نادي المُدَبِّلِيْن والَّراغِبين وأصحاب التجارب والقصص .. بوست ضكران

السلام عليكم ورحمة الله وبركاته

يُروى عمن سبقوا: (المتزوج من واحده يحيض معها اذا حاضت، والمتزوج من اثنتين فهو بين نارين، والمتزوج من اربع فهو في نعيم مقيم)

وينقل أيضًا: ( زوج الواحده مثلها يحيض بحيضها ويمرض بمرضها، وزوج الاثنتين بين جمرتين أيهما قربته أحرقته، وزوج الثلاث كالمسافر كل يوم في بلدة، وزوج الاربع كل ليلة عريس).

حتى يتجه البوست في مساره الصحيح:

هذا البوست ليس لبحث المشروعية فعندنا كتاب الله سبحانه وتعالى:

{... فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ }النساء3

فهذه المسألة محسومة عندنا .. أي المدبلين والراغبين

هذا البوست للمناقشة والتفاكر والتدارس في:

1- الأسباب التي تدعو للتعدد ( اختيارية ) حتى لا ننتهك الخصوصية.

2- الآلية التي يمكن أن يتم بها الزواج الثاني أو الثالث أو الرابع ^____^

3- أدبيات التعدد والمعددين من التراث الإسلامي

4- تجارب وقصص واقعية

قلت بوست ضكران لأنو طبعا التدبيل ده شأن الرجل

والمدبلين والراغبين هم الرجال بالتأكيد ^_____^

أها تصبحوا على خير ونواصل بكرة بإذن الله .. ده لو أصبحنا لاباكر ^____________^

هذا البوست اشبه بمن ينشر قرار تحويل باب منزله في الصحف اليومية
ارجو ان يساهم سودانيز اونلاين في نقل الرسالة الي "المعنيين"


اما نحن الجب ناء فنكتفي بتدبيل الشاي

Quote: هذا البوست اشبه بمن ينشر قرار تحويل باب منزله في الصحف اليومية ارجو ان يساهم سودانيز اونلاين في نقل الرسالة الي "المعنيين" اما نحن الجب ناء فنكتفي بتدبيل الشاي

الخواف حامد برقو

ذكرتني واحد شيخنا

كانوا لما يسألوهو: يا زول، ليه ما عاوز تعدد، وليه قاعد على واحدة

كان يضحك ويقول: نحنا "موحدين" عليها نحيا، وعليها نموت، وعليها نلقى الله

-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-_____________________________________

الغربية هسع الشيخ انسخت وسواهن أربعة، يعني أعلى مراتب الإشرااك :)

عشان كدا ذي الجماعات الدينية دي ما مسكت بلد طورته الناس بتفكر في النهضة العلمية وهم في البحث كيف أربعة زوجات أفضل للرجل من زوجة واحدة . هو شنو بطيخ

صديقي الصيدلي جاءه أحد هؤلاء المُدبِّلين في الصيدلية وهمس له:
أديني فياجرا بعيد عنك راجل مرتين وراجل المرتين أرنب بين ######ين.
.
.
.
.
.
.
.
.
.
.
............................................................................................................
أخوانا الفلاته عندهم حاجه إسمها ققج شفتا كيف ..
وأنا ما بفسر وانتا ما تقصر.

محمد قسم الله

Quote: صديقي الصيدلي جاءه أحد هؤلاء المُدبِّلين في الصيدلية وهمس له: أديني فياجرا بعيد عنك راجل مرتين وراجل المرتين أرنب بين ######ين.

اتاريهو صاحبك الصيدلي ده بكون كاشف نومات الجماعة
لكن انا ما عارف زول الفياجرا التدبيل ليهو شنو

Quote: الصيدلي ده بكون كاشف نومات الجماعة

لا كاشف نومات ولا كاشف رقم ما تتهم لينا زولنا ساي..
ما قال فلان ولا زيد ولا عبيد بالإسم كده ..
كلام عام..

Quote: لكن انا ما عارف زول الفياجرا التدبيل ليهو شنو

يدبِّل ونص وسبعه ..
دي دايرة لحمة وخدار وحقوق شرعية والتانية دايرة كمان لحمه وخدار وحقوق شرعية ..
طيب يجيب من وين؟؟
لازم دخل إضافي ودعم لوجستي.

كتبت الاخت صباح حسين

Quote: عشان كدا ذي الجماعات الدينية دي ما مسكت بلد طورته الناس بتفكر في النهضة العلمية وهم في البحث كيف أربعة زوجات أفضل للرجل من زوجة واحدة . هو شنو بطيخ

هسي يا بت الشيخ المسك البلد منو؟
شايفانا نحنا السلفيين ماسكين البلد؟
نحنا ما مسكناها لسة لكن وكيلك الله لو مسكناها
أي راجل نعرس ليهو اربع بإذن الله
تقول لي شنو

واسمحي لي أن أقول قولة صديقي القديم أدهم صبري:
يا للنساء ^____^

د. حامد برقو

Quote: اما نحن الجب ناء فنكتفي بتدبيل الشاي

الفيك انعرفت لاكين
معناتو خليك مع المتاوقين
وبعدين لو زروك قول:
انا ما كتبتا انا جيت اعاين

بــس بعاين بعيوني

في ذمتك البوست ده مفتوح من البيت ولا الشغل ,,,

Quote: في ذمتك البوست ده مفتوح من البيت ولا الشغل ,,,

احيييييييييييي انا من ال(سلفيا)

Quote: هسي يا بت الشيخ المسك البلد منو؟ شايفانا نحنا السلفيين ماسكين البلد؟ نحنا ما مسكناها لسة لكن وكيلك الله لو مسكناها أي راجل نعرس ليهو اربع بإذن الله تقول لي شنو

كان كده بوست ضكر جد جد

امسكوها بالله بي سرعة، عشان نلحق السوق


حامد برقو_2

الأعزاء:
محمد جلال
عماد
الشفيع
شكلكم ناس جرجرة و مديدة حرقتني - لكن تلقوها عند الغافل
استفزاز واضح بغرض انتزاع تصريح متهور من رجل عرف عنه ميله للسلام و التعايش مع قناعاته "الرهيفة"
هاهاها غايتو جنس ########ات







المفردة التي لم تظهر: جبا نا ت

تعدد الأزواج
http://www.aawsat.com/details.asp?issueno=11700&article=560494

http://www.youtube.com/watch?v=NbRFFetYHQw

عمار عبد الله

Quote: في ذمتك البوست ده مفتوح من البيت ولا الشغل ,,,

من البيت ... والله صحي

طالما هو بوست ضكر

يبقي أحممممممدك يا مالك روحي
الواحد لقي ليه بوست ضكوري يتفسح فيه من غير رقابة ولا تاء تأنيث ولا نون نسوة

أها

لو كان الواحد ما بتاع زغاريت ( وأعني بها زغاريد العُرس ) الواحد ده بتاع شين كاااااااااااااااااااااااااااف شين، وباقي الحروف صايلنت :)

أها المفروض يكون محرّمات عليه كم ؟؟؟

أسمعني
البوست ده عن التحريم واللا التحليل ؟؟؟ عشان أنا عايز أنداح وأفسر للضكور المزازين في البوست ده يعني شنو انا قاصد بي شين كااااف شيييين !

والله من وراء القصد

حبيب نورة

Quote: طالما هو بوست ضكر يبقي أحممممممدك يا مالك روحي الواحد لقي ليه بوست ضكوري يتفسح فيه من غير رقابة ولا تاء تأنيث ولا نون نسوة أها لو كان الواحد ما بتاع زغاريت ( وأعني بها زغاريد العُرس ) الواحد ده بتاع شين كاااااااااااااااااااااااااااف شين، وباقي الحروف صايلنت :) أها المفروض يكون محرّمات عليه كم ؟؟؟ أسمعني البوست ده عن التحريم واللا التحليل ؟؟؟ عشان أنا عايز أنداح وأفسر للضكور المزازين في البوست ده يعني شنو انا قاصد بي شين كااااف شيييين ! والله من وراء القصد

البوست ضكوري أي نعم لكنه بمعايير
أها المعايير دي ما معايير ود الصايم لكن معايير الشرع الحنيف
والبوست ما عن التحريم ولا عن التحليل
ولكن البوست عن كيفية ممارسة الحلال المذكور في كتاب ربنا: ( فانكحوا ما طاب لكم من النساء مثنى وثلاث ورباع )

Quote: لو كان الواحد ما بتاع زغاريت ( وأعني بها زغاريد العُرس ) الواحد ده بتاع شين كاااااااااااااااااااااااااااف شين، وباقي الحروف صايلنت :) أها المفروض يكون محرّمات عليه كم ؟؟؟

لا لا ياخينا البوست ده عن العرس البالدرب العديل .. شيتا تاني ما معانا
أما شيناتك دي لو زي ما أنا فهمت فالمحرمات عليك كل النساء بالتأكيد ( الكم مليار في العالم )
ما عدا التي تأخذها ( من 1 - 4 ) بحلال الله تعالى ومن بيت أبيها بواسطة عقد شرعي معروف

Quote: عشان أنا عايز أنداح وأفسر للضكور المزازين في البوست ده يعني شنو انا قاصد بي شين كااااف شيييين !

لا لا بالله لو عايز تنداح زي اندياحاتك في بوستاتك إياها فرجاء لا تفعل
نحنا كلامنا هنا كلو في إطار ( الحاء لام ألف لام ) وأبعدنا من الشينات بكافة أنواعها بالله عليك

Quote: والله من وراء القصد

دي بالغت فيها عديل

ياخوي المشكلة وين؟

زي ماالناس بتجي تتونس في بوستاتي وتقهقه وتشرب ليها فنجان قهوة وتمشي ولا ضرر ولا ضرار
خلاس أستحملوني ياخ أنا وشين كاف شيني

علي فكرة أنا أول من حمل العصاية من النص في التأريخ الخبيث اللي هو بعد التاريخ الحديث بي شوية كده

جد عايز أتونس بأريحية وإنطلاقة ضكورية


طالما ده بوست ضكوري


والله من وراء القصد شديد خالص

الاخ السلفي
السلام عليكم ورحمة الله وبركاته
الشرع مافيهو اعتراض ابدا يا غالي ..بس وين الفرص المتاحة للشباب كي يقوموا بواجب الزوجة الواحدة من مسكن لائق وملبس وعلاج وهذه الأشياء لحسة كوع لأن الاقتصاد مترد بسبب الفساد وسوء الادارة والمحسوبية والغش وووو وكثير من الشباب تجاوزوا سن الثلاثين ولا أمل لهم في الحصول على زوجة واحدة أما المترفين والأثرياء الجدد ممن في أيديهم أموال العباد فالمسألة بالنسبة لهم أسهل من الحصول على كوب ماء ...ناقش توفير الباءة للزواج وتقديم الأكفاأ على صاحب الولاء الذي لا يحسن فك الخط ..وهذه الامور الشرعية بدهية والنت مليان مواقع فقهية بشتى المذاهب والتراجم واللغات ...

أتاني بالنصائـح بعـض نـاسِ
وقالوا أنـت مِقـدامٌ سياسـي
أترضى أن تعيش وأنـت شهـمٌ
مع امرأةٍ تُقاسـي مـا تُقاسـي
إذا حاضت فأنت تحيض معهـا
وإن نفست فأنت أخو النفـاسِ
وتقضي الأربعيـن بشـرِّ حـالٍ
كَدابِ رأسُه هُشِمـت بفـاسِ
وإن غَضِبتْ عليك تنـامُ فـرداً
ومحروما ًوتمعـن فـي التناسـي
تـزوَّج باثنتيـنِ ولا تبـالـي
فنحن أُولوا التجارب والِمـراسِ
فقلـت لهـم معـاذ الله إنـي
أخاف من اعتلالـي وارتكاسـي
فها أنذا بـدأتْ تـروق حالـي
ويورق عودُهـا بعـد اليبـاس
فلـن أرضـى بمشغلـةٍ وهـم
وأنكادٍ يكـون بهـا انغماسـي
لي امرأةٌ شـاب الـرأسُ منهـا
فكيف أزيد حظـي بانتكاسـي
فصاحوا سنـة المختـار تُنسـى
وتُمحى أين أربابُ الحمـاسِ ؟!
فقلتُ أضعتُـم سُننـاً عِظامـاً
وبعض الواجبات بلا احتـراسِ
لمـاذا سُنَّـةُ التعـداد كنتـم
لها تسعون فـي عـزمٍ وبـاسِ
وشرع الله في قلبـي وروحـي
وسُنَّة سيـدي منهـا اقِتباسـي
إذا احتاج الفتى لزواجِ أُخـرى
فذاك لـه بـلا أدنـى التبـاسِ
ولكـن الـزواج لـه شـروطٌُ
وعدلُ الزوج مشروطٌٌ أساسـي
وإن معاشـر النسـوان بـحـرٌ
عظيم الموجِ ليس لـه مراسـي
ويكفي ما حملتُ مـن المعاصـي
وآثـام تنـوء بهـا الرواسـي
فقالوا أنـت خـوَّافٌ جبـانٌ
فشبّوا النار في قلبـي وراسـي
فخِضتُ غِمار تجرُبـةٍ ضـروسٍ
بهـا كـان افتتانـي وابتئاسـي
يحزُّ لهيبهـا فـي القلـب حـزَّاً
أشد عليَّ مـن حـزِّ المواسـي
رأيت عجائبـاً ورأيـتُ أمـراً
غريبا في الوجـودِ بـلا قيـاسِ
وقلتُ أظنُّنـي عاشـرت جِنَّـاً
وأحسب أنَّنـي بيـن الأناسـي
لأتفـه تافـهٍ وأقــلِّ أمــرٍ
تُبـادر حربُهـن بالإنبـجـاس
وكم كنتُ الضحية فـي مـرارٍ
وأجزم بانعدامـي و انطماسـي
فإحداهن شدَّت شعـر رأسـي
وأخراهن تسحب من أساسـي
وإن عثُر اللسان بذكـرِ هـذي
لهذي شـبَّ مثـل الإلتمـاسِ
وتبصرني إذا ما احتجـتُ أمـراً
من الأخرى يكون بالإختـلاسِ
وكم من ليلـةٍ أمسـي حزينـا
أنامُ على السطوحِ بـلا لبـاسِ
وكنتُ أنـام مُحترمـاً عزيـزاً
فصرتُ أنام ما بيـن البِسـاسِ
أُرَضِّعُ نامـس الجيـران دَمِّـي
وأُسقي كلَّ برغـوث بكاسـي
ويـومٌ أدَّعـي أنِّـي مريـضٌ
مصـابٌ بالزكـامِ وبالعُطـاسِ
وإن لم تنفـع الأعـذار شيئـاً
لجئتُ إلى التثـاؤب والنعـاسِ
وإن فَرَّطْتُّ في التحضيـر يومـاً
عن الوقت المحـدد يـا تعاسـي
وإن لـم أرضِ إحداهـنَّ ليـلاً
فيا ويلي ويـا سـود المآسـي
يطير النوم من عينـي وأصحـو
لقعقعـةِ النوافـذ والكراسـي
يجيء الأكـل لا ملـح ٌ عليـه
ولا أُسقى ولا يُكـوى لباسـي
وإن غلط العيال تعيـث حذفـاً
بأحذيـةٍ تمُّـرُ بقـرب رأسـي
وتصرخ ما اشتريت لي احتياجي
وذا الفستان ليس على مقاسـي
ولو أنى أبـوحُ بربـعِ حـرفٍ
سأحُذفُ بالقـدورِ و بالتباسـي
ترانـي مثـل إنسـانٍ جبـانٍِ
رأى أسـداً يهـمُّ بالإفتـراسِ
وإن اشـرِي لإحدَّاهـن فِجـلاً
بكت هاتيك يا باغـي وقاسـي
رأيتك حامِـلاً كيسـاً عظيمـا
فماذا فيه من ذهـبٍ و مـاس
تقـول تُحبُّنـي وأرى الهدايـا
لغيـري تشتريهـا والمكاسـي
وأحلفُ صادقـا ًفتقـول أنتـم
رجالٌ خادعـون وشـرُّ نـاسِ
فصرت لحالـةٍ تُدمـي وتُبكـي
قلوب المخلصين لِمـا أُقاسـي
وحار الناس فـي أمـري لأنـي
إذا سألوا عن اسمي قلت ناسـي
وضاع النحو والإعـراب منـي
ولخْبطتُّ الرباعـي بالخُماسـي
وطلَّقتُ البيـان مـع المعانـي
وضـيـعَّـتُ الطباق مـع الجنـاسِ
أروحُ لأشتري كُتبـاً فأنسـى
وأشري الزيت أو سلك النحاسِ
أسيـر أدورُ مـن حـيٍّ لحـيٍّ
كأنِّي بعض أصحاب التكاسـي
ولا أدري عـن الأيـامِ شيئـاً
ولا كيف انتهى العام الدراسـي
فيـومٌ فـي مخاصمـةٍ ويــومٌ
نداوي ما اجترحنـا أو نواسـي
وما نفعت سياسة بـوش يومـاً
ولا ما كان من هيلا سيلاسـي
ومن حلم ابن قيس أخذتُ حلمي
ومكراً من جحا وأبـي نـواسِ
فلما أن عجزتُ ضاق صـدري
وبـاءت أُمنياتـي بالإيـاسـي
دعوتُ بعيشة العُـزّاب أحلـى
من الأنكادِ فـي ظـلِّ المآسـي
وجاء الناصحون إلـيّ أُخـرى
وقالوا نحـن أربـاب المراسـي
ولا تسـأم ولا تبقـى حزينـاً
فقـد جئنـا بحـلٍ دبلوماسـي
تزوَّج حرمـةً أُخـرى لتحيـا
سعيداً ساِلماً مـن كـل بـاسِ
فصحتُ بهم لئن لـم تتركونـي
لا نفلتـنَّ ضربـاً بالـمـداسِ

حبيبو

Quote: ياخوي المشكلة وين؟ زي ماالناس بتجي تتونس في بوستاتي وتقهقه وتشرب ليها فنجان قهوة وتمشي ولا ضرر ولا ضرار خلاس أستحملوني ياخ أنا وشين كاف شيني علي فكرة أنا أول من حمل العصاية من النص في التأريخ الخبيث اللي هو بعد التاريخ الحديث بي شوية كده جد عايز أتونس بأريحية وإنطلاقة ضكورية طالما ده بوست ضكوري

نحنا من البداية حددنا معايير أو أجندة عشان البوست ما ينحرف عن مساره
حتى الناس الممكن يجوا يناقشونا من ناحية فقهية نحنا قفلنا ليهم الباب
فلو بتلتزم معانا بالمعايير الأربعة القلناها في البداية حبابك ألف والله

أما بوستاتك فوالله ما قاعد أخشها ولا قاعد أتونس فيها
لأنها تصادم معتقداتي ومبادئي
البوست الوحيد العلقت ليك عليهو هو بوست الحفلة في المقابر
ودخلت فيه ناصحا وانت بلعتني كلامي ومن يومها ما خشيت

البوست ضكوري وزي ما شايف ما حيكون ضكوري مية المية
وحتى لو ضكوري برضو بنلتزم فيه بالشرع الحنيف والحياء العام
فلو بتلتزم معانا بذلك فمرحب بيك والله وحبابك ألف البوست بوستيك

تمام


نعتمدها كأتفاقية جنتل مين

أنا ألتزم بالإبتعاد عن الكلام المغتغت وإنت تبعد عن البوستات مكشوفة الساقين .

عُلم وسينفذ

قلت لي فاتح البوست في البيت

Quote: فقلـت لهـم معـاذ الله إنـي أخاف من اعتلالـي وارتكاسـي فها أنذا بـدأتْ تـروق حالـي ويورق عودُهـا بعـد اليبـاس فلـن أرضـى بمشغلـةٍ وهـم وأنكادٍ يكـون بهـا انغماسـي لي امرأةٌ شـاب الـرأسُ منهـا فكيف أزيد حظـي بانتكاسـي

لو كده التقية دي فشنك , الحق بسرعة قبل ما ينقو ليك فيها كيف يعنى

Quote: لي امرأةٌ شـاب الـرأسُ منهـا

بزروك ويقول ليك
رواية معلعلة (اللهم اني اعوذ بك من أمرأة تشيبنى قبل اوان شيبي)
ودي اخير منها الضــرة ,,

وسع المعيار شوي حبيب نورة

سلام لسيد البوست وضيوفه
نرغب في التعديدة
لكن بنخاف من اتنين......... الاولى معروفة
والتانية حكومة الانقاذ وسياساتها الاقتصادية




ـــــــــــــــــــــ
يا سيد البوست خلي حبيب نورا يتداخل على كيفو
وحكاية الاقصاء والمنع دا في حد ذاتها غلط
يمكن المسخوت دا يلقى الهداية في هذا البوست

لا تضيق واسعاً.. وانت يا حبيب نوار ضيق معاييرك شوية كمان

Quote: من البيت ... والله صحي

يا محمد جلال ...... نقول دلللللللللللل ولا شنو

سلام لصاحب البوست و صحبه

تعرف مرة في مسجد النادي السوداني بدبي الامام و بعد العقد قعد يدعو و الجماعة بي وراهو ... الهم زوج شبابنا و استرهم .. الجملعة آميييين ... الهم زوج المتزوجين بأخري ... نفس الجماعة آمييييييين(:

------------------------------------------------------------------------------------

لدي صديق متلت ...و البعض يعرفه (هنا)(: .. المهم واحدة في السودان و واحدة في ماليزيا و احدة (بعيد عنك) في الصين .. المهم مرة الصينية ضربت ليهو و انا معاهو في العربية ... شي صيني و شي عربي مكسر و شي انقليزي عساكر ... المهم خلّص المكالمة و نفسو قايم ... قال لي تعرف انا ح امشي الصين و اطلب من المصنع صنع نسخة طبق الاصل مني (:

------------------
manubia

ده بوست ملغم
شخصيا لا بقدر بنوم جعان ولا قادر على الخرخرة و حليفة الزور



قوود بااي يا حاقدين.

مازن فيصل
والله إمامكم ده مية المية
وصاحبك ده الله يعينه أبو تلاتة

انت أسمعني يا مازن .. الكلمة القاعد توقع بيها طوالي (( manubia )) دي شنو؟؟؟

الإخوة الأعزاء

عماد حسين
مرتضي عبد الجليل
الشفيع وراق عبد الرحمن
Elbagir Osman
حبيب نورة
عبدالرحمن الحلاوي
محمد جلال عبدالله :)
عمار عبدالله عبدالرحمن
على ميرغني
مازن فيصل هلال

أعتذر عن عدم إمكان الرد عليكم بالقطاعي لأني في الدوام الآن
واقبلوا ردي بالاجمالي لحين التفرغ

يا مازن فيصل أنا فتحت البوست من البيت والله صحي ^__^
وهسي قاعد أرد من الدوام وحأمشي أواصل من البيت بإذن الله
لكن بالكروب طبعا .. والله صحي ^__^

يا علي ميرغني حبيب نورة قلنا ليهو حبابك ألف والله
لكن انت شوفو داير يدخلنا وين #______#
أها نحنا نبقى في تعدد الزوجات وللا تعدد الـ....
وراجع ليك يا علي لباقي الكلام

حبيب نورة: ما مشكلة ممكن تعتبرها اتفاقية جنتلمان
بس ممكن يوم من الأيام أفتح بوست منفصل لأناقش فكرة قد تتعلق ببوستك
يعني ما أعلق في بوستك لكن أفتح بوست مضاد، في الحالة دي في مشكلي؟
كلمني بالله عشان ما نخرق الاتفاقية بعدين

يا محمد جلال

اتفاقية جنتل مان شنو كمان مع حبيب نوره
بيخور ليك بوستيك دا اسع دا
وخاصه لو استدعى شلة حسب الله بتاعته

الزول دا خلى يكتب تعهد مشفوع باليمين
وبعداك خليهو يشارك

ــــــــــــــــــــــــــــــ

اللهم هل بلغت .. اللهم فاشهد

Quote: اتفاقية جنتل مان شنو كمان مع حبيب نوره بيخور ليك بوستيك دا اسع دا وخاصه لو استدعى شلة حسب الله بتاعته الزول دا خلى يكتب تعهد مشفوع باليمين وبعداك خليهو يشارك ــــــــــــــــــــــــــــــ اللهم هل بلغت .. اللهم فاشهد

صدقت ....!
يا محمد جلال احسن ليك تمسك في نصحية على
ناس حبيب نوره ديل ما عندهم امان

الأخ على محمد على بشير

Quote: اتفاقية جنتل مان شنو كمان مع حبيب نوره بيخور ليك بوستيك دا اسع دا وخاصه لو استدعى شلة حسب الله بتاعته الزول دا خلى يكتب تعهد مشفوع باليمين وبعداك خليهو يشارك

لا لا خلاص يا حبيب الزول ده ما بكسر كلمتو بالثقة كده :)
كان كسرها الاتفاقية موجودة بنستدعي الانتربول وقوانتانامو طوالي ^______^

Quote: عماد حسين مرتضي عبد الجليل الشفيع وراق عبد الرحمن Elbagir Osman حبيب نورةt عبدالرحمن الحلاوي محمد جلال عبدالله :) عمار عبدالله عبدالرحمن على ميرغني مازن فيصل هلال

صاحب البوست اعتقد من خلال متابعتي للبوست وعنوان البوست الذي لم يعير ابدا بميزان المعايير الثلاثه اعلاه
(بوست ضكران) يعني هسي لما ادخل والقاء العنوان زي ده مفروض افهم شنو ؟
على ذلك حبيب نوره دخل في بوست فتح اصلا ليدخل فيه حبيب نوره وآخرون يرون عكس ماترى
في مكان لايقبل الانتقائية لزوار الموضوعات مادام الجميع يملك كلمة مرور كما تملك والا فعليك
بفكرتك الشخصية التي لايزاحمك فيها الا افكارك ولا اعتقد ان الهدي المحمدي انتهج ذات منهجك في
امر الشاب الذي اتى النبي (ص) طالبا مه ان يرخص له ان يزني وانما كان الامر حوار ومكافحه بين
الافكار والاراء التي يحملها الفتى وبين تعاليم الدين السمحاء ...

طيب مادام انت حسمت موضوع حبيب نوره جايب سيرتو تاني لي شنو ولا تكبير كوم

(1)

أبو عبيدة البصاص

Quote: صاحب البوست اعتقد من خلال متابعتي للبوست وعنوان البوست الذي لم يعير ابدا بميزان المعايير الثلاثه اعلاه (بوست ضكران) يعني هسي لما ادخل والقاء العنوان زي ده مفروض افهم شنو ؟ على ذلك حبيب نوره دخل في بوست فتح اصلا ليدخل فيه حبيب نوره وآخرون يرون عكس ماترى في مكان لايقبل الانتقائية لزوار الموضوعات مادام الجميع يملك كلمة مرور كما تملك والا فعليك بفكرتك الشخصية التي لايزاحمك فيها الا افكارك ولا اعتقد ان الهدي المحمدي انتهج ذات منهجك في امر الشاب الذي اتى النبي (ص) طالبا مه ان يرخص له ان يزني وانما كان الامر حوار ومكافحه بين الافكار والاراء التي يحملها الفتى وبين تعاليم الدين السمحاء ...

ياخي أنا فتحت بوست عشان أناقش موضوع تعدد الزوجااااااااااااااااااااااات
حبيب نورة استأذنني إنو يطرح تعدد الـ ...

حبيب نورة فاهمني كويس وأنا فاهمو كويس
وعلمنا اتفاق جنتلمان وانفض السامر على كده وكل واحد راضي
انت الموضوع ده مزعلك في شنو؟ ممكن أفهم يعني؟

من حقي لمن أفتح بوست أحدد مساره عشان ما ينحرف عن المسار الأنا عايزو
وعليه حددت الأجندة والحاجات الدايرين نتناقش فيها
أها الزول البقرا العنوان ويجي يقابض من العنوان ياهو زيك ده

حبيب نورة ما اكتفى بالعنوان وإنما فهم المضمون وعلى ذلك استأذن
وانا لم أأذن له وانتهينا على كده .. ممكن أعرف انت الموضوع ده مزعلك ليه؟؟

Quote: طيب مادام انت حسمت موضوع حبيب نوره جايب سيرتو تاني لي شنو ولا تكبير كوم

والله استغربت فيك!! ياخي في حاجة اسمها الذوق اسمها الاحترام
يعني أنا الزول البخالفني ده أمسحو بإستيكة وللا شنو
زول علق على موضوعي من الذوق إنو أذكرو لمن أسرد أسماء الناس العلقو
وهسي كان ما ذكرناهو كنتو حتقولوا ليه ما ذكرته عشان خالفك
يعني في الحالتين أنا الضايع وللا شنو؟

وبرضو بسألك: انت القصة دي مزعلاك في شنو يعني؟
يعني كونو ذكرتو تاني دي مسألة تستاهل الوقوف عندها والمساءلة لي أنا
ياخي ذكرتو وذكرتو تكبير كوم، الموضوع ده ضراك بي حاجة؟
صرف منك بنزين؟ نقص الكوتة بتاعة المشاركات بتاعتك؟؟؟
حاجة غريبة خلاص ما فضل ليكم إلا نعرض بوستاتنا وناخد الإذن منكم قبل ما نكتب

أبو عبيدة: أمثالك يتفننون في إعادة تدوير وإنتاج الأزمات

Quote: انت أسمعني يا مازن .. الكلمة القاعد توقع بيها طوالي (( manubia )) دي شنو؟؟؟

دا النيك نيم او الاسم الحركي بتاعي من سنة 2002 يا محمد جلال(زي اساسي و تبلدينا و كوستاوي ... الخ ايام الناس هنا بتنزل بالنيك نيم -الا ان ضاع او في رواية اخري اتاخد رجالة كدا الباس وورد...الا ليت ايام الشباب تعوود (:

---------------
manubia

يا عمك إسمو ( النـِك نيم ) تكتب وتقرأ بكسرة فقط بدون ياء
ألحق عدلها سريع قبل ما يجي ود الصايم ومن لف لفه ^___________^

-------------
أنا ما عارف ود الصايم وود القاضي عميانين من البوست ده وللا شنو
من أمبارح راجيهم وما جوا ^____^

Quote: اتاريهو صاحبك الصيدلي ده بكون كاشف نومات الجماعة لكن انا ما عارف زول الفياجرا التدبيل ليهو شنو

عشان يدبل الفياجرا!
جنى

العلامة الحويني: امرأة علمت أن الرجل في الجنة بتزوج الحور العين، فمن غيرتها صارت تسأل الله أن يجعل زوجها من أهل النار!!!

يروى أن واحدة جات تشتكي زوجها في المحكمة لانه عايز يتزوج ، فالقاضي قال ليها ، احسن زوجك يمشي في الحلال ويعرس مرة تانية ، ولا ما يتزوج ويمشي في الحرام ، قالت: اخير يمشي في الحرام ويتشال حاله ، بدل يتزوج بالحلال والناس تشيل حالي انا.