوا القال فيهو _ قدس الله سره _ تدين المسؤلين في السودان هو البقلل من وجود الفساد .............. فتأمل
قوم أتخيل لو ما المسئولين ديل كانو متدينين وخائفين فينا الله كانو عملوا شنو ؟؟؟؟؟؟؟؟؟ نصيحة لله ما تتابع كلام الزول ده بالجد ما حتقدر تفهم العالم العائش فيهو ولا عوز يصل لشنو إحطياطا كده : جهنم الناس فيها ألف تصريح ز ي ده ما بقنعهم أنهم في ................. الجنة
تحياتي
Post: #29 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 11:07 PM Parent: #22
Quote: تدين المسؤلين في السودان هو البقلل من وجود الفساد .............. فتأمل
عبد الناصر الخطيب
سلامات يا رجل....... دي الحالة متدينين وما عارف لو كانوا غير ذلكـ كان حصل شنو يا عبد الناصر لكنا شفنا العجب العجاب .... والله صحي
Post: #28 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 10:28 PM Parent: #21
Quote: يكون قاصد تجربة الزول دا فى قرم وبلع الدجاج يا بشاري ياخ
بالجد للمتعافي دا تجربة فريدة في بلع كل ما هو حرام
دا حبيبي ياخ على قولة المصريين .. ..
__ الاجازة بدأت ولا لسه؟ شنو ياخ ما منتظرين وعودكـ بالخرمجة الشديدة يا صفيحة
Post: #30 Title: Re: ***الزول دا ودوه الضل يا جماعة*** Author: مها عبد الله Date: 05-23-2012, 07:53 AM Parent: #28
هسه يا بشاري حصل سمعت بدمغة البترول فى أي بلد عربي ، من صفحة الأصدقاء بيوميات البشير ، مع بشة مش ح تقدر تغمض عينيك ، شفت إحنا ما عندنا فقر كلو كلو وبننتج بترول كمان ، يلا يا عرب قلدونا فى كل حاجة بالله
Quote: الاجازة بدأت ولا لسه؟ شنو ياخ ما منتظرين وعودكـ بالخرمجة الشديدة يا صفيحة
إبن عمي منعني من الخرمجة ، وقال بعصايتو ح يجئ يكعكع ليك الناس دي علشان كدا سمح لي بمداخلة ببوستات بشاري فقط
Post: #27 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 10:18 PM Parent: #20
Quote: والله الزول دة مابنزل من الزور
ياربى ماقاعد يشوف قناة الجزيرة؟؟!!
مهيرة نفس الشعور والله
في الانتخابات الاخيرة المخجوجة اهله فلقوه وكسروا ليهو عربيتو
اها بالطريقة دي نحن لينا حق نشمو لله في لله
حتى بدون كضبو دا
كوني بخير
Post: #26 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 10:12 PM Parent: #18
Quote: سماحة الكضب ، يا زول جايي من بعيد ويا شايباً ما ليه نديد
أهـ زولنا جي من بعيييييد ولا ماعنده نديد
بحيراوي يا حبيب صدقت
كضب بلا خجلة ....... والله صحي
كن بخير
Post: #25 Title: Re: ***الزول دا ودوه الضل يا جماعة*** Author: الامين موسى البشاري Date: 05-22-2012, 10:07 PM Parent: #17
Quote: يا النبى نوح!!!! والتجربه الفريده دى نحن يا كافى البلاء لا سمعنا ولا شفناها
البشـــوف القلب يا صديق ياخ غايتو لينا 23 سنة ما شفنا لينا تجربة واحدة ناجحة الا في مخيلتهم المريضة ........ .. ..
__ تحيات زاكيات
Post: #31 Title: Re: ***الزول دا ودوه الضل يا جماعة*** Author: الامين موسى البشاري Date: 05-28-2012, 11:31 AM Parent: #25
