أها إن شاء الله تكون استوعبت الدرس يا حجازي؟

تعال سريع قبل ما أدخل علي بوستاتك..
وريني استفدت شنو؟

تاني لو لقيتك طالق تكتك في المنبر ده بعمل ليك فرش متاع، داير تكتب في المنبر ده بنفس الأدب البتكتب بيهو في سودان الجميع، تكون استوعبت الدرس، وأقعد هناك زيك وزي أي نكرة ؛)
___
وبطل الخفة والكتابة في كل الأمور، تلقى ليك كتاب قديم تفتكر نفسك باحث، تلقى ليك نشرة طبية تجي تعمل فيها مامون حميدة.

Quote: تاني لو لقيتك طالق تكتك في المنبر ده بعمل ليك فرش متاع، داير تكتب في المنبر ده بنفس الأدب البتكتب بيهو في سودان الجميع، تكون استوعبت الدرس، وأقعد هناك زيك وزي أي نكرة ؛) ___ وبطل الخفة والكتابة في كل الأمور، تلقى ليك كتاب قديم تفتكر نفسك باحث، تلقى ليك نشرة طبية تجي تعمل فيها مامون حميدة.

الأخ (المربي) الفاضل ياسر طيفور
شـكرا لك، وشـكراً على هذا البوست
ودمتم ذُخراً لنا وعلى دربكم نسير





____

Quote: تعال سريع

تلقاها عند الغافل ...

النذير النصحية لله أطلق ساقيك للريح قدر ما الله يديك و أمسك فى كلام ود البشرى !

_____________________

أو سكار يا ياسر خليتو كبّ البنزين و أشعل الكبريت ثم قال الروب.

ليون، وهبه وعزاز
أخونا النذير حجازي -أظنه- استوعّب الدرس ؛)
شايفين كيف بقى ماشي في السكة يمد ؛)

Quote: سلام يا الصادق، يا الصادق بالجد بستغرب للحملة ضد المهذب محمد المسلمي الزول دا مهذب شديد وما بتعاور ولا بتهاتر مع الناس لكن الشيء الذي لاحظته في هذا المنبر، الزول لو لقوهو مسيكين بحقروا بيهو - دي غاتو وجهة نظري. أما بخصوص محمد المسلمي عميل لجهاز الأمن، فأنا شخصياً غير مقتنع إنو هنا في سودانيز أون لاين أو غيره في أي منبر يوجد أمنجي، بعني أمنجي شغلو المنبر بس وما عندو شغلة غيرو دي بصراحة ما بتركب رأسي وبعدين يا جماعة محمد المسلمي عمل شنو؟! فقط نقل خبر من موقع سودان سفاري ومعروف إنو موقع سودان سفاري موقع كيزاني ، إنتو موش في المنبر دا بتقولوا مثل سخيف وهو :"ناقل الكفر ليس بكافر؟! ما تيب ناقل كلام الأمنجية ليس بأمنجي. هذه المرافعة عن محمد المسلمي الذي لا أعرفه ولا يعرفني فقط من أجل تهذيبه، وبصراحة أنا في النت بقيت بصنف الناس مهذبين أو قليلين أدب وما بهمني كوز ولا أمنجي ولا معارض للحكومة بقدر تهذيبه.

تاني بتجي المولد مفتح الزرايِّر؟