للكبار فقط: مظاهرات نساء يوغندا ضد التحرش الجنسي..!!!

البوليس اعتذر بصورة رسمية..!

المقاومة حق كل انسان..و ابتداع اشكالها ايضا حق..!!!

كبر

المشكلة إنو في يوغندا العفش في الأندر وير علي مسؤولية صاحبته ونحن عندنا العفش صحبة راكب
وبعد ده بتحصل في أرقي العائلات :)


أبا كبر

كيفنك

حبيب..نورة..حبابك يا صديقي
لكم الفرجة في العفش..
ولنا ابتكار طريقة للمقاومة..!

المفارقة يا حبيب.. البنات ديل لمن البوليس قبض عليهن ..قال ح يحاكمهن بقانون النظام العام (في يوغندا طبعا)..!

اما في السودان فبرضك في عفش و ممكن يكون مؤثر جدا.. اتخيل نساء السودان مرقن الشوارع و كل واحدة كاشفة راسها..!!!
و الرجال مرقوا من غير قمصان (العندو سروال تكة و العندو بنطلون)..!!!

و دمت
كبر

ناس البوليس قالوا الاوفيسر القابض شطور الناشطة طلع مرة زيها
اها لوالكلام دا صاح مش بتكون نفّست قضية الناشطات ديل يا مولانا
ولا بيعتبر تحرش برضك

صديقي ود البشرى ..حبابك
كتر خيرك على المرور..و التساؤل..
التحرش الجنسي يا صديقي بيعتمد على عنصر اساسي و هو ان يكون المتحرش (الفاعل) عندو سلطة على المتحرش به (المفعول به)..
حتى لو كانت امرأة فايضا هو تحرش جنسي (لأنها عندها سلطة على المواطنة المسكينة دي)..
الهبشة جريمة..و كونها حدثت من الأوفيسر دي جريمة تانية..و كون الأمر حدث في مكان عام فدي جريمة تالتة..!

نفس الفعل لو حدث من مواطن تجاه مواطن (انتفى شرط السلطة) ..فهنا الأمر بيكون فعل فاحش..
اما اذا حدث ممن غير المغضوب عليهم ( كالحبيب أو الزوج مثلا).. و في مكان سري (بمعيار السودان) فده عادي..و بمعيار يوغندا اتخيل حتى لو حدث في مكان عام برضك عادي..!
طبعا في السودان اقرب نموذج للفعل الفاحش هو فعل الدقار/الصاجة..(لا حياء في القانون ، أو كما قال)..!

و دمت..
كبر