حملة لإيقاف قرار الرجم أم حملة لإلغاء الشريعة...؟

أيهم الاكثر جذرية،والأكثر موضوعية في مقاربة المسأءلة من الجذور، تنظيم حملة لإيقاف قرار الرجم الصادر بحق سيدة/أمبدة،أم تنظيم حملة واسعة لإلغاء الحكم بالشريعة الإسلامية...؟

Quote: السبب الأول لانحطاط المسلمين هو تشبّثهم الذُهاني بهذه الشريعة الدموية التي تعامل الإنسان كحشرة ضارّة. شريعة القصاص اليهودية، التي استنسختها الشريعة الإسلامية، مُستلهَمة من مدونة حامورابي في القرن 18 ق. م. أي أن عمرها اليوم 38 قرنا ومازالت حية تسعى وضحاياها في أرض الإسلام – في أرض الإسلام فقط – بالألوف ! فاليهود الذين أخذناها عنهم ألغوها منذ القرن الأول الميلادي. وحتى أكثر اليهود تعصّبا للشريعة لا يطالبون في إسرائيل بالعودة إلى الحدود البدنية التي مازلنا نطبقها بسادية وضمير أخلاقي ميّت !

العفيف الأخضر.

Quote: أوجه هذا النداء إلى كل المدافعين عن الحق في الحياة في أرض الإسلام، الذي يداس كل يوم بألف قدم، لمطالبة حكومات أقصى اليمين الإسلامي السياسي، كالجمهورية الإسلامية الإيرانية والسودان، ودول أقصى اليمين التقليدي كالسعودية، بإلغاء حدّ الرجم وجميع الحدود الشرعية. ومطالبة الدول شبه العلمانية بإلغاء الحدود الشرعية المخففة إلى السجن وأيضا إلغاء عقوبة الإعدام. أُسوة بالحكومة الإسلامية التركية التي ألغت سنة 2006 حكم الإعدام وعقوبة الزنا مثلما ألغتها معظم دول العالم.

العفيف الأخضر.

Quote: الحدود الشرعية تشكل اليوم جريمة موصوفة وانتهاكا استفزازيا لشريعة حقوق الإنسان العقلانية والإنسانية الكونية. الشريعة الوحيدة التي يعرفها العقل ويعترف بها والموعودة – في السيناريو المتفائل – بأن تسود العالم.

العفيف الأخضر.

Quote: أليس جريمة ضدّ الإنسان أن تحكم إيران والسودان والسعودية مثلا على شارب الخمر ب 80 جلدة، وبقطع يد السارق وقطع يد ورجل من خلاف مرتكب السطو المسلّح ورجم الزاني والزانية حتى الموت ودقّ عنق المرتدّ ؟ في السعودية، حكمت محكمة شرعية في ديسمبر 2010 على مواطن بالسجن 6 سنوات، في الحق العام، وفي الحق الخاص، بتعطيل حبله الشوكي لإصابته بالشلل الكامل قصاصا لصهره الذي طعنه بسكين خلال مشاجرة فعطّل حبله الشوكي وأصابه بشلل كامل، طالبة من إدارة الشؤون الصحية الشرعية تعيين جرّاح لتنفيذ هذا الحكم ! الطب الحديث في خدمة شريعة حامورابي. أتلك هي الحداثة الإسلامية !!

العفيف الأخضر.

Quote: سادية العقوبات البدنية الشرعية، التي جعلت من التنكيل بالمحكوم عليه غاية في حدّ ذاتها، هي التي تحرم وتجرم الموت الرحيم لتخليص مريض ميؤوس منه من الآلام التي يكابدها وتحرم وتجرم القتل الرحيم للحيوانات المعمول به في جميع مسالخ العالم تقريبا إلا مسالخنا حيث نذبح الحيوانات وهي تصرخ وتتبوّل من شدّة الألم !

العفيف الأخضر.

Quote: اخبروا طالباتكم و طلبتكم أنه كلما كانت الذهنية الدينية بدائية، مثلما هي ذهنية اعداء المرأة، كان عداء المرأة فجا و فظا. اضربوا لهم مثلا بالشرائع البدائية، الوثنية و التوحيدية، التي سنّت التعذيب السادي للمرأة: الشريعة البابلية (18 قرن ق. م) أمرت برمي الزانية مكتوفة في دجلة و الفرات، و الهندوسية بإعطائها للكلاب المجّوعة منذ 3 أيام،و اليهودية و الإسلام برجمها بحجارة متوسطة، لإطالة عذابها حتى لا تموت إلا بعد حوالي 40 دقيقة! توقف اليهود عن اقتراف جريمة الرجم منذ التدمير الثاني للهيكل عام 70 م . كما توقف قتل المرأة بالزنى في العالم منذ قرون .أما في عالم الإسلام فمازالت ترجم إلى اليوم. مثلا رجمت الجمهورية الإسلامية الإيرانية، رائدة جمهوريات "الربيع العربي"، بين 1979 و 2010 ،حوالي ألفي امرأة!

العفيف الاخضر.

العزيز خالد
اسمح لى اعيد ليك تعليقاتى فى بوست البيان عن ايقاف تنفيذ الرجم
لعلها تكون اضاءة على القانون

العزيز طيفور
لى بعض الملاحظات على البيان

Quote: حركة التغيير الان تدين هذا الحكم الوحشي و المستند على قاعدة فقهية مختلف عليها

والمستند
الحكم لا يستند على قاعدة فقهية مختلف عليها كما ورد فى البيان دا كلام خطير ومضلل جدا
الحكم يستند الى نص واضح وصريح فى القانون الجنائى السودانى لسنة 1991 والسارى الان .
عقوبة الزنا. 146-(1) من يرتكب جريمة الزنا يعاقب:
(أ‌) بالإعدام رجما اذا كان محصنا،
(ب‌) بالجلد مائة جلدة اذا كان غير محصن.
(2) يجوز ان يعاقب غير المحصن ، الذكر بالاضافة الى الجلد بالتغريب لمدة سنة.
(3) يقصد بالاحصان قيام الزوجية الصحيحة وقت ارتكاب الزنا ، على ان يكون قد تم فيها الدخول.

المصدر : القانون الجنائى السودانى http://forum.arabia4serv.com/t48438.html#ixzz1vGfqHo6v

Quote: و تطالب السلطات القضائية في الخرطوم بسرعة التدخل لايقاف تنفيذه

Quote: و السعي بمخاطبة الحكومة السودانية بأن تقوم بايقاف هذا الحكم فورا و بضمان عدم تكرار اصدار مثل هذه الاحكام المتوحشة و أن تتوقف عن مواصلة ارتكاب هذه الجرائم باسم القانون في حق اهل السودان.

طبعا ود البشرى عينو نجيضة صياغة البيان فيها مشكلة كبيرة وشتارة
كيف تطالب الجهات القضائية بوقف تطبيق القانون ؟؟؟
الصاح انو البيان كان يواجه القانون نفسه ..

طبعا القانون الجنائى السودانى لسنة 1991 والذى الغى قانون العقوبات السودانى لسنة 1983
موجوده فيه كل احكام الحدود
عقوبة الحرابة. 168-(1) من يرتكب جريمة الحرابة يعاقب:
(أ‌) بالاعدام او بالاعدام ثم الصلب اذا ترتب على فعله القتل او الاغتصاب،
(ب‌) بقطع اليد اليمنى والرجل اليسرى اذا ترتب على فعله الأذى الجسيم او سلب مال يبلغ نصاب السرقة الحدية

المصدر : القانون الجنائى السودانى http://forum.arabia4serv.com/t48438.html#ixzz1vGhz3Ytz
السرقة الحدية. 170-(1) يعد مرتكباً جريمة السرقة الحدية من يأخذ خفية بقصد التملك مالا منقولا متقوماً للغير شريطة ان يؤخذ المال من حرزه ولا تقل قيمته عن النصاب .
(2) تشمل الخفية انتهاك الحرز استخفاء وأخذ المال مجاهرة او مغالبة .
(3) يشمل المال المملوك للغير المال العام وأموال الأوقاف ودور العبادة.
(4) يقصد بالحرز المكان الذي يحفظ فيه او الوجه الذي يحفظ به المال المعين وامثاله عادة او فى عرف أهل البلداو المهنة المعينة ، ويعد المال فى حرز حيثما كان محروساً .
5) يكون النصاب دينارا من الذهب يزن 4.25 جراما او قيمته من النقود وفق ما يقدره من حين لآخر رئيس القضاء بعد التشاور مع الجهات المختصة.
(6) اذا اشترك فى الأخذ جماعة فيعتد فى النصاب بجملة المال المأخوذ لا بما أخرجه كل واحد منهم على حدة.
عقوبة السرقةالحدية. 171-(1) من يرتكب جريمة السرقة الحدية ، يعاقب بقطع اليد اليمنى من مفصل الكتف.

المصدر : القانون الجنائى السودانى http://forum.arabia4serv.com/t48438.html#ixzz1vGiaTlIS

قطع يد السارق والقطع من خلاف والرجم كلها عقوبات موجودة فى القانون الجنائى
ولكنها لا تنفذ ولم تنفذ منذ اكثر من 25 عاما من ايام الديمقراطية التى اعقبت نميرى
لم تنفذ هذه الاحكام .... يعنى اصلا تنفيذها واقف من اكثر 25 عام !!
الخوف اذن من القوانين والاحكام نفسها .. وليس من تنفيذها
برضو اجبار المراة على بيت الطاعة موجود فى قانون الاحوال الشخصية للمسلمين
منذ زمن طويل يمكن ان يصدر الحكم ولكن لا ينفذ ولم يسبق له ان نفذ
ولكن وجود القانون وصدور احكام وفقا لها هى التى يجب مجابهتها ..
والبيان كان يقول عديل ان عدم تنفيذ مثل هذه الاحكام ليس هو الضمان من تاثيرها
الضمان الوحيد هو الغاء هذه القوانين

هذه الجداول ملحقة بالقانون تفسر وتوصح كيفية عمل وانفاذ تلك الاحكام
المراة التى ولدت سفاحا وصدر ضدها حكم بالرجم لا ترجم الا بعد عامين
اى بعد انقضاء مدة ارضاع صغيرها ...

لجدول الثاني
الدية
1. تكون الدية في القتل كاملة.
2. تكون الدية في الجراح كاملة في الحالات الآتية:
أ/ عند قطع عضو من الاعضاء الفردية في الجسم.
ب/ عند قطع عضوين من الاعضاء الزوجية أو احدهما اذا ترتب علي ذلك ذهاب وظيفتها.
ج/ اصابع اليدين أو اصابع الرجلين جميعا.
د/ ذهاب وظائف العقل والحواس والجوارح.
هـ/ عند ذهاب الاسنان جميعا.
3. تكون الدية في الجراح نصفا (1\2) في الحالات الآتية:
أ/ عند ذهاب واحد من الاعضاء الزوجية.
ب/ عند ذهاب الوظيفة لواحد من الاعضاء الزوجية.
4- تكون الدية في الجراح عشراً (1\10) عند ذهاب الاصبع ونصف عشر (1\20) عند ذهاب انملة اصبع الابهام وثلث عشر (1\30) عند ذهاب واحدة من انامل الاصابع الاخري.
5- تكون الدية في الجراح عند ذهاب السن نصف عشر (1\20).
6- تكون الدية في جراح الجسد كما يلي:
أ/ الجائفة التي ينشأ عنها جرح نافذ الي التوجيف الصدري أو البطني ثلثا (1\3).
ب/ اذا نفذت الجائفة من الجانب الآخر اعتبرت جائفتين وفيهما ثلثان (2\3).
7- تكون الدية في الشجاج كما يلي:
أ/ دية الآمة التي تصل الي ام الدماغ ثلثا (1\3).
ب/ دية الدامغة التي تصل الي الدماغ ثلثا (1\3).
ج/ دية المنقلة التي تنقل العظم ثلاثة اعشار (3\10).
د/ دية الهاشمة التي تهشم عظمة الراس أو الوجه عشراً (1\10).
هـ/ دية الموضحة التي توضح العظم نصف عشر (1\20).
8- (1) تكون دية الجنين اذا سقط فمات كاملة.
(2) تكون دية الجنين اذا سقط ميتا الغرة نصف عشر (1\20).
(3) تتعدد الدية بتعدد الاجنة.


* نشر فى الجريدة الرسمية بتاريخ 20/2/1991.
قانون رقم 40 لسنة 1974.
قانون رقم 40 لسنة 1974.
القانون نفسه.
قانون رقم 40 لسنة 1974.
قانون رقم 40 لسنة 1974.
قانون رقم 40 لسنة 1974.
قانون رقم 40 لسنة 1974.
قانون رقم 40 لسنة 1974


المصدر : القانون الجنائى السودانى http://forum.arabia4serv.com/t48438.html#ixzz1vGoaayV9

Quote: بالجلد مائة جلدة اذا كان غير محصن.

اها الرأى شنو يا دينا خالد
ما أحسن نعمل ( delete ) لسورة النور خاصة الاية دا {الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ }النور2 لانها ما مواكبة لمشروع الاستنارة اليوم ..
الغريب بعد 1000 سنة إن شاء الله سيأتى من يجعل من نفســه مشرعاً للانسان ويدعى إحاطته بما يصلح هذا الانسان وما درى ذاك المسكين أن تقاصر وعيه عن إدراك كينونة الانسان التى لا يعلم من يصلحها
الا خالقها ...

_________

اما أنت يا خالد بن بحــر ( فلا تثريب عليك لانك اصلاً غير مؤمن بالاديان وما يترتب عليها من شرائع )
لذلك لا تتخفئ خلف العفيف بل قل أنك غير مؤمن مجرد إيمان بوجود الله ..

معا لالغاء هذه القوانين المتخلفة



المداخلة التانية بكرة هههههههههههه


منبر تحفة!

Quote: المداخلة التانية بكرة هههههههههههه

شاحد الله بكرى ربنا يهدى سرو ويجعل المداخلة الثانية بعد اسبوع (ههها )






_________

لكن حكاية إنك تختار اين تكون مداخلتك الواحدة فى اليوم جديرة بأن نعرف معيارك للاختيار شنو ...
وفاة عزيز
تهنئة
موقف فكرى
مماحكة
رد شتمة
مناصرة
رفع بوست

العزيزة/ دينا ....سلام.

Quote: الضمان الوحيد هو الغاء هذه القوانين

دي خُلاصة كل الكلام المفروض يتقال يا دينا، بس الناشطين السودانيين عندهم جُبن ما عادي وطوالي في حاله كونهم(يشوفو الفيل ويطعنو في ضلوا) هذه الأحكام يا دينا عار على الحضارة الانسانية ومخجلة للغاية، والموقف الصحيح المطالبة بإلغاء كل هذه القوانيين البربرية.

الزميل/ عبد اللطيف

Quote: المداخلة التانية بكرة هههههههههههه منبر تحفة!

تُحفة المداخلة بتاعتك دي

بدر الدين أسحق

Quote: اما أنت يا خالد بن بحــر ( فلا تثريب عليك لانك اصلاً غير مؤمن بالاديان وما يترتب عليها من شرائع ) لذلك لا تتخفئ خلف العفيف بل قل أنك غير مؤمن مجرد إيمان بوجود الله ..

خليك من إيماني أنا يا زول، هسي الحكم ده بمثل إختبار عملي لإيمانك وإيمان حكومتك دي موش بتفتكرو إنو الزنا جريمة تستوجب الرجم...طيب ياخ موش مفروض الحكومة تنفذ هذا الحكم الصادر لكن انت سيد العارفين إنو الحكومة لن تفعل ذلك، يعني الموضوع ما موضوع دين ولا حاجة، الموضوع موضوع عقل وفي الحتة دي الحكومة حتكون عاقلة، لانها برغماتية، وجمهرة المؤمنيين ديل ما حيقولو (بغم) في تعطيل حد من حدود الشرع

الاخوة الكرام
السلام عليكم

من الظلم وتعمّد التجني الذي يمارسه أعداء الاسلام بعلم ودراية وتابعيهم من جهلة المسلمين والمخدوعين
ببريق الحضارة الكاذب أن يصوروا الشريعة الاسلامية في وكأنها محصورة في الحدود الشرعية من جلد وقطع
ورجم وهي في الحقيقة منهج حياة متكامل أنزله خالق البشر لإصلاح البشر ومن أدرى وأعلم من الله تعالى بمصلحة عباده؟
وفي الحقيقة فإن اجتزاء الفهم وأخذ الكلام بعيداً عن سياقه ليس جديداً في مسيرة البشر عبر التاريخ

ومكرهم وقد ذكر ذلك النبيّ صلى الله عليه وسلم فقد جاء في الحديث الذي أخرجه أحمد وابن ماجه عنْ
أَبِي هرَيْرَةَ قَالَ: قَالَ رَسُولُ اللَّهِ صلى الله عليه وسلم: "مَثَلُ الَّذِي يَجْلِسُ يَسْمَعُ الْحِكْمَةَ ثُمَّ لاَ يُحَدِّثُ عَنْ صَاحِبِهِ
إِلاَّ بِشَرِّ مَا يَسْمَعُ كَمَثَلِ رَجُلٍ أَتَى رَاعِيًا فَقَالَ يَا رَاعِي أَجْزِرْنِي شَاةً (أي أعطني شاة تصلح للذبح والأكل)
مِنْ غَنَمِكَ. قَالَ: اذْهَبْ فَخُذْ بِأُذُنِ خَيْرِهَا. فَذَهَبَ فَأَخَذَ بِأُذُنِ كَلْبِ الْغَنَمِ".


فالشريعة الاسلامية دستور متكامل ينظم كافة اوجه الحياة من معاملات وتجارة وعلاقات زوجية
وميراث ووووووو والإسلام هو الدين الوحيد الذي جاء بهذا الشمول والكمال، ولهذا ختم
الله به الأديان وأتم به النعمة، كما


قال تعالى: ﴿الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمْ الإِسْلامَ دِينًا﴾ (المائدة: من الآية 3).


والذين يصورون أن الحدود قاسية ووحشية وووو فهؤلاء أستغرب لمواقفهم في التعاطف
مع الجاني ونسيان حق المجني عليه فلك أن تضع نفسك في مكان الشخص الذي يتعرض لسطو مسلح ويفقد ماله
ويفقد عزيز لديه من ام أو أب او ابن او زوجة وما حوادث النهب المسلح التي روّعت البلاد ببعيدة وقصص
افترائهم وقتلهم للأبرياء ببعيدة فكيف يأتي من يتعاطف معهم جالباً صور بعض المحكومين بالقطع من خلاف
وينسى ما فعلوه بالضحايا من قتل وسلب وترويع وقد سمعت من شاهد عيان ابان عملي في دارفور من قصصهم
ما تشيب له الرؤوس وأشهرها أمرهم لبعض الركاب بالافطار نهار رمضان ولما رفض أحد طلاب الجامعة الانصياع
لأوامرهم طلبوا منه أن يصلي لله عسى أن ينجيه ثم نسفوا رأسه أثناء الصلاة وهذا غيض من فيض.


لذلك تأتي هذه القوانين لتحفظ المجتمع من ويلات المجرمين وضعاف النفوس والبيان بالعمل في معدلات
الجريمة في العالم، فأين القوانين الوضعية والسجون التقليدية التي أصبحت عبئاً يثقل كاهل كبار
الدول بالمنصرفات عليها وهي تقبع في مستنقع الجريمة بل أصبحت السجون نفسها مدارس للجريمة فكم
من غرّ ساذج دخلها وخرج منها مجرما محترفاً.


وآسف للإطالة ولي عودة باذن الله
للكلام عن الفوائد الدينية والدنيوية من تطبيق الشريعة الاسلامية

الزميل/ أبراهيم قناوي

Quote: وفي الحقيقة فإن اجتزاء الفهم وأخذ الكلام بعيداً عن سياقه ليس جديداً في مسيرة البشر عبر التاريخ

يتخيل لي موضوع الزنا ده النصوص فيهو واضحة وصريحة،ومافي زول إجتزأ الكلام من سياقه،وانا شخصيا موقفي واضح قلتو فوق

Quote: فالشريعة الاسلامية دستور متكامل ينظم كافة اوجه الحياة من معاملات وتجارة وعلاقات زوجية

العالم ده فيهو مستجدات وتطورات متلاحقة على المستوى الإجتماعي/ الاقتصادي/. العلمي..الخ، من الصعب بمكان، ان نجد لها تفسيرات في اى كتاب ديني
عشان كده بنقول إنو القران ليس كتاب علم إجتماع ولا كتاب كيمياء ولا كتاب فيزياء، وهو كتاب للتعبد والتقرب الروحي من الخالق.

Quote: والذين يصورون أن الحدود قاسية ووحشية وووو فهؤلاء أستغرب لمواقفهم في التعاطف مع الجاني ونسيان حق المجني عليه

طيب بذات المنطق ومثلا في الزنا، لا يوجد مجني عليه ولا يوجد جاني، لان الموضوع في الغالب يحدث بالتراضى
طيب ياخ مدام الطرفين على رضا المشكلة ومدام مافي طرف من الاطراف خسران بذات منطقك، طيب المشكلة وين ياخ

Quote: لذلك تأتي هذه القوانين لتحفظ المجتمع من ويلات المجرمين وضعاف النفوس والبيان بالعمل في معدلات الجريمة في العالم

انت بطبيعة الحال تعرف أن السعودية مثلا وهي من الدول التى تطبق شرع الله، بها نسب عالية من الجرائم وظواهر المثلية الجنسية وزنا المحارم...الخ
يعني الشريعة لم تنجح في تحصين المجتمع السعودي من تفشي تلك الظواهر التى يعتبرها الدين الاسلامي حرام، والقال ليك منو إنو الردع وحده كافي لتقليل نسبة الاجرام...؟

Quote: للكلام عن الفوائد الدينية والدنيوية من تطبيق الشريعة الاسلامية

ننتظر بفارق الصبر

حذف للتكرار

العزيز بدر الدين
شكرا لثقتك فى ايمانى ..
كلامك صاح ناس خالد ديل كفار ساى .. لووووب

اها يا بدر القران وفى اكثر من حكم قنن لوجود الرق باحكام
ظلت موجودة فى القران .. ولكن هل هذا يعنى ان القران يقر الرق
والعبودية واقتناء الرقاب ؟؟؟


(حَتَّى إِذَا أَثْخَنتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاء حَتَّى تَضَعَ الْحَرْبُ أَوْزَارَهَا )


(إِنَّمَا الصَّدَقَاتُ لِلْفُقَرَاء وَالْمَسَاكِينِ وَالْعَامِلِينَ عَلَيْهَا
وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللّهِ وَابْنِ السَّبِيلِ فَرِيضَةً مِّنَ اللّهِ وَاللّهُ عَلِيمٌ حَكِيمٌ )


(يَبْتَغُونَ الْكِتَابَ مِمَّا مَلَكَتْ أَيْمَانُكُمْ فَكَاتِبُوهُمْ إِنْ عَلِمْتُمْ فِيهِمْ خَيْرًا وَآتُوهُم مِّن مَّالِ اللَّهِ الَّذِي آتَاكُمْ)

قد جعل القران الكريم تحرير الرقيق كفارة عن قتل الخطا ,و الحانث باليمين او الراجع عنه,و المظاهر لامراته



(وَمَا كَانَ لِمُؤْمِنٍ أَن يَقْتُلَ مُؤْمِنًا إِلاَّ خَطَئًا وَمَن قَتَلَ مُؤْمِنًا خَطَئًا فَتَحْرِيرُ رَقَبَةٍ مُّؤْمِنَةٍ وَدِيَةٌ مُّسَلَّمَةٌ إِلَى أَهْلِهِ إِلاَّ أَن يَصَّدَّقُواْ فَإِن كَانَ مِن قَوْمٍ عَدُوٍّ لَّكُمْ وَهُوَ مْؤْمِنٌ فَتَحْرِيرُ رَقَبَةٍ مُّؤْمِنَةٍ) النساء :93

(لاَ يُؤَاخِذُكُمُ اللّهُ بِاللَّغْوِ فِي أَيْمَانِكُمْ وَلَـكِن يُؤَاخِذُكُم بِمَا عَقَّدتُّمُ الأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ ) المائدة :89

(وَالَّذِينَ يُظَاهِرُونَ مِن نِّسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِّن قَبْلِ أَن يَتَمَاسَّا ذَلِكُمْ تُوعَظُونَ بِهِ وَاللَّهُ بِمَا تَعْمَلُونَ خَبِيرٌ ) المجادلة :3



رابعا - قد حضت ايات اخرى على عتق الرقيق و اعتبرت ذلك من القربات لله

(لَّيْسَ الْبِرَّ أَن تُوَلُّواْ وُجُوهَكُمْ قِبَلَ الْمَشْرِقِ وَالْمَغْرِبِ وَلَـكِنَّ الْبِرَّ مَنْ آمَنَ بِاللّهِ وَالْيَوْمِ الآخِرِ وَالْمَلآئِكَةِ وَالْكِتَابِ وَالنَّبِيِّينَ وَآتَى الْمَالَ عَلَى حُبِّهِ ذَوِي الْقُرْبَى وَالْيَتَامَى وَالْمَسَاكِينَ وَابْنَ السَّبِيلِ وَالسَّآئِلِينَ وَفِي الرِّقَابِ وَأَقَامَ الصَّلاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُواْ وَالصَّابِرِينَ فِي الْبَأْسَاء والضَّرَّاء وَحِينَ الْبَأْسِ أُولَـئِكَ الَّذِينَ صَدَقُوا وَأُولَـئِكَ هُمُ الْمُتَّقُونَ )البقرة :177

(فَلَا اقْتَحَمَ الْعَقَبَةَ *وَمَا أَدْرَاكَ مَا الْعَقَبَةُ * فَكُّ رَقَبَةٍ ) البلد :11-13


عدم الغاء القران للرق بل واتيانه به فى كثير من الاحكام
لا يصلح دليلا على ان القران موافق على الرق صاح يا بدر ؟؟ .

Quote: حملة لإيقاف قرار الرجم أم حملة لإلغاء الشريعة...؟

انت يا جنى كدي خلينا من العفيف اللخدر والعفيف البرتقالي
انت ذااااتك بتؤمن بي شنو؟
هل بتؤمن بالشريعة الإسلامية ذاتها وإنها من عند الله تعالى؟
وقبل الشريعة هل انت مؤمن بي الله ورسول الله .. صلى الله عليه وسلم؟

لو انت مسلم خلينا نناقشك بي دينك يعني الإسلام
لو إنت ما مسلم خليك في لا دينك وخلي لينا ديننا

أها بالله جاوب الأسئلة دي عشان نقدر نفرز الكيمان ونقدر نتكلم.

شكرا يا خالد....
في حاجة انا ما قادر افهمها, بعض العلمانيين او من يحاولوا اثبات ان العقوبات الحدية بشكلها السادي والمتوحش لا تنتمى للشريعة وبحاولوا بي صورة هزيلة الاستناد في نقاشهم علي النصوص او بعض الحوادث المعزولة في التاريخ الاسلامي من اجل الوصول للعلمانية من خلال الدين نفسه. دي حاجة انا ما قادر القي ليها تفسير انك تخلي خصمك يختار ميدان واليات الصراع والنتيجة معروفة هنا الخسارة مع فتح الباب للمزيد من استغلال الدين ولوي النصوص وتلبيسها لي واقع ما مقاسها (الترابي خير مثال بالامس اسلامي متشدد يقطع اطراف الناس ويعدم المفكرين في محاكم العدالة الناجزة واليوم مفكر منفتح ينادي بالديمقراطية ولا يمانع كمثال في زواج المسلمة من مسيحي وكله من الدين وكله من النصوص ترزي بس) . العالم الغربي لما اختار العلمانية وفصل الدين عن الدولة لو كان انتظر مفكريه عشان يوصلوه لي الدولة المدنية من خلال الانجيل كان تلقي العلماء بحرقوا فيهم بتهم الهرطقة لي الليلة. المعركة واضحة هى اننا نوصل للناس انه الدين خيار شخصي والعقوبات الحدية من جلد وقطع اطراف ورجم هي ممارسات همجية ووحشية تليق بالقرون الوسطى بدون ما نسقط ضحية لي الابتزاز بالنصوص والسنة.

الزميل/ المعز...سلام.

Quote: المعركة واضحة هى اننا نوصل للناس انه الدين خيار شخصي والعقوبات الحدية من جلد وقطع اطراف ورجم هي ممارسات همجية ووحشية تليق بالقرون الوسطى بدون ما نسقط ضحية لي الابتزاز بالنصوص والسنة.

هي دي الإجابة النموذجية، لمنازلة الداعين لتطبيق الشريعة في القرن الواحدوالعشرين، بإختصار فكرة إنو ترجم ليك زول بالحجارة عشان عمل علاقة جنسية مع زولة، الفكرة دي العقل الإنساني في اللحظة الحضارية الراهنة ما ممكن يستوعبا على الاطلاق
وأظن أن النبي محمد زاتو لوكان حاضر بيننا لقال: يجب إيقاف هذه العقويات فورآ، تاني حاجة العلمانيين السودانيين جبناء للغاية ويختارون المواقف الرمادية في محكات لا تقبل المواقف الرمادية على الاطلاق، وعشان كده الخطاب العلماني لم يتطور في السودان ولم
يكسب فاعليين إجتماعيين جدد.

Quote: العفيف الأخضر.

يا خالد

شابكنا العفيف الأخضر

يعني هسع نخلي تطبيقات النبي عليه الصلاة والسلام للشرع من قطع وجلد وقتل رجم، ونباري زولك ده

زولك ده شنو منزلتو من العصمة؟!!

الزول ده نبي ونحنا ما عارفين؟!!

هل هو أفضل من النبي عليه الصلاة والسلام؟!

Quote: اما أنت يا خالد بن بحــر ( فلا تثريب عليك لانك اصلاً غير مؤمن بالاديان وما يترتب عليها من شرائع ) لذلك لا تتخفئ خلف العفيف بل قل أنك غير مؤمن مجرد إيمان بوجود الله ..

شكراً يا بدر

دي آفة الكارهين للدين

لا يتجرأون على البوح بمكنونات الصدور مباشرة

دوماً يمترسون وراء غيرهم

زي صاحبنا خالد، سواها لينا كلها العفيف اللخدر

حتى ينصب اللعن والويل والثبور على من ينقلون عنه

دي تعتبر قمة الخور والهزال..

لماذا لا تقاتلون إلا في قرى محصنة أو من وراء جدر؟!!

لماذا التمترس بهذه الأسماء؟!!

الزميل/ عماد حسين

Quote: شكراً يا بدر دي آفة الكارهين للدين

عديل كده الكارهين للدين...؟! ياخ الموضوع بإختصار زى ما قلتا في تطورات في المجتمع الانساني ده ياخ تستوجب (تأويل / تجاوز/ تعطيل ) بعض النصوص الدينية، وفي سوابق في المجال ده ياخ، هسي دينا خالد فوق قالت ليك الاسلام تحدث بصورة واضحة عن الرقيق طيب هسي (أجعص مسلم في الكرة الارضية) ممكن يطبق ايات الرق...؟ ويدعوا لامتلاك الرقيق...؟ بإختصار لايمكن، لانو المنعطفات الانسانية والحضارية قالت كده.

Quote: لا يتجرأون على البوح بمكنونات الصدور مباشرة دوماً يمترسون وراء غيرهم زي صاحبنا خالد، سواها لينا كلها العفيف اللخدر

(صحبك) خالد ده موقفو واضح ومعلن، وما محتاج (يتمترس) ورا زول يا الشيخ وقلنا مليون مرة وتاني بنقول ليك: انا ضد تطبيق الشريعة الاسلامية،واي زول في مخو ده ( ذرة طايوق) مفروض يكون ضد تطبيق الشريعة وضد إقامة هذه الحدود البربرية، وأى زول بدافع عن تطبيق هذه الحدود(رجم/ جلد/ ....الخ) مفروض يعيد ترتيب (حسو الإنساني) . من جديد، كده واضح يا شيخ عماد

دينا خالد (المٌرجفة) لوووووووول، تشكري على إثراء الحوار في هذا البوست

Quote: اها يا بدر القران وفى اكثر من حكم قنن لوجود الرق باحكام ظلت موجودة فى القران .. ولكن هل هذا يعنى ان القران يقر الرق والعبودية واقتناء الرقاب ؟؟؟

سؤال موضوعي للغاية، ويفضح إزدواجية المعايير عند البعض

Quote: الأحكام يا دينا عار على الحضارة الانسانية ومخجلة للغاية، والموقف الصحيح المطالبة بإلغاء كل هذه القوانيين البربرية.

العزيز/ بدر الدين
تشكر على المرور،والتأكيد على ضرورة إلغاء الشريعة.

الزميل خالد بحر

كلامك غريب جداً

Quote: العالم ده فيهو مستجدات وتطورات متلاحقة على المستوى الإجتماعي/ الاقتصادي/. العلمي..الخ، من الصعب بمكان، ان نجد لها تفسيرات في اى كتاب ديني

منو القال ليك صعب

والله لو فتحت قلبك وعقلك للقرآن والسنة

لوجدت أنها تخاطبك أنت خالد بحر

العايش في قمة الهرم الحضاري

كما كانت تخاطب راعي الابل في صحراء نجد

وهذا لأن الخالق واااااااااحد

الخالق واحد يا خالد وهو الذي خلق

الاعرابي في القرون الاولي للدعوةد

وخلقك انت والخواجة بتاع ناسا وابحاث الفضاء


اما قولك

Quote: عشان كده بنقول إنو القران ليس كتاب علم إجتماع ولا كتاب كيمياء ولا كتاب فيزياء، وهو كتاب للتعبد والتقرب الروحي من الخالق.

ونحنا ذاتنا بنقول كدة ومافي زول قال ليك

تعال اقرا نظرية فيثاغورث في القران

ولا قلنا ليك القرآن فيهو التحليل الكيفي

والجدول الدوري للعناصر

وانت بنفسك يا خالد بحر قبل كدة

استغربت في بوست (لو ما خانتني الذاكرة)

انو ليه السلفيين أغلبية في مجمعات طب وهندسة

أها ديل قروا الفيزياء والكيمياء

من كتب الخواجة الكافر دة

لكن القرآن كان في ايديهم اليمين

ولم يحصل تعارض في ذلك

شفت كلامك غريب كيف؟



شوف كلامك دة يا خالد:

Quote: طيب بذات المنطق ومثلا في الزنا، لا يوجد مجني عليه ولا يوجد جاني، لان الموضوع في الغالب يحدث بالتراضى طيب ياخ مدام الطرفين على رضا المشكلة ومدام مافي طرف من الاطراف خسران بذات منطقك، طيب المشكلة وين ياخ

في حالتك دي عارف المشكلة وين؟

المشكلة في مجتمع الفضيلة يا خالد

الاسلام يريد مجتمع فاضل ومن يرتدع

بالقرآن تردعه الشريعة بالسلطان

وانا احاكمك لي منطقك دة زاتو يا خالد

في اعلى مجتمعات الحرية

هل يسمحون للمراة او الرجل أن يسير

في الطريق عارياً؟

بالطبع لا ... مع انو مافي زول بضرر

بي منطقك زاتو

المهم

بصلي المغرب واجيك صادي

طيب يا خالد

طالما جيت للسعودية

وانا موجود بها منذ 2007 م

اديك مثال واحد يا خالد

انا شايفو بي نفسي

هل تعلم ان وقت الصلاة يذهب صاحب الدكان

للصلاة دون أن يغلق باب المحل؟

اما ان يكتفي بتغطية الواجهة

كدلالة على ان المحل مغلق

او يربط قطعة قماش

معارضة للباب كناية عن اغلاق المحل

والسعودية فيها من هم في مسيس

الحاجة للمال وبالرغم من ذلك

لا تمتد ايديهم للسرقة

تفتكر ليه؟

واديك مشهد تاني:

اي مسجد كبير تلقى قدامو بياعين

عطور ومساويك

وعندما تقام الصلاة

يفرش قطعة فوق الاغراض

ويدخل للصلاة ولا احد يمد يده

تفتكر ليييه؟

واما عن الامان في الطرقات

فحدث ولا حرج يمكنك ان تجوب المملكة

من الشمال للجنوب وبالعكس

دون ان يتعرض لك احد

اين انت من حوادث النهب والقتل

في الدول التي تطبق القونين غير الوحشية

واللابربرية؟


يعني بالله عليك

عاوز تقارن معدل الجرايم

في اي دولة غير السعودية بالسعودية؟؟

Quote: انت بطبيعة الحال تعرف أن السعودية مثلا وهي من الدول التى تطبق شرع الله، بها نسب عالية من الجرائم وظواهر المثلية الجنسية وزنا المحارم...الخ يعني الشريعة لم تنجح في تحصين المجتمع السعودي من تفشي تلك الظواهر التى يعتبرها الدين الاسلامي حرام، والقال ليك منو إنو الردع وحده كافي لتقليل نسبة الاجرام...؟

بعدين انت ما عارف انو الردع من وسائل تقليل الجريمة؟

امال السجن دة شنو؟ اجازة ولا منحة دراسية

ما ياهو وسيلة ردع بتقييد حرية الشخص

ومنعه من ممارسة حياته الطبيعية

وجيت تاااني للإجتزاء الانا قاصدو يا خالد ونكرتو انت

منو القال ليك انو الشريعة دي عقوبات بس؟

يعني ردع بس؟

عشان تقول لي الردع ما كافي؟

وريني وين قوانينك اللاوحشية بتربي ليها زول

زي ما الاسلام بربي الناس

لو الغامدية ما كانت متربية كانت جات للرسول

صلى الله عليه وسلم وقالت ليهو طهّرني يا رسول الله؟

واقول ليها ارجعي لمن تولدي

وهنا كان ممكن ما تجي وما كان في واحد حيرسل امر قبض يجيبها

لكن جات براها ... وتاني قال ليها ارجعي لمن تفطمي الولد

وبرضو كان ممكن تتخارج اي حتة (سنتين ياخ)

تاااني جات براها ... اها وين في القوانين الوضعية

من يتربى على هذا السلوك

الشريعة يا خالد لا تركض خلف الناس

لتقطع ايديهم ولا تجلدهم

بالعكس انت عارف في الشريعة الزول لو زنى

الافضل في راي الفقهاء انو ما يعترف

طالما ربنا سترو ويتوب بينو وبين ربو

المهم اتمنى انك تنظر للشريعة

كقانون حياة متكامل

وليس سوط وسكين