Post: #1
Title: نادر يا حبيبو ... فهموك غلط .. شكراً يا موت
Author: حبيب نورة
Date: 05-21-2012, 03:04 AM
"" بين يوم وليلة أصبحنا وين وحبيبو وين "" ؟
ما تنزعج دي سحابة بتمر بي سلام
وعمرو البعرف الريدة ما بعرف الخصام
|
Post: #2
Title: Re: نادر يا حبيبو ... فهموك غلط .. شكراً يا موت
Author: حبيب نورة
Date: 05-21-2012, 03:15 AM
Parent: #1
يا موت !
damn
|
Post: #3
Title: Re: نادر يا حبيبو ... فهموك غلط .. شكراً يا موت
Author: حبيب نورة
Date: 05-21-2012, 03:19 AM
Parent: #2
بكيت كما لم أبك من قبل
الموت نقّاد
لا أملك إلا أن أقول :
يا موت
Damn
|
Post: #4
Title: Re: نادر يا حبيبو ... فهموك غلط .. شكراً يا موت
Author: حبيب نورة
Date: 05-21-2012, 03:22 AM
Parent: #3
عارف يا (( حبيبو )) ؟ الكتابة عن الحزن هي حزنٌ أكبر وأكبر وأكبر .. فعندما ترتحل " مخلوعاً " من لؤمِ هذه الترتيبات القدرية، وتلوّح لنا بكفّينِ مبتورين وتصرخ بصوتك الأخرس قائلاً : الوداع . فهذا ما لا نقبله منك . نادر خضر ... يااااااااااااااخ فهموك غلط يا حبيبو وعكسوا الكلام عمرو البعرف الريدة ما بعرف الخصام ... معقولة بس تخاصمنا لي يوم الدين ؟؟؟
|
Post: #5
Title: Re: نادر يا حبيبو ... فهموك غلط .. شكراً يا موت
Author: محمد سنى دفع الله
Date: 05-21-2012, 03:32 AM
Parent: #4
يا صديقي الحبيب البركة في البلد
ولكم حسن العزاء ..
تفتح امدرمان ابوابها
للحزن
متوشحة بالنيل الابيض
حدادا عليك
يا رفيق الاحلام
والامال الشوادن
على ايقاع الخريف
تراقص الغيوم
الحبلى بالمطر
الهتون
وانت في رحلتك الى السماء المزهرة
ايا نجم الاغنيات الشجية
من يغني معك ؟
ويشيل كتف الغُنا الميل ؟
الحبيبة .؟
مكلومة الفؤاد
دمعها على هدبها
ومنديل بيديها
مرسومة حروفه
من حرير بلون النيل
العشاق؟
على شاطئ النيل
اتنين اتنين
الساعة سته
والذكريات
يبكونك يا جميل
بانت شرق
تنوح تبكيك
وكتفها مسنود
على ( الفتيحاب )
مكندكة بالرماد
تغني مناحتها الأخيرة
في ( حمد النيل )
ياحبيبو
رد علينا
تلفونك مغلق
وقلبك خارج الخدمة
رد علينا
الحديقة الصغيرة
واعلام المحبة على سورها
تفتقد خطواتك عليها
الحديقة الصغيرة
تطل على الميدان
حزينة
......
|
Post: #6
Title: Re: نادر يا حبيبو ... فهموك غلط .. شكراً يا موت
Author: حبيب نورة
Date: 05-21-2012, 03:41 AM
Parent: #5
أبويا يا السني
أنا ده !!!
مستكفي وحاتك
وعديل كده غلبني وفترت وما داير
هو في شنو ؟؟ موت موت موت موت ؟ مافي أصلو حياة ؟؟
|
Post: #7
Title: Re: نادر يا حبيبو ... فهموك غلط .. شكراً يا موت
Author: محمد النيل
Date: 05-21-2012, 03:50 AM
Parent: #6
| Quote: هو في شنو ؟؟ موت موت موت موت ؟ مافي أصلو حياة ؟؟ |
إستغفر يا حبيب نورة
وقول إنا لله وإنا اليه راجعون ستجد الطمأنية والمواساة
نادر الانسان النادر يستاهل كل دموعنا
لكن ماذا لدينا غير الدعاء؟؟
الموت حق
..
..
..
..
اللهم اغفر له وارحمه
واجعل الجنة مسواه
|
Post: #8
Title: Re: نادر يا حبيبو ... فهموك غلط .. شكراً يا موت
Author: حبيب نورة
Date: 05-21-2012, 04:02 AM
Parent: #7
محمد النيل
أنا مؤمن زيك واحد بالموت والحياة
لكن صراحة زهجت
أكضب عليك
ينجو أحدهم من حادث تحطم طائرة ويموت فنان تحت أقدام سيارة !!
يا للمفارقة
إنها الأقدار
|
Post: #9
Title: Re: نادر يا حبيبو ... فهموك غلط .. شكراً يا موت
Author: MOHAMMED ELSHEIKH
Date: 05-21-2012, 04:27 AM
Parent: #8
كلما اسمع صوت نادر تعود بي الذكريات لمدينة ربك في منتصف التسعينات حيث استمت لأول مرة
لهذا الصوت الشجي الجميل النقي المتفرد ...وأحببته
وعرفت أن دماثة أخلاقه وأدبه أجمل وأنقى وأكثر تفردا من صوته العزب
كان الخبر فاجعة ومؤلم رغم أني منذ مدة أعيش داخل بحر من الأحزان
ولكن هي الأقدار
الرحمة للأخ نادر خضر الفنان الإنسان
العزاء لأسرته الصغيرة المكلومة
العزاء ممتد لمعجبيه وأصدقائه على امتداد الوطن وفي الشتات
ولا نقول إلا مايرضي الله
|
Post: #10
Title: Re: نادر يا حبيبو ... فهموك غلط .. شكراً يا موت
Author: حبيب نورة
Date: 05-21-2012, 04:52 AM
Parent: #9
أخي محمد الشيخ
أشكر مواساتك
ولكن لا أشك أن " حبيبو " مات مخلوعاً
يعني مات فجأةً كده من دون سابق إنذار
وحسب تجاربي الحياتية الفاشلة
هي مِيتةٌ جميلة
|
Post: #11
Title: Re: نادر يا حبيبو ... فهموك غلط .. شكراً يا موت
Author: الفاتح خليل الفكي
Date: 05-21-2012, 07:02 AM
Parent: #10
أخي حبيب نورة
البركة فينا وفيكم وفي الشعب السوداني
العزيز الراحل نادر ربنا يرحمه كان انسان مهذب وخلوق وفاهم
نسأل الله ان يرحمه ويغفر له ويسكنه فسيح جناته
ونسال الله ان يرحم جميع الاخوان الكانوا معه
وربنا يلهم اهله ومحبيه واصدقائه الصبر الجميل
وإنا لله وإنا إليه راجعون
|
Post: #12
Title: Re: نادر يا حبيبو ... فهموك غلط .. شكراً يا موت
Author: حبيب نورة
Date: 05-21-2012, 07:22 AM
Parent: #11
Quote: نسأل الله ان يرحمه ويغفر له ويسكنه فسيح جناته
ونسال الله ان يرحم جميع الاخوان الكانوا معه
وربنا يلهم اهله ومحبيه واصدقائه الصبر الجميل
وإنا لله وإنا إليه راجعون |
أكييييييييييييييييد يا صديقي
تسلم يا الفاتح
|
Post: #13
Title: Re: نادر يا حبيبو ... فهموك غلط .. شكراً يا موت
Author: nazar hussien
Date: 05-21-2012, 07:44 AM
Parent: #12
ربنا يرحم نادر ورفاقه رحمة واسعة
وأن يبدلهم دارا خيرا من دارهم
مع الصديقين والشهداء والأبرار
وحسن أولئك رفيقا...
(إنا لله وإنا اليه راجعون)
تعرف يا حبيب نورة...كونك قدرت تكتب زاتا
دي انا بعتبرها منك جسارة...أو قوة قلب
لي كم يوم...مشخبط فكرة الحزن دي...في رأسي
وكلما تجي أطردها...وأشخبط ليك الألوان البتظهر
قدّامي...وأشخبط ليك أي أغاني أغاني...وكان
الرادي جاب غنية من البيتلز الماتو زمااان ديك
بطفي الرادي...
هسي يا دوب...جاتني شوية روح...
ياخ الفقد الزي دا بفازع الناس لا حدها...
ويخلي دموعك ########ة جدا...
|
Post: #14
Title: Re: نادر يا حبيبو ... فهموك غلط .. شكراً يا موت
Author: خالد حامد الجزولي
Date: 05-21-2012, 08:22 AM
Parent: #13
حبيب نوره
مات حبيبو تلك حقيقة...
علينا أن نتعامل ونتعايش معها
نسأل الله له الرحمة والمغفرة
وأن يسكنه عالي الجنان ورفاقه
فهو في زمرة الشهداء إن شاء الله
فجعنا فيها كأبناء حي وجيران قبل
ان نكون معجبين
ربنا يصبر اخوانه وأخواته وأهله وجيرانه
ومريديه..
اخي شهاب خضر ... الفقد واحد وكلنا لها
إنالله وإنا إليه راجعون ولا حول ولا قوة إلا بالله العلي العظيم.
لكننا نقول أيضاً
الفراق حار..... حار .... حار ......
|
Post: #15
Title: Re: نادر يا حبيبو ... فهموك غلط .. شكراً يا موت
Author: abdulhalim altilib
Date: 05-21-2012, 09:15 AM
Parent: #14
الدوام لله وحده
ولا حول ولا قوة إلا بالله
العزيز : حبيب نوره .. لك ولنا وقبل ذلك لأهله وكل محبيه
صادق العزاء .. نعم الموت حق ، ولكن نادراَ قد
فعلها ورحل باكراً ، دون أن يودع الأهل والصحاب .
رحل باكراً، هو وصحبه ، وتركنا نحن جموع معجبيه
نغرق في فيض الأحزان ، ونغسل دواخلنا بدموع الحزن
عليه وعلى رحيله المباغت ..
نعم رحل نادر سريعاً ولكنه سيبقى يومض مبرقاً ومتلألأ
في دنيانا بأنفاس صوته ، ونغمات شدوه ، ولطافة حسه
ودماثه خلقه ورفيع أدبه ، وجم تواضعه.
أيها الراحل في الليل
وحيدا ، ضائعا منفردا
عليك شآبيب الرحمه والمغفرة ..
أخي .. حبيب نوره .. حبيب نادر ، أعزيك ونفسي
وكل من سمع صوته الشجي .. أعزيك ورمضان على
الأبواب ننتظره لنحظى بحبيبنا نادر وسط أنداده
من الفنانين ونستمع بفنه وحسه الراقي .. ولكنه
آثر الرحيل سريعاً ليتركنا نهباً للاحزان .
Quote: وحسب تجاربي الحياتية الفاشلة
هي مِيتةٌ جميلة |
نسأل الله أن يتقبله لديه قبولا حسنا
وأن يجعله من أصحاب اليمين .
اللهم قد رضينا بقضائك وحكمك ..
فألهمنا الصبر في مصابنا الأليم ،
وإنا لله وإنا إليه راجعون .
( ليمو )
|
Post: #17
Title: Re: نادر يا حبيبو ... فهموك غلط .. شكراً يا موت
Author: شهاب الفاتح عثمان
Date: 05-21-2012, 10:41 AM
Parent: #16
الحمدلله
اللهم صبر اهله ومحبيه واغفر له
رحيل مؤلم , وحزن عميق يا ابونوره ..
احسن الله عزاكم
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #18
Title: Re: نادر يا حبيبو ... فهموك غلط .. شكراً يا موت
Author: محمد النيل
Date: 05-21-2012, 11:19 AM
Parent: #17
حبيب نورة| Quote: ينجو أحدهم من حادث تحطم طائرة ويموت فنان تحت أقدام سيارة !! |
وله فى ذلك حكم
يبدو ان الله قد اعطى من سقط بطائرة فرصة ليعيد ويصلح ما خربه
ويبدو ان نادر قد اكمل كل الجمال ووجب ذهابه لانه كسب حب الناس فإختار الله له الشهادة
واما الاخر ابو طيارة فقد اثار غضب الناس
ولله فى خلقه شئون والاعمار بيده
..
له الرحمة المغفرة
|
Post: #19
Title: Re: نادر يا حبيبو ... فهموك غلط .. شكراً يا موت
Author: عليش
Date: 05-21-2012, 11:39 AM
Parent: #18
احينــــــــــــــــــــا ياخ,,,
موت وغربه ياحبيب,,
كلو يوم نفقد زول..
باقي لينا شنو ؟
غايتو حكم علينا بالاقدار..
واهي الاقدار تجرحنا وتألمنا...
اللهم ارحمه...
|
Post: #20
Title: Re: نادر يا حبيبو ... فهموك غلط .. شكراً يا موت
Author: حافظ انقابو
Date: 05-21-2012, 11:44 AM
Parent: #18
ما يجمعني بنادر
شيء كبير اكبر واكبر
لذلك تعجز حروفي الان عن التعبير
كلما ابدا عنه الكتابة ترتجف اصابعي
وتذرف عيناي الدموع ...... فاكف
لاسترجع شريط نادي المقرن
شريط اتحاد الفنانين ...
شريط الامسيات الرمضانية
وشريط الفيحاب
فقط اقول لك
نم بخير نم بخير نم بخير
حبيب نورة
فلندعو له
|
Post: #21
Title: Re: نادر يا حبيبو ... فهموك غلط .. شكراً يا موت
Author: Mohamed Foto7li
Date: 05-21-2012, 11:56 AM
Parent: #20
اه واه ياحبيبو والله لم اصدق الخبر في الاول
والحمدلله علي كل شي
نم بعافية حبيب الكل ربنا يرحمك ويغفر ليك
|
Post: #22
Title: Re: نادر يا حبيبو ... فهموك غلط .. شكراً يا موت
Author: حبيب نورة
Date: 05-22-2012, 03:18 PM
Parent: #21
|
Post: #23
Title: Re: نادر يا حبيبو ... فهموك غلط .. شكراً يا موت
Author: فردوس جامع
Date: 05-29-2012, 01:21 AM
Parent: #22
الأخ حبيب نورة...
يا الله...
أعزيك و نفسي و كل محبي و أصدقاء نادر النادر...
إتفجعت لما سمعت الخبر.
أكبر ضلع في مثلثي السماعي إنهدم,,,
صوت نادر رحمه الله...نقطة نظام
برتب بيها فوضى الأفراح و الأحزان المستعصية.
بالظبط زي ما بيعملوا الكييفين (من كيف/مزاج)
فمن يعيد توازن (المُود) إذا ما بغى...
لنا الصبر والدمع السخين
و لانملك إلا دعوات حدها السماء تصله في عليين...
اللهم اغفر له وارحمه وعافه واعف عنه وأكرم نُزُله . ووسع مُدخلهُ . واغسله بالماء والثلج والبرد ،
ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله...
|
Post: #24
Title: Re: نادر يا حبيبو ... فهموك غلط .. شكراً يا موت
Author: حبيب نورة
Date: 05-29-2012, 02:22 AM
Parent: #23
جميل هذا الحزن ونبيل يا فردوس
وقفت عند هذه الحروف كثيراً
ما أنبله من حزن !!
وشوف بين يوم ليلة أصبحنا وين وحبيبو وين ؟؟؟؟؟؟؟؟ :(
حاجة تقطع القلب يا فردوس
أشكرك علي المواساة والحضور والحزن
|
Post: #25
Title: Re: نادر يا حبيبو ... فهموك غلط .. شكراً يا موت
Author: صلاح عباس فقير
Date: 05-29-2012, 02:50 AM
Parent: #24
السلام عليكم
يا أخي أحسن الله عزاء الجميع في وفاة نادر خضر،
لكن لا ينبغي أن نقول إلا ما يُرضي الله!
أرجو أن تراجع بعض ما كتبته!
توجد عبارة خطيرة في مداخلتك الرابعة!
|
|