حكاية سيلفيا الفرنساوية ( المنقبة )

امرأة مسلمة تضع النقاب تقوم بالتسوق في سوبر ماركت في فرنسا

وبعد الانتهاء من التبضع ذهبت الى الصندوق لدفع ماعليها من مستحقات ...

وخلف الصندوق كانت هناك امرأة متبرجة من أصول عربية -

فنظرت الى المنقبة بنظرة استهزاء ثم بدأت تحصي السلع وتقوم بضرب السلع على الطاولة.

لكن الأخت المنقبة لم تحرك ساكنا وكانت هادئة جدا مما زاد تلك العربية غضبا فلم تصبر

وقالت لها وهي تستفزها: لدينا في فرنسا عدة مشاكل وأزمات ونقابك هذا مشكلة من المشاكل..

فنحن هنا للتجارة وليس لعرض الدين أو التاريخ ...

فإذا كنت تريدين ممارسة الدين أو وضع النقاب فاذهبي الى وطنك ومارسي الدين كما تشائين ...

توقفت الأخت المنقبة عن وضع السلع في الحقيبة ونظرت إليها ...

ثم قامت بكشف النقاب عن وجهها وإذ هي شقراء ... زرقاء العينين قائلة :

أنا فرنسية أبا عن جد ... هذا إسلامي وهذا وطني ... أنتم بعتم دينكم ونحن اشتريناه

منقول

تم التعديل وأرجو أن يكون الخط واضحا الآن

محمد جلال سلامات
لمن تضيف Glow علي كتابتك بي تخليها صعبة القراءة علي أمثالنا من العجائز

عموما" من الفهمتو : غلط أي زول يضطهد أي زول بناء علي
عرقه دينه لبسو ... الخ

قلت لي (أحي أنا)!!
غايتو أول مرة أشوف لي مطوع يقول (أحي أنا)!!
أها وكان معاها حركات مصاحبة ولّ كيري ساي؟

هل انحصر الاسلام بين :

Quote: امرأة مسلمة تضع النقاب

و

Quote: امرأة متبرجة من أصول عربية

حتي تقول الفرنسية :

Quote: : أنا فرنسية أبا عن جد ... هذا إسلامي وهذا وطني ... أنتم بعتم دينكم ونحن اشتريناه

كل الاسلام اصبح مجرد وضع نقاب !!!!

وبعدين هل يجوز وصف الاخت المسلمة المنقبة دي للعيان كده وفضحها بــ

Quote: ثم قامت بكشف النقاب عن وجهها وإذ هي شقراء ... زرقاء العينين

ـــــــــــــــــــــــــــــــــــــــــــــــــــــــــــــــــــــــــــــــــ
مشاققة تحت الخط .
واحييييييييييييييي انا يابتاع سيلفيا الفرنساوية

تم التعديل لخاطر عمنا aydaroos

ويا ود الصايم انت تخرص خالص :)

أتاريكا متابع طيب مالك ما ظهرت بيهناك ^____^

يا عمكـ .. أنا من قريت (أحي أنا)
دي لحدي الليلة بضحكـ!!



حيييكم دا وين؟

قصة شبيه جداً بقصص كتاب المطالعة زمان، يعني منجورة من الراس ساكت لتثبيت فكرة ما،

(1)

يا أخي الكريم ما بعرف قصتك شنو مع صور البروفايل دي.. علم اسرائيل ده عمل لينا وجع عيون... كيف واحد سلفي داخل طالع في البورد وهو شايل علم اسرائيل..! دي كتيرة شديد منك...
قبلها طبعا عذبتنا بصورة الضب ..
ما تشوف ليك كباية شاي ولا قهوة ولا سحلب حتى .. ح تكون أجمل صدقني..
هذا من ناحية..

(2)
ومن ناحية تانية: الخبر ما فيه أي أسماء... من وين جبت اسم سيلفيا...؟
بالله عليك لو كنت باستخدام الاسم ده بتعاكس "على أحسن الفروض" في محمد .. بصراحة القصة دي بقت مملة جدا..
وأنا هنا ما بتكلم باسم محمد بل باسمي شخصيا لأنه محمد إمكن رأيه ما زي رأيي ، فرجاءا.. اعرض عن هذا..

(3)
ومن ناحية ثالثة:
انت السلفيين رأيهم شنو في الصور خاصة صور النساء وبصورة أخص المنقبات؟
هل تصويرهم وعرضهم في منتديات النقاش حاجة مقبولة وعادية؟ هل بتقربنا لزمن السلف الصالح أكتر؟
وهل الخبر ده كان ممكن ينزل بدون صورة ويؤدي الغرض؟

(4)
ومن ناحية رابعة:
هسه المنقبة دي - وهي خامة معاها 60 متر عباية وأشياء أخرى - مقتنعة بانه ربنا بقصد كده ب"ادناء الجلابيب" ومن ثم بعدها تتمشى في الأسواق وتتصور وتنزل في الصحف والمجلات ومواقع التواصل الاجتماعي والنقاش؟
طيب ربنا سبحانه وتعالى قال: "يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا" يا أخي الكريم هذه النصيبة التي تلبسها الأخت هي سبب الأذى للنساء المسلمات في دول الغرب وكثير من الدول الأخرى وفرنسا مثالا نموذجيا...معظم الناس من غير المسلمين ممكن يتعرفوا عليَ كمسلمة بمجرد رؤيتهم لحجابي البسيط المتمثل في ايشارب وفستان طويل.. يعني القصة لا ح تجر عليَ أذى وح تعرف عليَ وخلاص...ما بحتاج أتطرف في أي ملبس ولا منظر..
أنا مع حرية اختيار اللبس ... خاصة في موضوع الحجاب... لكن بصراحة التطرف مزعج ومؤذي...

(5)
تم تفريق دم الكلام بين المداخلات لأسباب شخصية... هذا ما لزم توضيحه وشكرا

متابعين يا محمد جلال هذا السرد الشيق .

يا وليد التلب بالله لو تسمح اطلع برا البوست
انت مفروض تتابع البوست دا بخيالك وليس بعقلك
لانو دى رواية رومانسية لسلفيا الفرنساوية
من وراء الحجاب .

اللهم اكثر من السلفاويين في هذا المنبر وقلل من السياسيين والسلفيين
آآآآمييييين .

أعفي لينا يا محمد جلال ياخي لكن ود الصايم و عمر دفع الله ديل
ما بخلو الزول ساكت

Quote: وإذ هي شقراء ... زرقاء العينين

يتطاير شعرها المهفهف حول وجه كالقمر ليلة تمامه.

السلام عليكم يا محمد
عارف القصة دي حصل زيها هنا و أنا شاهد عليها. واحدة مسلمة من السكان الأصليين في كندا (المعروفين عند الناس بالهنود الحمر) كان في مظاهرة ما متذكر موضوعها شنو جا واحد أبيض قال ليها أرجعوا بلدكم. ضحكت و قالت ليه دي بلدنا. طبعا إنطباع إنه المسلمين هم وافدون على دول الغرب دا موجود عند الكثيرين و ما قادرين يستوعبوا وجود مئات الآلاف من المسلمين من أصحاب البلاد الأصليين. يعني الكندي الأبيض دا لو بالغ جده يكون جا كندا دي قبل أقل من تلتمية سنة... دا إذا ما كان هو ولا أبوه هو الهاجر ليها و صاحبتنا المسلمة دي أجدادها عاشوا في الأرض دي آلاف السنين و هم أصحابها الحقيقيون و كونها مسلمة لا يجعلها أجنبية في بلدها.

كتب Abdulrahman Gorashi

Quote: قصة شبيه جداً بقصص كتاب المطالعة زمان، يعني منجورة من الراس ساكت لتثبيت فكرة ما،

مشي بكري مشي
ما تقراها .. ما كاتبنها ليك ذاتو

كتبت rummana

Quote: (1) يا أخي الكريم ما بعرف قصتك شنو مع صور البروفايل دي.. علم اسرائيل ده عمل لينا وجع عيون... كيف واحد سلفي داخل طالع في البورد وهو شايل علم اسرائيل..! دي كتيرة شديد منك...قبلها طبعا عذبتنا بصورة الضب .. ما تشوف ليك كباية شاي ولا قهوة ولا سحلب حتى .. ح تكون أجمل صدقني..

والله أفتكر الصورة الشخصية دي اسمها صورة شخصية
يعني حاجة شخصية خالص وخاصة بصاحبها
وما أفتكر إنو يجوز لزول يتحكم ويقول تخت شنو وما تخت شنو

ومالو علم اسرائيل؟ وهل يا ترى واجعك العلم وللا واجعك انو يتحرق؟
كلمينا بالله عشان نفرز الكيمان
لو علم اسرائيل عامل ليك وجع عيون أنا عامل لي وجع قلب عديل
وبعدين شنو قصة سلفي وعلم اسرائيل ما يخش بيهو
ما فهمت بصراحة العلاقة هل يمكن أن تجودي علينا بشرحها؟؟؟

وشنو كباية شاي وللا سحلب زي العصير الخاتاهو لينا
ولو سمحتي تغيري الصورة دي لأنو العصير ده
بيعمل لي طمام وبقرب أطرش لمن أشوفو لأنو بذكرني دوا القحة
وقع ليك؟

Quote: هذا من ناحية..

الله يعيننا على النواحي والاتجاهات الست .. يا رب العالمين

Quote: (2) ومن ناحية تانية: الخبر ما فيه أي أسماء... من وين جبت اسم سيلفيا...؟ بالله عليك لو كنت باستخدام الاسم ده بتعاكس "على أحسن الفروض" في محمد .. بصراحة القصة دي بقت مملة جدا.. وأنا هنا ما بتكلم باسم محمد بل باسمي شخصيا لأنه محمد إمكن رأيه ما زي رأيي ، فرجاءا.. اعرض عن هذا..

القصة كتبت منقولة ولا أستطيع أن أثبتها أو أنفيها
واختيار اسم سيلفيا ده يسمى في الأدب ( إسقاط )
اخترته لغرض معين لست مطالبا بالإفصاح عنه أو تفسيره
وأما محمد جمال فلو عندك بالله تفويض منه بالحديث باسمه فأبرزيه لنا
لأنو أنا لمن زول يجي يتحشر في حاجة ما بتخصو
ما بتعامل معاهو إلا بالورق الرسمي

محمد جمال اعتذرت له في بوسته المعني عن المخاشنة
وتصافينا واستمر النقاش وحتى قصتو بتاعت سلفيا
قاعد أرجع ليها بين كل حين وآخر وقاعد يتقبل ذلك بنفس راضية
أها بالله عليك ما تصطادي في الماء العكر
وسيد الحق راضي .. شن دخل القاضي؟!

Quote: (3) ومن ناحية ثالثة: انت السلفيين رأيهم شنو في الصور خاصة صور النساء وبصورة أخص المنقبات؟ هل تصويرهم وعرضهم في منتديات النقاش حاجة مقبولة وعادية؟ هل بتقربنا لزمن السلف الصالح أكتر؟ وهل الخبر ده كان ممكن ينزل بدون صورة ويؤدي الغرض؟

( مشي بكري مشي )

Quote: (4) ومن ناحية رابعة: هسه المنقبة دي - وهي خامة معاها 60 متر عباية وأشياء أخرى - مقتنعة بانه ربنا بقصد كده ب"ادناء الجلابيب" ومن ثم بعدها تتمشى في الأسواق وتتصور وتنزل في الصحف والمجلات ومواقع التواصل الاجتماعي والنقاش؟ طيب ربنا سبحانه وتعالى قال: "يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا" يا أخي الكريم هذه النصيبة التي تلبسها الأخت هي سبب الأذى للنساء المسلمات في دول الغرب وكثير من الدول الأخرى وفرنسا مثالا نموذجيا...معظم الناس من غير المسلمين ممكن يتعرفوا عليَ كمسلمة بمجرد رؤيتهم لحجابي البسيط المتمثل في ايشارب وفستان طويل.. يعني القصة لا ح تجر عليَ أذى وح تعرف عليَ وخلاص...ما بحتاج أتطرف في أي ملبس ولا منظر.. أنا مع حرية اختيار اللبس ... خاصة في موضوع الحجاب... لكن بصراحة التطرف مزعج ومؤذي...

بالله عليك لمن علماء الشريعة وفقهاء المذاهب الأربعة يعتبروا رأي rummana أحد أدلة الأحكام
والتي يؤخذ بها في باب الحلال والحرام ، بالله لمن يجي الوكت ده كلمينا
عشان نجي بي دفاترنا وكراساتنا ناخد منك الفقه والفتاوى العصرية في المسائل الأوروبية
حتى ذلك الحين:
( مشي بكري مشي )

Quote: (5) تم تفريق دم الكلام بين المداخلات لأسباب شخصية... هذا ما لزم توضيحه وشكرا

وين الناحية السادسة؟
احنا مش اتفقنا إنو النواحي - الاتجاهات - ست؟

Quote: وشكرا

وعفوا

سلام تاني يا محمد
يا أخوي مالك مسخن كدا؟ اقبلها من أخيك (و لو كنت فظا غليظ القلب لانفضوا من حولك).

شكراً يا العوض

Quote: السلام عليكم يا محمد عارف القصة دي حصل زيها هنا و أنا شاهد عليها. واحدة مسلمة من السكان الأصليين في كندا (المعروفين عند الناس بالهنود الحمر) كان في مظاهرة ما متذكر موضوعها شنو جا واحد أبيض قال ليها أرجعوا بلدكم. ضحكت و قالت ليه دي بلدنا.

أهـــا يا Abdulrahman Gorashi

كتاب المطالعة بتاع الكنديين ده كيف؟!

Quote: كتبت rummana Q (1 Quote: ) يا أخي الكريم ما بعرف قصتك شنو مع صور البروفايل دي.. علم اسرائيل ده عمل لينا وجع عيون... كيف واحد سلفي داخل طالع في البورد وهو شايل علم اسرائيل..! دي كتيرة شديد منك...قبلها طبعا عذبتنا بصورة الضب .. ما تشوف ليك كباية شاي ولا قهوة ولا سحلب حتى .. ح تكون أجمل صدقني.. والله أفتكر الصورة الشخصية دي اسمها صورة شخصية يعني حاجة شخصية خالص وخاصة بصاحبها وما أفتكر إنو يجوز لزول يتحكم ويقول تخت شنو وما تخت شنو ومالو علم اسرائيل؟ وهل يا ترى واجعك العلم وللا واجعك انو يتحرق؟ كلمينا بالله عشان نفرز الكيمان لو علم اسرائيل عامل ليك وجع عيون أنا عامل لي وجع قلب عديل وبعدين شنو قصة سلفي وعلم اسرائيل ما يخش بيهو ما فهمت بصراحة العلاقة هل يمكن أن تجودي علينا بشرحها؟؟؟ وشنو كباية شاي وللا سحلب زي العصير الخاتاهو لينا ولو سمحتي تغيري الصورة دي لأنو العصير ده بيعمل لي طمام وبقرب أطرش لمن أشوفو لأنو بذكرني دوا القحة وقع ليك؟ Quote: Quote: هذا من ناحية.. الله يعيننا على النواحي والاتجاهات الست .. يا رب العالمين Quote: Quote: (2) ومن ناحية تانية: الخبر ما فيه أي أسماء... من وين جبت اسم سيلفيا...؟ بالله عليك لو كنت باستخدام الاسم ده بتعاكس "على أحسن الفروض" في محمد .. بصراحة القصة دي بقت مملة جدا.. وأنا هنا ما بتكلم باسم محمد بل باسمي شخصيا لأنه محمد إمكن رأيه ما زي رأيي ، فرجاءا.. اعرض عن هذا.. القصة كتبت منقولة ولا أستطيع أن أثبتها أو أنفيها واختيار اسم سيلفيا ده يسمى في الأدب ( إسقاط ) اخترته لغرض معين لست مطالبا بالإفصاح عنه أو تفسيره وأما محمد جمال فلو عندك بالله تفويض منه بالحديث باسمه فأبرزيه لنا لأنو أنا لمن زول يجي يتحشر في حاجة ما بتخصو ما بتعامل معاهو إلا بالورق الرسمي محمد جمال اعتذرت له في بوسته المعني عن المخاشنة وتصافينا واستمر النقاش وحتى قصتو بتاعت سلفيا قاعد أرجع ليها بين كل حين وآخر وقاعد يتقبل ذلك بنفس راضية أها بالله عليك ما تصطادي في الماء العكر وسيد الحق راضي .. شن دخل القاضي؟! Quote: Quote: (3) ومن ناحية ثالثة: انت السلفيين رأيهم شنو في الصور خاصة صور النساء وبصورة أخص المنقبات؟ هل تصويرهم وعرضهم في منتديات النقاش حاجة مقبولة وعادية؟ هل بتقربنا لزمن السلف الصالح أكتر؟ وهل الخبر ده كان ممكن ينزل بدون صورة ويؤدي الغرض؟ ( مشي بكري مشي ) Quote: Quote: (4) ومن ناحية رابعة: هسه المنقبة دي - وهي خامة معاها 60 متر عباية وأشياء أخرى - مقتنعة بانه ربنا بقصد كده ب"ادناء الجلابيب" ومن ثم بعدها تتمشى في الأسواق وتتصور وتنزل في الصحف والمجلات ومواقع التواصل الاجتماعي والنقاش؟ طيب ربنا سبحانه وتعالى قال: "يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا" يا أخي الكريم هذه النصيبة التي تلبسها الأخت هي سبب الأذى للنساء المسلمات في دول الغرب وكثير من الدول الأخرى وفرنسا مثالا نموذجيا...معظم الناس من غير المسلمين ممكن يتعرفوا عليَ كمسلمة بمجرد رؤيتهم لحجابي البسيط المتمثل في ايشارب وفستان طويل.. يعني القصة لا ح تجر عليَ أذى وح تعرف عليَ وخلاص...ما بحتاج أتطرف في أي ملبس ولا منظر.. أنا مع حرية اختيار اللبس ... خاصة في موضوع الحجاب... لكن بصراحة التطرف مزعج ومؤذي... بالله عليك لمن علماء الشريعة وفقهاء المذاهب الأربعة يعتبروا رأي rummana أحد أدلة الأحكام والتي يؤخذ بها في باب الحلال والحرام ، بالله لمن يجي الوكت ده كلمينا عشان نجي بي دفاترنا وكراساتنا ناخد منك الفقه والفتاوى العصرية في المسائل الأوروبية حتى ذلك الحين: ( مشي بكري مشي ) Quote: Quote: (5) تم تفريق دم الكلام بين المداخلات لأسباب شخصية... هذا ما لزم توضيحه وشكرا وين الناحية السادسة؟ احنا مش اتفقنا إنو النواحي - الاتجاهات - ست؟ Quote: Quote: وشكرا وعفوا

محمد جلال عبدالله
مشي بكري مشي دي يعني شنو؟

Quote: يا أخوي مالك مسخن كدا؟ اقبلها من أخيك (و لو كنت فظا غليظ القلب لانفضوا من حولك).

الأخ العوض سلامات
ومالو... خليه يفضفض.. هو أنا يهمني..؟!

Quote: احنا مش اتفقنا إنو النواحي - الاتجاهات - ست؟

محمد جلال
ده حصل متين كده ذكرني..!

الأخ العزيز / العوض

Quote: السلام عليكم يا محمد عارف القصة دي حصل زيها هنا و أنا شاهد عليها. واحدة مسلمة من السكان الأصليين في كندا (المعروفين عند الناس بالهنود الحمر) كان في مظاهرة ما متذكر موضوعها شنو جا واحد أبيض قال ليها أرجعوا بلدكم. ضحكت و قالت ليه دي بلدنا. طبعا إنطباع إنه المسلمين هم وافدون على دول الغرب دا موجود عند الكثيرين و ما قادرين يستوعبوا وجود مئات الآلاف من المسلمين من أصحاب البلاد الأصليين. يعني الكندي الأبيض دا لو بالغ جده يكون جا كندا دي قبل أقل من تلتمية سنة... دا إذا ما كان هو ولا أبوه هو الهاجر ليها و صاحبتنا المسلمة دي أجدادها عاشوا في الأرض دي آلاف السنين و هم أصحابها الحقيقيون و كونها مسلمة لا يجعلها أجنبية في بلدها.

جزاك الله خيرا على هذه القصة الجميلة
والتي كانت رمية من غير رام
أقصد أنها جاءت في وقتها لتأييد فكرة البوست دون ترتيب مسبق

Quote: سلام تاني يا محمد يا أخوي مالك مسخن كدا؟ اقبلها من أخيك (و لو كنت فظا غليظ القلب لانفضوا من حولك).

والله يا أخي العوض أقول ليك شنو وللا شنو
ياخي المنبر ده بصراحة عكر مزاجنا
والله قدر ما قلنا نكون فيهو أولاد ناس وقدر ما قلنا نكون محترمين
وقدر ما بلعنا الإهانات وعدينا الإساءات
لكن ده كلو ما جاب لينا غير مزيد من ( الحقارة ) بمعنى الاعتداء

والله الواحد من النبز السمعو هنا
كان بتجيهو نفسيات ويخلي المنبر أياما وليال
لكن في النهاية على ايه؟؟!!
لقينا أسلم طريقة لتفادي الخشونة
أن يبدي الواحد بعض الخشونة
وللأسف بقى الواحد شغال بمنطق زهير بن أبي سلمى:
ومن لم يذد عن حوضه بسلاحه ** يهدم ومن لا يظلم الناس يظلم
فأنا لا أظلم شخصا ولكنني لن أسمح لأحد أن يظلمني
قد لا يكون هو المنطق الأصح ولكنه للأسف هو السائد

شكرا على النصيحة يا شيخ العوض ومقبولة منك والله

Quote: محمد جلال عبدالله مشي بكري مشي دي يعني شنو؟

مشي بكري مشي ده فني صوت
كان بقولوا اسمو في نهاية عالم الرياضة في الإذاعة السودانية
والمقصد: أنا بمشي كلامك

Quote: ((( احنا مش اتفقنا إنو النواحي - الاتجاهات - ست؟ ))) محمد جلال ده حصل متين كده ذكرني..!

هو في الحقيقة نحنا ما اتفقنا وبس
لكن العالم كلو متفق إنو النواحي - الاتجاهات - ست
وهي: اليمين - اليسار - الأمام - الخلف - الأعلى - الأسفل
وأنت ذكرت 5 نواحٍ فقط

ارجعي لكلامي في البداية
انت قلت:

Quote: هذا من ناحية

وأنا قلت:

Quote: الله يعيننا على النواحي والاتجاهات الست

بالمناسبة: ما تحاولي تدققي في كلامي كتير
لأنو معظمو هترشة وخزعبلة ساكت

سلام يا رمانة
والله نصيحتي للأخ محمد لأنه أنا واثق إنه كتابته قوية و عنده حجج قوية يمكن أن يطرح بها وجهة نظره بدون استعداء الناس. شهادتي أن مداخلتك مهذبة جدا و ممكن الواحد يختلف معاك فيها لكن بطريقة تحفظ الود و الاحترام.
شكرا يا محمد على كلامك الطيب و بالجد أنا معجب بكتابتك منذ بداية انضمامك للمنبر. معاك في إنه في ناس بستاهلوا الواحد يديهم العين الحمرا لكن الأغلبية هنا محترمة و تتداخل باحترام و أحسن الواحد ما يخلي الآخرين هم اليحددوا ليه سلوكه البتعامل بيه مع الناس... ولا شنو؟

أبو عبدالله/ نتلاقي في اللوكاندة

الجو بي غادي أحسن

Quote: أبو عبدالله/ نتلاقي في اللوكاندة الجو بي غادي أحسن

علم وينفذ يا جنرال ^______________^

أخونا الحبيب المحترم/ العوض

Quote: سلام يا رمانة والله نصيحتي للأخ محمد لأنه أنا واثق إنه كتابته قوية و عنده حجج قوية يمكن أن يطرح بها وجهة نظره بدون استعداء الناس. شهادتي أن مداخلتك مهذبة جدا و ممكن الواحد يختلف معاك فيها لكن بطريقة تحفظ الود و الاحترام. شكرا يا محمد على كلامك الطيب و بالجد أنا معجب بكتابتك منذ بداية انضمامك للمنبر. معاك في إنه في ناس بستاهلوا الواحد يديهم العين الحمرا لكن الأغلبية هنا محترمة و تتداخل باحترام و أحسن الواحد ما يخلي الآخرين هم اليحددوا ليه سلوكه البتعامل بيه مع الناس... ولا شنو؟

والله أقول ليك شنو ياخي
أول شي أشكرك على رأيك الجميل في أدائي المتواضع
وده من طيبك وكرمك والله
لأني أنا نص الكلام القاعد أطرحو هترشة ساكت ^___^

وأنت والله أخ حبيب ومحترم عندي وأنا معجب بكتاباتك
وبطروحاتك من قبل الانضمام للمنبر
وإذا أحب أحدكم أخاه فليعلمه: وإني أحبك في الله تعالى

أها نرجع لي موضوع المخاشنة والملاسنة ده
تعرف يا شيخ العوض انا في كلام كنت قلتو قبل فترة
للأخت rummana دي نفسها في بوست لطه جعفر
وكانت برضو مستغربة من مخاشنتي لطه جعفر
وكانت شايفاها لا مبرر لها

فوضحت ليها إنو القصة دي بتكون نتيجة لمخاشنة في بوست تاني
فمرات انت تستغرب من مخاشنتي وتشوفها غير مبررة
وتشوف إنو الرد الذي (خـُوشِنَ ) رد مهذب ومحترم ولا عجاج عليه
في حين إنو تكون في تراكمات في كذا بوست
وتكون انت ما شفتها لكن يكون البوست الشفتو ده
هو القشة التي قصمت ظهر البعير

شكرا لك مرة أخرى أخي العوض
والنصيحة على العين والراس

شكرا ليك يا محمد و أحبك الله الذي أحببتني له. نسأل الله أن يظلنا في ظله يوم لا ظل إلا ظله.

Quote: كتب Abdulrahman Gorashi Quote: قصة شبيه جداً بقصص كتاب المطالعة زمان، يعني منجورة من الراس ساكت لتثبيت فكرة ما، مشي بكري مشي ما تقراها .. ما كاتبنها ليك ذاتو

الاخ محمد جلال الدين ،

ياخي مالو نفسك حار كدة، خت الرحمن في قلبك يازول واستغفر ربك،

مادام انت نفسك ما عندك مصدر لتلك الرواية فإنها مطالعة بي النسبة لي ولا تختلف كثيرا عن قصص الكشكول وآمل وبدر،
لا أتدخل في كيف يلبس الغير فتلك حرية شخصية للبشر ولكن اشك في الرواية نفسها، رواية لا سند ولا متن لها، كقصص السلف عندما يأتون بروايات اقرب الي الأساطير عند حبهم للصحابي هذا او للخليفة ذاك،

Quote: الاخ محمد جلال الدين ، ياخي مالو نفسك حار كدة، خت الرحمن في قلبك يازول واستغفر ربك، مادام انت نفسك ما عندك مصدر لتلك الرواية فإنها مطالعة بي النسبة لي ولا تختلف كثيرا عن قصص الكشكول وآمل وبدر، لا أتدخل في كيف يلبس الغير فتلك حرية شخصية للبشر ولكن اشك في الرواية نفسها، رواية لا سند ولا متن لها، كقصص السلف عندما يأتون بروايات اقرب الي الأساطير عند حبهم للصحابي هذا او للخليفة ذاك،

أخونا Abdulrahman Gorashi

قبل مطالبتك لمحمد بأي شيء... انت ما قريت كلامك المستفز الفوق ده

ما قريت تقييمك إياه وقولك بطريقة مستفزة

Quote: قصة شبيه جداً بقصص كتاب المطالعة زمان، يعني منجورة من الراس ساكت لتثبيت فكرة ما،

أهــا،، رايك شنو في كلام العوض ده؟!

برضو منجور، وداير يثبت بيهو فكرة محددة؟!!

Quote: السلام عليكم يا محمد عارف القصة دي حصل زيها هنا و أنا شاهد عليها. واحدة مسلمة من السكان الأصليين في كندا (المعروفين عند الناس بالهنود الحمر) كان في مظاهرة ما متذكر موضوعها شنو جا واحد أبيض قال ليها أرجعوا بلدكم. ضحكت و قالت ليه دي بلدنا.

Quote: أها نرجع لي موضوع المخاشنة والملاسنة ده تعرف يا شيخ العوض انا في كلام كنت قلتو قبل فترة للأخت rummana دي نفسها في بوست لطه جعفر وكانت برضو مستغربة من مخاشنتي لطه جعفر وكانت شايفاها لا مبرر لها فوضحت ليها إنو القصة دي بتكون نتيجة لمخاشنة في بوست تاني فمرات انت تستغرب من مخاشنتي وتشوفها غير مبررة وتشوف إنو الرد الذي (خـُوشِنَ ) رد مهذب ومحترم ولا عجاج عليه في حين إنو تكون في تراكمات في كذا بوست وتكون انت ما شفتها لكن يكون البوست الشفتو ده هو القشة التي قصمت ظهر البعير

سلام تاني محمد جلال
والأخ العوض
طيب عشان يكون الكلام مؤسس إيه رأيك يا محمد جلال تجيب الرابط/الروابط لاسباب التراكمات دي
مع العلم إنه ما فيش أي حاجة تبرر إنفعالك لا فيا ولا في حد غيري ..
كونك تكون انسان منفعل دي مشكلتك انت لا أنا ولا غيري مفروض علينا نستحملها ليك..
نحن هنا بنتناقش بس..
لو حاسس بأنك ما حتقدر تضبط أعصابك وترد بنفس الطريقة "المحترمة" ما ترد .. ده ما فرض وقته بروح

وبالمناسبة طالما أنا هنا ... عصير شنو البختوا ليه شمعة تسخنه؟ .. بديهي يعني يكون بيطمم البطن..!

سلام للأخت رمانة و الأخ محمد... يبدو إنه في سوء فهم معين... رأيكم شنو تفتحوا صفحة حوار جديدة و اعتبروني أنا الغلطان عليكم الاتنين و أقبلوا اعتذاري لأنه والله لو فتحتوا موضوع القتباسات دا ما بنتهي و أسألوني أنا.

أها ...

لامن كشفت الحجاب عن عيون زرقاء وشعر اشقر ...

كان في موسيقى تصويرية؟

والله تشهّي الواحد انو يدي مخو اجازة ويبقى سلفي ...

بالله جيب لينا الفيديو بتاع المرا البقت داعية في السجن قبل القصاص ...

وما تنسى الموسيقى التصويرية ...



... المهم ....

Quote: واختيار اسم سيلفيا ده يسمى في الأدب ( إسقاط ) اخترته لغرض معين لست مطالبا بالإفصاح عنه أو تفسيره

دي ما شافها ود الصايم لانو لو شافها انا متاكد كان حا يقول :
احي انا .
بالنسبة للقصة بصراحة هي فعلا تشبه قصص المطالعة ... وناقصة موسيقى تصويرية لكن برضو والله مجهود مانحرم الوهابية حقهم.

(إسقاط) دي عندها علاقة بى:

أحي انا يا بتاع سيلفيا؟

ألحق يا عمك ... قالوا حكم (الإسقاط) عند المالكية التحريم ... والمشهور عند العلماء انه مباح مع الكراهة ....







... المهم ....

أخونا Abdulrahman Gorashi

أستغفر الله وأتوب إليه وأعوذ بالله من الشيطان الرجيم
معليش يعني لكن انت برضو دخلتك كانت بايخة شوية
لاحظ إنو أنا ناقل القصة قلت لا أستطيع أن أثبتها أو أنفيها
لكن انت جنبلغ كده طوالي حكمت إنها منجورة .. فتأمل!

كدي بالله ما أديتنا رايك في هذه القصة التي ذكرها أخونا العوض
والتي نجرها بنفسه - عفوا - شهدها بنفسه

Quote: عارف القصة دي حصل زيها هنا و أنا شاهد عليها. واحدة مسلمة من السكان الأصليين في كندا (المعروفين عند الناس بالهنود الحمر) كان في مظاهرة ما متذكر موضوعها شنو جا واحد أبيض قال ليها أرجعوا بلدكم. ضحكت و قالت ليه دي بلدنا.

حبيبنا شيخ العوض و rummana

أبشركم إني لا أريد وليس عندي وقت للخوض في اقتباسات ومطاولات
والموضوع عندي منتهٍ تماما

تبارك + Osama Mohammed

(مـَشِّيْ بكري مـَشِّيْ )

ولد دا ...

ولو بكري ما مشّى ... حا يحصل شنو؟

تتاااااااااا .... كشلو ...


(قلنا نتبرع ليكم انت وصاحبك بكري بى موسيقى تصويرية من تأليفي وألحاني!)

طيب انا اديك قصة ... في سوداني قال انو عبدالله بن ابي السرح عنصري ... اعدموه رجمًا ودفنوه في مقابر الكفار ... قبل أن يبتعد المشيعين رأوا نارًا تشتعل من القبر ... سبحان الله ...

تم ترارارم .. تم تم ...



... المهم ....

طبارك: you have no subject
ودي اعتبرها ترجمة حرفية وللا رندوق وللا أي حاجة
شكلك ضارب البتاع داك
معليش ليس عليك حرج
----------

للناس الواعين يا جماعة:
طبارك ده قال لمن يجي يكتب في المنبر
قاعد يضرب قزازة كونياك وقبلها بكون ضارب سجارة بنقو
لذلك لا أحفل به كثيرا



التعديل: لإضافة حرف واحد

Quote: عصير شنو البختوا ليه شمعة تسخنه؟ .. بديهي يعني يكون بيطمم البطن..!

والله علم الله واسع .. كل شي جائز في الدنيا دي
ما عندي معرفة بأنواع العصائر والكوكتيلات .. لكن علم الله واسع
في عصير ببردوهو وفي عصير بسخنوهو
هسي الشربوت ده عصير وللا ما عصير؟
بسخنوهو وللا ما بسخنوهو؟؟
طيب شنو العرفني إنو ده ما نوع جديد من الشربوتات في مرحلة التسخين
كل شيء جائز على مذهب العجائز

بعدما شفت وسمعت إنو بياكلوا مخ القرد وهو حي
يختوا راسو في تربيزة تمسك الراس وينجروا الراس بي فوق
والقرد يفرفر بي تحت والزول - المتوحش - ياكل المخ بي فوق
وبعدما شفت إنو في ناس بياكلوا الصراصير والجعارين
وفي شعوب بيشربوا دم الأفاعي
بقيت ما بستغرب في أي نوع من الأطعمة والأشربة
وبرضو كل شي جائز في مذهب العجايز




بالمناسبة:
من وأنا صغير لا أشرب الشربوت ولا أطيق طعمه وليس ذلك لأسباب دينية




التعديل: لبعض الكلمات

Quote: للناس الواعين يا جماعة: طبارك ده قال لمن يجي يكتب في المنبر قاعد يضرب قزازة كونياك وقبلها بكون ضارب سجارة بنقو لذلك لا أحفل به كثيرا

أمّا انك واحد كذّاب ...

... يا زول الكذب حرام عدييييل ... قزازة؟ وسجارة بنقو؟

انا قبل كدا وعدت دكتور عارف الركابي انو لامن اكون شارب أو قاعد اشرب بقول ...

ولا زلت عند كلمتي - باقي الكذب حرام - لو كنت شارب أو قاعد اشرب كان قلت ...

لاكين قزازة؟ انت قايلني لسة فوقي مروة قزازة ... حي الله كاسين وبنوم زي البتيخة ...

بعدين قصة سجارة بنقو دي كذب صراح ...

بعدين انا اجيب ليك قصة فيها موعظة عن مصير شاتمي الصحابة عليهم رضوان الله ... تدخل في كذب شخصي ما عندو معنى ليه؟ السلفيين ديل مشهورين بى انو طفولتهم ما بريئة ... حصل جبنا صحيفة زول هنا؟

اقترحنا ليك موسيقى تصويرية ... لو ما عجبتك احكى "بدون" ... بس من غير كذب وقلة أدب ...

لأنو لو ما اثبتت كذبك دا - وما حا تقدر - حا أسميك "الكذوب" لغاية ما تعتذر وتسحبو ... وباقى حسابك معاي بالدرب ...

دا لا موضوع هزار ... لا موضوع جهاد ... دا كذب ما حايجر ليك غير الندامة ... واستشير اخوانك السلفيين ...



... المهم ....

يا شباب ما نراه من سودانيز من الناس هو رايهم
ردوا علي الآراء و خليكم من الشخصي

حتي لو كلام الزول ما عجبك لو رديت بما تراه من أفكار
بصورة مهذبة حا تكون جردتو من حججو

Quote: سلام للأخت رمانة و الأخ محمد... يبدو إنه في سوء فهم معين... رأيكم شنو تفتحوا صفحة حوار جديدة و اعتبروني أنا الغلطان عليكم الاتنين و أقبلوا اعتذاري لأنه والله لو فتحتوا موضوع القتباسات دا ما بنتهي و أسألوني أنا.

الأخ العوض السلام والاحترام
يا أخي الكريم افتعال المشاكل خاصة في البورد ليس من هواياتي.. اساسا المتعة فيه شنو؟؟
كلامي موجود في البوست ورد الاخ محمد جلال موجود والقاريء في امكانه يقرأ الاتنين ويرى ما يراه
وأنا لو كنت عايزة أرد على الكلام المكتوب كان رديت علي طول..
اقله كنت حأقول إنه ده إعتداء لفظي عليا عشان أنا "حرمة" .. ماهو في ناس سخروا من البوست وما كتب ليهم حتى "مشي بكري مشي"...
واكثره كنت حارد على كل سطر كتبه لأنه عندي عليه تعليق..

لكن معليش مع احترامي ليك، كونه يجي يضرب شوية رصاص في الهوا عشان يوحي للما عارف إني في مرات سابقة الله أعلم كم هيَا تسببت في خلق تراكمات استدعت هياجه.. ده غير عادل..
وما طلبت اقتباسات، طلبت لنك ... ماهو ما حيلقى لنكات بالكوم تداخلت فيها معاه عشان يجيب البوستات هنا... عشان الما عارف يعرف أسباب التراكمات دي شنو... وما يحكم على كتابتي في البورد بكلام أطلق بدون أساس..
وأنا والله بقدر على الخشونة إن استدعى الأمر... وحدي فيها احترامي لنفسي وللكلمة البكتبها هنا... يعني مش يفتكر الأخ محمد جلال إني "بتهرش ليه"...
أنا بس شايفة الموضوع ما عنده معنى وسـ خيف .. وضياع للزمن ...
وزي ما شايف كده "بشرنا" بأنه "ما عنده وقت للمطاولات" .... لو كان في موضوع أساسا كان اتحمس ليه...
ومعاك ألف حق... الأنسان هو البختار يخلق العداءات لمَا يجهل فن التعامل مع الآخرين .. خاصة لما يكونوا آخرين ما بعرفهم ولا شافهم ولا ح يشوفهم كمان ... ولما يسيب انفعالاته تحكم عقله ومنطقه..
أنا بالتأكيد ما كنت حأعلق تاني في الموضوع ده لأني بفتكر قلت رأي وانتهى ... بس لا.. لازم كان محمد جلال يجي يغطي على انفعاله بشوية "عجاجة" زيادة..
وأنا تاني حأعلق على مداخلاته إذا مر علي شيء كتبه وكان عندي تعليق بيستاهل يتقال.. يعني مش يفتكر إنه كده خلاص بشوية بلطجة ح يمنعني من التعليق والكلام ..بس برضو ما حأعمله لي اهتمام شخصي زي ما البعض بعمل كده ورا تارات قديمة...
شكرا ليك على النصيحة..

ويا محمد جلال عبد الله.. الكوكتيلات والشربوت واي تعامل وحشي مع خلق الله اسأل عنهم الناس البعرفوهم.. الواضح من مداخلتك إنك بتفهم فيهم أكثر مني ..
حد علمي إنه مافي عصير بيعتبر مشروب ساخن ...
واسلوبك بتاع الاشارات ده اسلوب فيه قلة احترام بتذكر الواحد بالكلام الصادق بتاع "كل إناء بما فيه ينضح.." بس ما حتشوفوا مني باذن الله لانه ده مش إنائي أنا..

كتب تبارك:

Quote: أمّا انك واحد كذّاب ... ... يا زول الكذب حرام عدييييل ... قزازة؟ وسجارة بنقو؟ انا قبل كدا وعدت دكتور عارف الركابي انو لامن اكون شارب أو قاعد اشرب بقول ... ولا زلت عند كلمتي - باقي الكذب حرام - لو كنت شارب أو قاعد اشرب كان قلت ... لاكين قزازة؟ انت قايلني لسة فوقي مروة قزازة ... حي الله كاسين وبنوم زي البتيخة ... بعدين قصة سجارة بنقو دي كذب صراح ... بعدين انا اجيب ليك قصة فيها موعظة عن مصير شاتمي الصحابة عليهم رضوان الله ... تدخل في كذب شخصي ما عندو معنى ليه؟ السلفيين ديل مشهورين بى انو طفولتهم ما بريئة ... حصل جبنا صحيفة زول هنا؟ اقترحنا ليك موسيقى تصويرية ... لو ما عجبتك احكى "بدون" ... بس من غير كذب وقلة أدب ... لأنو لو ما اثبتت كذبك دا - وما حا تقدر - حا أسميك "الكذوب" لغاية ما تعتذر وتسحبو ... وباقى حسابك معاي بالدرب ... دا لا موضوع هزار ... لا موضوع جهاد ... دا كذب ما حايجر ليك غير الندامة ... واستشير اخوانك السلفيين ...

يا زول هوووووووي انت بتهرش في منو؟
أنا كتبت ما كتبت وأنا أعتقد أن ما أقوله حق
وليس من عادتي أن أكذب ولست كبيرا على الحق
عندي كبشرة في البيت سأرجع إليها عندما أعود
إن كان كلامي حقا سأثبته
وإن كان خطأ سأسحبه

وأكرر: كتبت ما كتبت وأنا أعتقد أني محق فيما قلت
حتى يثبت العكس عندما أرجع للبيت بإذن الله
وما عندي حاجة داسيها ولا خايف منها
ومافي حاجة بتهددني بيها ولو داير مشاكل فالمشاكل يا حبابا

وبالله عليك يا تبارك .. أختاني
لافي وراي في كل البوستات وعامل فيها ظريف ودمك خفيف
ومرة في بوست قلت إنو أنا يا اما أهبل ( أو غبي ) يا إما غواصة للسلفيين
فرجاء أختاني

أهو زي الهبل البتعمل فيهو ده
هو البطلع الزول من طورو ويخليهو يفلت ما يكره من القول
لست جادا ولم أعلم عنك محبة أو توقيرا للصحابة حتى أنظر فيما تقوله
كثير مما تكتبه أمر عليه دون قراءة لأني أعلم الغثاء الذي داخله


التعديل: لإضافة اقتباس

كتبت rummana

Quote: واسلوبك بتاع الاشارات ده اسلوب فيه قلة احترام

شوفي يا أختي كلامي الكتبته ده وإن كان لم يرضك
لكن ليس لي من ورائه أي إشارات أخرى سواء محترمة أو غير محترمة
وممكن أحلف على كلامي ده وإن كنت لا أرى معنى لذلك طالما الثقة أصلا غير متوفرة

كان بإمكاني أن أتجاهل كلامك كله جملة وتفصيلا كما عزمت
ولكن الحتة دي بالذات ما ممكن أفوتها
لأنو لمن امرأة تصفني بأني برسل إشارات فيها قلة احترام
فيجب علي أن أتوقف عند هذه النقطة وأتساءل:
أين وما هي هذه الإشارات .. رجاء بينيها لي ولا تلق الكلام على عواهنه هكذا

شوفي أقول ليك كلام: أي رجل في البورد ده ممكن أنزل معاهو لأدنى مستوى
لكن امرأة لا يمكن أن أسيء إليها بأي إيحاء
قد أرد عليها بخشونة قد أغلظ عليها بالكلام .. لكن إساءة شخصية لا وألف لا
وقبل ذلك إحداهن قامت بشتمي الشتيمة الوااااضحة ولم أرد عليها
لأن هذا فقط يخالف مبادئي

اعتذار وتوضيح
بناء على كلامي أدناه:

Quote: طبارك: you have no subject ودي اعتبرها ترجمة حرفية وللا رندوق وللا أي حاجة شكلك ضارب البتاع داك معليش ليس عليك حرج ---------- للناس الواعين يا جماعة: طبارك ده قال لمن يجي يكتب في المنبر قاعد يضرب قزازة كونياك وقبلها بكون ضارب سجارة بنقو لذلك لا أحفل به كثيرا

وبعد الرجوع إلى المنزل وتفتيش ملفاتي كما وعدت
فلم أجد الصورة المكبشرة التي بنيت عليها كلامي
ولعلي قد وهمت واختلط علي الأمر في غمرة غضبي على تبارك
وبما أن الزميل تبارك قد نفى عن نفسه هذا الكلام بقوله:

Quote: انا قبل كدا وعدت دكتور عارف الركابي انو لامن اكون شارب أو قاعد اشرب بقول ... ولا زلت عند كلمتي

فإنني أعلن سحبي لكلامي الذي قلته واعتذاري عنه
ولا أجد في ذلك حرجا البتة فالحق أكبر من الجميع
ويعلم الله أنني عندما قلت الكلام كنت معتقدا إياه أنه صحيح
والآن عندما بان خطأي تراجعت عنه

وألتمس من الزميل تبارك أمام الأشهاد أن لا يلاحقني في البوستات
وألا يثير غضبي أو استفزازي بأي طريقة
وأن يتعامل معي كأنني غير موجود في المنبر

وأستغفر الله تعالى أولا وأخيرا

الاخ محمد جلال الدين كتر الف خيرك لهذا الاعتذار الجميل للأخ تبارك واتمنى من الاخ تبارك ان يتقبل هذا الاعتذار الجميل وعفا الله عما سلف،
قد نختلف ولكن لا لعداء،

الاخ تبارك عليك الله تأتي ماتباري الاخ محمد دا في بوستاتو، ودا طبعا طلب من اخوك.

Quote: فإنني أعلن سحبي لكلامي الذي قلته واعتذاري عنه ولا أجد في ذلك حرجا البتة فالحق أكبر من الجميع ويعلم الله أنني عندما قلت الكلام كنت معتقدا إياه أنه صحيح والآن عندما بان خطأي تراجعت عنه وألتمس من الزميل تبارك أمام الأشهاد أن لا يلاحقني في البوستات وألا يثير غضبي أو استفزازي بأي طريقة وأن يتعامل معي كأنني غير موجود في المنبر وأستغفر الله تعالى أولا وأخيرا

لا حول ولا قوة إلا بالله ... يا زول انا ما زعلان عشان تعتذر ليّ ... طلبت منك اعتذار ساكت كدى قايلك حا تصر على الغلط زي دينق ... إن سحبت كلامك كتر خيرك ... وان اصريت عليهو عفو الله والرسول ... لاكين اعتذارك دا خجلني من نفسي خجل شديد خلاس ... يا اخي انا الآسف كونو ضغطت عليك بالطريقة الما كريمة دي ...

بس النقول ليك النصيحة وما تزعل ... انا حربي الدينية وجهادي ضد الفكر السلفي ما بخليهو ... بس الليلة عرفنا مقامك الكريم ... ولكل مقام مقال ... وان شاء الله نقلل اللغة الجارحة ونخاطبك مخاطبة الفكر والعقل ...

وكتر ألف خيرك وليك اجزل الشكر على الأسلوب الإنساني الراقي ... ووجودك في المنبر صار لافتًا لنظري في الحقيقة ...




... المهم ....

صديقنا السلفى ابوحميد
ياخى ما تجى تتم لينا قصة سلفيا الفرنساوية ...

Quote: في سوداني قال انو عبدالله بن ابي السرح عنصري

غايتو عنصرية عبدالله بن ابي السرح دى ما سمعنا بيها
لكن كونه كان تاجر رقيق فدى قريناها في كتب التاريخ .

بعض المطايبات الكتيرة دي والرضى الذكوري ده كله نفسي اقول حاجة لكن غالبني التعبير ...!
باختصار .. ربنا يديم المحبة..

Quote: لاكين اعتذارك دا خجلني من نفسي خجل شديد خلاس ... يا اخي انا الآسف كونو ضغطت عليك بالطريقة الما كريمة دي ...

الزميل تبارك شيخ الدين جبريل
شكرا جزيلا على قبولك الاعتذار
ومافي مشكلة حصل خير

وما دام القصة كلها بقت تصافي وتعافي
والزول والله داير ينوم مرتاح
أنا أيضا أعتذر
للأخ الكريم/ Abdulrahman Gorashi عن أي مخاشنة أو تعدٍ
وللأخت الكريمة rummana أيضا شديد أسفي واعتذاري
وعارف نفسي أثقلت عليك، فالمعذرة والسماح

والله ياخواننا الشدة دي والكلام الكعب ما من طبعنا
لكن أهو نقول شنو المنبر ده للأسف أكسبنا الطباع دي
ربنا يعيننا على أنفسنا

أها باقي زول تاني ما اعتذرنا ليهو؟
أنا غايتو في زول كده داير أعتذر ليهو
داير أخليهو هو وضميرو
داير أعتذر اعتذار شديد لأخونا الكاريكاتيرست عمر دفع الله
لكن أعتذر ليهو من شنو يا ربي!!!!

أيواااا داير أعتذر ليهو من البوست المشى فتحوا باسم السلفيين داك
وصورهم فيهو بطريقة كاريكاتورية وقولهم كلام ما قالوهو
أها يا عمر دفع الله عميق اعتذاري وأسفي عن الكاريكاتير الرسمتو فينا ده
وإن شاء الله تاني ما نعمل ولا نقول حاجة تخليك ترسمنا بسببها كاريكاتوريا
وبعتذر ليك وبعتذر للقراء برضو عن أي معلومة مغلوطة حتوصلها للناس برسومك
واعفى مننا وعافين منك