ماذا تفعلين ايتها الزوجة كى يذوب فيك عشقا وولها ,,,,, تعالى ,,,, الصباح بتصحى معاهو وتعملى ليهو الشاى وتتونسو ونسة الصباح وتقدميهو لحدى الباب ولا بتكونى نايمه والحبشية بتعمل ليهو الشاى وتقدمو للباب ؟؟؟؟ طيب لمن تصحى من النوم بتتصلى بيهو ولا بتعملى ليهو مسج ولا بتطنشى ؟؟؟؟ طيب لمن يرجع من الشغل بلقى البيت مرتب والشفع نضاف والاكل جاهز وريحة البخور والعطور ماليه البيت ولا بلقاك يادوب حلتك فى النار وانتى وشفعك حالتكم حاله وريحة البصل ماليه البيت ؟؟؟؟ هو بعرسو فيكم من شويه (( وش مغيوظ منكم ))
الصباح بتصحى معاهو وتعملى ليهو الشاى وتتونسو ونسة الصباح وتقدميهو لحدى الباب ولا بتكونى نايمه والحبشية بتعمل ليهو الشاى وتقدمو للباب ؟؟؟؟
طيب لمن تصحى من النوم بتتصلى بيهو ولا بتعملى ليهو مسج ولا بتطنشى ؟؟؟؟
طيب لمن يرجع من الشغل بلقى البيت مرتب والشفع نضاف والاكل جاهز وريحة البخور والعطور ماليه البيت ولا بلقاك يادوب حلتك فى النار وانتى وشفعك حالتكم حاله وريحة البصل ماليه البيت ؟؟؟؟
هو بعرسو فيكم من شويه (( وش مغيوظ منكم ))
سأواصل
Post: #40 Title: Re: **** المـشاهدة للمتـزوجات هـــذة المــرة **** Author: رانيه محمد الشيخ Date: 05-22-2012, 02:11 PM Parent: #4
اختى منال موضوع جميل جدا ومسلى وممتع وشائك كتير بستغرب فى ان الزوجه كيف تعجز انها تثير مشاعر الرومانسيه فى بيتها الرجل عموما كان سودانى كان ما سودانى رجل ومافى رجل مفروض يصعب على اى إمرائه كسر جموده وثباته وقوته بالمشاعر والحب والحنيه والكلمه الطيبه الانسان كان رجل كان امرأه بحوجه للعواطف الصادقه ربنا سبحانه وتعالى اوضح لنا فى كتابه الكريم ان الزوج والزوجه سكن لبعض وجعلنا بينكم موده ورحمه الحكايه ما قصص غراميه وبحبك وححبك وحموت عليك وما قادر اعيش من غيرك وما شايفه بدونك و....................... نق نق نق نق ن قن ق الحياه سلوك وتصرف احترام اخلاص وفاء رعايه بابسط الطرق الممكنه نظره ممكن تساوى كنوز الدنيا لو نبعت من نفس صافيه محبه صادقه دوما بندمر حياتنا بالالفاظ القبيحه البتسكن النفوس وتتحكر فيها ومهما طال الزمن لا تنسى حتى مع الغضب والحزن مفروض نتماسك قبال ما نقضى على المشاعر النبيله البيتماسك بيها البيت الكضب والاستخفاف كل طرف بالاخر من سلبيات البيت السودانى احتقار المجهود والتعب نسيان المعروف واللحظات الجميله حياتنا مافى اسهل منها ومشاعرنا مافى انقى منها بنحتاج فقط لتفاهم واتزان عشان بيتنا يكون مليان حنان
الاخت منال تحياتى اى الزوجات انت تخاطبين؟ اذا كنتى بالفعل تقصيدين الزوجه السودانيه فحديثك عن الرومانسيه بهذه الطريقه لا تناسبها بل ترفضها جملة وتفصيلا وهل توجه السودانيه لتنظف بيتها واطفالها وتراعى زوجها بل كأنك تخاطبين زوجة العصور الوسطى وهل حب الرجل لزوجته بالبخور والعطور والدلال فقط ؟؟ استاذه منال المراه انسان بل الانسانيه لا تتجزأ فالبخور والعطور لا يحل محل الصفات الجميله الاخرى ماذا يفيد الدلال مع عقل خاوى الرجل يحب فى المرأة الذكاءوالوفاء والنقاء الرجل العصرى لا يحب شريكة خاوية الوفاض
لا يريد الرجل امرأة دميه.تتجمل ظاهريا فقط فالرومانسيه ياعزيزتى بالفهم السودانى هى حب البيت حب الزوج حب الاولاد وطالما هنالك حب اسرى مشترك فالكل يسعى للحفاظ على هذا الحب بكل بساطه وبدون جرعات ووصفات ورشتات جاهزه والانثى الكامله هى التى تعرف حدودها جيدا هى التى تعرف ربها جيدا وفى معرفة ربها ارضاء لزوجها والعمل على راحة اسرتها الاشياء التى زكرتيها هى موجوده بالغريزه وبالفطره عند كل انثى سودانيه وزينة المرأة الحقيقيه تكمن فى حيائها وحلو حديثها من غير ابتزال اونبرج الحب الحقيقى عندنا كسودانيات هو السمو بالنفس وغذاء الروح والتثقيف والتجديد المفيد وتربية الاولاد تربيه فاضله هو العلم والعمل والايمان عموما شكرا لك نيابة عن الزوجه السودانيه وانتى برضو مرحب بيك وبنصايحك فى المنتديات السودانيه فائق احترامى
Post: #41 Title: Re: **** المـشاهدة للمتـزوجات هـــذة المــرة **** Author: رانيه محمد الشيخ Date: 05-22-2012, 02:26 PM Parent: #16
الرائعه فتحيه كلام زى الورد وما اظن صعب على المراه السودانيه البحق وحقيقى معرفته لكن ,,,, هل نرى المراه السودانيه بكثره هذه الايام وهل نرى الرجل السودانى الاصيل فى هذا الزمان نحن نرى ذكور واناث امتلأ به المكان نماذج لحياه زوجيه يهلع من فجعتها الوئام والسبب اختفاء الثوابت والاسس القيمه والدين اصبحوا اشياء لاستعمال الظاهرى فقط لذلك ينهار بسرعه اى بنيان لانعدام فضيلة الانسان
و طبعا المرأة فى هذا العصر لازم بتكون بتفهم فى المفاهيم العامة ما تكون طرشاء
يعنى ما يكون همها بس الكوافير ، برضو مفروض تعرف عن كوفى عنان ، الايفون فور اس
عن التايوتا ، كيف تضبط قناة جديدة فى الدش ، يعنى تمشى حالها
Post: #22 Title: Re: **** المـشاهدة للمتـزوجات هـــذة المــرة **** Author: زهير عثمان حمد Date: 05-22-2012, 00:06 AM Parent: #21
منال أزيك والله لكين الحرمان ما عندكم وبعد دا يتعززوا لما يكون في واحد رومانسي زي أبو الزهراء بيقدم عرضوا( عيشوا الحرمان) أنشالله طوالي يا رقيه ما تهنيء
* بعض الأشياء بسيطة - معنوية - ويستطيع أي أحد في المنزل ان يفعلها - ولكن طعمها يختلف جداً عندما تقدمها المرأة لزوجها أو الزوج لزوجته
Post: #26 Title: Re: **** المـشاهدة للمتـزوجات هـــذة المــرة **** Author: د.نجاة محمود Date: 05-22-2012, 05:50 AM Parent: #25
يا منال نصائحك ذي نصائح المجلات الصقيلة الورق ديك يا بتي العيشة كلها بقت فزعة جماعية عشان الناس تعيش المسؤوليةما معها رومانسية ومن ملاحظاتي اكثر الرجال البعرسو تلقي بيتهم نضيف والزوجة اسمح واصغر من الزوجة الجديدة
الموضوع ما موضوع رومانسية بس قرش زائد ونساء متاحات الجهالة السعيدة مرات بتشبه الرومانسية خلي بالك محمد البشرى لو بتعملوا الحاجات في وقتها ما بنق فيكم الماسورة تتحلج بالاسابيع وانتو داخلين مارقين الشافع عنده حمى من العصر انتو ما عايزين تفارقو السرير للمغرب كل النقة من اجل الاسرة كلها وخيرها
Post: #27 Title: Re: **** المـشاهدة للمتـزوجات هـــذة المــرة **** Author: محمد هاشم ابوزيد Date: 05-22-2012, 06:43 AM Parent: #25
كلميهم وعلميهم اصول اللعبه شكرا منال
Post: #28 Title: Re: **** المـشاهدة للمتـزوجات هـــذة المــرة **** Author: Hisham Ibrahim Date: 05-22-2012, 07:20 AM Parent: #27
جيب جيب جيب
ولمن تغيرها وتصلحها شويه
جيب معاك جيب معاك جيب معاك ..
دا غير كسير العده كان منها ومالا من جناها وتضايرها راااحه كدا في القمامه ..!!
والا السوق ماشه السوق ماشه السوق أرح السوق ....
انا الزواج دا ما كُنت قايلو كدا ...!
كثنت قايلوا .................... بس ..!
بوست يفرج الهم ذاتو ،،،
Post: #29 Title: Re: **** المـشاهدة للمتـزوجات هـــذة المــرة **** Author: عزالدين عباس الفحل Date: 05-22-2012, 08:02 AM Parent: #28
ســـلام مـنـال ،،، لحدي الحين، لم أتصفح البوست ،،،
Quote: منال أزيك والله لكين الحرمان ما عندكم وبعد دا يتعززوا لما يكون في واحد رومانسي زي أبو الزهراء بيقدم عرضوا( عيشوا الحرمان) أنشالله طوالي يا رقيه ما تهنيء
فى نوع من الزوجات بتكون دايما متزمرة وعبوسة دايما وجنها شكية
النوع البنهر الراجل وتديهو العين الحمرا (مسكين والله ÷
النوع المابتغير تسريحة شعره ولا بتتحنن الا تكون فى مناسبة
النوع الاصلو مابعرف يضحك
النوع ده بغيظنى اغاظه ,,,,,,,,,
Post: #38 Title: Re: **** المـشاهدة للمتـزوجات هـــذة المــرة **** Author: بدر الدين محمد Date: 05-22-2012, 01:32 PM Parent: #36
منال سلام ... كل رجل في مخيلته إمرأة أخرى غير زوجته .. كلهم يعملون بالمقولة ( إن المرأة التي أعطتنا وعداً ولم تجيئ تظل أجمل من تلك التي أعطتنا وعداً وجاءت , وأن الشفاه التي لم تنذوقها تظل أحلى دائماً من تلك التي تذوقناها ............ شكراً على هذا البوست الرائع
سلام سميتي العزيزة .....الرومانسيه للناس البفهموها يا منال....الرجال القاعدين في البوست ديل كلهم ......متين آخر مرة جبت لي زوجتك وردة..؟... ومتين آخر مرة قلت ليها شكرًا؟ ....ما تخلونا ساكتين أحسن......ي
سلام سميتي العزيزة .....الرومانسيه للناس البفهموها يا منال....الرجال القاعدين في البوست ديل كلهم ......متين آخر مرة جبت لي زوجتك وردة..؟... ومتين آخر مرة قلت ليها شكرًا؟ ....ما تخلونا ساكتين أحسن......ي
اجيب ليها وردة؟ والله تقول علي قليل آدب...
سالها.. . عندكم زهور؟ ايوه عندنا زهور لونها أحمر؟ ايوه لونها أحمر طيب ممكن تقطعي واحدة عشان خاطري؟ الغنم هي البتقطع الزهور طيب ممكن تشميها؟ الكلاب هي البتشم الزهور طيب ممكن تلعبي بيها؟ الكدايس هي البتلعب بالزهور اقول ليك حاجة؟ ايوه Go to hell هل علامة استفهام
حاجة غريبة ، عينيـك والـمطر..دايما بيدخلوني في حالات تانيـه..نسجتك زفة خواطر وصوت الـمطر ، طبل يدق جوه في نبضي..و ما بين بينك وبين ..تركبني غيوم الـجن..و أجري معاك في الشوارع الـمبلولة.. الشوارع البتـمارس الاغتسال بتفاصـيل مرعبة..وألقاك وسط اللـيل بشـارة..عينيك والـمطر..وكلمة تاهت في تلافيف الذاكرة..
تسلمى يا منال دايمآ كتاباتك ليها طعم خاص بالنسبة لى
مش قالو ( كونى له أنثى يكون لك رجل )
وتيب !!!
Post: #54 Title: Re: **** المـشاهدة للمتـزوجات هـــذة المــرة **** Author: عمر علي حسن Date: 05-22-2012, 04:23 PM Parent: #44
ممتعع جدا .. خصوصا لمن تتفلت الحياة ذاتها من بين ايديهم
قالت لك احداهن في البوست السابق :
Quote: ولما يمر على زواجكم تلاته سنين.. يديك تلاته وردات...
طيب ولما يمر علي زواجكم 30 سنه .. يجيب ليك 30 ورده من وين ؟
علي ايامنا واحد شماسي معجب ببنت صيدليه عندها عربيه .. جات طالعه لقته راقد تحت العربيه بين الاربعه لساتك .. قالت ليه من فضلك اطلع .. ابي .. قدر ما حنستو ابي وقال ليها ما بطلع الا تقولي لي احبك .. في الاخر قالت ليه طيب احبك ياخي .. طلع من تحت العربيه يجري ويكورك : قالت لي احبااااااااااااااااااااااااك .. سمّع ليك السوق كله ..
شفتي الرومانسيه كيف
عمر علي حسن
Post: #90 Title: Re: **** المـشاهدة للمتـزوجات هـــذة المــرة **** Author: مها عبد الله Date: 05-23-2012, 08:55 AM Parent: #54
Quote: علي ايامنا واحد شماسي معجب ببنت صيدليه عندها عربيه .. جات طالعه لقته راقد تحت العربيه بين الاربعه لساتك .. قالت ليه من فضلك اطلع .. ابي .. قدر ما حنستو ابي وقال ليها ما بطلع الا تقولي لي احبك .. في الاخر قالت ليه طيب احبك ياخي .. طلع من تحت العربيه يجري ويكورك : قالت لي احبااااااااااااااااااااااااك .. سمّع ليك السوق كله ..
شفتي الرومانسيه كيف
سلام وتحايا عم عمر ايامك هى أيام مميزة بكل المقايسس ، تجسد هذا التميز من خلال كتابات الشعراء والأغاني التى نستمد منها بعض من رومانسية هذه الايام المزعومة !
Post: #51 Title: Re: **** المـشاهدة للمتـزوجات هـــذة المــرة **** Author: عمر الفاروق عبد الله الشيخ Date: 05-22-2012, 04:04 PM Parent: #47
ده موضوع في غاية الاهمية وبالذات نسوان المغتربين بمختلف مسمياتهم
الموضوع بيرتبط بالتربية وضارب في الجذور اما عمليات المكياج الانساني فقد تصيب وقد تخطي وعلي كل فالنحاول
الموضوع الاساسي في المشاكل والنقة هو الفكة والضحاكات في رواية اخري اي الوضع الاقتصادي بمعني الرومانسية دي بتجي مع الموني وهذا لا يمنع بان بنات حواء العاملات بما لهم من تحرر اقتصادي فقد تقل الرومانسية عندهن وهذا نسبي اما الرجل فحدث ولا حرج ولنا عودة بعد الصلاة
منوله ... سلام اولا لازم يكون في ارضية مشتركة يبن الزوج والزوجة من كل النواحي قولي اكاديميا دي نفطها ممكن الزوجة يكون تعليمها نص نص ما مشكلة لكن لازم تكون في حاجات مشتركة بيناتم ثقافة فكر رياضة حاجات كتيرة لما تكون مشتركة بيناتم الحياة بتكون حلوة وساهلة وهسة انا والسني بنحب السينما وكل خميس لازم نمشي السينما وبنمشي مسارح وبنمشي اي قلري
لكن برضو بيرفع لي كثافتي والكلام ده للاخ محمد البشري لانو قال النقة بترفع الكثافة .... ماانتوا لو بتعملوا الحاجة طوالي اكيد ما حيكون في رفع كثافة وانا عشان زمان اول ما اتزوجتة طوالي كثافتي في السماء هسة اشتريت دماغي وبقيت اي حاجة بعمل براي يعني فاتورة الكهرباوالتلفون انا بمشي بدفعم لاني كان استنيت السني اكيد حيقطعوهم الجمعية انا البمشي اجيب الحاجات يلا شوف موبايلي الارقام الفيهو السباك بتاع الغاز رقم الدكان مواعيد عيادة سامي (( التطعيم)) حتي مواعيد مراجعتو مع الدكتور مواعيد تجديد الاقامات دة كلو انا البذكرو ليهوه لانو بيقول لي نا غير شغلي ما بعرف اي حاجة
Post: #52 Title: Re: **** المـشاهدة للمتـزوجات هـــذة المــرة **** Author: معتصم محمد صالح Date: 05-22-2012, 04:10 PM Parent: #47
منال سلام فى واحدة من اذاعات FM بجى زول يغنى بيقول بنيتى راجل كان ناداك ما تلحقى وكورة تحت العنقريب خطه الخ..... ممكن نضيفها الى المتزوجات كنصيحة تحياتى
Post: #59 Title: Re: **** المـشاهدة للمتـزوجات هـــذة المــرة **** Author: عمر الفاروق عبد الله الشيخ Date: 05-22-2012, 05:20 PM Parent: #58
موضوع البوست يمشي في اتجاهين يا منال, بعد اذنك نسوق في اتجاه ما يجب على الرجل ان يفعله تجاه زوجته
في رأيي من اهم عوامل نجاح الحياة الزوجية - بعد الإحترام طبعا - هي المشاركة المشاركة في كل شي من اتخاذ القرارات و التخطيط مرورا بمشاركة الإهتمامات المختلفة وانتهاء بغسيل العدة وفي الغربة بالذات مسالة المشاركة دي مهمة جدا, المراة تحس بتقديرك ليها لما تمشي معاها السوق و تتشاوروا في اختيار ملابس الأطفال و حتى نوع ولون الملايات .. إلخ الأعمال المنزلية كذلك فالمراة لما تلقاك بتمد يدك و تدخلها معاها في حمام شافع تجهيزو للمدرسة بعض الأعمال البسيطة ما بتحس انها مجرد خادم ليك ولأولادك مرة مرة كدا شاركها في تجهيز المائدة مثلا او رفعها, بعد عزومة ما لازم تساعدها في ترتيب البيت كلمات بسيطة زي يديك العافية و ما قصرتي اثرها كبير مهم جدا التعليق و الإشادة بالطبيخ غالبا الزوجة هي البتهتم بالمذاكرة للأطفال فمن المهم الإشادة بمجهودها مع ظهور النتائج
دا الكلام العام و المثالي, نجي للمفيد بقى : عزيزي الرجل لو كنت مثلي لا تطيق اللف في الأسواق وفي نفس الوقت عايز ترضي المرة فتقوم تسوقوا الأولاد معاكم و تتحجج بانك عايز تلعّبهم بالنسبة لغسيل العدة فبادر بكل حماس لكن كل مرة تخّير ليك فنجان أو صحن من طقم غالي و خليه ينزلق عرضا من يدك و ينكسر لا تنسى ان تبدي أسفك, صحن صحنين وفنجانين تلاتة و تاني كل ما تقوم على العدة ح تلقاها حلفت عليك يا حبيبي انت تعبان لا والله خليها انا بغسلها لكن حذاري من السرامس لو اتكسر سيرمس بالذات الألماني واطاتك بتصبح ولازم تجيب بدلو
________________________-
يا بيان ويا احلام نعم معاكم حق التأخير واللامبالاة مزعجة لكن دا ما سبب أومبرر للنقة اللانهائية البتاكل اعصابك أكل
Quote: كل رجل في مخيلته إمرأة أخرى غير زوجته .. كلهم يعملون بالمقولة ( إن المرأة التي أعطتنا وعداً ولم تجيئ تظل أجمل من تلك التي أعطتنا وعداً وجاءت , وأن الشفاه التي لم تنذوقها تظل أحلى دائماً من تلك التي تذوقناها)
Quote: يا منال نصائحك ذي نصائح المجلات الصقيلة الورق ديك يا بتي العيشة كلها بقت فزعة جماعية عشان الناس تعيش المسؤوليةما معها رومانسية ومن ملاحظاتي اكثر الرجال البعرسو تلقي بيتهم نضيف والزوجة اسمح واصغر من الزوجة الجديدة
الموضوع ما موضوع رومانسية بس قرش زائد ونساء متاحات الجهالة السعيدة مرات بتشبه الرومانسية خلي بالك محمد البشرى لو بتعملوا الحاجات في وقتها ما بنق فيكم الماسورة تتحلج بالاسابيع وانتو داخلين مارقين الشافع عنده حمى من العصر انتو ما عايزين تفارقو السرير للمغرب كل النقة من اجل الاسرة كلها وخيره
المرأة برضو بتشارك الرجل في مسؤولياته يا منال لكن اذا انا فاهم السؤال صاح فالشي الذكرتيه اعلاه بصراحة وفي الزمن العلينا دا تحقيقه صعب انا شخصيا افضل المرة الح تمشي براها للمدرسة تتابع الأولاد و تودي العيان فيهم للدكتور و تمشي تدفع الكهرباء - يا قول احلام - و تجيب النجار و السباك على المرة البجي راجع بلقاها مستنياني شاية حلة الموية السخنة و البشكير و مخلية علي كل المسؤوليات اعلاه بفضل المرة البتناقشني و تاخد وتدي معاي وتقنعني بي رأيها على البتهز راسها موافقة على كل البقولو
لكن قبل دا كلو بفضل المرة الما بتنق ههههههههههههههه
بالنسبة للومك للمراة على تصرفات الراجل دي فيها اجحاف و تعميم مخل نعم في حالات معينة بتكون صحيحة لكن ما على اطلاقها كدا في رجال مناعيل منهن وليهن كدا هههههههههههه
Quote: عزيزي الرجل لو كنت مثلي لا تطيق اللف في الأسواق وفي نفس الوقت عايز ترضي المرة فتقوم تسوقوا الأولاد معاكم و تتحجج بانك عايز تلعّبهم بالنسبة لغسيل العدة فبادر بكل حماس لكن كل مرة تخّير ليك فنجان أو صحن من طقم غالي و خليه ينزلق عرضا من يدك و ينكسر لا تنسى ان تبدي أسفك, صحن صحنين وفنجانين تلاتة و تاني كل ما تقوم على العدة ح تلقاها حلفت عليك يا حبيبي انت تعبان لا والله خليها انا بغسلها
قالو الشهر الما ليك فيهو نفقة ما تعد ايامو ...... ولا كيف اها انا عذابي وما فكرت في الزواج قلت اخلي اصحاب التجارب يتفسحو .. واكتفيت بالزيارة بس
لكن صراحة ما قدرت انتظر عندي شمار حار .... اقصد عندي لقطة حاااااارة ح تكون لقطة الربع وكل الارباع ^___^
ترقببو البوست القنبلة غدا
طبعا المداخلة دي عملتها هنا لان كل من يهم الامر يتواجدون هنا عدا الاخت مها عبدالله الله يطراها بالخير .. ونتمنى عودتها قريبا
Post: #89 Title: Re: **** المـشاهدة للمتـزوجات هـــذة المــرة **** Author: مها عبد الله Date: 05-23-2012, 08:46 AM Parent: #69
Quote: طبعا المداخلة دي عملتها هنا لان كل من يهم الامر يتواجدون هنا عدا الاخت مها عبدالله الله يطراها بالخير .. ونتمنى عودتها قريبا
الله يطراك بالخير يا صديقي بس أنا قااااعدة
يا جماعة حافظ دا محتاج ليهو ضل برضو ، إنت لسه طاشي شبكة
Post: #100 Title: Re: **** المـشاهدة للمتـزوجات هـــذة المــرة **** Author: محمد مختار جعفر Date: 05-23-2012, 12:02 PM Parent: #69
من اخطر واعنف وافقر الزوجات الزوجة البسترجل وتسيطر على زوجها ودى بتكون فاقده الانوثة كليا والله يكون فى عون الزوج مع هكذا زوجة
Quote:
1/ فقرة تستحق أن تكون موضوعا قائما بذاته .. 2/ موضوع البوست وما طرحتيه من مفاهيم ونصائح يستحق الثاء والإحترام والتقدير ، وأكاد أجزم بأن الشباب أو الرجال قاطبه هنا أو من القراء يحترمون هذه المفاهيم بل يجدِون البحث عن أمثال هؤلاء من البنات ، لأن مثلهن أصبح كالددر النفيثة ومن يحظى بذلك منهن يكون قد رضي عنه دنيا وأخرى لك التحية على هذا الطرح الراقي ..
Quote: سلام سميتي العزيزة .....الرومانسيه للناس البفهموها يا منال....الرجال القاعدين في البوست ديل كلهم .... ..متين آخر مرة جبت لي زوجتك وردة..؟... ومتين آخر مرة قلت ليها شكرًا؟ ....ما تخلونا ساكتين أحسن.....
اهلين منوله
اكيد يانولا هو بكون نفسو يجيب وردة لكن بكون خايف من ردة الفعل
يعنى مثلا يجى شايل ليها ورود يقوم الفار يلعب فى عبها تقوليهو الا كان عامل ليك عمله
Quote: منال سلام ... كل رجل في مخيلته إمرأة أخرى غير زوجته .. كلهم يعملون بالمقولة ( إن المرأة التي أعطتنا وعداً ولم تجيئ تظل أجمل من تلك التي أعطتنا وعداً وجاءت , وأن الشفاه التي لم تنذوقها تظل أحلى دائماً من تلك التي تذوقناها ............ شكراً على هذا البوست الرائع
تسلم يابدر الدين على المداخله الراقيه
سلمت ,,,
Post: #82 Title: Re: **** المـشاهدة للمتـزوجات هـــذة المــرة **** Author: على محمد على بشير Date: 05-23-2012, 00:40 AM Parent: #75
Post: #83 Title: Re: **** المـشاهدة للمتـزوجات هـــذة المــرة **** Author: عزالدين عباس الفحل Date: 05-23-2012, 04:22 AM
. الاميرة الفاضلة منال
حياك الله
الـشـغـل يـاخـذ جــل الـوقـت ، خـاصـة الاجـتماعات المتواصـلة ، بصدق عسل السدر اليماني ، لم أقرأ ضـمـة واحدة من البوست ، وأعلم علم اليقين ، روعة اختيارك للمواضيع الهادفـة ، ما عـدا الـدفــارات ، تـسـلـمي يا مـنـال ، مع خالص الود ،،، ،،،
Quote:
Quote: ســـلام مـنـال ،،، لحدي الحين، لم أتصفح البوست ،،،
منال وضيوفها الكرام بوست ممتع ومفيد للمتزوجين أيضا .
أهم ما يجعل المرأة تتفانى وتهيئة حياة زوجية هادئة سعيدة - ضمن أشياء أخرى لا تقل أهمية - ما يلي :- - الإشادة دائما بجهودها في إدارة شئون المنزل ومساعدتها قدر الإمكان. - إشعارها بأهميتها في حياتك واحترامك لها ولأهلها . - الصدق والصراحة والوضوح والنقاش الهادئ في تناول أي موضوعات تهم الأسرة . - أشياء بسيطة إذا راعيتها تترك أثرا طيبا لديها .. مثلا: إذا استيقظت الصباح ولقيتها نائمة نوم العوافي فلا توقظها ..دعها تواصل نومها وقم بتجهيز فطورك وتوكل على الله إلى موقع عملك ...أكيد لما هي تصحو من النوم وتجدك قد قمت بخدمة نفسك فإنها بكل تأكيد لن تتركك مستقبلا تغادر المنزل دون أن تجهز لك الفطور بنفسها .
هذه نصائح من واقع خدمة طويلة ممتازة إذا اتبعتها يا إبني ستستحوذ على عطائها الوافر .
Quote: وأعلم علم اليقين ، روعة اختيارك للمواضيع الهادفـة ، ما عـدا الـدفــارات
المساكين المفتكرين إنو بوستات زي دي هي البتجيب لمنال شكل النسوان ما عارفين إنو راس السوط هابشهم هم كمان "حسب رأي منال في البوست دا"
إستشارات فنية لست البوست
رايك شنو تورينا رأي المتزوجات (حالياً) في الهضربة والمقابضة في المنتديات العامة؟ هل دا مؤشر لإنو الزوجة دي بعد الجيهة والبخور والريحة والإهتمام دا كلو فشلت في لفت إنتباه الزوج فإتجهت للمنتديات بحثاً عن ذلك الإنتباه المفقود؟ أم هل الحكاية دي بتخلي الزوج يشعر بإنو غير قادر على إشباع زوجتو "رومانسياً" بما يجعلها تتخذ من المنتديات متنفس آخر لتلك الرومانسية المشبوبة؟ ألا يجد ذلك الزوج أي غضاضة في الإنكشاحة التي تمارسها زوجته مع دفارات أخرى وتصريحها علناً بأنها من ذوات الإثنين (جكس وزوج) مع بعض؟ وأخيراً، عندما تردد الزوجة طوال الوقت أمام الناس أنا رومانسية أنا سعيدة أنا رومانسية أنا سعيدة أنا رومانسية أنا سعيدة إلخ إلخ إلخ أين تجد الوقت اللازم لتطبيق نصائحها الذهبية المرفقة؟
Post: #98 Title: Re: **** المـشاهدة للمتـزوجات هـــذة المــرة **** Author: محمد البشرى الخضر Date: 05-23-2012, 11:18 AM Parent: #97
نواصل في سواقة البوست في الإتجاه التاني عزيزي الزوج نصائح عمك جعفر ذهبية لازم تختها في بالك ونواصل: من المهم جدا ومن صور احترامك لزوجتك وتقديرك ليها انك تحترم اهلها و اصدقاءها وكل من كان من طرفها حتى لو شامّيهم عليك الاّ تظهر ذلك لهم و تأكد ان معاملتك الطيبة لأهل زوجتك وضيوفها ستلقى كل التقدير منها و العكس ايضا صحيح
_______________________
بمناسبة النصائح : علي بشير ياخوي امسك في نصيحة ابو التا دي قوي و اطلع منها
Post: #99 Title: Re: **** المـشاهدة للمتـزوجات هـــذة المــرة **** Author: عزالدين عباس الفحل Date: 05-23-2012, 11:32 AM Parent: #97
. الاميرة الفاضلة تيسير عووضة
حياك الله
أتمني الا يصـل لـسـع الهـجـوم ، بصدق الوقت عندي أغلي وأثمن ، و لم أتمكن حتي الان ، من فحوي هذا البوست ، كامل التضـامن مع مـنـال ، مع عـدا الدفــارات ،، مع خالص الود ،،، ،،،
Quote:
Quote: Quote: وأعلم علم اليقين ، روعة اختيارك للمواضيع الهادفـة ، ما عـدا الـدفــارات
المساكين المفتكرين إنو بوستات زي دي هي البتجيب لمنال شكل النسوان ما عارفين إنو راس السوط هابشهم هم كمان "حسب رأي منال في البوست دا"
إستشارات فنية لست البوست
رايك شنو تورينا رأي المتزوجات (حالياً) في الهضربة والمقابضة في المنتديات العامة؟ هل دا مؤشر لإنو الزوجة دي بعد الجيهة والبخور والريحة والإهتمام دا كلو فشلت في لفت إنتباه الزوج فإتجهت للمنتديات بحثاً عن ذلك الإنتباه المفقود؟ أم هل الحكاية دي بتخلي الزوج يشعر بإنو غير قادر على إشباع زوجتو "رومانسياً" بما يجعلها تتخذ من المنتديات متنفس آخر لتلك الرومانسية المشبوبة؟ ألا يجد ذلك الزوج أي غضاضة في الإنكشاحة التي تمارسها زوجته مع دفارات أخرى وتصريحها علناً بأنها من ذوات الإثنين (جكس وزوج) مع بعض؟ وأخيراً، عندما تردد الزوجة طوال الوقت أمام الناس أنا رومانسية أنا سعيدة أنا رومانسية أنا سعيدة أنا رومانسية أنا سعيدة إلخ إلخ إلخ أين تجد الوقت اللازم لتطبيق نصائحها الذهبية المرفقة؟
قاعده من بعيد لي بعيد بتاوق بس لكن يدي اكلتني عارفين المساله دي ساهله جدا الرجال ابسط حاجه بترضيهم وابسط حاجه بتذعلهم والمراة الفاهمه بتكون عاقله وواعيه بتعرف كيف ترضي زوجها وتعرف تقاط ضعفه وتستغلها وترضيه وتريحه الحياه ما حاجه سهله وعاوزا تفاهم كبير بس سر سعادة الاسره برتكز بدور اكبر علي المراه
Quote: قاعده من بعيد لي بعيد بتاوق بس لكن يدي اكلتني عارفين المساله دي ساهله جدا الرجال ابسط حاجه بترضيهم وابسط حاجه بتذعلهم والمراة الفاهمه بتكون عاقله وواعيه بتعرف كيف ترضي زوجها وتعرف تقاط ضعفه وتستغلها وترضيه وتريحه الحياه ما حاجه سهله وعاوزا تفاهم كبير بس سر سعادة الاسره برتكز بدور اكبر علي المراه
Quote: من المهم جدا ومن صور احترامك لزوجتك وتقديرك ليها انك تحترم اهلها و اصدقاءها وكل من كان من طرفها حتى لو شامّيهم عليك الاّ تظهر ذلك لهم و تأكد ان معاملتك الطيبة لأهل زوجتك وضيوفها ستلقى كل التقدير منها و العكس ايضا صحيح
صحيح 100%
ابو حتوت
تحياتي
Post: #105 Title: Re: **** المـشاهدة للمتـزوجات هـــذة المــرة **** Author: عزالدين عباس الفحل Date: 05-24-2012, 04:13 AM Parent: #104
. الاميرة الفاضلة منال
حياك الله
عند خيوط الفجر ، بعد يوم عمل طويل ، مـرهــق المرافـئ ، تفيأت ظلال سودانيزاون لاين ، وموضوع الرومانسية بعد الزواج أمر استهلك قتلاً ، في رفـوف سودانيزاون لاين ، عموماً ، تتباين درجات تلك الحرارة الوضاءة ، بين المراة السودانية في ارض المهجر ، عن تلك المراة الموجودة داخل ارض الوطن ، عن الاخري في القري والحضر السوداني ،، وعن زوجات المغتربين في السودان ، المغلوب علي أمرهن ، وأزواجهن في ارض المهجر ، والتواصل عبر النقال ، والحديث البلاستيكي المر ، الخـاوي الوفـاض ، والثرثرة الـعـمياء ، بمعول الظروف الاقتصادية الحرجة ، وأكثرهن حظاً بناقوس الرومانسية العرجاء ، تلك المراة في القري السودانية ، فقط قبل أن يلج جهاز الـسـتلايط ، وقبل غـزو الاطباق الفضائية الـمـضـاجـع ، والسهر المسـويـس أمام التلفاز ، والقران الكريم ، اختصر تلك الرومانسية بقوله ، ( وعـاشـروهـن بالـمـعـروف ) ، مع خالص الود ،،، ،،،
Quote: الصباح بتصحى معاهو وتعملى ليهو الشاى وتتونسو ونسة الصباح وتقدميهو لحدى الباب ولا بتكونى نايمه والحبشية بتعمل ليهو الشاى وتقدمو للباب ؟؟؟؟
طيب لمن تصحى من النوم بتتصلى بيهو ولا بتعملى ليهو مسج ولا بتطنشى ؟؟؟؟
طيب لمن يرجع من الشغل بلقى البيت مرتب والشفع نضاف والاكل جاهز وريحة البخور والعطور ماليه البيت ولا بلقاك يادوب حلتك فى النار وانتى وشفعك حالتكم حاله وريحة البصل ماليه البيت ؟؟؟؟
<<<<<<<<<<<<<< عزيزتي منال موضوع في غاية الأهمية بالنسبة للسعادة الزوجية التي يتمناها الجميع ونصائح في الصميم للمرأة السودانية بالذات في كيفية جلب السعادة لمملكتها... وانا هسع متحيرة : هل فعلا في المستقبل يمكن ان نقتدي بهذه النصائح أم هي فعلا صعبة تطبيقها لأن الزوجة ربما لاتجد من الزوج التشجيع اللازم كي تستمر في جلب الرومانسية لبيتها.. وهل هي صعبة هذه الحياة الزوجية حتى لا يستطيع الأزواج ان يهيئوا في بيتهم جو رومانسي .. ليس بالضروري كما نشاهده في الأفلام_ ولكن على الأقل حياة بدون روتين قاتل او بمشاكل تهب من دون سبب معقول؟؟ والله يا منال ممكن نكتب مقالات في هذا الموضوع الشيق .. ونريد من احد الرجال المتزوجين في المنبر العام ان يورينا بكل صدق وشفافية لماذا لا يحاول الزوج تهيئة جو من الرومانسية في بيته ؟ لقد قرأت بعض الأسباب في جرائد اجنبية, ولكن نريد تجربة سودانية مية في المية..وبعد ذلك نأتي ماذا كتبت الصحف الأجنبية..
وسوف اعود للكلام الأنيق الذي كتبه الاستاذ عزالدين عباس الفحل . والله يدكم العافية
Quote: عند خيوط الفجر ، بعد يوم عمل طويل ، مـرهــق المرافـئ ، تفيأت ظلال سودانيزاون لاين ، وموضوع الرومانسية بعد الزواج أمر استهلك قتلاً ، في رفـوف سودانيزاون لاين ، عموماً ،تتباين درجات تلك الحرارة الوضاءة ، بين المراة السودانية في ارض المهجر ، عن تلك المراة الموجودة داخل ارض الوطن ، عن الاخري في القري والحضر السوداني ،، وعن زوجات المغتربين في السودان ، المغلوب علي أمرهن ، وأزواجهن في ارض المهجر ، والتواصل عبر النقال ، والحديث البلاستيكي المر ، الخـاوي الوفـاض ، والثرثرة الـعـمياء ، بمعول الظروف الاقتصادية الحرجة ، وأكثرهن حظاً بناقوس الرومانسية العرجاء ، تلك المراة في القري السودانية ، فقط قبل أن يلج جهاز الـسـتلايط ، وقبل غـزو الاطباق الفضائية الـمـضـاجـع ، والسهر المسـويـس أمام التلفاز ، والقران الكريم ، اختصر تلك الرومانسية بقوله ، ( وعـاشـروهـن بالـمـعـروف ) ، مع خالص الود ،،، ،،،
Quote: اغلق البوست فى ساعته وتاريخه والى اللقاء ,,,,
بعد ما القصة جابت ليها ستلايط وحرارة وضاءة الله اعلم الكلام دا يحصل ,,
يا أخوانا والله يوم بتكتلوا ليكم ناس... معقولة بس!!!!!
أخوكم بقترح على بكرى إنو يرفع البوست على صدر المنبر ..
